UNESCO ປາດຖະໜາຢາກ ຮ່າໂນ້ຍ ໃຫ້ກາຍເປັນສະມາຊິກໃນເຄືອຂ່າຍນະຄອນແຫ່ງການຮໍ່າຮຽນທົ່ວໂລກ

ຍສໝ - ​ນັ້ນແມ່ນເນື້ອໃນໂດຍທ່ານ ເຈິ່ນເທ໊ເກືອງ, ຫົວໜ້າພະແນກສຶກສາ ແລະກໍ່ສ້າງ ນະຄອນຮ່າໂນ້ຍ ຍົກອອກທີ່ກອງປະຊຸມຖະແຫຼງຂ່າວກ່ຽວກັບບັນດາກິດຈະກໍາເຄື່ອນໄຫວສະເຫຼີມສະຫຼອງ 70 ປີແຫ່ງວັນສ້າງຕັ້ງຂະແໜງສຶກສາ ແລະກໍ່ສ້າງນະຄອນຫຼວງ (1954-2024) ໃນຕອນບ່າຍວັນທີ 6 ພະຈິກ.

ຕາມທ່ານ ເຈິ່ນເທ໊ເກືອງ ແລ້ວ, ໃນ 70 ປີຜ່ານມາ, ຂະແໜງສຶກສາ ແລະກໍ່ສ້າງນະຄອນຮ່າໂນ້ຍ ບັນລຸໄດ້ຜົນງານທີ່ເປັນໜ້າຮັບຮູ້, ປະກອບສ່ວນຢັ້ງຢືນບົດບາດ, ທີ່ຕັ້ງຂອງນະຄອນຫຼວງ. ປີ 2024 ແມ່ນປີທີ່ຂະແໜງສຶກສາ ແລະກໍ່ສ້າງນະຄອນຫຼວງ ສ້າງຕັ້ງມາໄດ້ 70 ປີ. ນອກຈາກການເຄື່ອນໄຫວລະອຽດ, ແທດຈິງຢູ່ຮາກຖານແລ້ວ ເພື່ອແນໃສ່ຫວນຄືນວິວັດການສູ້ຊົນ, ກໍ່ສ້າງ, ເຕີບໂຫຍ່ຂະຫຍາຍຕົວ ແລະ ພັດທະນາ, ລະດົມກໍາລັງໃຈພະນັກງານ, ຄູອາຈານ, ພະນັກງານ, ພາລະກອນ ແລະນັກຮຽນໃນທົ່ວຂະແໜງໃຫ້ມີຄວາມມານະພະຍາຍາມ ແລະສູ້ຊົນປະຕິບັດໜ້າທີ່ອອກແຮງງານ, ຮ່ຳຮຽນ, ປະຕິບັດງານ ເພື່ອປະຕິບັດສຳເລັດໜ້າທີ່ທີ່ໄດ້ວາງອອກເປັນຢ່າງດີ, ທາງພະແນກສຶກສາ ແລະກໍ່ສ້າງນະຄອນຮ່າໂນ້ຍ ໄດ້ຈັດກິດຈະກໍາເຄື່ອນໄຫວຫຼາຍຢ່າງເພື່ອສະເຫຼີມສະຫຼອງ 70 ປີແຫ່ງວັນສ້າງຕັ້ງຂະແໜງການ. ພາບ: ກອງທັບປະຊາຊົນ