ໃນຕອນເຊົ້າວັນທີ 22 ທັນວາ, ຢູ່ຮ່າໂນ້ຍ, ທ່ານນາຍົກລັດຖະມົນຕີ ຫວຽດນາມ ຫງວຽນຊັວນຟຸກ ໄດ້ສະແດງຄວາມຊົມເຊີຍຄະນະນັກກິລາ ຫວຽດນາມ ກ່ຽວກັບບັນດາຜົນງານດີເດັ່ນທີ່ບັນລຸໄດ້ໃນ Sea Games ຄັ້ງທີ 30.
ທ່ານນາຍົກລັດຖະມົນຕີ ເນັ້ນໜັກວ່າ ນີ້ແມ່ນ Sea Games ຄັ້ງປະຫວັດສາດເປັນໜ້າຈົດຈຳທີ່ສຸດຂອງຄະນະນັກກິລາ ແລະ ຢັ້ງຢືນວ່າ ບັນດາຫຼຽນໄຊທັງໝົດເຊິ່ງແຕ່ລະໝູ່ຄະນະ, ສ່ວນບຸກຄົນບັນລຸໄດ້ລ້ວນແຕ່ເປັນໜ້າເຄົາລົບ, ລ້ວນແຕ່ແມ່ນ ຢາດເຫື່ອ ແລະ ກຳລັງແຮງຂອງທຸກຄົນ. ທ່ານກ່າວວ່າ ມີກິລາບາງປະເພດຫາກໍ່ພັດທະນາຢູ່ ຫວຽດນາມ ແຕ່ກໍ່ສາມາດບັນລຸໄດ້ໝາກຜົນດີເດັ່ນ. ມີຫຼາຍແບບຢ່າງ, ເຖິງວ່າ ຮ່າງກາຍໄດ້ຮັບບາດເຈັບກໍ່ຕາມແຕ່ກໍ່ບໍ່ຍອມແພ້. ບັນດາຮູບພາບດັ່ງກ່າວໄດ້ສ້າງຄວາມຕື້ນຕັນໃຈເປັນຢ່າງຍິ່ງ.
 |
ທ່ານນາຍົກລັດຖະມົນຕີ ຫວຽດນາມ ຫງວຽນຊວັນຟຸກ ມອບຂອງຂວັນໃຫ້ແກ່ຄະນະນັກກິລາ ຫວຽດນາມ
(ພາບ: VGP)
ທ່ານນາຍົກລັດຖະມົນຕີ ເນັ້ນໜັກວ່າ, Sea Games ຄັ້ງນີ້ ແມ່ນເປັນໜ້າຈົດຈຳ, ນຳມາເຊິ່ງ ຄວາມເອກອ້າງທະນົງໃຈໃຫ້ແກ່ປະເທດຊາດ, ສ້າງບັນຍາກາດເບີກບານມ່ວນຊື່ນ ໃນໝູ່ປະຊາຊົນ. ທີ່ການພົບປະ, ທ່ານນາຍົກລັດຖະມົນຕີ ຫງວຽນຊວນຟຸກ ໄດ້ມອບຫຼຽນໄຊແຮງງານຊັ້ນໜຶ່ງ ໃຫ້ 2 ສະຫະພັນກິລາຫວຽດນາມໃນ Sea Games 30 ແລະ "ນັກກິລາຍິງດີເດັ່ນຂອງ Sea Games 30" ຫງວຽນທິແອງວຽນ; ຫຼຽນໄຊແຮງງານຊັ້ນ II ໃຫ້ທີມບານເຕະຊາຍ U22, ທິມບານເຕະຍິງ, ຫົວໜ້າຄູຝຶກທີມບານເຕະຍິງທ່ານ ມາຍດຶກຈູ່ງ.
 |
ທ່ານນາຍົກລັດຖະມົນຕີ ຫງວຽນຊວນຟຸກ ໄດ້ມອບຫຼຽນໄຊແຮງງານຊັ້ນໜຶ່ງ ໃຫ້ ນັກກິລາຍິງດີເດັ່ນຂອງ Sea Games 30 ຫງວຽນທິແອງວຽນ. (ພາບ: thethaovanhoa.vn)
ນີ້ກໍ່ແມ່ນງານມະຫະກຳກິລາ Sea Games ທີ່ເປັນຄັ້ງທຳອິດ, ກິລາຫວຽດນາມໄດ້ປະສົບຄວາມສຳເລັດທີ່ມະຫັດສະຈັນຫຼາຍຢ່າງເຊັ່ນ: ເອົາຊະນະໄທ, ເປັນອັນດັບ 2 ໃນຕາຕະລາງ Sea Games; ໄດ້ຮັບຫຼຽນຄຳເປັນຄັ້ງທຳອິດໃນບານເຕະຊາຍ; ຍາດໄດ້ 2 ຫຼຽນຄຳປັນຄັ້ງທຳອິດ ສຳລັບບານເຕະຊາຍ ແລະ ຍິງ; ຄັ້ງທຳອິດມີຫຼຽນຄຳໃນເຕັນນິດ; ເປັນຄັ້ງທຳອິດທີ່ມີ 2 ຫລຽນທອງແດງໃນບານບ້ວງ...
（ຄຳຮຸ່ງ）
