 | ຊາວໜຸ່ມຫວຽດນາມ ເຂົ້າຮ່ວມງານຕັ້ງຄ້າຍຊາວໜຸ່ມ ຈີນ-ອາຊຽນ ຄັ້ງທີ 13 |
| ຊາວໜຸ່ມຫວຽດນາມ ຢູ່ຝລັ່ງ ໄດ້ໜູນຊ່ວຍຜູ້ປະສົບເຄາະຮ້າຍຈາກທາດພິດສີສົ້ມດີໂອຊີນ |
ທີ່ການພົບປະ, ທ່ານ ມອນໄຊ ລາວມົວຊົ່ງ ໄດ້ແຈ້ງໃຫ້ກ່ຽວກັບສະພາບການເຄື່ອນໄຫວຂອງສູນກາງຊາວໜຸ່ມປະຊາຊົນປະຕິວັດລາວ; ວຽກງານຈຸດສຸມໃນປີ 2025. ໃນນັ້ນມີ ການກະກຽມກອງປະຊຸມໃຫຍ່ຄະນະຊາວໜຸ່ມຂັ້ນແຂວງ, ນະຄອນ, ອົງການຂອງກະຊວງ, ຂະແໜງການ; ຈັດຕັ້ງການເຄື່ອນໄຫວສະເຫຼີມສະຫຼອງ 70 ປີແຫ່ງວັນສ້າງຕັ້ງຄະນະຊາວໜຸ່ມປະຊາຊົນປະຕິວັດລາວ; ຜັນຂະຫຍາຍບັນດາໜ້າທີ່ທີ່ກ່ຽວຂ້ອງກັບການສະເຫຼີມສະຫຼອງວັນບຸນສຳຄັນຂອງພັກ ແລະ ລັດ ລາວ ແລະ ການພົວພັນຮ່ວມມືກັບສູນກາງະຊາວໜຸ່ມກອມມູນິດ ໂຮ່ຈີມິນ.
 |
| ທ່ານເອກອັກຄະລັດຖະທູດ ຫວຽດນາມ ປະຈຳ ລາວ ຫງວຽນມິງເຕີມ ໄດ້ມີການພົບປະເຮັດວຽກກັບທ່ານ ມອນໄຊ ລາວມົວຊົ່ງ ເລຂາຄະນະບໍລິຫານງານສູນກາງຊາວໜຸ່ມປະຊາຊົນ ປະຕິວັດລາວ. |
ທ່ານກໍ່ໄດ້ແບ່ງປັນບາງເນື້ອໃນການຮ່ວມມືລະຫວ່າງສູນກາງຊາວໜຸ່ມ 2 ປະເທດໃນວຽກງານຍູ້ແຮງໂຄສະນາເຜີຍແຜ່ ແລະ ສຶກສາ; ຊຸກຍູ້ຂອບຂະໜາດບັນດາການເຄື່ອນໄຫວແລກປ່ຽນມິດຕະພາບ ແລະ ການພົບປະແລກປ່ຽນຄະນະຜູ້ແທນ; ສະໜັບສະໜູນເຊິ່ງກັນ ແລະ ກັນໃນການຮ່ວມມືສອງຝ່າຍ ແລະ ຫຼາຍຝ່າຍ. ທ່ານໃຫ້ຮູ້ວ່າ ຈະສົມທົບກັນຢ່າງແໜ້ນແຟ້ນກັບສູນກາງຊາວໜຸ່ມກອມມູນິດ ໂຮ່ຈິມິນ ເພື່ອຜັນຂະຫຍາຍບັນດາຂໍ້ຕົກລົງລະຫວ່າງການນຳຂັ້ນສູງຂອງ 2 ພັກ ແລະ 2 ປະເທດ, ສັນຍາຮ່ວມມືລະຫວ່າງຄະນະຊາວໜຸ່ມ 2 ປະເທດໄລຍະ 2022 – 2027 ຢ່າງມີປະສິດທິຜົນ.
ທ່ານເອກອັກຄະລັດຖະທູດ ຫງວຽນມິງເຕີມ ໃຫ້ຮູ້ວ່າ ການພົວພັນລະຫວ່າງ ຫວຽດນາມ - ລາວ ໄດ້ສະຫຼຸບໂດຍທ່ານເລຂາທິການໃຫຍ່, ປະທານປະເທດ ລາວ ທອງລຸນ ສີສຸລິດ ດ້ວຍ 4 ຄຳທີ່ວ່າ: “ນ້ຳໃຈມິດສະຫາຍ - ນ້ຳໃຈອ້າຍນ້ອງ - ນ້ຳໃຈເພື່ອນມິດ - ນ້ຳໃຈສາມັກຄີພິເສດ”. ທ່ານຢືນຢັນວ່າ ຫວຽດນາມ ບັນລຸໄດ້ບັນດາຜົນງານໃນປະຈຸປັນ ບໍ່ສາມາດຕັດແຍກອອກຈາກການສະໜັບສະໜູນ ແລະ ການຊ່ວຍເຫຼືອຢ່າງສຸດຈິດສຸດໃຈຂອງລາວ.
ເພື່ອເພີ່ມທະວີປະສິດທິຜົນການຮ່ວມມື, ທ່ານເອກອັກຄະລັດຖະທູດ ສະເໜີໃຫ້ສູນກາງຊາວໜຸ່ມ 2 ປະເທດສົມທົບກັນຢ່າງແໜ້ນແຟ້ນ ເພື່ອຜັນຂະຫຍາຍສັນຍາຮ່ວມມືລະຫວ່າງ 2 ອົງການໄລຍະ 2022 – 2027 ຢ່າງມີປະສິດທິຜົນ. ໃນນັ້ນມີການເພີ່ມທະວີການສຶກສາກ່ຽວກັບມູນເຊື້ອຂອງການພົວພັນຫວຽດນາມ - ລາວ, ແນວຄິດຂອງປະທານໂຮ່ຈິມິນ ແລະ ແນວຄິດຂອງທ່ານ ໄກສອນ ພົມວິຫານ ກ່ຽວກັບການພົວພັນແບບພິເສດ ຫວຽດນາມ - ລາວ; ຍົກສູງປະສິດທິຜົນການແລກປ່ຽນຄະນະຜູ້ແທນ ແລະ ແບ່ງປັນປະສົບການໃນວຽກງານຄະນະຜູ້ແທນ; ເປີດກວ້າງຂົງເຂດການຮ່ວມມື, ມີຄວາມຫຼາກຫຼາຍກ່ວາກ່ຽວກັບເປົ້າໝາຍ ແລະ ຂົງເຂດ; ບັນດາການເຄື່ອນໄຫວເລີ່ມດຳເນີນທຸລະກິດ, ນະວັດຕະກໍາ, ຊາວໜຸ່ມອາສາສະໝັກ, ທັກສະຍຸກ 4.0 ໃຫ້ແກ່ຊາວໜຸ່ມ, ຊາວໜຸ່ມກັບການພັດທະນາເສດຖະກິດ-ສັງຄົມ, ຊົນນະບົດໃໝ່, ການທ່ອງທ່ຽວແບບອະນຸລັກ, ແລກປ່ຽນຮູບແບບການຫັນເປັນດີຈີຕອນ, ການພັດທະນາແບບຍືນຍົງ.
 | ຊາວໜຸ່ມຫວຽດນາມ - ຍີ່ປຸ່ນ 100 ຄົນ ຮຽນທັກສະການທູດ ຍສໝ - ວັນທີ 14 ພະຈິກນີ້, ຢູ່ນະຄອນຫຼວງໂຕກຽວ, ສະຖານທູດຫວຽດນາມ ປະຈຳຍີ່ປຸ່ນ ໄດ້ຈັດຕັ້ງໂຄງການ''ເອກອັກຄະລັດຖະທູດຊາວໜຸ່ມ ເຍົາວະຊົນ 2023" (Teenage Ambassadors 2023) ພົບປະແລກປ່ຽນກ່ຽວກັບນັກຮຽນມັດທະຍົມຕອນປາຍ ໂດຍຜ່ານການຝຶກຝົນຫຼໍ່ຫຼອມບັນດາການທັກສະການທູດ. |
 | ຊາວໜຸ່ມຫວຽດນາມ ແລະ ເລື່ອງດຳເນີນຊີວິດການເປັນຢູ່ຢ່າງມີສຸຂະພາບເຂັ້ມແຂງດ້ວຍຕົນເອງ ຍສໝ - ຜົນປະໂຫຍດ ແລະ ຄວາມສໍາຄັນຂອງຊີວິດປອດໃສ ແລະ ອາຫານທີ່ມີສຸຂະພາບດີແມ່ນໄດ້ຮັບຄວາມສົນໃຈຫຼາຍຂຶ້ນ. ພິເສດ, ໄວໜຸ່ມຫວຽດນາມ ພວມຄົ້ນຄ້ວາຢ່າງບໍ່ຢຸດຢັ້ງ, ເລືອກເຟັ້ນສະແຫວງຫາ ແລະ ເຜີຍແຜ່ຈິດໃຈ ແລະ ຄວາມຮູ້ອັນລ້ຳຄ່າໃໝ່ກ່ຽວກັບຫົວຂໍ້ນີ້. |
ມີງດຶກ
