 |
ພາບປະກອບ
ໄລ່ຮອດທ້າຍເດືອນມີຖຸນາ ມີກວ່າ 1.700 ໂຄງການ ໄດ້ຮັບຫນັງສືອະນຸຍາດລົງທຶນໃຫມ່, ດ້ວຍຈຳນວນທຶນຈົດທະບຽນບັນລຸກວ່າ 7,4 ຕຶ້ USD. ຂະແຫນງອຸດສາຫະກຳ ແລະ ປຸງແຕ່ງ, ປະດິດສ້າງຍັງຄົງແມ່ນຂົງເຂດດຶງດູດ FDI ຫລາຍສຸດ ດ້ວຍທຶນກວມເອົາກວ່າ 73% ຍອດທຶນຈົດທະບຽນໃຫມ່, ແມ່ນກຳລັງຫນູນຂອງການເຕີບໂຕເສດຖະກິດຫວຽດນາມ. ນັກທ່ອງທ່ຽວຕ່າງປະເທດມາຫວຽດນາມ ບັນລຸເກືອບ 8,5 ລ້ານເທື່ອຄົນ, ເພີ່ມຂຶ້ນ 7,5%.
ໃນໄລຍະ 6 ເດືອນຕົ້ນປີ, ຫວຽດນາມ ໄດ້ນຳເຂົ້າປະເພດເຫລັກຕ່າງໆ ຈາກຕ່າງປະເທດດ້ວຍມູນຄ່າ 4,97 ຕື້ໂດລາສະຫະລັດ, ເພີ່ມຂຶ້ນ 7,2% ແລະ 0,8% ທາງດ້ານມູນຄ່າເມື່ອທຽບໃສ່ ໄລຍະດຽວກັນໃນປີກາຍນີ້ ໂດຍສະເພາະ ຈີນກວມເອົາ 42,4% ແລະ 39,7% ຂອງຍອດມູນຄ່າການນຳເຂົ້າເຫລັກໃນທົ່ວປະເທດ.
 |
ພາບປະກອບ
ສ່ວນຕະຫລາດ ສ.ເກົາຫລີ ຈັດເປັນອັນດັບ 2 ກວມເອົາ 11,5% ແລະ ຍີ່ປຸ່ນ ອັນດັບ 3 ກວມເອົາອັດຕາສ່ວນ 14% ຂອງຍອດປະລິມານ ແລະ ມູນຄ່າ. ຕາມບົດລາຍງານຂອງສະຖາບັນຄົ້ນຄ້ວາເສດຖະກິດ ແລະ ນະໂຍບາຍ ແລ້ວ, ຂົງເຂດບໍລິການບັນລຸການເຕີບໂຕຢູ່ໃນລະດັບ 6,69 %, ການຂາຍຍົກ, ຂາຍຍ່ອຍ ບັນລຸ 8,09%, ສືບຕໍ່ປະກອບສ່ວນສຳຄັນເຂົ້າໃນການເຕີບໂຕລວມຂອງຂະແຫນງເສດຖະກິດ ຫວຽດນາມ. ວົງເງິນສົ່ງອອກໃນໄຕມາດ 2 ບັນລຸເກືອບ 123 ຕື້ USD, ເພີ່ມຂຶ້ນ 7,3% ເມື່ອທຽບໃສ່ໄລຍະດຽວກັນຂອງປີກາຍ.
ເມື່ອຄາດຄະເນສະພາບເສດຖະກິດໃນ 6 ເດືອນຕໍ່ໄປ, ສູນຂໍ້ມູນ ແລະ ຄາດຄະເນເສດຖະກິດ-ສັງຄົມແຫ່ງຊາດ ຖືວ່າເລື່ອງລັດຖະບານສືບຕໍ່ສຸມໃສ່ປັບປຸງສະພາບແວດລ້ອມແຫ່ງການລົງທຶນກໍ່ຄືສວຍໃຊ້ກາລະໂອກາດຂອງການເຊື່ອມໂຍງເຂົ້າກັບສາກົນຈະແມ່ນປັດໄຈສໍາຄັນຊຸກຍູ້ພື້ນຖານເສດຖະກິດຫວຽດນາມ. ຄາດຄະເນລະດັບການເຕີບໂຕດ້ານເສດຖະກິດປີ 2019 ຢູ່ໃນລະດັບ 6,86%, ລື່ນກາຍຄາດໝາຍແຜນການພັດທະນາເສດຖະກິດ-ສັງຄົມ ປີ 2019 (6,6-6,8%); ຄາດຄະເນວ່າ CPI ຈະເພີ່ມຂຶ້ນ 3,13%.
（ໄຊພອນ）
