ທະຫານເຮືອ ແລະກໍາລັງປ້ອງກັນຝັ່ງທະເລ ອາເມລິກາ ມາຢ້ຽມຢາມແຂວງແຄງຮວ່າ

ວັນທີ 8 ກໍລະກົດ, ກຳປັ່ນ USS Blue Ridge ຂອງທະຫານເຮືອອາເມລິກາ ແລະກໍາປັ່ນ Waesche ຂອງກຳລັງປ້ອງກັນຝັ່ງທະເລ ອາເມລິກາ ໄດ້ເຂົ້າທຽບທ່າກໍາປັ່ນສາກົນ ກາມແຣງ, ເລີ່ມຕົ້ນການຢ້ຽມຢາມແຂວງແຄງຮວ່າ ໃນລະຫວ່າງວັນທີ 8-12 ກໍລະກົດ ຢ່າງເປັນທາງການ.

ໃນຂອບເຂດການຢ້ຽມຢາມແຂວງແຄງຮວ່າ, ຜູ້ບັນຊາການກອງເຮືອຮົບທີ 7 ຂຶ້ນກັບກອງບັນຊາການມະຫາສະໝຸດອິນເດຍ-ປາຊີຟິກ ອາເມລິກາ ແລະກອງບັນຊາການກຳປັ່ນ ຈະເຂົ້າຢ້ຽມຂໍ່ານັບການນຳຄະນະກໍາມະການປະຊາຊົນແຂວງແຄງຮວ່າ, ເຫຼົ່າທັບເຮືອ; ພົບປະແລກປ່ຽນ, ແຂ່ງຂັນກິລາກັບພະນັກງານ, ນັກຮົບທະຫານເຮືອເຂດ 4 ແລະຕໍາຫຼວດທະເລເຂດ 3. ບັນດາກຸ່ມນາຍທະຫານ ແລະລູກເຮືອຈະເຂົ້າຮ່ວມບາງການເຄື່ອນໄຫວແລກປ່ຽນວິຊາສະເພາະກັບບັນດາກົມກອງທີ່ກ່ຽວຂ້ອງຂອງກະຊວງປ້ອງກັນປະເທດ; ພົບປະແລກປ່ຽນດ້ານພາສາອັງກິດ, ຢ້ຽມຢາມມູນນິທິລ້ຽງດູເດັກນ້ອຍ ແລະຜູ້ມີຄວາມສ່ຽງ.