ຫົວຂໍ້ລວມຂອງກອງປະຊຸມປະຈຳປີ AALCO ຄັ້ງທີ 58 ແມ່ນ “ລັດທິຫຼາຍຝ່າຍ ແລະຄວາມເປັນລະບຽບຮຽບຮ້ອຍສາກົນບົນພື້ນຖານກົດໝາຍສາກົນ”. ທີ່ກອງປະຊຸມຄັ້ງນີ້, ບັນດາປະເທດສະມາຊິກພ້ອມກັບແຂກຖືກເຊີນແມ່ນບັນດານັກຊ່ຽວຊານ, ນັກຮຽນຮູ້ກົດໝາຍສາກົນໄດ້ປຶກສາຫາລືບັນດາຫົວຂໍ້ເຊິ່ງໂລກ ແລະບັນດາປະເທດອາຊີ-ອາຟຣິກາ ພວມສົນໃຈ, ລວມມີ: ກົດໝາຍວ່າດ້ວຍທະເລ, ຄວາມເສລີໃນການເດີນທະເລຢູ່ບັນດາເຂດທະເລສາກົນ, ຊ່ອງແຄບທະເລສາກົນ; ຂຸດຄົ້ນສິນໃນນ້ຳຢ່າງຜິດກົດໝາຍ, ແກ້ໄຂບັນດາການຂັດແຍ້ງໂດຍສັນຕິວິທີ; ກົດໝາຍສາກົນໃນເຄືອຂ່າຍອິນເຕີແນັດ; ກົດໝາຍວ່າດ້ວຍການຄ້າ ແລະການລົງທຶນສາກົນ... ບັນດາປະເທດລ້ວນແຕ່ຢັ້ງຢືນຈະເຄົາລົບ ແລະຍົກສູງບັນດາຫຼັກການຂອງກົດໝານສາກົນ, ຖືນີ້ແມ່ນພື້ນຖານເພື່ອແກ້ໄຂບັນດາສິ່ງທ້າທາຍໃໝ່ທີ່ຫາກໍ່ເກີດຂຶ້ນ ແລະຊຸກຍູ້ລັດທິຫຼາຍຝ່າຍ, ຄວາມເປັນລະບຽບຮຽບຮ້ອຍໂລກອີງຕາມລະບຽບກົດໝາຍ.
| ||
| ຄະນະຫວຽດນາມ ໄດ້ເຂົ້າຮ່ວມແລະກ່າວຄຳເຫັນທີ່ກອງປະຊຸມຕ່າງໆ. ພາບ: dangcongsan.vn. |
ຄະນະຫວຽດນາມ ໄດ້ເຂົ້າຮ່ວມ ແລະກ່າວຄຳເຫັນທີ່ກອງປະຊຸມຕ່າງໆ ສະແດງໃຫ້ເຫັນຈິດໃຈເປັນເຈົ້າການ, ມີຄວາມຮັບຜິດຊອບ ແລະກໍ່ສ້າງ. ໃນບັນດາບົດກ່າວຄຳເຫັນ, ຄະນະຫວຽດນາມລ້ວນແຕ່ຢັ້ງຢືນຄວາມສຳຄັນຂອງກົດໝາຍສາກົນ, ສະເໜີແກ້ໄຂບັນດາການຂັດແຍ້ງກັນ, ໃນນັ້ນມີການຂັດແຍ້ງກັນຢູ່ທະເລຕາເວັນອອກໂດຍສັນຕິວິທີ, ລະງັບໃຈບໍ່ດຳເນີນບັນດາການກະທຳຕາມລຳພັງຝ່າຍດຽວເຮັດໃຫ້ສະພາບການສັບສົນຂຶ້ນຕື່ມ, ນາບຂູ່ເຖິງສັນຕິພາບ ແລະສະຖຽນລະພາບໃນພາກພື້ນກໍ່ຄືສາກົນ. ຫວຽດນາມ ໄດ້ ແລະພວມປະກອບສ່ວນຢ່າງຕັ້ງໜ້າທີ່ບັນດາເວທີປາໄສຫຼາຍຝ່າຍເວົ້າລວມ, ພິເສດແມ່ນໃນໄລຍະຈະມາເຖິງຫວຽດນາມ ດຳລົງຕຳແໜ່ງກຳມະການບໍ່ປະຈຳການສະພາຄວາມໝັ້ນຄົງສະຫະປະຊາຊາດ ອາຍຸການ 2020-2021 ແລະປະທານອາຊຽນ ປີ 2020.
（ແຫຼ່ງຂໍ້ມູນ： la.qdnd.vn）
