| ສະເໜີຊຸກຍູ້ການຮ່ວມມືລະຫວ່າງ ຫວຽດນາມ - ໂອຕຣິດ ໃນ 4 ຂົງເຂດຈຸດສຸມ | |
| ການຮ່ວມມືຫວຽດນາມ - ຈີນ ຄັ້ງທີ 7 ກ່ຽວກັບການປ້ອງກັນ ແລະ ຕ້ານອາຊະຍາກຳ |
ການຮ່ວມມືດ້ານເສດຖະກິດ-ການຄ້າລະຫວ່າງຫວຽດນາມ ແລະສິງກະໂປ ໄດ້ຮັບຖືວ່າແມ່ນຈຸດພົ້ນເດັ່ນໃນການພົວພັນລະຫວ່າງສອງປະເທດ. ໝາກຜົນດັ່ງກ່າວບໍ່ໄດ້ເກີດຂຶ້ນໂດຍບັງເອີນ, ແຕ່ອີງໃສ່ຄວາມສະໜິດຕິດພັນທີ່ເກີດຂຶ້ນເອງລະຫວ່າງສອງປະເທດ, ເພື່ອຜົນປະໂຫຍດຂອງສອງຝ່າຍ ແລະວິໄສທັດຍຸດທະສາດລວມ.
ໃນຂອບເຂດການຢ້ຽມຢາມ ສິງກະໂປ ຢ່າງເປັນທາງການຂອງທ່ານ ເຈິ່ນແທງເໝິນ ປະທານສະພາແຫ່ງຊາດຫວຽດນາມ ໃນລະຫວ່າງວັນທີ 1-3 ທັນວາ, ປະໂຫຍກທີ່ສອງຝ່າຍໄດ້ກ່າວຫຼາຍກວ່າໝູ່ແມ່ນ “ມີຄວາມສາມາດບົ່ມຊ້ອນຫຼາຍຢ່າງເພື່ອຮ່ວມມືພັດທະນາ”, “ສົມທົບກັນຢ່າງແໜ້ນແຟ້ນ, ສະໜັບສະໜູນກັນ”.
ແບ່ງປັນຜົນປະໂຫຍດ, ຮ່ວມມືປະສົບຜົນສໍາເລັດ
ໃນການໂອ້ລົມກັບປະຊາຄົມຊາວຫວຽດນາມ ຢູ່ສິງກະໂປ, ທ່ານປະທານສະພາແຫ່ງຊາດ ໄດ້ສະແດງຄວາມເຄົາລົບນັບຖືຕໍ່ຫຼາຍຮູບແບບທີ່ປະສົບຜົນສຳເລັດແຖວໜ້າໃນໂລກຂອງສິງກະໂປ ເຊັ່ນ: ການຄຸ້ມຄອງບໍລິຫານລັດ, ການຄຸ້ມຄອງຄວາມເປັນລະບຽບຮຽບຮ້ອຍທາງສັງຄົມ, ການພັດທະນາເຕັກໂນໂລຊີດີຈີຕອນ, ເສດຖະກິດສີຂຽວ, ການເງິນສີຂຽວ... ແລະຖືວ່າ ນີ້ແມ່ນປະສົບການທີ່ດີເພື່ອໃຫ້ພວກເຮົາໄດ້ຮຽນຮູ້.
ສະພາບການຕົວຈິງໄດ້ພິສູດໃຫ້ເຫັນວ່າ ການພົວພັນຫວຽດນາມ-ສິງກະໂປ ມີພື້ນຖານອັນດີງາມ ແລະມີຜົນປະໂຫຍດຮ່ວມກັນຫຼາຍຢ່າງ, ບັນລຸໄດ້ການສະໜັບສະໜູນ ແລະຄວາມເຫັນດີເຫັນພ້ອມສູງ. ການພົວພັນລະຫວ່າງຫວຽດນາມ-ສິງກະໂປ ໄດ້ຮັບການເພີ່ມພູນຄູນສ້າງຈາກການນຳລຸ້ນຕ່າງໆ ແລະປະຊາຊົນສອງປະເທດວ່າ ໃຫ້ເປັນແບບຢ່າງທີ່ປະສົບຜົນສຳເລັດຂອງສອງຝ່າຍ ແລະຫຼາຍຝ່າຍ. ຮູບປັ້ນປະທານໂຮ່ຈີມິນ ໄດ້ສະຖິດໄວ້ຢ່າງສະຫງ່າຜ່າເຜີຍຢູ່ສວນສາທາລະນະຫໍພິພິທະພັນສີວິໄລອາຊີ ໃນປະຈຸບັນ ແມ່ນພະຍານຫຼັກຖານແຫ່ງຄວາມສາມັກຄີ, ມິດຕະພາບລະຫວ່າງສອງຊາດ, ສອງປະເທດ.
 |
| ທ່ານ ເຈິ່ນແທງເໝິນ ປະທານສະພາແຫ່ງຊາດຫວຽດນາມ ພົບປະກັບທ່ານ Tharman Shanmugaratnam ປະທານາທິບໍດີສິງກະໂປ. ພາບ: ຢ້ວານເຕິນ |
ການຢ້ຽມຢາມສິງກະໂປ ຢ່າງເປັນທາງການຂອງທ່ານປະທານສະພາແຫ່ງຊາດຫວຽດນາມ ໄດ້ດຳເນີນໄປໃນໄລຍະທີ່ການພົວພັນລະຫວ່າງສອງປະເທດພວມພັດທະນາຢ່າງດີງາມໃນຫຼາຍຂົງເຂດ, ດ້ວຍພື້ນຖານເຂັ້ມແຂງແມ່ນຄວາມໄວ້ເນື້ອເຊື່ອໃຈດ້ານການເມືອງ ແລະການເຊື່ອມຕໍ່ເສດຖະກິດ - ການຄ້າ - ການລົງທຶນຢ່າງແໜ້ນແຟ້ນ. ສິງກະໂປ ແມ່ນໜຶ່ງໃນບັນດາປະເທດທໍາອິດທີ່ສ້າງຕັ້ງການພົວພັນທາງການທູດກັບຫວຽດນາມ (ເດືອນ ສິງຫາ 1973), ພາຍຫຼັງສັນຍາປາຣີ ໄດ້ຮັບການລົງນາມ. ໃນຊຸມປີ 1990, ການພົວພັນລະຫວ່າງສອງປະເທດໄດ້ຮັບການພັດທະນາຢ່າງວ່ອງໄວ, ພິເສດແມ່ນພາຍຫຼັງທີ່ຫວຽດນາມ ເຂົ້າເປັນສະມາຊິກອາຊຽນ ໃນປີ 1995, ພ້ອມກັນຄຽງບ່າຄຽງໄລ່ກັບສິງກະໂປ ພາຍໃຕ້ “ຊາຍຄາລວມ”.
ປີ 2013, ສິງກະໂປ ໄດ້ກາຍເປັນໜຶ່ງໃນບັນດາປະເທດສະມາຊິກອາຊຽນ ທຳອິດທີ່ສ້າງຕັ້ງການພົວພັນຄູ່ຮ່ວມມືຍຸດທະສາດກັບຫວຽດນາມ, ເປີດໄລຍະໃໝ່ແຫ່ງການຮ່ວມມືທີ່ຕ່າງຝ່າຍຕ່າງມີຜົນປະໂຫຍດ, ເຄົາລົບ ແລະເຊື່ອໝັ້ນລະຫວ່າງສອງປະເທດ. ສິງກະໂປ ແມ່ນໜຶ່ງໃນ 4 ປະເທດອາຊຽນ ທີ່ນໍາໜ້າໃນການຊອກຫາກາລະໂອກາດຮ່ວມມືດ້ານການລົງທຶນຢູ່ຫວຽດນາມ ນັບແຕ່ຊຸມປີ 1990 ເປັນຕົ້ນມາ. ຫຼັງຈາກນັ້ນ, ຍອດຈຳນວນເງິນລົງທຶນຈາກປະເທດນີ້ເຂົ້າຫວຽດນາມ ເພີ່ມຂຶ້ນຢ່າງວ່ອງໄວ, ຍິ່ງໄປກວ່ານັ້ນແມ່ນກຳລັງຢູ່ໃນໄລຍະທີ່ເກີດວິກິດການເສດຖະກິດອາຊີ ໃນປີ 1997, ໃນຂະນະທີ່ປະເທດອື່ນສ່ວນຫຼາຍລ້ວນແຕ່ຫຼຸດລົງຢ່າງແຮງ.
ທີ່ການພົບປະກັບການນຳຂັ້ນສູງຂອງສິງກະໂປ, ບັນດາການນຳຂອງສອງປະເທດໄດ້ສະແດງຄວາມເພິ່ງພໍໃຈຕໍ່ໝາກຜົນການຮ່ວມມືດ້ານເສດຖະກິດສອງຝ່າຍ, ພ້ອມທັງເນັ້ນໜັກເຖິງຄວາມສາມາດບົ່ມຊ້ອນໃນການຮ່ວມມື. ມາຮອດປະຈຸບັນ, ສິງກະໂປ ຍັງຮັກສາຖານະເປັນນັກລົງທຶນໃຫຍ່ອັນດັບສອງຂອງຫວຽດນາມ ດ້ວຍກ່ວາ 3.800 ໂຄງການ, ຍອດຈຳນວນເງິນລົງທຶນສະສົມ ແມ່ນຫຼາຍກວ່າ 81 ຕື້ໂດລາສະຫະລັດ. ບັນດານັກລົງທຶນສິງກະໂປ ໄດ້ເຂົ້າຮ່ວມບັນດາຂະແໜງ, ຂົງເຂດເສດຖະກິດເກືອບທັງໝົດ (18/21 ອຸດສາຫະກຳ) ຢູ່ 51/63 ແຂວງ, ນະຄອນຂອງຫວຽດນາມ. ເຄືອຂ່າຍເຂດອຸດສາຫະກຳຫວຽດນາມ - ສິງກະໂປ 18 ແຫ່ງ (VSIP) ຢູ່ 13 ແຂວງ/ນະຄອນ ໃນທົ່ວປະເທດດ້ວຍຍອດເງິນລົງທຶນກວ່າ 18 ຕື້ໂດລາສະຫະລັດ ໄດ້ສ້າງວຽກເຮັດງານທຳໂດຍກົງໃຫ້ປະຊາຊົນປະມານ 300.000 ຄົນ. ເຂດອຸດສາຫະກຳ VSIP ໄດ້ກາຍເປັນສັນຍາລັກແຫ່ງການຮ່ວມມືດ້ານເສດຖະກິດລະຫວ່າງສອງປະເທດປະສົບຜົນສຳເລັດ.
 |
| ທ່ານ ເຈິ່ນແທງເໝິນ ປະທານສະພາແຫ່ງຊາດຫວຽດນາມ ແລະທ່ານ Seah Kian Peng ປະທານສະພາແຫ່ງຊາດສິງກະໂປ. ພາບ: ຢ້ວານເຕິນ |
ກົງກັນຂ້າມ, ປະຈຸບັນ, ຫວຽດນາມ ມີ 153 ໂຄງການລົງທຶນທີ່ຖືກຕ້ອງຢູ່ສິງກະໂປ ຍັງມີຜົນສັກສິດດ້ວຍຍອດຈຳນວນເງິນທຶນຈົດທະບຽນກວ່າ 690 ລ້ານໂດລາສະຫະລັດ (ຢືນອັນດັບທີ 10/80 ປະເທດ ແລະເຂດແຄ້ວນ ດ້ວຍທີ່ມີເງິນລົງທຶນຂອງຫວຽດນາມ), ສຸມໃສ່ເຂົ້າໃນຂົງເຂດວິທະຍາສາດ - ເຕັກໂນໂລຊີ; ຂາຍສົ່ງ, ຂາຍຍ່ອຍ; ຂໍ້ມູນຂ່າວສານ ແລະການສື່ສານ; ອະສັງຫາລິມະສັບ, ອຸດສາຫະກໍາປຸງແຕ່ງ, ການຜະລິດ...
ນຳການພົວພັນລະຫວ່າງສອງປະເທດຂຶ້ນສູ່ລະດັບສູງໃໝ່ໂດຍໄວ
ການປະຕິບັດງານຢູ່ສິງກະໂປ ຂອງທ່ານປະທານສະພາແຫ່ງຊາດຫວຽດນາມ ໄດ້ດຳເນີນໄປໃນຈຸດເວລາທີ່ຫວຽດນາມ ພວມດຳເນີນການປະຕິຮູບຢ່າງແຂງແຮງ ເພື່ອນຳປະເທດຊາດກ້າວເຂົ້າສູ່ໄລຍະພັດທະນາໃໝ່. ສານສຳຄັນທີ່ທ່ານປະທານສະພາແຫ່ງຊາດ ຢືນຢັນຊ້ຳແລ້ວຊ້ຳອີກໃນການພົບປະກັບບັນດາການນຳຂັ້ນສູງ ແລະການນໍາບັນດາກຸ່ມບໍລິສັດ, ກອງທຶນການເງິນໃຫຍ່ຂອງສິງກະໂປ ແມ່ນ: ຫວຽດນາມ ພ້ອມແລ້ວທີ່ຈະຜ່ານຜ່າຄວາມຫຍຸ້ງຍາກ, ຂໍ້ຕິດຄັດ, ສ້າງເງື່ອນໄຂສະດວກໃຫ້ບັນດາວິສາຫະກິດພາຍໃນ ແລະບັນດານັກລົງທຶນຕ່າງປະເທດ. ໃນວຽກງານນິຕິບັນຍັດ, ສະພາແຫ່ງຊາດໄດ້ມີການປ່ຽນແປງໃໝ່ຈິນຕະນາການຫຼາຍຢ່າງໃນການສ້າງກົດໝາຍເພື່ອແນໃສ່ປັບປຸງບັນດາອົງການ, ສ້າງເງື່ອນໄຂສະດວກໃຫ້ບັນດານັກລົງທຶນ.
ຮັບຮູ້ບັນດາການເຄື່ອນໄຫວປະຕິຮູບລະບອບລະບຽບການຢູ່ຫວຽດນາມ ໃນໄລຍະຜ່ານມາ, ທີ່ການພົບປະກັບທ່ານປະທານສະພາແຫ່ງຊາດຫວຽດນາມ, ທ່ານ Tharman Shanmugaratnam ປະທານາທິບໍດີສິງກະໂປ ໄດ້ຊົມເຊີຍສະພາແຫ່ງຊາດຫວຽດນາມ ທີ່ໄດ້ຄຽງບ່າຄຽງໄຫຼ່ພ້ອມກັບລັດຖະບານວາງນະໂຍບາຍຊີ້ຂາດຢ່າງຖືກຕ້ອງ, ຊ່ວຍບັນລຸຜົນງານອັນໃຫຍ່ຫຼວງໃນການພັດທະນາເສດຖະກິດ - ສັງຄົມ, ດ້ວຍລະດັບເຕີບໂຕ GDP ສູງ.
 |
| ທ່ານ ເຈິ່ນແທງເໝິນ ປະທານສະພາແຫ່ງຊາດຫວຽດນາມ ຕ້ອນຮັບທ່ານ Kevin Chng, ຫົວໜ້າຂະແໜງການເງິນຂອງກຸ່ມບໍລິສັດ Keppel. ພາບ: ຢ້ວານເຕິນ |
ທີ່ການພົບປະກັບທ່ານ Seah Kian Peng ປະທານສະພາແຫ່ງຊາດສິງກະໂປ, ການນຳສະພາແຫ່ງຊາດສອງປະເທດໄດ້ຊອກຫາມາດຕະການແກ້ໄຂດ້ານນິຕິກໍາເພື່ອເຮັດໃຫ້ການຮ່ວມມືດ້ານເສດຖະກິດ-ການຄ້ານັບມື້ນັບແທດຈິງກວ່າອີກ, ມີປະສິດທິຜົນ, ປະກອບສ່ວນເພື່ອໃຫ້ວິສາຫະກິດສິງກະໂປ ຍູ້ແຮງການລົງທຶນຢູ່ຫວຽດນາມ ກໍ່ຄືວິສາຫະກິດຫວຽດນາມ ລົງທຶນຢູ່ສິງກະໂປ.
ໃນໄລຍະດຳເນີນການຢ້ຽມຢາມ, ພວກຂ້າພະເຈົ້າໄດ້ພົບປະກັບທ່ານ ຮສຈ, ດຣ ຫວູມິນເຄືອງ, ອາຈານສອນຢູ່ໂຮງຮຽນນະໂຍບາຍລັດ Lee Kuan Yew. ທ່ານ ຮສຈ, ດຣ ຫວູມິນເຄືອງ ໄດ້ສະແດງຄວາມປະທັບໃຈຕໍ່ຄຳເຫັນຂອງປະທານສະພາແຫ່ງຊາດຫວຽດນາມ ກ່ຽວກັບການແກ້ໄຂຈຸດອຸດຕັນດ້ານລະບອບລະບຽບການ, ສ້າງປະຖົມປັດໃຈ, ກະກຽມທຸກດ້ານໃຫ້ປະເທດຊາດກ້າວເຂົ້າສູ່ໄລຍະໃໝ່; ຕີລາຄາສູງການປ່ຽນແປງໃໝ່ຂອງສະພາແຫ່ງຊາດໃນກອງປະຊຸມສະໄໝສາມັນເທື່ອທີ VIII ຜ່ານມາ, ພິເສດແມ່ນການປ່ຽນແປງໃໝ່ໃນວຽກງານສ້າງກົດໝາຍຕາມທິດສັ້ນກະທັດຮັດ, ກົດໝາຍກຳນົດພຽງແຕ່ບັນຫາຢູ່ໃນຂອບເຂດສິດອຳນາດຂອງສະພາແຫ່ງຊາດ, ບໍ່ກຳນົດເນື້ອໃນຂອງລັດຖະດຳລັດ ແລະແຈ້ງການ. ພາຍຫຼັງການໂອ້ລົມສົນທະນາຢ່າງສະໜິດສະໜົມກັບທ່ານປະທານສະພາແຫ່ງຊາດ, ທ່ານ ຮສຈ, ດຣ ຫວູມິງເຄືອງ ແລະຜູ້ຕາງໜ້າສະມາຄົມ, ພໍ່ແມ່ປະຊາຊົນວົງຄະນະຍາດລ້ວນແຕ່ເນັ້ນໜັກເຖິງບົດບາດຂອງການທູດລັດຖະສະພາ, ຍ້ອນວ່າທຸກການເຄື່ອນໄຫວ, ການປະຕິຮູບຢູ່ຫວຽດນາມ ກໍ່ຄືສິງກະໂປ ລ້ວນແຕ່ເລີ່ມຈາກລະບົບກົດໝາຍ.
ພາຍຫຼັງ 50 ປີແຫ່ງວັນສ້າງຕັ້ງການພົວພັນທາງການທູດ ແລະ 10 ປີແຫ່ງການສ້າງຕັ້ງການພົວພັນຄູ່ຮ່ວມມືຍຸດທະສາດ, ຫວຽດນາມ ແລະສິງກະໂປ ສືບຕໍ່ແບ່ງປັນຜົນປະໂຫຍດ ແລະວິໄສທັດຍຸດທະສາດລວມ. ການຢ້ຽມຢາມຄັ້ງນີ້ຂອງປະທານສະພາແຫ່ງຊາດໄດ້ດຳເນີນໄປໃນຈຸດເວລາທີ່ເໝາະສົມ ແລະມີຄວາມໝາຍຫຼາຍຢ່າງ, ສ້າງບາດກ້າວພັດທະນາ, ປະກອບສ່ວນປັບປຸງ ແລະເຮັດໃຫ້ການພົວພັນຄູ່ຮ່ວມມືຍຸດທະສາດຫວຽດນາມ - ສິງກະໂປ ເລິກເຊິ່ງຂຶ້ນກວ່າເກົ່າ, ໃນນັ້ນມີການພົວພັນຮ່ວມມືລະຫວ່າງສະພາແຫ່ງຊາດສອງປະເທດ, ມຸ່ງໄປເຖິງການຍົກລະດັບຂຶ້ນເປັນການພົວພັນຄູ່ຮ່ວມມືຍຸດທະສາດຮອບດ້ານໃນໄລຍະຈະມາເຖິງ.
 | ການຮ່ວມມືດ້ານໄຟຟ້າ: ຈຸດປະກາຍແຈ້ງນ້ຳໃຈມິດຕະພາບ ຫວຽດນາມ - ລາວ ຍສໝ - ການຮ່ວມມື ແລະ ພັດທະນາໃນຂົງເຂດພະລັງງານໃນໄລຍະທີ່ຜ່ານມານີ້ ບໍ່ພຽງແຕ່ແມ່ນກຳລັງໜູນຊຸກຍູ້ເສດຖະກິດ ຫວຽດນາມ - ລາວ ເທົ່ານັ້ນ, ຫາກຍັງໄດ້ປະກອບສ່ວນຢ່າງແທດຈິງເພີ່ມພູນຄູນສ້າງສາຍພົວພັນມິດຕະພາບລະຫວ່າງສອງປະເທດ. |
 | ຊຸກຍູ້ຄວາມສາມາດບົ່ມຊ້ອມໃນການຮ່ວມມືດ້ານການທ່ອງທ່ຽວລະຫວ່າງ ຫວຽດນາມ ແລະ ກວາງຊີ, ຈີນ ຍສໝ - ຫວ່າງມໍ່ໆມານີ້, ເຫດການ “ກວາງຊີ ສວຍງາມ - ພົບປະແລກປ່ຽນວັດທະນະທຳ ແລະ ໂຄສະນາການທ່ອງທ່ຽວ ກວາງຊີ, ຈີນ” ໄດ້ໄຂຂຶ້ນຢູ່ ຮ່າໂນ້ຍ, ເຊິ່ງໄດ້ເປີດກາລະໂອກາດໃໝ່ໃນການຮ່ວມມືດ້ານການທ່ອງທ່ຽວ ແລະ ແລກປ່ຽນວັດທະນະທຳລະຫວ່າງ ຫວຽດນາມ - ຈີນ. |
ແສງເດືອນ
