ຊາວຊູແອດຄົນໜຶ່ງທີ່ຮັກໂຮ້ຍອານ

22:45 | 18/02/2025

ຍສໝ - ເກັບວຽກໄວ້ຢູ່ບ້ານເກີດຊູແອດ, ທ່ານ Kawa Wandi ພ້ອມກັບພັນລະຍາເເມ່ນ ທ່ານນາງ Nisha ແລະ ລູກສາມຄົນ ທີ່ຝັນຢາກເດີນທາງໄປທົ່ວໂລກ. ແຕ່ທຸກສິ່ງທຸກຢ່າງໄດ້ປ່ຽນໄປເມື່ອເຂົາເຈົ້າໄປຮອດໂຮ້ຍອານ. ການເດີນທາງຂອງພວກເຂົາສິ້ນສຸດລົງໃນແບບທີ່ຄິດບໍ່ເຖິງ.

	ນັກທ່ອງທ່ຽວຕ່າງປະເທດ ແຂ່ງຝົນເຂົ້າຮ່ວມງານບຸນ ເກົ່າບົງ ຢູ່ ໂຮ້ຍອານ
	ໂຮ້ຍອານ ຢືນອັນດັບທີ 1 ໃນທອັບ10 ສະຖານທີ່ທ່ອງທ່ຽວທີ່ເປັນມິດທີ່ສຸດຂອງຫວຽດນາມ 2024

“ຊື່ຊູແອດຂອງຂ້າພະເຈົ້າແມ່ນ Kawa Wandi, ແຕ່ໃນເວລາທີ່ຂ້າພະເຈົ້າໄປຍັງໂຮ້ຍອານ, ທຸກຄົນເອີ້ນຂ້າພະເຈົ້າດ້ວຍຊື່ຮັກແພງແມ່ນ ຄອຍ. ຈົ່ງເອື້ນຂ້າພະເຈົ້າແມ່ນ ຄອຍ, ຄອຍ ໂຮ້ຍອານ - ຫວຽດນາມ” - ທ່ານ Wandi ກ່າວ.

ທ່ານ Kawa Wandi ກັບເດັກນ້ອຍກວາງນາມ ໃນບັນດາການໄປເຮັດການກຸສົນ. (ພາບ: P.V)

ຈາກ Wandi ເປັນ "ຄອຍ ຫວຽດນາມ"

ຜູ້ທີ່ຕັ້ງຊື່ ຄອຍ ໃຫ້ທ່ານ Kawa Wandi ແມ່ນເພື່ອນຂອງຄູ່ຜົວເມຍນີ້. ເມື່ອຖາມວ່າ ເປັນຫຍັງຈິ່ງຕັ້ງຊື່ແນວນັ້ນ, ໝູ່ຂອງທ່ານ Kawa Wandi ກໍຫົວຂຶ້ນ ແລະ ເວົ້າວ່າ ເປັນເພື່ອນສະໜິດກັບ Wandi ມາເປັນເວລາດົນນານແລ້ວ, ທັງສອງຄົນກໍ່ຍ້ອງກັນວ່າ “ຫຼໍ່ຄືກັນ” ຈຶ່ງຢາກຊອກຫາຊື່ທີ່ສະແດງເຖິງຄວາມຕະຫຼົກ ແລະ ເຈົ້າຊູ້. ແລະ ຊື່ ຄອຍ ກໍ່ໄດ້ເກີດຂຶ້ນ.

ບ່າວຊູແອດຄົນນີ້ມີເມຍ Nisha ພ້ອມທັງລູກຊາຍກົກ ແລະ ລູກສາວສອງຄົນທີ່ສວຍງາມ. ພວກເຂົາເຈົ້າຢູ່ຊູແອັດ ແຕ່ປັດຈຸບັນແມ່ນ "ພົນລະເມືອງ" ຂອງນະຄອນໂຮ້ຍອານ. ຄອບຄົວທັງໝົດໄດ້ເຊົ່າ villa ຂະໜາດໜ້ອຍຢູ່ເກີມແທງ ເພື່ອອາໄສໃນ 4 ປີຜ່ານມາ. ທຸກໆມື້, ທ່ານນາງ Nisha ຢູ່ເຮືອນເພື່ອສອນພວກລູກຮຽນພາສາອັງກິດ ແລະ ຄວາມຮູ້ (ຮຽນອອນໄລ), ໃນຂະນະທີ່ທ່ານ Wandi ຫຍຸ້ງກັບວຽກດຳເນີນທຸລະກິດ.

ທ່ານ Kawa Wandi ແລະ ທ່ານນາງ Nisha ໄດ້ຖືກດູງດູດໂດຍໂຮ້ຍອານ. ທ່ານກ່າວວ່າ ໃນປີ 2017, ຍ້ອນຢາກມີປະສົບການ ແລະ ບັນທຶກຄວາມຊົງຈຳທີ່ດີໃຫ້ລູກສາມຄົນ, ລາວ ແລະ ພັນລະຍາ ໄດ້ຍົກຍ້າຍການລົງທຶນຢູ່ບ້ານເກີດເມືອງນອນ, ເຮືອນກໍ່ໃຫ້ເຊົ່າເພື່ອເລີ່ມຕົ້ນການເດີນທາງໄປທົ່ວໂລກ. ທ່ານ Wandi ກ່າວວ່າ ທ່ານເຄີຍໄດ້ຍິນກ່ຽວກັບຫວຽດນາມ ຊຶ່ງເປັນປະເທດທີ່ມີການພົວພັນທີ່ດີກັບລັດຖະບານຊູແອດ, ແຕ່ບໍ່ໄດ້ຄິດວ່າ ການເດີນທາງຈະຢຸດຢູ່ທີ່ປະເທດນີ້.

ພະລັງງານ ແລະ ຄວາມກະຕືລືລົ້ນ, ຄວາມມ່ວນຊື່ນຫຼາຍຢ່າງ ຈາກຜູ້ຊາຍຊູແອດ. ດຳລົງຊີວິດຢູ່ໂຮ້ຍອານ ແຕ່ປີ 2020 ມາຮອດປະຈຸປັນ, ທ່ານ Wandi ກໍ່ຮູ້ຈັກເກືອບທຸກຖະໜົນຫົນທາງໃນໂຮ້ຍອານ. ປະຊາຊົນໂຮ້ຍອານ ມີຄວາມຄຸ້ນເຄີຍ ແລະ ເຂົ້າອົກເຫັນໃຈແບບພິເສດກັບຮູບພາບຂອງຜູ້ຊາຍຊາວເອີຣົບ ທີ່ມີໜວດແບບສາຍກຸບ, ຜົມກູດ, ຕາສີດໍາໃຫຍ່ ແລະ ຮອຍຍິ້ມທີ່ເປັນມິດ.

“ໂຮ້ຍອານ - ອ້າຍຮັກນ້ອງ”

ທ່ານ Wandi ເລົ່າເລື່ອງກ່ຽວກັບຫວຽດນາມ, ກ່ຽວກັບໂຮ້ຍອານ, ກ່ຽວກັບເຮືອນຫຼັງນ້ອຍຢູ່ແຄມແມ່ນ້ຳ, ຕໍ່ໜ້າຕົ້ນໝາກພ້າວສີຂຽວທີ່ສະຫງົບສຸກດ້ວຍຄວາມຮັກແພງ. ຍ້ອນຄວາມຮັກ, ສະນັ້ນ ການເດີນທາງຂອງທ່ານ Wandi ແລະ ພັນລະຍາກັບລູກຂອງລາວໄດ້ປ່ຽນທິດທາງໃນວິທີທີ່ບໍ່ມີໃຜຄາດຄິດ. ໃນໄລຍະທີ່ມາເຊົ່າເຮືອນຢູ່ໂຮ້ຍອານ, ທ່ານ Wandi ເຫັນວ່າມີຜູ້ຕ້ອງການຄວາມຊ່ວຍເຫຼືອຫຼາຍເກີນໄປຍ້ອນບໍ່ມີວຽກເຮັດງານທຳ ແລະ ບໍ່ມີລາຍຮັບຍ້ອນຜົນກະທົບຈາກການລະບາດຂອງພະຍາດໂຄວິດ-19. ໃນຊຸມມື້ນັ້ນ, ໃນຖານະທີ່ເປັນສະມາຊິກໜູນຊ່ວຍຊຸມຊົນ, ທ່ານ Wandi ໄດ້ປະກອບສ່ວນເງິນເພື່ອຊື້ເຂົ້າສານ ແລະ ສະບຽງອາຫານກັບບັນດາຄົນຮູ້ຈັກໃໝ່ເພື່ອໜູນຊ່ວຍບັນດາຄອບຄົວທຸກຍາກຢູ່ໂຮ້ຍອານ ເພື່ອຕ້ານພະຍາດລະບາດ.

ເມື່ອພະຍາດລະບາດໄດ້ຫຼຸດລົງຊົ່ວຄາວ, ທ່ານ Wandi ພ້ອມກັບໝູ່ເພື່ອນໄດ້ໄປແຂວງ ກວາງບິ່ງ, ກວາງຈີ້, ເມືອງ ໄຕຢາງ (ກວາງນາມ) ເພື່ອເຄື່ອນໄຫວການກຸສົນ. ບາງເທື່ອກໍມອບເຄື່ອງນຸ່ງ, ປຶ້ມ, ບາງເທື່ອກໍ່ມອບລະບົບກອງນ້ຳ... ຈຳນວນເງິນທີ່ທ່ານ Wandi ໃຊ້ແມ່ນຫຼາຍຕື້ດົ່ງ. ລາວ ແລະ ພັນລະຍາກໍ່ຕັ້ງກອງທຶນການກຸສົນເພື່ອໜູນຊ່ວຍຄົນທຸກຍາກຢູ່ພາກກາງ ຫວຽດນາມ. ເມື່ອພະຍາດໂຄວິດສິ້ນສຸດລົງ, ເມື່ອລົມກັບທ່ານນາງ Nisha ພ້ອມລູກສາມຄົນກ່ຽວກັບການເດີນທາງທີ່ຈະມາເຖິງ, ສິ່ງທີ່ບໍ່ໜ້າເຊື່ອສຳລັບທ່ານ Wandi ແມ່ນບໍ່ມີໃຜຢາກອອກຈາກໂຮ້ຍອານ.

“ລູກຂອງຂ້າພະເຈົ້າເວົ້າວ່າ ເຂົາເຈົ້າຢາກຢູ່ໃນໂຮ້ຍອານ. ເຂົາເຈົ້າຮູ້ສຶກປອດໄພ ແລະ ສະຫງົບສຸກ. ອາກາດດີຢູ່ທີ່ນີ້, ດິນແດນແຫ່ງຄວາມຝັນທີ່ພວກເຮົາໄດ້ພະຍາຍາມຊອກຫາ. ໂຮ້ຍອານ ແມ່ນປອດໄພ, ທຸກຄົນຍິນດີຕ້ອນຮັບພວກຂ້າພະເຈົ້າຄືຊຸມຊົນ" - ທ່ານ Wandi ກ່າວ.

“ໂຮ້ຍອານ, ອ້າຍຮັກນ້ອງ” ເປັນຮູບເງົາທີ່ມີຊື່ສຽງຂອງປະເທດໄທ, ດ້ວຍທິວທັດທີ່ສວຍງາມໃນຕົວເມືອງເກົ່າທີ່ທ່ານ Wandi ຮັກ. “ໂຮ້ຍອານ, ອ້າຍຮັກນ້ອງ”, ທ່ານ Wandi ອ່ານຫົວຂໍ້ຂອງຮູບເງົາເປັນພາສາຫວຽດນາມແລ້ວຫົວອອກມາ. ນັ້ນກໍ່ແມ່ນປະໂຫຍກທີ່ໝົດຄອບຄົວຂອງລາວມັກທີ່ສຸດ.

ໂຮ້ຍອານ ແລະ ດ່າລາດ ມີຊື່ໃນເຄືອຂ່າຍນະຄອນປະດິດຄິດສ້າງຂອງ UNESCO

ຍສໝ - ຫຼັງຈາກຮ່າໂນ້ຍ, ອີກ 2 ນະຄອນຂອງຫວຽດນາມ ໄດ້ຮັບການຮັບຮອງເປັນ ນະຄອນປະດິດຄິດສ້າງຂອງ UNESCO ຄື: ດ່າລາດໃນຂົງເຂດດົນຕີ ແລະ ໂຮ້ຍອານ ໃນຂົງເຂດຫັດຖະກຳ ແລະ ສິລະປະພື້ນເມືອງ.