 |
ພາບປະກອບ |
ການໝູນໃຊ້, ຖ່າຍທອດເຕັກໂນໂລຢີ ແລະ ນະວັດຕະກຳມີບົດບາດສຳຄັນໃນການຍົກສູງສະມັດຕະພາບ, ຄຸນນະພາບ, ກຳລັງຄວາມສາມາດໃນການແກ້ງແຍ້ງຂອງວິສາຫະກິດ. ເພື່ອຍົກສູງປະສິດທິພາບ ແລະ ຄຸນນະພາບຂອງຜະລິດຕະພັນ, ໃນໄລຍະຜ່ານມາ ມີຫຼາຍວິສາຫະກິດຫວຽດນາມ ໄດ້ ແລະ ພວມຕັ້ງໜ້າລົງທຶນເຂົ້າໃນການປ່ຽນແປງໃໝ່, ໝູນໃຊ້ວິທະສາຍາດ ແລະ ເຕັກໂນໂລຢີເພື່ອແນໃສ່ຍົກສູງກຳລັງແກ້ງແຍ້ງ.
ສ້າງລະບົບນິເວດໃນການຜະລິດ ແລະ ການບໍລິການແບບຍືນຍົງ
 |
| ພາບປະກອບ |
ໂດຍແມ່ນວິສາຫະກິດທີ່ມີມູນເຊື້ອ ແລະ ໄດ້ສ້າງຕັ້ງມາເປັນເວລາເກືອບ 65 ປີ, ບໍລິສັດຫຸ້ນສ່ວນ ດອກໄຟກະຕິກນ້ຳ ຣ້າງດົງ ໄດ້ປ່ຽນແປງເຕັກໂນໂລຢີເປັນລາຍຄັ້ງ, ສ້າງຕັ້ງບັນດາສູນຄົ້ນຄ້ວາຢ່າງຕໍ່ເນື່ອງ ເພື່ອສ້າງບັ້ນຍຸດທະສາດການຫັນເປັນດີຈີຕອນ. ຕາມທ່ານ ຫງວຽນດ່ວານເກັດ, ຮອງຜູ້ອຳນວຍການໃຫຍ່ ບໍລິສັດຫຸ້ນສ່ວນ ດອກໄຟກະຕິກນ້ຳຣ້າງດົງແລ້ວ, ທາງບໍລິສັດໄດ້ພັດທະນາການຜະລິດແບບອັດສະລິຍາ, ນຳໃຊ້ຮຸ້ນຍົນ, ນຳໃຊ້ເຕັກໂນໂລຢີເຄື່ອງຈັກຮຽນດ້ວຍຕົນເອງ, ປັນຍາປະດິດ (AI), Industrial Internet of Things.
ຢັ້ງຢືນເຄື່ອງໝາຍການຄ້າ ຫວຽດ ແລະ ບືນຕົວຂຶ້ນອອກສູ່ໂລກ
 |
| ພາບປະກອບ |
ຕາມຂໍ້ສັງເກດຂອງບັນດານັກຊ່ຽວຊານເສດຖະກິດ, ໂອກາດໃຫຍ່ທີ່ສຸດເຊິ່ງການປະຕິວັດອຸດສາຫະກຳຄັ້ງທີ 4 ນຳມາໃຫ້ວິສາຫະກິດແມ່ນສຳຜັດກັບເຕັກໂນໂລຢີ່ລະດັບສູງກ່ວາ, ມີລະດັບອັດຕະໂນມັດສູງກ່ວາ. ດ້ວຍການໝູນໃຊ້ເຕັກໂນໂລຢີເຂົ້າໃນການຜະລິດ, ວິສາຫະກິດ ຫວຽດນາມ ນັບມື້ນັບມີຄວາມໝັ້ນຄົງຢັ້ງຢືນເຄື່ອງໝາຍ ບໍ່ພຽງແຕ່ຢູ່ຕະຫຼາດພາຍໃນປະເທດເທົ່ານັ້ນ ຫາກຍັງບື່ນຕົວຂຶ້ນອອກສູ່ຕະຫຼາດສາກົນອີກດ້ວຍ. ທ່ານ ເລວັນຮ່ວາງ, ປະທານລະບົບນິເວເຕັກໂນໂລຢີ Kaopiz Holding, ວິສາຫະກິດຫວຽດນາມ ປະສົບຜົນສຳເລັດຢູ່ຕະຫຼາດຍີ່ປຸ່ນ ຂົງເຂດພັດທະນາຊອບແວ ຢັ້ງຢືນວ່າ:
ຫວຽດນາມເດີນທາງຫຼັງໃນບັນດາຂົງເຂດເຕັກໂນໂລຢີຂໍ້ມູນຂ່າວສານ, ເຖິງຢ່າງໃດກໍຕາມ, ບັນດານັກວິສະວະກອນຂອງ ຫວຽດນາມ ດ້ວຍຄວາມສາມາດທີ່ດີ, ບໍ່ອ່ອນກ່ວາເມື່ອທຽບໃສ່ກັບບັນດານັກວິສະນະກອນໃນໂລກ ແລະ ພວກເຮົາອາດສາມາດເຮັດໄດ້ບັນດາຜະລິດຕະພັນທີ່ມີຄຸນນະພາບເທົ່າທຽມກັບບັນດາບໍລິສັດໃນໂລກ. ຂ້າພະເຈົ້າຄິດວ່າ ຫວຽດນາມ ພວມຢືນຢູ່ຕໍ່ໜ້າບັນດາໂອກາດທີ່ຍິ່ງໃຫຍ່ ເພື່ອພັດທະນາປະເທດຊາດ, ຢັ້ງຢືນທີ່ຕັ້ງຂອງຕົນໃນແຜນທີ່ເຕັກໂນໂລຢີຂໍ້ມູນຂ່າວສານຂອງໂລກ.ດ້ວຍລະດັບເຕີບໂຕໃນການສົ່ງອອກທີ່ເປັນໜ້າປະທັບໃຈ, ຫວຽດນາມ ໄດ້ມີໜ້າໃນກຸ່ມ 20 ປະເທດມີການຄ້າແຖວໜ້າໂລກ. ຫວຽດນາມ ກໍ່ໄດ້ຮັບການຕີລາຄາສູງໃນການສ້າງ, ພັດທະນາເຄື່ອງໝາຍແຫ່ງຊາດ ແລະ ແມ່ນເຄື່ອງໝາຍແຫ່ງຊາດທີ່ມີລະດັບໃນການເຕີບໂຕມູນຄ່າໄວທີ່ສຸດໃນໂລກໃນໄລຍະ 2020 – 2022.
ໃນການປະຕິວັດ 4.0, ວິສາຫະກິດຫວຽດນາມ ເຫັນໄດ້ທ່າແຮງສະເພາະຂອງຕົນ ເພື່ອມີການຕັດສິນທີ່ຖືກຕ້ອງ, ມີການປັບຕົວຢ່າງບໍ່ຢຸດຢັ້ງ, ຍູ້ແຮງ ນະວັດຕະກຳ, ໝູນໃຊ້ເຕັກໂນໂລຢີເພື່ອເພີ່ມທະວີຄວາມສາມາດ ແລະ ຄຸນນະພາບຂອງຜະລິດຕະພັນ. ພ້ອມກັບການໜູນຊ່ວຍ ແລະ ຮ່ວມເດີນທາງຂອງລັດຖະບານ, ວິສາຫະກິດຫວຽດນາມພວມໝັ້ນໃຈກ້າວເດີນຢ່າງໜັກແໜ້ນກ່ວາອີກໃນລະບົບມູນຄ່າທົ່ວໂລກ.
 |
| ພາບປະກອບ |
 | ມີນັກວິທະຍາສາດໜຸ່ມດີເດັ່ນ 10 ທ່ານ ໄດ້ຮັບລາງວັນໜ່ວຍໂລກຄຳ ປີ 2024 ຍສໝ - ພິທີມອບລາງວັນວິທະຍາສາດເຕັກໂນໂລຢີໜ່ວຍໂລກຄຳ ແລະລາງວັນນັກວິທະຍາສາດເຕັກໂນໂລຢີເພດຍິງ ປີ 2024 ໄດ້ດຳເນີນໃນຕອນຄ່ຳວັນທີ 8 ພະຈິກ ຢູ່ ຮ່າໂນ້ຍ. |
 | ຫັນບັນດາເນື້ອໃນການນຳຂອງສອງພັກ, ສອງລັດຖະບານທີ່ເຫັນດີເປັນເອກະພາບໃຫ້ປະກົດຜົນເປັນຈິງ ຍສໝ - ການຮ່ວມມືຄົ້ນຄວ້າໃນຂົງເຂດວິທະຍາສາດລະຫວ່າງຫວຽດນາມ - ລາວ ພວມພັດທະນາຢ່າງບໍ່ຢຸດຢັ້ງ, ກາຍເປັນພື້ນຖານອັນໜັກແໜ້ນໃຫ້ແກ່ການຮ່ວມມືຮອບດ້ານ; ປະກອບສ່ວນຢ່າງແທດຈິງໃຫ້ແກ່ສາຍພົວພັນມິດຕະພາບອັນຍິ່ງໃຫຍ່, ຄວາມສາມັກຄີແບບພິເສດ ແລະ ການຮ່ວມມືຮອບດ້ານຫວຽດນາມ - ລາວ ນັບມື້ນັບເກີດດອກອອກຜົນ. |
ມີງດຶກ
