 |
ພາບປະກອບ
ວັນທີ 11 ເດືອນກັນຍາ, ສະພາບຄວາມເຄັ່ງຕືງ ການຄ້າລະຫວ່າງ ສ.ອາເມລິກາ-ຈີນ ແລະ ບັນຫາຄົງຄ້າງ ໃນການຖອນຕົວ ອອກຈາກສະຫະພັນ ເອີຣົບ ຂອງອັງກິດ ຫລື ເບຣັກຊິດ ອາດຈະເລັ່ງໃຫ້ ບັນດາປະເທດ ສົ່ງອອກນ້ຳມັນ (OPEC) ແລະ ບັນດາປະເທດ ພັນທະມິດ ສືບຕໍ່ຮັກສາ ຫລື ດັດແກ້ນະໂຍບາຍ ການຫລຸດຜ່ອນປະລິມານ ການຜະລິດນ້ຳມັນ. OPEC ໄດ້ປັບຫລຸດ ຄວາມຕ້ອງການ ນ້ຳມັນໂລກໃນປີ 2020 ເນື່ອງຈາກ ການຈະເລີນເຕີບໃຫຍ່ ຂອງເສດຖະກິດໂລກ ມີທ່າອຽງຫລຸດລົງ, ພ້ອມກັນນັ້ນ ໄດ້ເລັ່ງໃຫ້ບັນດາປະເທດຜະລິດນ້ຳມັນສືບຕໍ່ ຄວາມພະຍາຍາມ ໃນການສະ ກັດກັ້ນ ສະພາບການສະໜອງ ທ່ີເກີນຄວາມຕ້ອງການ. ບົດລາຍງານປະຈຳເດືອນ ຂອງ OPEC ລະບຸວ່າ ຄວາມຕ້ອງການໃນໂລກ ຈະເພີ່ມຂຶ້ນ 1,08 ລ້ານຖັງຕໍ່ວັນ, ຫລຸດລົງໜ້ອຍກວ່າ 60.000 ຖັງຕໍ່ວັນ ເມື່ອ ທຽບໃສ່ ຕົວເລກທ່ີກຳນົດໄວ້, ຂະນະທ່ີ ນ້ຳມັນໃນຕະຫລາດມືດ ຈະຕົກຢູ່ໃນສະພາບສ່ວນເກີນ.
ນອກນັ້ນ, OPEC ຍັງປັບຫລຸດ ການຈະເລີນເຕີບໃຫຍ່ ຂອງເສດຖະກິດໂລກ ໃນປີ 2020 ຈາກຕົວເລກ 3,2% ໃຫ້ ຫລຸດລົງ ເຫລືອ 3,1%, ອົງການນີ້ລະບຸວ່າ ຄວາມຕ້ອງການ ເພີ່ມຂຶ້ນໃນປີ 2020 ຈະບໍ່ໂດດເດັ່ນ ເນື່ອງຈາກ ແຫລ່ງສະໜອງນ້ຳມັນ ຈາກບັນດາປະເທດ ຜະລິດໄດ້ຈະເລີນເຕີບໃຫຍ່ຂຶ້ນ ຢ່າງແຂງແຮງ ເປັນຕົ້ນ ສ.ອາເມລິກາ. ບົດລາຍງານລະບຸວ່າ ສິ່ງດັ່ງກ່າວ ສະແດງໃຫ້ເຫັນວ່າ ບັນດາປະເທດ ຜະລິດນ້ຳມັນ ຕ້ອງມີຄວາມຮັບຜີດຊອບຮ່ວມກັນ ໃນການສະໜັບສະໜູນ ຄວາມໝັ້ນຄົງ ຂອງຕະຫລາດນ້ຳມັນ ເພື່ອຫລີກລ້ຽງ ການປ່ຽນແປງ ທ່ີບໍ່ເພີ່ງປາຖະໜາ ແລະ ຄວາມອາດສາມາດ ຂອງຕະຫລາດຕົກ ຢູ່ໃນຄວາມສ່ຽງ ເສຍຄວາມສົມດຸນ. ປະລິມານ ການຜະລິດນ້ຳມັນ ໃນກຸ່ມນີ້ເມື່ອເດືອນ 8/2019 ໄດ້ເພີ່ມ 136.000 ຖັງຕໍ່ວັນ, ບັນລຸລະດັບ 29,74 ລ້ານຖັງຕໍ່ວັນ, ເປັນຄັ້ງທຳອິດໃນປີນີ້ີ້.ນອກນັ້ນ, ບົດລາຍງານ ຍັງລະບຸວ່າ ຖ້າ OPEC ສືບຕໍ່ຮັກສາ ປະລິມານດັ່ງກ່າວ ແລະ ປັດໄຈຕ່າງໆ ບໍ່ມີການປ່ຽນແປງ, ແຫລ່ງສະໜອງ ໃນຕະຫລາດ ນ້ຳມັນ ຈະຖືກເຫລືອ 340.000 ຖັງຕໍ່ວັນ ໃນປີ 2020, ສູງກວ່າລະດັບສ່ວນເກີນ ທ່ີກຳນົດໄວ້ ໃນບົດລາຍງານ ເດືອນຜ່ານມາ.
ເມື່ອບໍ່ດົນມານນີ້, ຄະນະກຳມະການ ພິຈາລະນາຮ່ວມ ລະດັບລັດຖະມົນຕີ (JMMC) ໂດຍແມ່ນ ສະຫະພັນບັນດາ ຜູ້ຜະລິດ ນ້ຳມັນພາຍໃນ ແລະ ນອກກຸ່ມ ອົງການບັນດາ ປະເທດສົ່ງອອກນ້ຳມັນ (OPEC) ສ້າງຕັ້ງຂຶ້ນ. ຄາດວ່າ ຈະປຶກສາຫາລື ກ່ຽວກັບເປົ້າໝາຍໃໝ່ ໃນຂໍ້ຕົກລົງການຫລຸດຜ່ອນ ປະລິມານ ຂອງບັນດາ ປະເທດດັ່ງກ່າວ ໃນວັນທີ 12 ເດືອນກັນຍານີ້. ເຖິງຢ່າງໃດກໍຕາມ, ເຈົ້າໜ້າທ່ີກວດກາ ລະບຸວ່າ ອາດເປັນໄປຍາກເພື່ອໃຫ້ JMMC ຫລຸດຜ່ອນປະລິມານ ການຜະລິດ ນ້ຳມັນຂຶ້ນຕື່ມ. ການຢືນຢັນດັ່ງກ່າວ ຈະມີຄວາມຫຍຸ້ງຍາກ ໃນການປັບປຸງ ລາຄານ້ຳມັນດິບ ທ່ີຫລຸດລົງ ຈາກສົງຄາມການຄ້າ ລະຫວ່າງ ສ.ອາເມລິກາ ແລະ ຈີນ.
ກຸ່ມ 14 ປະເທດຜູ້ສົ່ງອອກນ້ຳມັນ (ໂອເປັກ) ແລະ ນອກກຸ່ມ ໂອເປັກ 10 ປະເທດ ນຳໂດຍ ຣັດເຊຍ ລວມເປັນ ໂອເປັກບວກ 24 ປະເທດ ຈະຈັດກອງປະຊຸມຄະນະກຳມະການ ສັງເກດການ ລະດັບລັດຖະມົນຕີຮ່ວມ ທີ່ນະຄອນຫລວງ ອາບູດາບີ ຂອງສະຫະນະຄອນ ເອເມເຣັດ ອາຣັບ ໃນວັນທີ 12 ກັນຍາປີນີ້ ເພື່ອປຶກສາຫາລື ກ່ຽວກັບ ການປັບຫລຸດ ກຳລັງການຜະລິດລົງອີກ ຫລັງຈາກ ມີການປັບຫລຸດລົງ ວັນລະ 1,2 ລ້ານຖັງ ເມື່ອເດືອນທັນວາ ປີກາຍນີ້ ເນື່ອງຈາກ ຄວາມຕ້ອງການນ້ຳມັນ ໃນຕະຫລາດໂລກ ຍັງຄົງຫລຸດລົງ ຢ່າງຕໍ່ເນື່ອງ ແລະ ຂະຫຍາຍຂໍ້ຕົກລົງ ຫລຸດກຳລັງ ການຜະລິດ ອອກໄປອີກ 9 ເດືອນ ເຊິ່ງປັດໄຈຫລັກ ໄດ້ຮັບຜົນກະທົບຈາກ ສົງຄາມການຄ້າ ລະຫວ່າງ ຈີນ-ສ.ອາເມລິກາ ເຮັດໃຫ້ເສດຖະກິດໂລກ ບໍ່ຂະຫຍາຍຕົວ ຕາມເປົ້າໝາຍ ທີ່ກຳນົດໄວ້.
（ໄຊພອນ）
