ຫວຽດນາມ: ເສດຖະກິດ ຮັກສາທ່າເຕີບໂຕຢ່າງແຂງແຮງ

	ບາດກ້າວ​ໃໝ່​ໃນ​ການ​ພົວພັນ​ປະຊາຊົນ ​ແລະການ​ຮ່ວມ​ມື​ດ້ານ​ເສດຖະກິດ​ລະຫວ່າງ ຫວຽດນາມ ​ແລະກູ​ບາ
	ຊຸກຍູ້​ການ​ພົວພັນ​ທາງ​ການ​ທູດ​ເສດຖະກິດ​ລະຫວ່າງ​ຫວຽດນາມ ​ແລະ ທ້ອງ​ຖິ່ນ​ຂອງ​ອາ​ຟຼິກາ​ໃຕ້

ໃນສະພາບການປະທະກັນທີ່ແກ່ຍາວ ແລະມີທ່າແຜ່ຂະຫຍາຍຢ່າງກວ້າງຂວາງ, ການແກ່ງແຍ້ງຍຸດທະສາດລະຫວ່າງບັນດາປະເທດໃຫຍ່ນັບມື້ນັບຮ້າຍແຮງ, ສະພາບຄວາມທຸກຍາກອຶດຫິວ ແລະດິນຟ້າອາກາດຮ້າຍແຮງນັບມື້ນັບເພີ່ມຂຶ້ນທັງຄວາມເຂັ້ມ ແລະປະລິມານ, ພື້ນຖານເສດຖະກິດທົ່ວໂລກໃນປີ 2024 ໄດ້ມານະພະຍາຍາມ “ຜ່ານຜ່າຄວາມຫຍຸ້ງຍາກ”. ຕາມການຄາດຄະເນຂອງອົງການຮ່ວມມື ແລະພັດທະນາເສດຖະກິດ (OECD) ພ້ອມກັບກອງທຶນເງິນຕາສາກົນ (IMF) ແລ້ວ, ການເຕີບໂຕຂອງເສດຖະກິດໂລກບັນລຸ 3,2% ໃນປີ 2024 ແລະກ້າວໄປສູ່ລະດັບ 3,3% ໃນປີ 2025. ໜ້າເອົາໃຈໃສ່, ບາງປະເທດ, ໃນນັ້ນ ມີຫວຽດນາມ ໄດ້ຮັບການຄາດຄະເນວ່າຈະນໍາໜ້າກ່ຽວກັບການເຕີບໂຕ.

ບົດຂຽນຂອງໜັງສືພິມ El Popular, ສຽງຂອງພັກກອມມູນິດ Uruguay, ໄດ້ຄັດສະເໜີຄຳປາໄສຂອງທ່ານນາຍົກລັດຖະມົນຕີ ຟ້າມມີງຈິ໊ງ ເມື່ອບໍ່ດົນມານີ້ ໃຫ້ຮູ້ວ່າ ຫວຽດນາມ ຄາດວ່າຈະບັນລຸໄດ້ ແລະລື່ນກາຍ 15 ເປົ້າໝາຍຕົ້ນຕໍຂອງປີນີ້, ພ້ອມກັນນັ້ນ ຄາດວ່າບັນລຸລະດັບເຕີບໂຕ 7% ໃນປີ 2024. ບົດຂຽນເນັ້ນໜັກວ່າ ປີ 2025 ມີຄວາມໝາຍສຳຄັນພິເສດສຳລັບຫວຽດນາມ ເພາະວ່ານີ້ແມ່ນປີແຫ່ງການປະຕິບັດແຜນການພັດທະນາເສດຖະກິດ - ສັງຄົມ 5 ປີ 2021-2025 ຢ່າງມີໄຊ, ມີການເຄື່ອນໄຫວສະເຫຼີມສະຫຼອງທີ່ສໍາຄັນຫຼາຍຢ່າງ, ດໍາເນີນການຈັດຕັ້ງຊັບຊ້ອນກົງຈັກຂອງລະບົບການເມືອງ ແລະດໍາເນີນກອງປະຊຸມໃຫຍ່ຂອງພັກທຸກຂັ້ນ, ມຸ່ງໄປເຖິງກອງປະຊຸມໃຫຍ່ຜູ້ແທນທົ່ວປະເທດ ຄັ້ງທີ XIV ຂອງພັກກອມມູນິດຫວຽດນາມ ເປີດສັງກາດພັດທະນາໃໝ່ຂອງຊາດຫວຽດນາມ.

ພາບປະກອບ.

ຄຽງຄູ່ກັນນັ້ນ, ບົດລາຍງານຂອງບໍລິສັດທີ່ປຶກສາ Oxford Economics (ອັງກິດ) ໃຫ້ຂໍ້ສັງເກດວ່າ, ຍອດຜະລິດຕະພັນພາຍໃນ (GDP) ຂອງ ຫວຽດນາມ ຈະບັນລຸ 6,7% ໃນປີ 2024 ແລະ 6,5% ໃນປີ 2025 ຍ້ອນອຸດສາຫະກຳປຸງແຕ່ງ ແລະປະດິດສ້າງໝັ້ນແກ່ນ ແລະຄວາມຕ້ອງການພາຍໃນປະເທດຟື້ນຕົວຢ່າງວ່ອງໄວ. Oxford Economics ຖືວ່າ: ການເຕີບໂຕຕົ້ນຕໍຂອງ ຫວຽດນາມ ໃນປີ 2025 ສືບຕໍ່ແມ່ນການສົ່ງອອກສິນຄ້າປຸງແຕ່ງ ແລະປະດິດສ້າງ. ນອກຈາກນັ້ນ, ບໍລິສັດໃສ່ໃຈພິເສດຕໍ່ຄວາມສາມາດບົ່ມຊ້ອນເປີດກວ້າງຂອງຫວຽດນາມ ດ້ວຍ "ກະແສລົມໃໝ່" ໃນຂະແໜງຜະລິດຊິບເຄິ່ງຊັກນຳໄຟຟ້າ ແລະປັນຍາປະດິດ (AI). Oxford Economics ຫວັງວ່າການເຕີບໂຕກ່ຽວກັບທຶນໂດຍກົງຈາກຕ່າງປະເທດ (FDI) ເຂົ້າຫວຽດນາມ ໃນປີນີ້ຈະບັນລຸ 7,2% ສູງກວ່າລະດັບ 6,9% ທີ່ຄາດຄະເນໃນປີກາຍນີ້.

ການຄາດຄະເນຂອງ Oxford Economics ຄ້າຍຄືກັນກັບບາງອົງການຈັດຕັ້ງ, ສະຖາບັນການເງິນສາກົນ. ທະນາຄານພັດທະນາອາຊີ (ADB) ແລະທະນາຄານ UOB ຂອງສິງກະໂປ ໄດ້ຄາດຄະເນ ລະດັບເຕີບໂຕຂອງຫວຽດນາມ ຈະບັນລຸ 6,6% ໃນປີ 2025. ທະນາຄານໂລກ (WB) ແລະທະນາຄານ HSBC ລ້ວນແຕ່ເຊື່ອໝັ້ນວ່າ ຫວຽດນາມ ສາມາດບັນລຸລະດັບເຕີບໂຕ 6,5% ໃນປີ 2025. ສ່ວນທະນາຄານ Standard Chartered ຂອງອັງກິດຄາດຄະເນວ່າຫວຽດນາມ ຈະເຕີບໂຕດ້ວຍລະດັບ 6,7% ໃນປີ 2025. ບັນດາການຄາດຄະເນດັ່ງກ່າວຈະຊ່ວຍໃຫ້ຫວຽດນາມ ນອນໃນບັນດາພື້ນຖານເສດຖະກິດເຕີບໂຕສູງສຸດໃນກຸ່ມ 6 ພື້ນຖານເສດຖະກິດໃຫຍ່ສຸດໃນອາຊີຕາເວັນອອກສ່ຽງໃຕ້ (ຫຼືເອີ້ນອີກວ່າ ອາຊຽນ-6, ລວມມີສິງກະໂປ, ອິນໂດເນເຊຍ, ມາເລເຊຍ, ຟີລິບປິນ, ໄທ ແລະຫວຽດນາມ) ກໍ່ຄືໃນລະດັບທົ່ວໂລກ.

ພ້ອມກັນນັ້ນ, ເວັບໄຊ Fibre2fashion ຂອງອິນເດຍ ໄດ້ຄັດສະເໜີຜົນການສຳຫຼວດຂອງສະມາຄົມອຸດສາຫະກຳແຟຊັນອາເມລິກາ (USFIA) ໃຫ້ຮູ້ວ່າ: ບັນດາບໍລິສັດຕໍ່າແຜ່ນຕັດຫຍິບ ຫວຽດນາມ ພວມລົງທຶນປະກອບເຄື່ອງຈັກອັດຕະໂນມັດ, ຫັນເປັນດີຈີຕອນ ແລະບັນດາການເຄື່ອນໄຫວແບບຍືນຍົງເພື່ອຍົກສູງປະສິດທິຜົນ, ສະມັດຕະພາບ ແລະຄຸນນະພາບໃນການຜະລິດ. ຄຽງຂ້າງນັ້ນ, ຫວຽດນາມ ສືບຕໍ່ຫັນຕະຫຼາດສົ່ງອອກນອກອາເມລິກາ ແລະສະຫະພາບເອີລົບ (ອີຢູ) ຜ່ານການຂຸດຄົ້ນບັນດາຕະຫຼາດໃໝ່ຢູ່ ອາຊີ, ອາຟຼິກາ ແລະຕາເວັນອອກກາງເປັນຫຼາຍຮູບຫຼາຍແບບ. ສ່ວນເວັບໄຊ Financemiddleeast ຂອງສະຫະລັດອາຣັບເອມີເຣດ (UAE) ຊີ້ແຈ້ງວ່າ: ບາງພື້ນຖານເສດຖະກິດອາຊີຕາເວັນອອກສ່ຽງໃຕ້, ໂດຍສະເພາະແມ່ນ ຫວຽດນາມ, ອິນໂດເນເຊຍ ແລະຟີລິບປິນ ຈະໄດ້ຮັບຜົນປະໂຫຍດຈາກການຫັນປ່ຽນຕ່ອງໂສ້ການສະໜອງ. ຂໍ້ມູນຈາກອົງການຈັດອັນດັບຄວາມເຊື້ອໃຈ Fitch Ratings ສະແດງໃຫ້ຮູ້ວ່າ, ປະລິມານການຜະລິດຂອງຫວຽດນາມ ເພີ່ມຂຶ້ນ 8,1% ໃນປີ 2024, ຢືນຢັນວ່າ ຫວຽດນາມ ພວມກາຍເປັນພາກສ່ວນສຳຄັນໃນຕ່ອງໂສ້ການສະໜອງທົ່ວໂລກ.

ຫຼ້າສຸດ, ຂໍ້ຕົກລົງທີ່ມີລັກສະນະເປັນບາດລ້ຽວຂອງກຸ່ມບໍລິສັດ Nvidia ຊື້ VinBrain - ກຸ່ມບໍລິສັດພັດທະນາບັນດາຜະລິດຕະພັນ AI ໃນຂົງເຂດການແພດຢູ່ ຫວຽດນາມ - ບໍ່ພຽງແຕ່ສະແດງໃຫ້ເຫັນທ່າແຮງຂອງບັນດາບໍລິສັດເລີ່ມທຸລະກິດເຕັກໂນໂລຊີຂອງຫວຽດນາມ ເທົ່ານັ້ນ, ຫາກຍັງນໍາຫວຽດນາມ ເຂົ້າແຜນທີ່ເຕັກໂນໂລຊີໂລກ. ຕາມເວັບໄຊ TechCrunch ຂອງອາເມລິກາ ແລ້ວ, ການເຕີບໂຕຂອງຂະແໜງເຕັກໂນໂລຊີໄດ້ຊ່ວຍປັບປຸງບົດບາດຂອງຫວຽດນາມ ເປັນສູນນະວັດຕະກຳຢູ່ອາຊີຕາເວັນອອກສ່ຽງໃຕ້.

ເພີ່ມ​ທະວີ​ການ​ຮ່ວມ​ມື​ດ້ານ​ເສດຖະກິດ​ຫວຽດນາມ - ອັງກິດ ຍ​ສ​ໝ - ທີ່ການພົບປະ, ທ່ານ ເຈີ່ນຕ໋ວນແອງ ໄດ້ແຈ້ງໃຫ້ຊາບກ່ຽວກັບສະພາບການພັດທະນາເສດຖະກິດ-ສັງຄົມຂອງຫວຽດນາມ; ​ເນັ້ນ​ໜັກ​ເປົ້າ​ໝາຍ​ຍຸດ​ທະ​ສາດ​ກ່ຽວ​ກັບ​ການ​ຫັນ​ເປັນ​ດີ​ຈີ​ຕອນ, ​ເສດຖະກິດ​ດີ​ຈີ​ຕອນ, ພັດທະນາ​ຕະຫຼາດ​ການ​ເງິນ, ການ​ບໍລິການ, ການ​ຫັນປ່ຽນ​ພະລັງງານ ​ແລະ ປະຕິບັດ​ບັນດາ​ຄຳ​ໝັ້ນ​ສັນຍາ​ຂອງ ຫວຽດນາມ ທີ່​ກອງ​ປະຊຸມ​ຄັ້ງ​ທີ 26 ຂອງ​ບັນດາ​ປະ​ເທດ​ສະມາຊິກ​ສົນທິສັນຍາ​ຂອບ​ການ​ປ່ຽນ​ແປງ​ຂອງ​ດິນ​ຟ້າ​ອາກາດ (COP26).

ຫວຽດນາມ ແລະ ເມັກຊິໂກ ສົ່ງເສີມການຮ່ວມມືທາງດ້ານການຄ້າ, ເສດຖະກິດ ແລະ ການລົງທຶນ ຍສໝ-ວັນ​ທີ 4 ກໍລະກົດ, ຄະນະ​​ວິ​ສາ​ຫະກິດ ຫວຽດນາມ ລວມມີນັກທຸລະກິດ 23 ທ່ານ, ​ໂດຍ​ທ່ານ​ຮອງ​ລັດຖະມົນຕີ ​ກະຊວງ​ອຸດສາຫະກຳ ​ແລະ ການ​ຄ້າ ໂດ໊ທັ໋ງຫາຍ ນຳ​ໜ້າ ​ໄດ້​ເຂົ້າ​ຮ່ວມ​ເວທີ​ປາ​ໄສ​ວິ​ສາ​ຫະກິດ ຫວຽດນາມ - ​ເມັກ​ຊິໂກ ຢູ່​ນະຄອນຫຼວງ Mexico City, ​ເພື່ອແນໃສ່​ຊອກ​ຫາ​ກາລະ​ໂອກາດ​ຮ່ວມ​ມື​ດ້ານ​ການ​ຄ້າ, ​ເສດຖະກິດ ​ແລະ ການ​ລົງທຶນ​ກັບບັນດາຄູ່ຮ່ວມມືຢູ່ປະເທດປະຈໍາຖິ່ນ.