 |
9 ເດືອນຕົ້ນປີ 2019 ຫວຽດນາມດຶງດູດ FDI ບັນລຸໄດ້ກ່ວາ 26 ຕື້ USD.(ພາບປະກອບ)
ການດຶງດູດເງິນລົງທຶນຈາກຕ່າງປະເທດ (FDI), ຫວຽດນາມ ດຶງດູດໄດ້ 2.759 ໂຄງການໄດ້ຮັບໃບອະນຸຍາດໃໝ່ ດ້ວຍຈຳນວນທຶນຈົດທະບຽນບັນລຸໄດ້ເກືອບ 11 ຕື້ USD, ເພີ່ມຂຶ້ນກ່ວາ 26% ຈຳນວນໂຄງການ. ຄຽງຄູ່ກັນນັ້ນ, ມີກ່ວາ 1000 ໂຄງການທີ່ໄດ້ຮັບໃບອະນຸຍາດແຕ່ປີກາຍແລ້ວ ແລະ ໄດ້ຈົດທະບຽນດັດປັບເງິນລົງທຶນ ດ້ວຍຈຳນວນທຶນຂຶ້ນເຕີມບັນລຸໄດ້ 4,7 ຕື້ USD. ບັນດານັກລົງທຶນຕ່າງປະເທດໄດ້ລົງທຶນເຂົ້າ 19 ຂົງເຂດ, ຂະແໜງຄື, ໃນນັ້ນການລົງທຶນສຸມໃສ່ຫຼາຍທີ່ສຸດແມ່ນຂົງເຂດ ອຸດສາຫະກຳ ການປຸງແຕ່ງ, ປະດິດສ້າງ ດ້ວຍຍອດເງິນລົງທຶນບັນລຸໄດ້ກ່ວາ 18 ຕື້ USD, ກວມເອົາ 69% ຍອດທຶນຈົດທະບຽນ. ຕາມຄູ່ຮ່ວມມືລົງທຶນແລ້ວ, ໄດ້ມີ 109 ປະເທດ ແລະ ເຂດແຄ້ວນ ມີໂຄງການລົງທຶນຢູ່ ຫວຽດນາມ.
ເຖິງແມ່ນວ່າ ຂະແໜງການ ສົ່ງອອກສິນຂອງ ຫວຽດນາມຢຸດຈຶ້ງ ແຕ່ເສດຖະກິດ ຫວຽດນາມ ໄດ້ຈະເລີນເຕີບໃຫຍ່ຂຶ້ນ ຍ້ອນຄວາມຕ້ອງການ ພາຍໃນ ເພີ່ມຂຶ້ນ ແລະ ແຫລ່ງການລົງທຶນ ໂດຍກົງຈາກຕ່າງປະເທດ ສືບຕໍ່ຂະຫຍາຍຕົວ ຢ່າງຕໍ່ເນື່ອງ. ຊ່ຽວຊານທະນາຄານ ພັດທະນາອາຊີ (ADB) ໄດ້ປະກາດ ໃນບົດລາຍງານ ເສດຖະກິດ ປະຈຳປີຂອງ ADB ຢູ່ນະຄອນ ຫລວງຮ່າໂນ້ຍ ເມື່ອວັນທີ 25 ເດືອນກັນຍາ ໂດຍຄາດວ່າ ເສດຖະກິດຫວຽດນາມ ຈະສືບຕໍ່ຂະຫຍາຍຕົວ ຢ່າງແຂງແຮງໃນປີ 2019 ແລະ 2020 ໃນລະດັບ 6,8% ແລະ 6,7% ພາຍຫລັງ ບຸກທະລຸ ດ້ວຍອັດ ຕາ 7,1% ໃນປີກາຍນີ້. ບົດລາຍງານ ຄວາມຫວັງການ ພັດທະນາອາຊີ (ADO) ໃນປີ 2019 ລະບຸວ່າ ADB ໄດ້ເອົາໃຈໃສ່ຢ່າງຕັ້ງໜ້າ ເຖິງແມ່ນວ່າ ການຈະເລີນເຕີບໃຫຍ່ ລວມຍອດຜະລິດ ຕະພັນພາຍໃນ ຫລຸດລົງໃນໄລຍະ 6 ເດືອນຕົ້ນປີນີ້ ແຕ່ຫວຽດນາມ ຍັງສືບຕໍ່ຮັກສາ ລະດັບການຈະເລີນເຕີບໃຫຍ່ ແບບຍືນຍົງໃນປີນີ້ ແລະ ປິໜ້າ ເຖິງແມ່ນວ່າ ສະພາບແວດລ້ອມ ພາຍນອກໄດ້ຊຸດໂຊມ. ຄາດວ່າ ອັດຕາເງິນເຟິ້ ໄດ້ປັບ ຫລຸດລົງຈາກ 3,5% ໃຫ້ເຫລືອ 3,0% ໃນປີ 2019 ແລະ ຈາກ 3,8% ຫລຸດລົງເຫລືອ 3,5% ໃນປີ 2020.
 |
ພາບປະກອບ
ຂະນະດຽວກັນນັ້ນ, ແຫລ່ງການລົງທຶນ ຈາກຕ່າງປະເທດ(FDI) ລວມມີ 9,1 ຕື້ໂດລາສະຫະລັດ, ເພີ່ມຂຶ້ນ 8,1% ໃນໄລຍະ6 ເດືອນຕົ້ນປິ, ເທ່ົ່າກັບ 8,4% ຂອງGDP. ການລົງທຶນ ໄປຕ່າງປະເທດ ໂດຍທັງອ້ອມຂອງ ບັນດາວິສາຫະກິດ ໄດ້ມີການປັບປຸງ ແລະ ສ້າງຄວາມເຊື່ອໝັ້ນ ເພີ່ມຂຶ້ນສອງເທົ່າເທື່ອ ໃນໄລຍະ 6 ເດືອນຕົ້ນປີ ເມື່ອທຽບໃສ່ໄລຍະ ດຽວກັນໃນປີກາຍນີ້ ບັນລຸ 8,1 ຕື້ໂດລາສະຫະລັດ. ນອກນັ້ນ, ADB ລະບຸວ່າ ການລົງນາມສັນຍາການຄ້າເສລີ ກັບ ສະຫະພັນ ເອີຣົບ ເມື່ອບໍ່ດົນ ມານີ້ ແລະ ສັນຍາຄູ່ຮ່ວມມື ຢ່າງຮອບດ້ານ ແລະ ຄວາມຄືບໜ້າຜ່ານປາຊີຟິກ ຄາດວ່າ ຈະເປີດກວ້າງ ຄວາມອາດສາມາດ ໃນການເຂົ້າ ເຖິງຕະຫລາດ ກ່ຽວກັບການ ເຄື່ອນໄຫວການຄ້າ ແລະ ການລົງທຶນ ຂະໜາດໃຫຍ່ຂຶ້ນຕື່ມ. ການປ່ຽນແປງ ກົດໝາຍການລົງທຶນ ພາກລັດ ເມື່ອບໍ່ດົນມານີ ຈະຊ່ວຍປັບປຸງ ການເຄື່ອນໄຫວ ການລົງທຶນພາກລັດ ດ້ວຍການຊຸກຍູ້ ຂະບວນການຕ່າງໆ, ການປະ ກອບເອ ກະສານ ແບບງ່າຍດາຍ, ສ້າງເງື່ອນໄຂຕ່າງໆ ເພື່ອອະນຸມັດ ແຫລ່ງທຶນພາກລັດ ໃຫ້ວ່ອງໄວຂຶ້ນຕື່ມ.
（ໄຊພອນ）
