ກອງປະຊຸມແຮກສ່ຽວກຸ່ມບ້ານທີ່ຢູ່ສອງຝັ່ງຊາຍແດນຫວຽດນາມ - ລາວ

ຍສໝ - ຕອນບ່າຍວັນທີ 9 ພະຈິກ, ຄູ່ບ້ານທີ່ຢູ່ສອງຝັ່ງຊາຍແດນລະຫວ່າງບ້ານກະຕັງ (ເທດສະບານລາວບາວ, ເມືອງເຮືອງຮ່ວາ, ແຂວງກວາງຈິ) ແລະບ້ານແດນສະຫວັນ (ເມືອງເຊໂປນ, ແຂວງສະຫວັນນະເຂດ, ລາວ); ບ້ານກະຕູບ (ເທດສະບານລາວບາວ, ເມືອງເຮືອງຮ່ວາ, ແຂວງກວາງຈິ) ແລະບ້ານກະຕູບ 2 (ເມືອງເຊໂປນ, ແຂວງສະຫວັນນະເຂດ, ລາວ) ໄດ້ຈັດຕັ້ງກອງປະຊຸມແຮກສ່ຽວກຸ່ມບ້ານທີ່ຢູ່ສອງຝັ່ງຊາຍແດນຂຶ້ນໃນໄຕມາດທີ 4 ປີ 2024.

ທີ່ກອງປະຊຸມ, ຜູ້ຕາງໜ້າຄູ່ບ້ານທີ່ຢູ່ສອງຝັ່ງຊາຍແດນໄດ້ຮັບຮູ້, ຕີລາຄາສູງບັນດາໝາກຜົນທີ່ບັນລຸໄດ້ໃນໄລຍະຜ່ານມາ. ໃນໄລຍະຈະມາເຖິງ, ຄູ່ບ້ານແຮກສ່ຽວຈະສືບຕໍ່ຊ່ວຍເຫຼືອເຊິ່ງກັນ ແລະກັນໃນການຜະລິດ, ຍົກສູງຊີວິດການເປັນຢູ່ຂອງປະຊາຊົນ; ເພີ່ມທະວີການພົບປະແລກປ່ຽນວັດທະນະທຳ, ສິລະປະ ແລະກິລາ; ເສີມຂະຫຍາຍກຳລັງແຮງຂອງມະຫາຊົນ, ພ້ອມກັນປົກປັກຮັກສາ, ຄຸ້ມຄອງ, ກໍ່ສ້າງເສັ້ນຊາຍແດນສັນຕິພາບ, ມິດຕະພາບ, ສະຖຽນລະພາບ, ການຮ່ວມມື ແລະພັດທະນາ; ຈັດຕັ້ງການສະຫຼຸບ 20 ປີແຫ່ງການປະຕິບັດລະບຽບການແຮກສ່ຽວ. ພາບ: ວັນເຊົ໊າ