ສສ ຫວຽດນາມ ສົ່ງເສີມການເຕີບໂຕເສດຖະກິດ ແລະ ສັງຄົມຢ່າງຮອບດ້ານເພື່ອການພັດທະນາແບບຍືນຍົງ

ທ່ານ ເລ ກວາງ ແມ້ງ ຮອງລັດຖະມົນຕີກະຊວງແຜນການ ແລະ ການລົງທຶນ ກ່າວຄໍາເຫັນທີ່ເວທີ.

ເຂົ້າຮ່ວມກອງປະຊຸມໂດຍມີທ່ານ ເລ ກວາງ ແມ້ງ ຮອງລັດຖະມົນຕີກະຊວງແຜນການ ແລະ ການລົງທຶນ, ທ່ານ ຫງວຽນ ດຶກ ເຄືອງ ປະທານສະມາຄົມວິທະຍາສາດ ແລະ AVSE Global, ທ່ານ ດ່າວ ວັນ ຮຸ່ງ ຜູ້ອໍານວຍການສະຖາບັນນະໂຍບາຍ ແລະ ການພັດທະນາ, ກະຊວງແຜນການ ແລະ ການລົງທຶນ ພ້ອມບັນດາຜູ້ຕາງຫນ້າການນໍາຂອງບັນດາແຂວງ, ນະຄອນຕ່າງໆໃນທົ່ວປະເທດ, ບັນດານັກຄົ້ນຄວ້າ , ນັກວິຊາການ, ນັກສ້າງນະໂຍບາຍ, ນັກທຸລະກິດ, ອົງການຈັດຕັ້ງບໍ່ຂຶ້ນກັບລັດຖະບານ...ກ່າວຄໍາເຫັນທີ່ເວທີ, ທ່ານ ເລ ກວາງ ແມ້ງ ໃຫ້ຮູ້ວ່າ, ປະຈຸບັນການພັດທະນາແບບຍືນຍົງບໍ່ພຽງແຕ່ມີການພັດທະນາດ້ານເສດຖະກິດ, ແຕ່ຍັງມີການຕິດພັນກັບການແກ້ໄຂບັນດາບັນຫາດ້ານສັງຄົມ ແລະ ການປົກປ້ອງສິ່ງແວດລ້ອມ. ໃນສະພາບການເສດຖະກິດໂລກທີ່ມີການພັດທະນາຢ່າງໄວວາ, ການສ້າງໂອກາດໃນການພັດທະນາ, ແຕ່ຍັງມີສິ່ງທ້າທາຍຕ່າງໆດ້ານສິ່ງແວດລ້ອມ, ສັງຄົມ ແລະ ກົນໄກການພັດທະນາແບບຍືນຍົງທີ່ກາຍເປັນຕົວເລືອກທີ່ໄດ້ຮັບຄວາມນິຍົມຂອງບັນດາປະເທດໃນທົ່ວໂລກ, ລວມທັງຫວຽດນາມ.

ໃນປີ 2018, ຫວຽດນາມທີ່ມີອັດຕາການເຕີບໂຕຂອງ GDP ສູງສຸດໃນພາກພື້ນແມ່ນບັນລຸ 7,08%, ຍອດເກີນການຄ້າແມ່ນຫຼາຍກວ່າ 3 ເທົ່າໃນ ປີ 2017 ແມ່ນບັນລຸ 7,21 ຕື້ໂດລາສະຫະລັດ, ຂະແຫນງກະສິກໍາມີອັດຕາການເຕີບໂຕທີ່ສູງທີ່ສຸດ ໃນ 7 ປີ ຜ່ານມາ ແລະ ມູນຄ່າສົ່ງອອກໄດ້ບັນລຸ 40,02 ຕື້ໂດລາສະຫະລັດ. ຫວຽດນາມໄດ້ຫັນຈາກກຸ່ມປະເທດທີ່ມີລາຍໄດ້ຕໍ່າໄປຫາກຸ່ມປະເທດທີ່ມີລາຍໄດ້ປານກາງເຊິ່ງມີອັດຕາຄວາມທຸກຍາກຫຼຸດລົງຈາກຫຼາຍກວ່າ 60% ໃນປີ 1986 ມາເປັນ 7% ໃນປະຈຸບັນ.  ຂະແໜງການເສດຖະກິດໃນປະຈຸບັນແມ່ນໄດ້ຈັດອັນດັບ 44 ໃນທົ່ວໂລກ, ຂະແໜງການເສດຖະກິດແມ່ນຫຼາຍກວ່າ 17,4 ເທົ່າ, ຈາກ 14 ຕື້ໂດລາສະຫະລັດ ໃນປີ 1985 ມາເປັນ 244 ຕື້ໂດລາສະຫະລັດ ໃນປີ 2018.  ລາຍໄດ້ສະເລັ່ຍຕໍ່ຫົວຄົນໃນປີ 1985 ບັນລຸ 230 ໂດລາສະຫະລັດເຊິ່ງໃນປັດຈຸບັນໄດ້ເພີ່ມຂຶ້ນເກືອບ 2.540 ໂດລາສະຫະລັດ. ການພັດທະນາແບບຍືນຍົງມີຄວາມຫມາຍກວ້າງຂວາງ, ທີ່ກ່ຽວພັນເຖິງຫຼາຍຂົງເຂດ ແລະ ເປັນຫົວຂໍ້ສາກົນທີ່ສໍາຄັນຂອງສະຕະວັດທີ 21. ເພື່ອຮັບປະກັນຄວາມຍືນຍົງໃນໄລຍະຍາວ, ການກໍ່ສ້າງແຫຼ່ງຊັບພະຍາກອນມະນຸດທີ່ມີຄຸນນະພາບ ແລະ ເຫມາະສົມແມ່ນມີຄວາມສໍາຄັນແຫ່ງຄວາມສໍາເລັດ.  ນີ້ແມ່ນຄວາມຖືກຕ້ອງໂດຍສະເພາະໃນສະພາບແວດລ້ອມວິທະຍາສາດ ແລະ ເຕັກໂນໂລຢີທີ່ມີຄວາມປ່ຽນແປງຢ່າງຕໍ່ເນື່ອງ ແລະ ຜົນສະທ້ອນຂອງການປະຕິວັດອຸດສາຫະກໍາ 4.0 ເຊິ່ງມີບົດບາດສໍາຄັນໃນດ້ານເສດຖະກິດເຊິ່ງສາມາດນໍາໄປສູ່ການປ່ຽນແປງພື້ນຖານໃນໂຄງສ້າງເສດຖະກິດ, ແຮງງານ ແລະ ຮູບແບບການຜະລິດ.

ບັນຍາກາດທີ່ເວທີ.

ຫວຽດນາມແມ່ນກໍາລັງຢູ່ໃນໄລຍະເວລາທີ່ມີສໍາຄັນຫຼາຍ. ຄວາມໝັ້ນໝາຍໃນການສຶບຕໍ່ເພື່ອຊຸກຍຸ້ການເຕີບໂຕທາງດ້ານເສດຖະກິດ ແລະ ສັງຄົມ ຢ່າງຮອບດ້ານເພື່ອຮັບໃຊ້ໃນການພັດທະນາແບບຍືນຍົງເຊິ່ງຕ້ອງມີວິທີຢ່າງມີປະສິດທິຜົນ ແລະ ຄົບຖ້ວນຕໍ່ບັນຫາການປ່ຽນແປງດິນຟ້າອາກາດ. ບັນຫານີ້ກໍ່ໄດ້ຊີ້ແຈ້ງຢ່າງຄົບຖ້ວນໃນຍຸດທະສາດການພັດທະນາເສດຖະກິດ - ສັງຄົມໄລຍະ 2011-2020. 

ຍຸດທະສາດກ່ຽວກັບການປ່ຽນແປງດິນຟ້າອາກາດຢ່າງຮອບດ້ານ ແລະ ການຈັດຕັ້ງປະຕິບັດຍຸດທະສາດຢ່າງເຕັມທີ່ສາມາດຈະນໍາຜົນປະໂຫຍດອັນໃຫຍ່ຫຼວງໃຫ້ແກ່ການພັດທະນາແບບຍືນຍົງ, ໃນນັ້ນລວມທັງມີການປັບປຸງຊີວະນາໆພັນ, ຫຼຸດຜ່ອນມົນລະຜິດດ້ານສິ່ງແວດລ້ອມ ແລະ ການນໍາໃຊ້ຊັບພະຍາກອນທໍາມະຊາດຢ່າງມີປະສິດທິຜົນ.

ໃນເວທີ, ຄະນະຜູ້ແທນໄດ້ສຸມໃສ່ປຶກສາຫາລືກ່ຽວກັບເນື້ອໃນຕ່າງໆເຊັ່ນ: ການສ້າງຊັບພະຍາກອນມະນຸດເພື່ອຮັບໃຊ້ໃນການເຕີບໂຕຂອງເສດຖະກິດແບບຍືນຍົງ; ດ້ານການກະສິກໍາ ແລະ ການພັດທະນາແບບຍືນຍົງປະຕິບັດນະໂຍບາຍຕ່າງໆເພື່ອຮັບມືກັບການປ່ຽນແປງດິນຟ້າອາກາດ - ການນໍາໃຊ້ເຕັກໂນໂລຢີທີ່ດີເລີດ ແລະ ການຮ່ວມມືໃນພາກພື້ນ; ບັນດາວິທີແກ້ໄຂໃຫມ່ເພື່ອຮັບປະກັນການພັດທະນາແບບຍືນຍົງຢູ່ຫວຽດນາມ; ປະຕິວັດອຸດສາຫະກໍາ 4.0 ແລະ ຜົນກະທົບຕໍ່ການພັດທະນາເສດຖະກິດ ແລະ ສັງຄົມ... 

ພ້ອມກັນນັ້ນ, ເວທີກໍ່ແມ່ນສະຖານທີ່ເພື່ອມີການເຊື່ອມຕໍ່ກັບບັນດານັກວິທະຍາສາດ, ກໍາລັງທາງປັນຍາ, ວິສາຫະກິດຕ່າງປະເທດ ແລະ ຫວຽດນາມ. ຈາກຜົນໄດ້ຮັບໃນການແລກປ່ຽນ, ແນວຄວາມຄິດ ແລະ ຄໍາແນະນໍາໃນເວທີຄັ້ງນີ້ຈະມີການປະກອບສ່ວນອັນມີຄຸນຄ່າໃຫ້ແກ່ການສ້າງນະໂຍບາຍເພື່ອການພັດທະນາແບບຍືນຍົງໃນສະເພາະໜ້າ.

ເວທີຄັ້ງນີ້ຍັງສືບຕໍ່ທີ່ເປັນສະຖານທີ່ເພື່ອມີການພົບປະ ແລະ ປຶກສາຫາລືກ່ຽວກັບແຜນການປະຕິບັດນະໂຍບາຍແບບຍືນຍົງຂອງຫວຽດນາມໂດຍອີງໃສ່ການແລກປ່ຽນປະສົບການ ແລະ ການປະສານງານດ້ານນະໂຍບາຍໃນລະດັບສາກົນ.

（ໄຊພອນ）