ຍີ່ປຸ່ນ: ຫວຽດນາມ ຈະກາຍເປັນປະເທດນຳໜ້າຢູ່ພາກພື້ນອາຊີ ໂດຍໄວ

	ສະເໜີໃຫ້ ອາເມລິກາ ຮັບຮອງຂໍ້ກຳນົດພື້ນຖານເສດຖະກິດການຕະຫຼາດຂອງ ຫວຽດນາມ ໂດຍໄວ
	ຍີ່ປຸ່ນ ເຊີດຊູ ທ່ານ ຮວ່າງບິ່ງກວນ ທີ່ໄດ້ປະກອບສ່ວນຢ່າງຕັ້ງໜ້າເຂົ້າໃນການພົວພັນມິດຕະພາບ ຫວຽດນາມ - ຍີ່ປຸ່ນ

ຍີ່ປຸ່ນ ແມ່ນໜຶ່ງໃນບັນດາຄູ່ຮ່ວມມືທີ່ສຳຄັນທີ່ສຸດ ແລະຍາວນານ

ຢືນຢັນວ່າ ຍີ່ປຸ່ນ ຖືເປັນໜຶ່ງໃນບັນດາຄູ່ຮ່ວມມືສຳຄັນທີ່ສຸດ ແລະຍາວນານ, ທ່ານ ເຈິ່ນແທງເໝິນ ປະທານສະພາແຫ່ງຊາດ ຖືວ່າ ຫວຽດນາມ ສະໜັບສະໜູນຍີ່ປຸ່ນ ໃນການເສີມຂະຫຍາຍບົດບາດຕັ້ງໜ້າ, ປະກອບສ່ວນເຂົ້າໃນສັນຕິພາບ, ສະຖຽນລະພາບ, ການຮ່ວມມື ແລະພັດທະນາຢູ່ພາກພື້ນກໍ່ຄືໃນໂລກ.

ແຈ້ງໃຫ້ຊາບກ່ຽວກັບຜົນຂອງການປະຕິບັດວຽກງານນິຕິບັນຍັດ, ທ່ານ ເຈິ່ນແທງເໝິນ ໃຫ້ຮູ້ວ່າ: ທີ່ກອງປະຊຸມຄັ້ງທີ 8 ຂອງສະພາແຫ່ງຊາດຫວຽດນາມ ຊຸດທີ XV ຜ່ານມາ, ສະພາແຫ່ງຊາດຫວຽດນາມ ໄດ້ຮັບຮອງເອົາ ແລະປະກອບຄຳເຫັນໃສ່ບັນດາຮ່າງກົດໝາຍທີ່ສຳຄັນກ່ຽວກັບການເຄື່ອນໄຫວລົງທຶນ, ດຳເນີນທຸລະກິດ ແລະພວມປັບປຸງແລວນິຕິກໍາໃຫ້ສະດວກເທື່ອລະກ້າວ, ປັບປຸງສະພາບແວດລ້ອມແຫ່ງການລົງທຶນ, ໜູນຊ່ວຍບັນດາວິສາຫະກິດຕ່າງປະເທດ, ໃນນັ້ນມີບັນດາວິສາຫະກິດຍີ່ປຸ່ນ ເພີ່ມທະວີການລົງທຶນຢູ່ຫວຽດນາມ ຢ່າງໝັ້ນຄົງ ແລະຍາວນານ.

ທ່ານ ເຈິ່ນແທງເໝິນ ປະທານສະພາແຫ່ງຊາດຫວຽດນາມ ແລະທ່ານ Ishiba Shigeru ນາຍົກລັດຖະມົນຕີ ຍີ່ປຸ່ນ. ພາບ: ສໍານັກຂ່າວສານຫວຽດນາມ.

ທ່ານປະທານສະພາແຫ່ງຊາດ ສະເໜີໃຫ້ຍີ່ປຸ່ນ ສືບຕໍ່ໜູນຊ່ວຍຫວຽດນາມ ໃນການຫັນເປັນອຸດສາຫະກຳ-ທັນສະໄໝ; ຊຸກຍູ້, ເປີດກວ້າງການຮ່ວມມື, ລົງທຶນດ້ານພື້ນຖານໂຄງລ່າງ, ພະລັງງານສະອາດ, ພະລັງງານທົດແທນ, ກະສິກຳຄຸນນະພາບສູງ, ການຫັນເປັນສີຂຽວ, ການຫັນເປັນດີຈີຕອນ, ສູນຂໍ້ມູນ, ຊິບເຄິ່ງຊັກນຳໄຟຟ້າ... ບັນດາຂົງເຂດທີ່ຍີ່ປຸ່ນ ມີທ່າແຮງ; ຍີ່ປຸ່ນ ໜູນຊ່ວຍຫວຽດນາມ ເຂົ້າຮ່ວມໃນລະບົບຕ່ອງໂສ້ສະໜອງທາດເຄິ່ງຊັກນຳໄຟຟ້າໂລກ.

ທີ່ການພົບປະ, ສອງຝ່າຍໄດ້ເຫັນດີເປັນເອກະພາບເພີ່ມທະວີການຕິດພັນກັນການບຳລຸງສ້າງຊັບພະຍາກອນມະນຸດໂດຍຜ່ານການຊຸກຍູ້ການຮ່ວມມືດ້ານແຮງງານ, ບຳລຸງສ້າງແຫຼ່ງຊັບພະຍາກອນມະນຸດໃຫ້ມີຄຸນນະພາບສູງ, ການພົບປະແລກປ່ຽນປະຊາຊົນ; ຫວຽດນາມ ສືບຕໍ່ສົ່ງຄົນງານໄປຍີ່ປຸ່ນ ຫຼາຍຄົນ, ໜູນຊ່ວຍການແກ້ໄຂບັນຫາປະຊາກອນອາຍຸຫຼາຍຢູ່ຍີ່ປຸ່ນ. ສອງຝ່າຍເຫັນດີເປັນເອກະພາບສືບຕໍ່ສ້າງເງື່ອນໄຂສະດວກໃຫ້ຊາວຫວຽດນາມ ທີ່ພວມອາໄສ, ຮ່ຳຮຽນ ແລະເຮັດວຽກຢູ່ຍີ່ປຸ່ນ ເພື່ອແນໃສ່ປະກອບສ່ວນຢ່າງຕັ້ງໜ້າເຂົ້າໃນການພັດທະນາຂອງຍີ່ປຸ່ນ, ຊຸກຍູ້ ແລະຕິດພັນກັບການພົວພັນລະຫວ່າງສອງປະເທດກ່ວາອີກ.

ເຊັນສັນຍາຮ່ວມມືລະຫວ່າງສະພາແຫ່ງຊາດຫວຽດນາມ ແລະສະພາສູງຍີ່ປຸ່ນ

ໃນຂອບເຂດການຢ້ຽມຢາມຍີ່ປຸ່ນ ຢ່າງເປັນທາງການ, ຕອນບ່າຍວັນທີ 5 ທັນວາ, ຢູ່ນະຄອນຫຼວງໂຕກຽວ, ທ່ານ ເຈີ່ນແທງເໝິນ ປະທານສະພາແຫ່ງຊາດຫວຽດນາມ ໄດ້ມີການພົບປະກັບທ່ານ Sekiguchi Masakazu ປະທານສະພາສູງຍີ່ປຸ່ນ.

ທີ່ການພົບປະ, ທ່ານ ເຈີ່ນແທງເໝິນ ຢືນຢັນວ່າ ຫວຽດນາມ ຍາມໃດກໍ່ຖື ຍີ່ປຸ່ນ ແມ່ນຄູ່ຮ່ວມມືສຳຄັນທີ່ສຸດ ແລະຍາວນານ; ຕີລາຄາວ່າ ການພົວພັນລະຫວ່າງສອງປະເທດພວມຢູ່ໃນໄລຍະທີ່ດີງາມທີ່ສຸດດ້ວຍຄວາມໄວ້ເນື້ອເຊື່ອໃຈທາງດ້ານການເມືອງສູງ ແລະການພົບປະແລກປ່ຽນຂັ້ນສູງລະຫວ່າງສອງປະເທດຢ່າງໃກ້ຊິດສະໜິດສະໜົມ, ແໜ້ນແຟ້ນ.

ສະແດງຄວາມປິຕິຊົມຊື່ນທີ່ໄດ້ຕ້ອນຮັບທ່ານປະທານສະພາແຫ່ງຊາດ ໃນການມາຢ້ຽມຢາມຍີ່ປຸ່ນ ຢ່າງເປັນທາງການ, ທ່ານ Sekiguchi ໄດ້ແບ່ງປັນກ່ຽວກັບຄວາມເຈັບປວດ ແລະເສຍຫາຍຈາກລົມພາຍຸ Yagi ກໍ່ຂຶ້ນກັບປະຊາຊົນຫວຽດນາມ, ຢືນຢັນວ່າ ຍີ່ປຸ່ນ ຍາມໃດກໍ່ຄຽງບ່າຄຽງໄຫຼ່ຫວຽດນາມ ໃນເວລາທີ່ປະສົບກັບຄວາມຫຍຸ້ງຍາກ.

ທ່ານ ເຈິ່ນແທງເໝິນ ປະທານສະພາແຫ່ງຊາດຫວຽດນາມ ແລະທ່ານ Sekiguchi Masakazu ປະທານສະພາສູງຍີ່ປຸ່ນ ແລກປ່ຽນບັນດາເອກະສານຮ່ວມມື. ພາບ: ສໍານັກຂ່າວສານຫວຽດນາມ

ກ່ຽວກັບການພົວພັນລະຫວ່າງສອງປະເທດ, ທ່ານ Sekiguchi ປະທານສະພາສູງ ເຊື່ອໝັ້ນວ່າ ປີນີ້ແມ່ນຈຸດເລີ່ມຕົ້ນໃໝ່ແຫ່ງການຮ່ວມມືລະຫວ່າງສອງປະເທດໃນ 50 ປີຕໍ່ໜ້າ; ຢືນຢັນວ່າ, ສະພາສູງຍີ່ປຸ່ນ ຈະສືບຕໍ່ປະກອບສ່ວນຢ່າງຕັ້ງໜ້າເຂົ້າໃນການພັດທະນາການພົວພັນລະຫວ່າງສອງປະເທດ.

ການນຳສອງທ່ານສະແດງຄວາມປິຕິຊົມຊື່ນຕໍ່ການພົວພັນຫວຽດນາມ - ຍີ່ປຸ່ນ ສືບຕໍ່ບັນລຸໄດ້ບັນດາໝາກຜົນທີ່ພົ້ນເດັ່ນໃນການຮ່ວມມືດ້ານເສດຖະກິດ, ການຄ້າ, ການລົງທຶນ, ແຮງງານ, ບຳລຸງສ້າງແຫຼ່ງຊັບພະຍາກອນມະນຸດ, ການພົບປະແລກປ່ຽນວັດທະນະທຳ, ການພົບປະແລກປ່ຽນປະຊາຊົນ, ການເຊື່ອມຕໍ່ທ້ອງຖິ່ນລະຫວ່າງສອງປະເທດ.

ຕີລາຄາສູງການພົວພັນຮ່ວມມືດ້ານເສດຖະກິດ - ການຄ້າ - ການລົງທຶນລະຫວ່າງສອງປະເທດ, ທ່ານປະທານສະພາແຫ່ງຊາດ ໄດ້ຂອບໃຈສະພາແຫ່ງຊາດ, ລັດຖະບານ ແລະປະຊາຊົນຍີ່ປຸ່ນ ທີ່ຕັ້ງໜ້າໜູນຊ່ວຍແຫຼ່ງທຶນ ODA ໃຫ້ແກ່ ຫວຽດນາມ ໃນໄລຍະ 30 ປີຜ່ານມາ; ສະເໜີ ຍີ່ປຸ່ນ ສືບຕໍ່ຜັນຂະຫຍາຍ ODA ລຸ້ນໃໝ່ທີ່ມີລັກສະນະບຸລິມະສິດສູງ, ຂັ້ນຕອນງ່າຍດາຍ, ສອດຄ່ອງກັບໂຄງການພັດທະນາພື້ນຖານໂຄງລ່າງຍຸດທະສາດຂະໜາດໃຫຍ່ຢູ່ຫວຽດນາມ ຢ່າງມີປະສິດທິຜົນ; ໜູນຊ່ວຍຫວຽດນາມ ປະຕິບັດການຫັນເປັນອຸດສາຫະກໍາ-ທັນສະໄໝ, ກໍ່ສ້າງພື້ນຖານເສດຖະກິດເອກະລາດ, ເປັນເຈົ້າຕົນເອງ, ເຊື່ອມໂຍງຢ່າງເລິກເຊິ່ງກວ້າງຂວາງ ແລະຮອບດ້ານ; ປະຕິບັດ 3 ຍຸດທະສາດບຸກທະລຸໃນດ້ານພື້ນຖານໂຄງລ່າງ, ລະບອບລະບຽບການ, ຊັບພະຍາກອນມະນຸດ.

ໃນບັນຍາກາດອັນສະໜິດສະໜົມ, ຈິງໃຈ, ເປີດອົກເປີດໃຈ ແລະການຮ່ວມມື, ສອງຝ່າຍຍັງໄດ້ເນັ້ນໜັກເຖິງຄວາມຈຳເປັນຕ້ອງສືບຕໍ່ຊຸກຍູ້ການຮ່ວມມືດ້ານວັດທະນະທຳ, ການທ່ອງທ່ຽວ, ການພົບປະແລກປ່ຽນປະຊາຊົນ ແລະການເຊື່ອມຕໍ່ລະຫວ່າງທ້ອງຖິ່ນເພື່ອພັດທະນາການພົວພັນທັງລວງກວ້າງ ແລະລວງເລິກ.

ຢືນຢັນວ່າການຮ່ວມມືລັດຖະສະພາແມ່ນຊ່ອງທາງສຳຄັນໃນການພົວພັນຮ່ວມມືອັນດີງາມລະຫວ່າງສອງປະເທດ, ການນຳສອງທ່ານສະແດງຄວາມປິຕິຊົມຊື່ນກ່ຽວກັບເລື່ອງສະພາແຫ່ງຊາດຫວຽດນາມ ແລະສະພາສູງຍີ່ປຸ່ນ ລົງນາມໃນຂໍ້ຕົກລົງຮ່ວມມື ເພື່ອແນໃສ່ເພີ່ມທະວີປະສິດທິຜົນການເຄື່ອນໄຫວຮ່ວມມືລະຫວ່າງອົງການນິຕິບັນຍັດສອງປະເທດທາງດ້ານສອງຝ່າຍ ແລະຫຼາຍຝ່າຍ; ເຫັນດີເປັນເອກະພາບຊຸກຍູ້ການຕິດຕາມກວດກາຂໍ້ຕົກລົງຮ່ວມມືທີ່ໄດ້ລົງນາມຢ່າງມີປະສິດທິຜົນ.

ເນື່ອງໃນໂອກາດນີ້, ທ່ານປະທານສະພາແຫ່ງຊາດ ໄດ້ເຊື້ອເຊີນທ່ານປະທານສະພາສູງ Sekiguchi ພ້ອມດ້ວຍພັນລະຍາຢ້ຽມຢາມຫວຽດນາມ ຢ່າງເປັນທາງການຕາມເວລາທີ່ເໝາະສົມ. ທ່ານປະທານສະພາສູງ Sekiguchi ຕອບຮັບຄຳເຊື້ອເຊີນດ້ວຍຄວາມຍິນດີ.

ສິ້ນສຸດການພົບປະ, ສອງຝ່າຍໄດ້ລົງນາມໃນສັນຍາຮ່ວມມືລະຫວ່າງສະພາແຫ່ງຊາດຫວຽດນາມ ແລະສະພາສູງຍີ່ປຸ່ນ.

ສະເໜີໃຫ້ ອາເມລິກາ ຮັບຮອງກົດລະບຽບທາງດ້ານເສດຖະກິດທ້ອງຕະຫຼາດໃຫ້ ຫວຽດນາມ ໂດຍໄວ ຍສໝ - ຕອນ​ບ່າຍ​ວັນ​ທີ 4 ມີນາ, ຢູ່ສຳນັກງານ​ລັດຖະບານ, ທ່ານ​ຮອງ​ນາຍົກລັດຖະມົນຕີ ຫວຽດນາມ ເຈີ່ນລິວ​ກວາງ ​ໄດ້ຕ້ອນ​ຮັບ​ທ່ານ Nitin Darbari, ຮອງ​ປະທານຂັ້ນສູງ​ກຸ່ມ​ບໍ​ລິ​ສັດ Procter & Gamble (P&G) ພາກພື້ນ ທີ່ພວມມີການມາຢ້ຽມຢາມ ແລະ ເຮັດວຽກ ຢູ່ ຫວຽດນາມ.

ນໍາ ຮວ່ານນກຽມ-ຈັນທະບູລີ ກາຍເປັນແບບຢ່າງການຮ່ວມມືລະຫວ່າງຮ່າໂນ້ຍ ແລະ ວຽງຈັນ (ລາວ) ໂດຍໄວ ຍສໝ - ສະຫາຍ ຫງວຽນວັນຟອງ ຫວັງວ່າ ເມືອງຮວ່ານກຽມ ແລະ ເມືອງຈັນທະບູລີ ຈະປຶກສາຫາລື ແລະ ກຳນົດເນື້ອໃນການຮ່ວມມືໃນໄລຍະຈະມາເຖິງ ຕາມທິດເສີມຂະຫຍາຍຄວາມສາມາດບົ່ມຊ້ອນ ແລະ ທ່າແຮງຂອງແຕ່ລະທ້ອງຖິ່ນ...