ໃນຂອບເຂດການຢ້ຽມຢາມຢູ່ຫວຽດນາມ, ທ່ານປະທານສະພາແຫ່ງຊາດ ກໍາປູເຈຍ Samdech Heng Samrin ໄດ້ມີການເຈລະຈາ ກັບ ການນໍາສະພາແຫ່ງຊາດຫວຽດນາມ; ພົບປະກັບການນໍາລັດຖະບານ ແລະ ແນວໂຮມປະເທດຊາດຫວຽດນາມ... ໃນບັນດາການພົບປະ, ສອງຝ່າຍໄດ້ເນັ້ນໜັກວ່າ: ເຫັນດີເປັນເອກະພາບເພີ່ມທະວີການພົບປະແລກປ່ຽນຄະນະຜູ້ແທນພັກ, ລັດ, ກະຊວງ, ຂະແໜງການຂັ້ນຕ່າງໆ ແລະ ພົບປະແລກປ່ຽນປະຊາຊົນ; ສົມທົບກັນຢ່າງແໜ້ນແຟ້ນໃນການຜັນຂະຫຍາຍສົນທິສັນຍາ, ຂໍ້ຕົກລົງສະບັບຕ່າງໆທີ່ການນໍາສອງຝ່າຍໄດ້ລົງນາມ; ຍູ້ແຮງການຮ່ວມມືໃນຂົງເຂດເສດຖະກິດ, ການຄ້າ, ການລົງທຶນ ແລະ ຊຸກຍູ້ການພົວພັນຮ່ວມມື.
 |
ທ່ານນາງປະທານສະພາແຫ່ງຊາດຫວຽດນາມ ຫງວຽນ ທິກິມເງິນ ແລະ ທ່ານປະທານສະພາແຫ່ງຊາດ ກໍາປູເຈຍ Samdech Heng Samrin (ພາບ:TTXVN)
ກ່ຽວກັບການຮ່ວມມືລັດຖະສະພາ, ສອງຝ່າຍເຫັນດີ ເພີ່ມທະວີການສົມທົບກັນໃນການຕິດຕາມກວດກາ ຂໍ້ຕົກລົງວ່າດ້ວຍການຮ່ວມມືສະບັບຕ່າງໆ ທີ່ສອງປະເທດໄດ້ລົງນາມ; ຍູ້ແຮງການຮ່ວມມືຂອງສອງອົງການຊ່່ວຍວຽກ ນັ້ນແມ່ນ ຄະນະເລຂາສະພາແຫ່ງຊາດກໍາປູເຈຍ ແລະ ຫ້ອງການສະພາແຫ່ງຊາດຫວຽດນາມ. ສອງຝ່າຍສົມທົບກັນ ແລະ ສະໜັບສະໜູນເຊິ່ງກັນແລະກັນໃນການເປັນເຈົ້າພາບຈັດຕັ້ງບັນດາກອງປະຊຸມສາກົນຢູ່ສອງປະເທດຄື: ສະມັດຊາ ລະຫວ່າງ ລັດຖະສະພາປະຊາສະມາຄົມ ອາຊີຕາເວັນອອກສ່ຽງໃຕ້ (AIPA), ເວທີປາໄສລັດຖະສະພາ ອາຊີ - ປາຊີຟິກ (APPF), ສະຫະພັນລັດຖະສະພາສາກົນ (IPU)...
ເນື່ອງໃນໂອກາດນີ້, ທ່ານນາງປະທານສະພາແຫ່ງຊາດຫວຽດນາມ ຫງວຽນ ຖິ ກິມ ເງິນ ແລະ ທ່ານປະທານສະພາແຫ່ງຊາດ ກໍາປູເຈຍ Samdech Heng Samrin ໄດ້ລົງນາມໃນຂໍ້ຕົກລົງວ່່າດ້ວຍການຮ່ວມມືລະຫວ່າງສະພາແຫ່ງຊາດ ຫວຽດນາມ - ກໍາປູເຈຍ; ເປັນສັກຂີພິຍານພິທີລົງນາມໃນບົດບັນທຶກຊ່ວຍຈໍາ ວ່າດ້ວຍ ການຮ່ວມມືລະຫວ່າງ ຫ້ອງການສະພາແຫ່ງຊາດຫວຽດນາມ ແລະ ຄະນະເລຂາສະພາແຫ່ງຊາດ ກໍາປູເຈຍ.
（ແຫຼ່ງຂໍ້ມູນ： VOVWORLD）
