ສະພາແຫ່ງຊາດ ບຸນກາຣີ ໄດ້ເຊີດຊູ 6 ບຸກຄົນທີ່ໄດ້ປະກອບສ່ວນຫຼາຍຢ່າງໃຫ້ແກ່ການພົວພັນມິດຕະພາບ ຫວຽດນາມ - ບຸນກາຣີ

12:46 | 06/01/2024

ຍສໝ - ໃນຂອບເຂດການຢ້ຽມຢາມ ຫວຽດນາມ ຢ່າງເປັນທາງການ, ຕອນຄ່ຳວັນທີ 7 ມັງກອນ, ຢູ່ຮ່າໂນ້ຍ, ທ່ານປະທານສະພາແຫ່ງຊາດ ບຸນກາຣີ Rossen Dimitrov Jeliazkov ໄດ້ມີການພົບປະກັບຊາວ ຫວຽດນາມ ທີ່ເຄີຍຮ່ຳຮຽນ, ເຮັດວຽກຢູ່ ບຸນກາຣີ. ເນື່ອງໃນໂອກາດນີ້, ທ່ານໄດ້ມອບໃບຍ້ອງຍໍຂອງສະພາແຫ່ງຊາດ ບຸນກາຣີ ໃຫ້ແກ່ບຸກຄົນ ຫວຽດນາມ 6 ທ່ານ ທີ່ມີການປະກອບສ່ວນຢ່າງຕັ້ງໜ້າເຂົ້າໃນການຊຸກຍູ້ການພົວພັນມິດຕະພາບ, ຄວາມສາມັກຄີລະຫວ່າງປະຊາຊົນສອງປະເທດ.

	ທ່ານປະທານສະພາແຫ່ງຊາດ ບຸນກາຣີ Rossen Dimitrov Jeliazkov ຈະໄປຢ້ຽມຢາມ ຫວຽດນາມ ຢ່າງເປັນທາງການ
	ສະພາແຫ່ງຊາດ ຫວຽດນາມ ແລະ ສະພາແຫ່ງຊາດ ອາຟະລິກາໃຕ້ ເພີ່ມທະວີການແລກປ່ຽນ, ຮ່ວມມື

ເຫດການໂດຍສະມາຄົມມິດຕະພາບ ຫວຽດນາມ - ບຸນກາຣີ ສົມທົບກັບສະຖານທູດ ສາທາລະນະລັດ ບູນກາຣີ ປະຈຳ ຫວຽດນາມ ຈັດຕັ້ງ.

ກ່າວຄຳປາໄສທີ່ການພົບປະ, ທ່ານປະທານສະພາແຫ່ງຊາດ ບຸນກາຣີ Rossen Dimitrov Jeliazkov ຢືນຢັນຄວາມຕິດພັນກັນຢ່າງສະໜິດສະໜົມໃນສາຍພົວພັນ ຫວຽດນາມ - ບຸນກາຣີ. ເຖິງວ່າຢູ່ຫ່າງໄກທາງດ້ານພູມີສາດ, ແຕ່ປະຊາຊົນສອງປະເທດຍັງມອບຄວາມອົບອຸ່ນ, ສະໜິດສະໜົມ ແລະ ໝັ້ນແກ່ນໃຫ້ແກ່ກັນ.

“ໃນຊຸມປີ 70 ແລະ 80 ຂອງສະຕະວັດທີ່ຜ່ານມາ, ມີຊາວຫວຽດນາມ 30.000 ກວ່າຄົນ ໄດ້ໄປເຮັດວຽກ ແລະ ຮ່ຳຮຽນຢູ່ ບຸນກາຣີ, ຈາກນັ້ນ ກາຍເປັນນັກວິທະຍາສາດ, ຊ່ຽວຊານ, ວິສະວະກອນແຖວໜ້າຂອງ ຫວຽດນາມ. ເຂົາເຈົ້າເປັນເອກອັກຄະລັດຖະທູດ ຫວຽດນາມ ປະຈຳ ບຸນກາຣີ ແລະ ບຸນກາຣີ ປະຈຳ ຫວຽດນາມ” - ສະພາແຫ່ງຊາດ Rossen Dimitrov Jeliazkov ເນັ້ນໜັກ.

ສະພາແຫ່ງຊາດ ບຸນກາຣີ ໄດ້ເຊີດຊູ 6 ບຸກຄົນທີ່ໄດ້ປະກອບສ່ວນຫຼາຍຢ່າງໃຫ້ແກ່ການພົວພັນມິດຕະພາບ ຫວຽດນາມ - ບຸນກາຣີ

ທ່ານປະທານສະພາແຫ່ງຊາດ ບຸນກາຣີ Rosen Zhelyazkov ກ່າວຄຳປາໄສທີ່ກອງປະຊຸມ

ໂດຍຢ້ຳຄືນການຢ້ຽມຢາມ Bulgaria ຢ່າງເປັນທາງການຂອງທ່ານປະທານສະພາແຫ່ງຊາດ ຫວຽດນາມ ເຫວືອງດິງເຫ້ວ ເມື່ອເດືອນກັນຍາ 2023 ຜ່ານມາ, ທ່ານປະທານສະພາແຫ່ງຊາດ ບຸນກາຣີ ຖືວ່າ ບັນດາການເຄື່ອນໄຫວພົບປະແລກປ່ຽນຄະນະຜູ້ແທນລະຫວ່າງ 2 ປະເທດໄດ້ປະກອບສ່ວນປັບປຸງ ແລະ ເພີ່ມທະວີການພົວພັນມິດຕະພາບທີ່ເປັນມູນເຊື້ອ, ການຮ່ວມມືທີ່ມີປະສິດທິຜົນ, ແທດຈິງລະຫວ່າງ 2 ປະເທດ.

ທ່ານປະທານສະພາແຫ່ງຊາດ ບຸນກາຣີ ຖືວ່າ ບຸນກາຣີ ແລະ ຫວຽດນາມ ພວມຢູ່ໃນເສັ້ນທາງພັດທະນາຢ່າງເຂັ້ມແຂງ ແລະ ຕ້ອງຜັນຂະຫຍາຍການຮ່ວມມືໃນລະດັບສູງໃໝ່. ທ່ານຢືນຢັນວ່າ, ຄວາມສາມາດບົ່ມຊ້ອນການຮ່ວມມືລະຫວ່າງສອງປະເທດຍັງມີຫຼາຍຢ່າງ. ບຸນກາຣີ ສາມາດເປັນປະຕູໃຫ້ ຫວຽດນາມ ເພື່ອແຊກຊຶມທ້ອງຕະຫຼາດ ເອີລົບ ແລະ ກົງກັນຂ້າມ ຫວຽດນາມ ກໍ່ສາມາດເປັນຂົວຕໍ່ໃຫ້ ບຸນກາຣີ ເຂົ້າສູ່ທ້ອງຕະຫຼາດ ອາຊຽນ. ແລະ ພື້ນຖານຄວາມຈິງໃຈ, ຄວາມໄວ້ເນື້ອເຊື່ອໃຈລະຫວ່າງ 2 ປະເທດ ຈະປະກອບສ່ວນຊຸກຍູ້ການຮ່ວມມືລະຫວ່າງ ບຸນກາຣີ - ຫວຽດນາມ ໃຫ້ເລິກເຊິ່ງ, ແທດຈິງ ແລະ ມີປະສິດທິຜົນໃນທຸກຂົງເຂດ, ພິເສດແມ່ນເສດຖະກິດ, ວັດທະນະທຳ, ການສຶກສາ...

ໃນວິວັດການຊຸກຍູ້ການພົວພັນຮ່ວມມືລະຫວ່າງສອງປະເທດ, ທ່ານປະທານສະພາແຫ່ງຊາດ ບຸນກາຣີ ເນັ້ນໜັກວ່າ ບັນດາເພື່ອນມິດ ຫວຽດນາມ ທີ່ເຄີຍໄປຮ່ຳຮຽນ, ເຮັດວຽກຢູ່ ບຸນກາຣີ ແມ່ນບັນດາປັດໄຈສຳຄັນ, ຮັບປະກັນຜົນສຳເລັດຂອງການຮ່ວມມືລະຫວ່າງ 2 ປະເທດ. ພ້ອມກັນນັ້ນ ກໍ່ຫວັງວ່າປະຊາຄົມແຫ່ງນີ້ຈະນຳເອົາ “ພື້ນຖານອັນລ້ຳຄ່າ” ຂອງຕົນແມ່ນຄວາມຮູ້ສຶກ, ຄວາມຮູ້, ປະສົບການຂອງຕົນທີ່ເຄີຍໄປຮ່ຳຮຽນ, ເຮັດວຽກຢູ່ Bulgaria ເພື່ອເພີ່ມທະວີ, ຮັດແໜ້ນສາຍພົວພັນມິດຕະພາບ, ການຮ່ວມມືລະຫວ່າງ ຫວຽດນາມ - Bulgaria ໃຫ້ແໜ້ນແຟ້ນກ່ວາອີກ.

ມິງດຶກ