ຫວຽດນາມ ພ້ອມແລ້ວຈະແບ່ງປັນບົດຮຽນ ແລະ ແຫຼ່ງກຳລັງພັດທະນາ OCOP ກັບບັນດາປະເທດ

	ບິ່ງທ້ວນ ນຳເອົາໝາກມັງກອນ, ຜະລິດຕະພັນກະເສດ OCOP ເຂົ້າໄປລາວ ເພື່ອໂຄສະນາ, ແນະນຳໃຫ້ນັກທ່ອງທ່ຽວສາກົນ
	Festival ຊາວໜຸ່ມໂລກ: ບັນດາການພົບປະທີ່ເຊື່ອມໂຍງເຂົ້າກັບຄວາມມິດຕະພາບຫວຽດນາມ ກັບບັນດາປະເທດ

ທ່ານຮອງນາຍົກລັດຖະມົນຕີ ເຈິ່ນຮົ່ງຮ່າ ກ່າວຄຳເຫັນທີ່ການຕ້ອນຮັບ. (ພາບ: TTXVN)

“ຫວຽດນາມ ພ້ອມແລ້ວທີ່ຈະແບ່ງປັນແຫຼ່ງກຳລັງ, ແຫຼ່ງຊັບພະຍາກອນມະນຸດ, ວິທະຍາສາດເຕັກໂນໂລຊີກັບບັນດາປະເທດມີເງື່ອນໄຂຄ້າຍຄືກັນດ້ານດິນຟ້າອາກາດ ເພື່ອພັດທະນາຜະລິດຕະພັນ OCOP ແລະ ພື້ນຖານກະສິກຳແບບຍືນຍົງ”. ນີ້ແມ່ນຄຳຢືນຢັນຂອງທ່ານຮອງນາຍົກລັດຖະມົນຕີ ຫວຽດນາມ ເຈິ່ນຮົ່ງຮ່າ ທີ່ການຕ້ອນຮັບຄະນະຜູ້ແທນບັນດາລັດຖະມົນຕີ, ເຈົ້າໜ້າທີ່ຂັ້ນສູງດ້ານກະສິກຳ ທີ່ເຂົ້າຮ່ວມເວທີປາໄສແລກປ່ຽນບົດຮຽນຂັ້ນສູງລະຫວ່າງບັນດາພາກພື້ນກ່ຽວກັບຮູບແບບແຕ່ລະຕາແສງມີຜະລິດຕະພັນໜຶ່ງ (OCOP), ໂດຍກະຊວງກະສິກຳ ແລະ ສິ່ງແວດລ້ອມ ຫວຽດນາມ ສົມທົບກັບອົງການອາຫານ ແລະ ການກະເສດ (FAO) ຈັດຂຶ້ນໃນຕອນບ່າຍວັນທີ 15 ກໍລະກົດ, ຢູ່ສຳນັກງານລັດຖະບານ, ທີ່ ຮ່າໂນ້ຍ.

ທີ່ການຕ້ອນຮັບ, ທ່ານຮອງນາຍົກລັດຖະມົນຕີ ເຈິ່ນຮົ່ງຮ່າ ກໍ່ສະເໜີໃຫ້ FAO ພ້ອມກັບບັນດາປະເທດ ຮ່ວມເດີນທາງສ້າງຂໍ້ລິເລິມລວມ, ຕິດພັນກັບຄຳໝັ້ນສັນຍາຂອງການນຳຂັ້ນສູງ, ເພ່ືອຮັບປະກັນໃຫ້ປະຊາຊົນໝົດທຸກຄົນ, ພິເສດແມ່ນຊາວກະສິກອນໄດ້ຊົມໃຊ້ຄວາມແທດຈິງຈາກການຮ່ວມມືສາກົນໃນຂະແໜງກະສິກຳ.

ຕີລາຄາສູງຜົນສຳເລັດພົ້ນເດັ່ນຂອງ ຫວຽດນາມ ໃນການພັດທະນາກະສິກຳ, ທ່ານນາງ Beth Bechdol, ຮອງຜູ້ອຳນວຍການໃຫຍ່ FAO ໃຫ້ຂໍ້ສັງເກດວ່າ, OCOP ຂອງ ຫວຽດນາມ ບໍ່ພຽງແຕ່ຊ່ວຍຫັນຜະລິດຕະພັນກະສິກຳຂອງທ້ອງຖິ່ນເປັນຫຼາຍຮູບຫຼາຍແບບ, ຍົກສູງຄຸນນະພາບເທົ່ານັ້ນ, ຫາກຍັງເປິດໂອກາດໃຫ້ແກ່ບັນດາປະເທດຮ່ຳຮຽນ, ແບ່ງປັນ ແລະ ຮ່ວມມືອີກດ້ວຍ.

ຫວຽດນາມ ບໍ່ພຽງແຕ່ສຸມໃສ່ການຜະລິດ, ການຄ້າກະສິກຳເທົ່ານັ້ນ ຫາກຍັງເຊື່ອມໂຍງໂຄງການ OCOP ດ້ວຍບັນດາຄຸນຄ່າວັດທະນະທຳ, ຄວາມຮູ້ພື້ນຖານຂອງຊົນເຜົ່າ, ນຳມາເຊິ່ງຜົນປະໂຫຍດອັນໃຫຍ່ຫຼວງໃຫ້ແກ່ສັງຄົມ. ຜົນສຳ​ເລັດ​ດັ່ງກ່າວ​ໄດ້​ສ້າງ​ແຮງ​ຈູງ​ໃຈ​ໃຫ້​ຫຼາຍ​ປະ​ເທດ​ປະ​ເຊີນ​ໜ້າ​ກັບ​ສິ່ງ​ທ້າ​ທາຍ​ໃນ​ດ້ານ​ຄ້ຳປະກັນ​ສະບຽງ​ອາຫານ, ການ​ປ່ຽນ​ແປງ​ຂອງ​ດິນ​ຟ້າ​ອາກາດ ​ແລະ ການ​ພັດທະນາ​ຊົນນະບົດ. ບົນພື້ນຖານປະສົບການຂອງຫວຽດນາມ, FAO ໃຫ້ຄຳໝັ້ນສັນຍາວ່າຈະສືບຕໍ່ໄປພ້ອມໆກັບ, ເປີດກວ້າງການເຈລະຈາ ແລະ ການຮ່ວມມືຢ່າງເລິກເຊິ່ງກວ້າງຂວາງ, ເຮັດໃຫ້ OCOP ກາຍເປັນຂໍ້ລິເລີ່ມທົ່ວໂລກ, ປະກອບສ່ວນເຂົ້າໃນຄວາມມານະພະຍາຍາມລວມເພື່ອກະສິກຳທີ່ມີຫົວຄິດປະດິດສ້າງ, ມະນຸດສະທຳ ແລະ ຍືນຍົງ.

ບັນດາຜູ້ແທນກໍ່ຢືນຢັນຈິດໃຈເປີດກວ້າງການຮ່ວມມື ແລະ ແລກປ່ຽນປະສົບການລະຫວ່າງບັນດາປະເທດໃນການຜະລິດກະສິກຳ, ຄ້ຳປະກັນສະບຽງອາຫານ ແລະ ໂພຊະນາການ, ໃນສະພາບການທີ່ຫຼາຍປະເທດພວມປະເຊີນໜ້າກັບສິ່ງທ້າທາຍຢ່າງໜັກໜ່ວງກ່ຽວກັບຂົງເຂດກະສິກຳ, ການຂັດແຍ້ງກັບສັດປ່າ, ການປ່ຽນແປງຂອງດິນຟ້າອາກາດ ແລະ ຄວາມໝັ້ນຄົງດ້ານເສດຖະກິດ.

ງານວາງສະແດງ ແລະໂຄສະນາຜະລິດຕະພັນທີ່ເປັນເອກະລັກສະເພາະ, OCOP ຂອງແຂວງ ກວາງຈີ້ ແຜນງານແນໃສ່ຊຸກຍູ້ສົ່ງເສີມການຄ້າ; ໂຄສະນາ​ເຜີຍ​ແຜ່​ຮູບ​ພາບ ​ແລະ ຍີ່​ຫໍ້​ບັນດາ​ຜະລິດ​ຕະພັນ​ທີ່​ພົ້ນ​ເດັ່ນ ​ແລະ ຜະລິດ​ຕະພັນ OCOP ຢູ່​ແຂວງ ກວາງ​ຈີ້

ເຂ​ດ​ທົ່ງ​ພຽງ​ແມ່​ນ້ຳ​ຂອງ​ທາງ​ພາກ​ໃຕ້​ ໂຄ​ສະ​ນາ​ຜະ​ລິດ​ຕະ​ພັນ OCOP ຍ​ສ​ໝ - ເມື່ອບໍ່ດົນມານີ້, ພະ​ແນກວັດ​ທະ​ນະ​ທຳ ນະ​ຄອນ​ເກິ່ນ​ເທີ ໄດ້​ສົມ​ທົບ​ກັບ​ບັນ​ດາ​ກຸ່ມບໍ​ລິ​ສັດ Central Retail ຫວຽດ​ນາມ ໄຂ​ສັບ​ປະ​ດາ OCOP (ໜຶ່ງ​ຕາ​ແສງ​ໜຶ່ງ​ຜະ​ລິດ​ຕະ​ພັນ) ແລະ ບັນ​ດາ​ຜະ​ລິດ​ຕະ​ພັນ​ດີ​ເດັ່ນ​ຂອງ​ສິນ​ຄ້າ ຫວຽດ​ນາມ 2022 ຢູ່​ສູນ​ການ​ຄ້າ GO! ນະ​ຄອນ​ເກິ່ນ​ເທີ ​ຢູ່​ເມືອງ ກ໊າຍ​ຮັງ.