ທ່ານນາຍົກລັດຖະມົນຕີ ຫງວຽນ ຊົນ ຟຸກ ໄດ້ນຳຄຳຢ້ຽມຢາມຖາມຂ່າວ ແລະ ຄຳເຊີນ ຂອງທ່ານເລຂາທິການໃຫຍ່, ປະທານປະເທດ ຫວຽດນາມ ຫງວຽນ ຟູ໋ ຈ້ອງ ມາຍັງ ເຈົ້າຊີວິດ ແລະ ພະລາຊິນີ ມາຢ້ຽມຢາມຫວຽດນາມ ອີກຄັ້ງ.
ທ່ານນາຍົກລັດຖະມົນຕີ ຫງວຽນ ຊົນ ຟຸກ ໄດ້ສະແດງຄວາມຮູ້ບຸນຄຸນສຳລັບນ້ຳໃຈມິດຕະພາບ, ສະໜັບສະໜູນ ແລະ ການຊ່ວຍເຫຼືອ ເຊິ່ງປະຊາຊົນປະເທດສວີເດນ ໄດ້ມອບໃຫ້ ຫວຽດນາມ ໃນອາດີດ ມາຈົນຮອດ ປະຈຸບັນ.
 |
ນາຍົກລັດຖະມົນຕີ ຫງວຽນ ຊົນ ຟຸກ ແລະ ພັນລະຍາ ໄດ້ພົບປະກັບ ສົມເດັດເຈົ້າ ທ່ານ Carl XVI Gustaf. (ພາບ : TTXVN)
ທ່ານນາຍົກລັດຖະມົນຕີ ຫງວຽນ ຊົນ ຟຸກ ເນັ້ນຫນັກວ່າ: ຫວຽດນາມ ຕີລາຄາສູງ ສາຍພົວພັນ ແລະ ການຮ່ວມມືຫຼາຍດ້ານ ເຊິ່ງໄດ້ຜ່ານຄວາມທ້າທາຍ ຂອງສອງປະເທດ.
ສ່ວນເຈົ້າຊີວິດ ລາຊະອານາຈັກ ສວີເດນ Carl XVI Gustaf ຕີລາຄາສູງ ການຢ້ຽມຢາມຢ່າງເປັນທາງການຄັ້ງນີ້ ຂອງນາຍົກລັດຖະມົນຕີຫວຽດນາມ ຫງວຽນ ຊົນ ຟຸກ, ຢັ້ງຢືນວ່າ: ນີ້ແມ່ນຂີດໝາຍທີ່ສຳຄັນ ເນື່ອງໃນໂອກາດວັນສ້າງຕັ້ງສາຍພົວພັນທາງການທູດ ລະຫວ່າງສອງປະເທດ ຄົບຮອບ 50 ປີ.
（ຄຳຮຸ່ງ）
