 |
ພາບປະກອບ
ທີ່ກອງປະຊຸມ, ທ່ານນາຍົກລັດຖະມົນຕີຫວຽດນາມ ຫງວຽນຊວນຟຸກ ໄດ້ເນັ້ນໜັກວ່າໃນສະພາບການເສດຖະກິດທົ່ວໂລກ ແລະ ພາກພື້ນຫຼຸດລົງ, ການແກ່ງແຍ້ງດ້ານການຄ້າກໍາລັງເກີດຂຶ້ນຢ່າງສັບສົນ, ບັນດາກະຊວງ, ຂະແໜງການ ຄວນເປັນເຈົ້າການ, ມີບັນດາບາດກ້າວເດີນ, ວິທີເຮັດທີ່ແທດຈິງ, ສອດຄ່ອງເພື່ອຊຸກຍູ້ພັດທະນາການຜະລິດພາຍໃນປະເທດ, ສ້າງວຽກເຮັດງານທໍາ; ພ້ອມທັງຮັກສາເສດຖະກິດມະຫາພາກໃຫ້ມີຄວາມໝັ້ນຄົງ, ສືບຕໍ່ທ່າເຕີບໂຕ, ພັດທະນາແບບຍືນຍົງ; ໃນນັ້ນຕ້ອງເອົາໃຈໃສ່ຮັບປະກັນຄວາມກົມກຽວໃນການພົວພັນການຄ້າກັບບັນດາຄູ່ຮ່ວມມື, ໂດຍສະເພາະແມ່ນ ຄື: ອາເມລິກາ, ຈີນ, ອາຊຽນ, ຍີ່ປຸ່ນ, ສ.ເກົາຫຼີ... ບົນຫຼັກການສະເໝີພາບ ແລະ ຕ່າງຝ່າຍຕ່າງມີຜົນປະໂຫຍດ ແລະ ອື່ນໆ.
ໃນໄລຍະຍາວ, ທ່ານນາຍົກລັດຖະມົນຕີຫວຽດນາມ ຫງວຽນຊວນຟຸກ ຊີ້ນໍາໃຫ້ບັນດາກະຊວງ, ຂະແໜງການກ່ຽວຂ້ອງສ້າງບັນດານະໂຍບາຍ, ກອບລະບອບລະບຽບການ, ປັບປຸງບັນດາເນື້ອໃນເຊິ່ງບັນດາຄູ່ຮ່ວມມືມີຄວາມສົນໃຈໃຫ້ສົມບູນແບບຄື: ການຄ້າ, ເງິນຕາ, ການເງິນ-ທະນາຄານ, ເຕັກໂນໂລຢີຂໍ້ມູນຂ່າວສານ, ຄວາມປອດໄພທາງເຄືອຂ່າຍອິນເຕີເນັດ... ບົນທັດສະນະຮອບດ້ານ, ຍືນຍົງ; ຊຸກຍູ້ການພົວພັນຮ່ວມມືໃຫ້ນັບມື້ນັບມີປະສິດທິຜົນ, ຕ່າງຝ່າຍຕ່າງມີຜົນປະໂຫຍດ ແລະ ປະຕິບັດບັນດາຂໍ້ກໍານົດຂອງກົດໝາຍຫວຽດນາມ ແລະ ຮັບປະກັນບັນດາມາດຕະການສາກົນທີ່ທັນສະໄໝ, ບັນດາຄໍາໝັ້ນສັນຍາສາກົນ ເຊິ່ງຫວຽດນາມ ເຂົ້າຮ່ວມ.
ເມື່ອມໍ່ໆມານີ້, ຢູ່ຮ່າໂນ້ຍ ສສ ຫວຽດນາມ, ໄດ້ດຳເນີນພິທີເລີ່ມປະຕິບັດໂຄງການສ້າງຄວາມສະດວກດ້ານການຄ້າໂດຍອົງການພັດທະນາສາກົນ ອາເມລິກາ (USAID) ອຸປະຖຳ. ໂຄງການໄດ້ໜູນຊ່ວຍເຕັກນິກໃນການສ້າງຄວາມສະດວກດ້ານການຄ້າເຊິ່ງໄດ້ຮັບການໃຫ້ສັດຕະຍາບັນ ຈາກລັດຖະບານ ແລະ ມອບໝາຍໃຫ້ກະຊວງການເງິນເປັນອົງການຮັບຜິດຊອບດ້ວຍຍອດເງິນອຸປະຖຳກ່ວາ 21 ລ້ານ USD. ໂຄງການຈະໄດ້ປະຕິບັດພາຍໃນ 5 ປີ ດ້ວຍເປົ້າໝາຍລວມແມ່ນປະຕິຮູບ ແລະ ຫັນບັນດາລະບຽບການບໍລິຫານເປັນມາດຕະຖານ, ກົມກ່ຽວ ແລະ ງ່າຍດາຍໃນຂົງເຂດນຳເຂົ້າ - ສົ່ງອອກ, ເໝາະສົມກັບບັນດາມາດຕະການສາກົນເພື່ອແນໃສ່ປະຕິບັດສົນທິສັນຍາສ້າງຄວາມສະດວກດ້ານການຄ້າຂອງອົງການການຄ້າສາກົນ (WTO TFA) ແລະ ແຜນນະໂຍບາຍຂອງລັດຖະບານກ່ຽວກັບການປະຕິຮູບວຽກງານກວດກາຕາມຂະແໜງສະເພາະສໍາລັບສິນຄ້າສົ່ງອອກນຳເຂົ້າ.
（ໄຊພອນ）
