 | ສະພາແຫ່ງຊາດ ບຸນກາຣີ ໄດ້ເຊີດຊູ 6 ບຸກຄົນທີ່ໄດ້ປະກອບສ່ວນຫຼາຍຢ່າງໃຫ້ແກ່ການພົວພັນມິດຕະພາບ ຫວຽດນາມ - ບຸນກາຣີ |
| ພິທີມອບລາງວັນ ໃຫ້ຂອງທີ່ລະນຶກເລົ່າເລື່ອງ: ຄວາມຮູ້ສຶກຕື້ນຕັນໃຈຂອງນ້ຳໃຈມິດຕະພາບ ຫວຽດນາມ - ລາວ |
ເຂົ້າຮ່ວມພິທີມີ: ທ່ານອະດີດເລຂາທິການໃຫຍ່ ນົງດຶກແມ້ງ; ທ່ານອະດີດປະທານສະພາແຫ່ງຊາດ ຫງວຽນຊິງຮຸ່ງ; ທ່ານອະດີດຮອງປະທານຜູ້ປະຈຳສະພາແຫ່ງຊາດ ນາງ ຕ່ອງທິຟ໋ອງ; ທ່ານຮອງປະທານປະເທດ ນາງ ຫວໍທິແອັງຊ່ວນ; ທ່ານຮອງນາຍົກລັດຖະມົນຕີ ເຈີ່ນຮົ່ງຮ່າ; ຮອງປະທານສະພາແຫ່ງຊາດ: ທ່ານ ຫງວຽນຄັກດິ້ງ - ຫົວໜ້າຄະນະຊີ້ນຳລາງວັນ ຢຽນຮົ່ງ, ທ່ານ ຫງວຽນດຶກຫາຍ, ທ່ານ ເຈິ່ນກວາງເຟືອງ.
ພ້ອມກັນເຂົ້າຮ່ວມຍັງມີບັນດາຄະນະປະຈຳສະພາແຫ່ງຊາດ, ປະຈຳສະພາຊົນຊາດ, ບັນດາຄະນະກຳມາທິການຂອງສະພາແຫ່ງຊາດ, ບັນດາຄະນະຂຶ້ນກັບຄະນະປະຈຳສະພາແຫ່ງຊາດ, ການນຳບັນດາກະຊວງ, ຄະນະ, ຂະແໜງການສູນກາງ ແລະ ທ້ອງຖິ່ນ…
 |
| ທ່ານປະທານສະພາແຫ່ງຊາດ ເຈີ່ນແທັງເມິ້ນ ແລະ ທ່ານຮອງປະທານປະເທດ ນາງ ຫວໍທິແອັງຊ່ວນ ໄດ້ມອບໃບຢັ້ງຢືນໃຫ້ບັນດາຜູ້ທີ່ໄດ້ຮັບລາງວັນ A. (ພາບ: quochoi.vn) |
ພິທີໄດ້ມອບລາງວັນໃຫ້ແກ່ 83 ຜົນງານດີເດັ່ນທີ່ສຸດ. ນອກຈາກນັ້ນ, ຄະນະຈັດຕັ້ງລາງວັນໄດ້ຄັດເລືອກ ແລະ ມອບໃບຍ້ອງຍໍຈາກຫົວໜ້າຫ້ອງວ່າການສະພາແຫ່ງຊາດໃຫ້ 20 ກົມກອງລວມໝູ່ທີ່ມີຜົນງານດີເດັ່ນ, ປະກອບສ່ວນສຳຄັນເຂົ້າໃນຜົນສຳເລັດຂອງລາງວັນ ຢຽນຮົ່ງ ຄັ້ງທີ 3 - ປີ 2025.
ຕາມຄະນະຈັດຕັ້ງແລ້ວ, ບັນດາຜົນງານທີ່ໄດ້ຮັບຄັດເລືອກມອບລາງວັນ ຢຽນຮົ່ງ ຄັ້ງທີ 3 ແມ່ນມີການລົງທຶນຢ່າງລະອຽດລະອໍ, ມີຄຸນນະພາບສູງ, ສະແດງໃຫ້ເຫັນຜົນງານທີ່ເໝາະສົມທັງດ້ານເນື້ອໃນ ແລະ ຮູບແບບ; ໃນນັ້ນສ່ວນຫຼາຍແມ່ນການນໍາໃຊ້ຮູບແບບທີ່ທັນສະໄຫມ. ເນື້ອໃນຂອງບັນດາຜົນງານໄດ້ສ່ອງແສງໃຫ້ເຫັນເຖິງຫົວຂໍ້ຂອງລາງວັນ ຢຽນຮົ່ງ ຢ່າງມີຊີວິດຊີວາ. ຫຼາຍຜົນງານໄດ້ສ່ອງແສງໃຫ້ເຫັນໝາກຜົນແຫ່ງການປ່ຽນແປງໃໝ່ໃນການເຄື່ອນໄຫວຂອງສະພາແຫ່ງຊາດ ແລະ ສະພາປະຊາຊົນຢ່າງເລິກເຊິ່ງ; ສະແດງໃຫ້ເຫັນຄວາມຄິດ, ຄວາມມຸ່ງມາດປາດຖະໜາຂອງຜູ້ມີສິດເລືອກຕັ້ງ ແລະ ປະຊາຊົນ, ສະເໜີ ແລະ ສ້າງແຜນການຍົກສູງຄຸນນະພາບ, ປະສິດທິຜົນການເຄື່ອນໄຫວຂອງອົງການປະຊາຊົນເປັນຜູ້ເລືອກຕັ້ງ; ຍົກໃຫ້ເຫັນຖານະ ແລະ ບົດບາດຂອງສະພາແຫ່ງຊາດ, ສະພາປະຊາຊົນທີ່ມີກຳລັງແຮງການເຜີຍແຜ່ຢ່າງເຂັ້ມແຂງຕໍ່ທົ່ວສັງຄົມ, ຜູ້ມີສິດເລືອກຕັ້ງ ແລະ ປະຊາຊົນ.
ກ່າວຄຳປາໄສຊີ້ນຳທີ່ພິທີມອບລາງວັນ, ທ່ານປະທານສະພາແຫ່ງຊາດ ເຈີ່ນແທັງເມິ້ນ ສະແດງຄວາມເຊື່ອໝັ້ນວ່າ ບັນດານັກຂ່າວ ຈະສືບຕໍ່ເສີມຂະຫຍາຍຄວາມຮັກແພງອາຊີບດ້ວຍຈິດໃຈທີ່ແຈ່ມໃສປະການແຈ້ງ, ຈິດໃຈໝັ້ນຄົງ, ພ້ອມກັບສະພາແຫ່ງຊາດ ສື່ຂ່າວການເຄື່ອນໄຫວຂອງສະພາແຫ່ງຊາດ ລວມທັງວຽກງານນິຕິບັນຍັດ, ຕິດຕາມກວດກາສູງສຸດ, ແລະ ການຕັດສິນໃຈກ່ຽວກັບບັນດາບັນຫາສຳຄັນຂອງປະເທດຊາດຢ່າງທັນການ. ພ້ອມກັນນັ້ນ, ກໍ່ຄົ້ນຄ້ວາ, ຄົ້ນຫາສິ່ງທີ່ເກີດຂຶ້ນແບບບໍ່ຄາດຄິດ ແລະ ຂໍ້ຄົງຄ້າງໃນຂະບວນການສ້າງກົດໝາຍ ແລະ ການປະຕິບັດກົດໝາຍ; ບັນດາບັນຫາຮີບດ່ວນຂອງປະຊາຊົນ ແລະ ວິສາຫະກິດ ເພື່ອສ່ອງແສງຕໍ່ສະພາແຫ່ງຊາດ ແລະ ສະພາປະຊາຊົນ ທີ່ມີວິທີການແກ້ໄຂຢ່າງທັນການ; ຊ່ວຍໃຫ້ສະພາແຫ່ງຊາດ ແລະ ສະພາປະຊາຊົນ ມີການເຄື່ອນໄຫວນັບມື້ນັບມີຜົນສັກສິດ, ມີປະສິດທິຜົນ, ສົມກັບຄວາມໄວ້ເນື້ອເຊື່ອໃຈຂອງຜູ້ມີສິດເລືອກຕັ້ງ ແລະ ປະຊາຊົນໃນທົ່ວປະເທດ.
“ສື່ມວນຊົນຕ້ອງເຜີຍແຜ່ນ້ຳໃຈຕັ້ງໜ້າ, ແງ່ຫວັງ, ຄວາມຕັດສິນໃຈໃໝ່, ຄວາມບັນຍາກາດໃໝ່ໃນທົ່ວພັກ, ທົ່ວປວງຊົນ, ທົ່ວກອງທັບ, ພິເສດແມ່ນບັນດາສານຂອງທ່ານເລຂາທິການໃຫຍ່ ໂຕເລີມ ກໍ່ຄືນະໂຍບາຍການນຳຂອງພັກກ່ຽວກັບສັງກາດບືນຕົວຂຶ້ນຂອງປະເທດຊາດ, ຄືເປັນຄຳຮຽກຮ້ອງ, ເລັ່ງລັດຈິດໃຈກະທຳ, ປ່ຽນແປງໃໝ່ຢ່າງປະດິດຄິດສ້າງ, ກ້າຄິດ, ກ້າທຳ, ກ້າຮັບຜິດຊອບ; ກ່ຽວກັບການປ່ຽນແປງໃໝ່ຮູບແບບການຈັດຕັ້ງສັງລວມຂອງທັງລະບົບການເມືອງ ດ້ວຍລະດັບ ແລະ ຂອບຂະໜາດຂອງວິວັດການຈັດຕັ້ງກົງຈັກພະນັກງານ; ສານກ່ຽວກັບການພັດທະນາວິທະຍາສາດ, ເຕັກໂນໂລຊີ ແລະ ການຫັນເປັນດິຈິຕອນດ້ວຍການຕັດສີນໃຈແນ່ນອນຕ້ອງເຜີຍແຜ່ການຫັນເປັນດິຈິຕອນໃນທົ່ວປ່ວງຊົນ; ສານກ່ຽວກັບການປະຕິຮູບລະບຽບການບໍລິຫານ, ການປ້ອງກັນຕ້ານການສໍ້ລາດບັງຫຼວງ, ຟຸ່ມເຟືອຍ, ປະກົດການຫຍໍ້ທໍ້ ບໍ່ພຽງແຕ່ເພື່ອຜົນປະໂຫຍດຂອງປະເທດຊາດ, ປະຊາຊົນ, ຜົນປະໂຫຍດຂອງຕົນ, ຄອບຄົວ ແລະ ສັງຄົມເທົ່ານັ້ນ, ຫາກຍັງແມ່ນຜົນປະໂຫຍດຂອງລຸ້ນອະນາຄົດ“, ທ່ານປະທານສະພາແຫ່ງຊາດ ເຈີ່ນແທັງເມິ້ນ ເນັ້ນໜັກ.
ພາຍຫຼັງພິທີມອບລາງວັນ, ທ່ານຮອງປະທານສະພາແຫ່ງຊາດ ຫງວຽນຄັກດິ້ງ ໄດ້ຂົນຂວາຍລາງວັນ ຢຽນຮົ່ງ ຄັ້ງທີ 4 - ປີ 2026 ດ້ວຍຫົວຂໍ້ ສະພາແຫ່ງຊາດ ສສ ຫວຽດນາມ ຄົບຮອດ 80 ປີ. ພິທີມອບລາງວັນ ຢ່ຽນຮົ່ງ ຄັ້ງທີ 4 - ປີ 2026 ຈະດຳເນີນໃນຕົ້ນເດືອນມັງກອນ ປີ 2026, ກົງກັບໂອກາດສະເຫຼີມສະຫຼອງ 80 ປີແຫ່ງວັນເລືອກຕັ້ງທົ່ວປະເທດຄັ້ງທຳອິດເລືອກຕັ້ງ ສະພາແຫ່ງຊາດ ສສ ຫວຽດນາມ (6 ມັງກອນ 1946 – 6 ມັງກອນ 2026).
 | ຫວຽດນາມ ໄດ້ເຊີດຊູໃນ 16 ລາງວັນການທ່ອງທ່ຽວແຖວໜ້າໂລກ ຂອງ World Travel Awards 2022 ຍສໝ - ຕາມກົມໃຫຍ່ທ່ອງທ່ຽວແລ້ວ, ລາງວັນດັ່ງກ່າວໄດ້ສະແດງໃຫ້ເຫັນຄວາມຮັກແພງ, ຄວາມຮັບຮູ້ ແລະ ເຊີດຊູຂອງປະຊາຄົມສາກົນກ່ຽວກັບຄວາມດຶງດູດ ແລະ ລະດັບຊັ້ນສູງຂອງການທ່ອງທ່ຽວຫວຽດນາມ. |
 | ແຂວງຮ່າຕິ້ງ ໜູນຊ່ວຍ 8,3 ຕື້ດົ່ງ ກໍ່ສ້າງສຸກສາລາທະຫານ-ປະຊາຊົນ ຢູ່ແຂວງບໍລິຄຳໄຊ (ລາວ) ຍສໝ - ໂຄງການມີມູນຄ່າທັງໝົດ 8,3 ຕື້ດົ່ງ ໂດຍ ຮ່າຕິ້ງ ອຸປະຖໍາ. |
ແທັງຮັ່ງ
