ເພື່ອການພັດທະນາແບບຍືນຍົງຂອງອາຊຽນ

ເພື່ອການພັດທະນາແບບຍືນຍົງຂອງອາຊຽນ

ປະຊາຄົມ ອາຊຽນມີຄວາມສະໜິດຕິດພັນ ແລະ ພັດທະນາຈຶ່ງສາມາດຮັບມືກັບບັນດາປັດໄຈກະທົບຈາກພາຍນອກ ແລະ ກົງກັນຂ້າມໃຫ້ມີປະສິດທິຜົນ, ເປັນເຈົ້າການໃນການຮັບມືຈະຊ່ວຍໃຫ້ອາຊຽນສະໜິດຕິດພັນຢ່າງແໜ້ນແຟ້ນ, ຈາກນັ້ນຈະເພີ່ມທະວີກຳລັງແຮງສັງລວມຂຶ້ນ. ຫົວຂໍ້ນີ້ມີລັກສະນະສືບທອດ ຈາກບັນດາຫົວຂໍ້ຂອງ ອາຊຽນ ໃນປີ 2019 ແມ່ນ ເພີ່ມທະວີຄູ່ຮ່ວມມືເພື່ອການພັດທະນາແບບຍືນຍົງ ແລະ ປີ 2018 ແມ່ນ ສ້າງຄວາມເຂັ້ມແຂງດ້ວຍຕົນເອງ ແລະ ປະດິດຄິດສ້າງ.

ມຸ່ງໄປສູ່ເປົ້າໝາຍປະຕິບັດວິໄສທັດ ອາຊຽນ ຮອດປີ 2025 ໃຫ້ເປັນປະກົດຜົນເປັນຈິງ, ປະຊາຄົມອາຊຽນ ສືບຕໍ່ສະໜິດຕິດພັນ, ຢັ້ງຢືນບົດບາດເປັນໃຈກາງໃນບັນດາວິວັດການສ້າງພາກພື້ນເພື່ອສັນຕິພາບ, ຄວາມໝັ້ນຄົງ, ສະຖຽນລະພາບ ແລະ ພັດທະນາຢູ່ອາຊີຕາເວັນອອກສ່ຽງໃຕ້, ມີສຽງເວົ້າສໍາຄັນໃນໂຄງສ້າງຂອງພາກພື້ນທີ່ພວມສ້າງເປັນຮູບເປັນຮ່າງ ແລະ ໃນຫຼາຍບັນຫາສາກົນທີ່ສໍາຄັນ. ເພື່ອຄົງຕົວ ແລະ ຮັບມືກັບບັນດາການຜັນແປຢ່າງສັບສົນຂອງສະພາບການໃນພາກພື້ນ ແລະ ສາກົນ ຢ່າງມີປະສິດທິຜົນ, ອາຊຽນຕ້ອງຮັກສາກຸ່ມກ້ອນສາມັກຄີຢ່າງໝັ້ນຄົງເຂັ້ມແຂງ, ມີຄວາມເປັນເອກະພາບ, ຍົກສູງຄວາມສາມາດໃນການສ້າງຄວາມເຂັ້ມແຂງດ້ວຍຕົນເອງກ່ຽວກັບດ້ານເສດຖະກິດ, ຄວາມສາມາດໃນການເປັນເຈົ້າການຮັບມື ແລະ ມີໄຫວພິບຕໍ່ບັນດາສິ່ງທ້າທາຍທີ່ເກີດຂຶ້ນແບບບັງເອີນ, ເພີ່ມທະວີລັກສະນະປະດິດຄິດສ້າງ, ເປັນເຈົ້າການ, ມີການຜັນປ່ຽນ, ບືນຕົວຂຶ້ນເພື່ອໃຫ້ມີຄວາມເຂັ້ມແຂງກ່ວາ, ມຸ່ງໄປສູ່ທາງໜ້າ.

ວັນທີ 01 ມັງກອນ 2020 ແມ່ນຈຸດເວລາຫວຽດນາມ ຮັບດຳລົງຕຳແໜ່ງປະທານອາຊຽນ 2020 ຢ່າງເປັນທາງການ. ທັງດຳລົງຕຳແໜ່ງປະທານອາຊຽນ 2020, ທັງດຳລົງຕຳແໜ່ງກຳມະການບໍ່ປະຈຳການສະພາຄວາມໝັ້ນຄົງສະຫະປະຊາຊາດ ອາຍຸການ 2020 – 2021, ຫວຽດນາມ ມີກາລະໂອກາດຫຼາຍຢ່າງເພື່ອສະແດງໃຫ້ເຫັນທີ່ຕັ້ງຢູ່ພາກພື້ນ ແລະ ບົນເວທີສາກົນ. ການເລືອກເອົາຫົວຂໍ້ສຳລັບປີອາຊຽນ 2020 ແມ່ນ “ຄວາມສະໜິດຕິດພັນ ແລະ ເປັນເຈົ້າການຮັບມື”, ຫວຽດນາມ ປາດຖະໜາຢາກຢືນຢັນຄວາມສາມັກຄີທີ່ມີຄວາມໝາຍຕັດສິນສຳລັບຄວາມໝັ້ນຄົງຂອງອາຊຽນ.

ຫວຽດນາມ ເຊື່ອໝັ້ນວ່າຈະປະຕິບັດສຳເລັດໜ້າທີ່ສຳຄັນໃນການເປັນປະທານ 2020, ປະກອບສ່ວນສ້າງອາຊຽນ ມີຄວາມສະໜິດຕິດພັນ ແລະ ເປັນເຈົ້າການຮັບມື, ປະກອບສ່ວນຫັນວິໄສທັດປະຊາຄົມອາຊຽນ 2025 ໃຫ້ປະກົດຜົນເປັນຈິງ. ຫວຽດນາມ ກໍ່ຫວັງວ່າ, ດ້ວຍບົດບາດເປັນປະທານອາຊຽນ 2020 ຈະຊຸກຍູ້ການພົວພັນສະໜິດຕິດພັນລະຫວ່າງອົງການຈັດຕັ້ງຢູ່ພາກພື້ນກັບທົ່ວໂລກ ຜ່ານການດຳລົງຕຳແໜ່ງກຳມະການບໍ່ປະຈຳການສະພາຄວາມໝັ້ນຄົງສະຫະປະຊາຊາດ, ຜ່ານນັ້ນ ກໍ່ຍົກສູງທີ່ຕັ້ງຂອງອາຊຽນ ພ້ອມທັງສືບຕໍ່ຢືນຢັນບົດບາດໃຈກາງຂອງອາຊຽນ ຢູ່ພາກພື້ນ ແລະ ສາກົນ.

（ໄຊພອນ）