 | ຄວາມຊົງຈໍາທີ່ບໍ່ມີວັນລືມ |
| ຮູບເງົາ “ມ່ຽນກີ໊ອຶກ (ເຂດພາກແຫ່ງຄວາມຊົງຈໍາ)” ຂອງຫວຽດນາມ ເລີ່ມສາຍຢູ່ເຢຍລະມັນ |
 |
| ທ່ານນາງ ເຈີ່ນທູຮວ່ານ ໄດ້ພົບປະກັບທ່ານນາງ Madeleine Riffaud ເປັນຄັ້ງທຳອິດໃນປີ 2022. |
ຂ້າພະເຈົ້າໄດ້ຮັບການວຽກງານຢູ່ສະຖານທູດ ຫວຽດນາມ ປະຈຳ ຝຣັ່ງ ໃນຊຸມເດືອນທ້າຍປີ 2020. ໃກ້ຈະຮອດປີໃໝ່ 2021, ຂ້າພະເຈົ້າໄດ້ຮັບມອບໝາຍໜ້າທີ່ຕິດຕໍ່, ມອບຂອງຂວັນໃຫ້ບັນດາເພື່ອນມິດ, ຄູ່ຮ່ວມມືທີ່ສະໜິດສະໜົມຂອງ ຫວຽດນາມ ແລະ ສະຖານທູດ, ໃນນັ້ນ ມີ ທ່ານນາງ Madeleine Riffaud.
ໃນຄວາມຮູ້ຄວາມເຂົ້າໃຈຂອງຂ້າພະເຈົ້າໃນເວລານັ້ນ, Madeleine Riffaud ພ້ອມກັບ Henri Martin ແລະ Raymonde Dien ແມ່ນບັນດາຜູ້ທີ່ມີຊື່ທີ່ພົ້ນເດັ່ນຂອງ ຝຣັ່ງ, ເປັນສັນຍະລັກຂອງການສະຫນັບສະຫນູນ, ຄວາມສາມັກຄີຂອງປະຊາຊົນທີ່ກ້າວຫນ້າຂອງຝຣັ່ງ ແລະ ໂລກ ສຳລັບການຕໍ່ສູ້ເພື່ອຍາດເອົາເອກະລາດ, ເສລີພາບຂອງ ຫວຽດນາມ. ນີ້ແມ່ນ “ບັນດານັກຮົບປະຕິວັດ”, ແມ່ນບັນດາຫຼັກທຸງແຖວໜ້າ, ເປັນບັນດາສະຫາຍ ແລະ ເພື່ອນມິດທີ່ສະໜິດສະໜົມຂອງປະຊາຊົນ ຫວຽດນາມ.
ຂ້າພະເຈົ້າໄດ້ຊອກຫາຂໍ້ມູນເພີ່ມເຕີມຢູ່ໃນພາຫະນະສື່ມວນຊົນ, ຫນັງສືພິມຝຣັ່ງ ໄດ້ເວົ້າກ່ຽວກັບ Madeleine Riffaud. ເປັນທີ່ຮູ້ກັນວ່າ ນາງເປັນນັກຮົບປະຕິວັດຍິງທຳມະດາໃນສະໄໝຕໍ່ຕ້ານຟາດຊິດ ເຢຍລະມັນ, ໄດ້ຮັບການເຄົາລົບນັບຖືຢ່າງສູງ ແລະ ໄດ້ຮັບຫຼຽນໄຊແຫ່ງຊາດອັນສູງສົ່ງ.
ທ່ານນາງເປັນຜູ້ທີ່ໄດ້ຮັບຄວາມຮັກແພງຂອງຊາວ ຫວຽດນາມ ຫລາຍຄົນ, ໄດ້ພົບປະປະທານ ໂຮ່ຈີມິນ ທີ່ເຄົາລົບຮັກແພງຫລາຍຄັ້ງ ແລະ ມີບັນດາຜົນງານກ່ຽວກັບ ຫວຽດນາມ ໄດ້ຮັບການຕີລາຄາສູງຈາກສື່ມວນຊົນສາກົນ.
ຂ້າພະເຈົ້າໄດ້ຕິດຕໍ່ທາງເບີໂທລະສັບຕັ້ງໂຕະຂອງ Madeleine Riffaud ທີ່ໄດ້ຈົດໃນລາຍຊື່ຕິດຕໍ່ໂດຍເພື່ອນຮ່ວມງານ ປະໄວ້. ຕອນບ່າຍສາມມື້ຕິດຕໍ່ກັນ ມີພຽງແຕ່ຂໍ້ຄວາມສຽງອັດຕະໂນມັດ ແລະ ບໍ່ຮັບສາຍ.
ຮອດມື້ທີ 4, ທ່ານນາງ Madeleine Riffaud ໄດ້ຮັບໂທລະສັບ, ຂ້າພະເຈົ້າໄດ້ເວົ້າອ້ຳອຶ້ງວ່າ: “ທ່ານເອກອັກຄະລັດຖະທູດ ຫວຽດນາມ ປະຈຳ ຝຣັ່ງ ມີຂອງຂວັນໃຫ້ທ່ານໃນເນື່ອງໃນໂອກາດປີໃໝ່ 2021, ຂ້າພະເຈົ້າ ຂໍນຳຂອງຂວັນໄປເຮືອນຂອງທ່ານໄດ້ບໍ ? ”. Madeleine ຕອບວ່າ: ຂ້າພະເຈົ້າ ຂໍຂອບໃຈທ່ານເອກອັກຄະລັດຖະທູດທີ່ຈື່ຈໍາຂ້າພະເຈົ້າ, ແຕ່ຂ້າພະເຈົ້າກຳລັງແຍກຫ່າງຢູ່ເຮືອນເພື່ອຫຼີກລ່ຽງພະຍາດ ໂຄວິດ, ບໍ່ສາມາດອອກໄປ ແລະ ບໍ່ສາມາດພົບປະຜູ້ໃດໄດ້.
ໃນເວລານັ້ນ, ພະຍາດ ໂຄວິດ-19 ຍັງພວມລະບາດຢ່າງຮ້າຍແຮງໃນປະເທດຝຣັ່ງ. ຂ້າພະເຈົ້າຕ້ອງສົ່ງຂອງຂວັນໄປທາງໄປສະນີ ແຕ່ກໍຖືກຕີກັບເພາະບໍ່ມີໃຜມາຮັບ. ຫວນຄືນຄຳເວົ້າຂອງເພື່ອນຮ່ວມງານທີ່ວ່າ “ລາວເຖົ້າແກ່ແລ້ວ, ເອົາໃຈຍາກ, ພົບປະພົວພັນໜ້ອຍໜຶ່ງ, ພຽງແຕ່ໂອກາດພິເສດຈິ່ງໄປຢ້ຽມຢາມໄດ້. ປະຊາຊົນຈາກສະຖານທູດ, ຂອງພັກກອມມູນິດ ຫວຽດນາມ ແມ່ນທ່ານນາງຮັກແພງຫຼາຍ”.
ເມື່ອປີໃໝ່ 2022 ໃກ້ເຂົ້າມາ, ຂ້າພະເຈົ້າພະຍາຍາມຊອກຫາວິທີຕິດຕໍ່ກັບ Madeleine Riffaud ອີກຄັ້ງເພື່ອໄປຢ້ຽມຢາມ. ເທື່ອນີ້, ໂທລະສັບຂອງລາວມີໂໝດເພື່ອໃຫ້ສົ່ງຂໍ້ຄວາມໄວ້. ຂ້າພະເຈົ້າໄດ້ສະເຫນີຄວາມປາດຖະຫນາຂອງຂ້າພະເຈົ້າ ແລະ ປະເບີຕິດຕໍ່ຂອງຂ້າພະເຈົ້າໄວ້. ສອງສາມມື້ຕໍ່ມາ, ເພື່ອນຂອງນາງ Madeleine ໄດ້ໂທກັບ ແລະ ບອກວ່າ ລາວຕື້ນຕັນໃຈຫລາຍທີ່ໄດ້ຮູ້ວ່າ ສະຖານທູດ ຫວຽດນາມ ຍັງເປັນຫ່ວງເປັນໃຍ ແລະ ຈື່ຈຳ. ເປັນເວລາຫຼາຍປີ, ສຸຂະພາບຂອງ Madeleine ອ່ອນເພຍລົງ, ຕາມືດຟາງ, ລາວເວົ້າ ແລະ ຍ່າງມີຄວາມຫຍຸ້ງຍາກຫຼາຍ. ຍ້ອນວ່າອາຍຸສູງ ແລະ ພູມຕ້ານທານທີ່ອ່ອນແອ, ທ່ານໝໍຈຶ່ງບໍ່ອະນຸຍາດໃຫ້ລາວສັກວັກຊີນຕ້ານ ໂຄວິດ-19 ແລະ ອະນຸຍາດໃຫ້ມີໜ້ອຍຄົນເຂົ້າມາພົບປະກັບລາວເພື່ອຫຼີກລ່ຽງຄວາມສ່ຽງ.
ທ່ານ Morvan ເປັນເພື່ອນຮ່ວມເດີນທາງຂອງ Madeleine Riffaud ໃນເວລາຫຼາຍປີເພື່ອປະຕິບັດໂຄງການພິມຈຳໜ່າຍປື້ມປະມວນເລື່ອງພາບ "Madeleine, résistante" (ແປເປັນປະມານ "Madeleine, ນັກຮົບຍິງຕໍ່ຕ້ານ"), ເລົ່າກ່ຽວກັບຊີວິດວິລະຊົນ ແລະ ແຫຼ່ງບັນດານໃຈຂອງລາວ.
ໃນມື້ທີ່ໄດ້ນັດສົ່ງຂອງຂວັນ, ຂ້າພະເຈົ້າປະຫລາດໃຈ ແລະ ຕື້ນຕັນໃຈ ເມື່ອທ່ານ Morvan ໄດ້ນຳເອົາປຶ້ມຫົວໜຶ່ງ ມາໃຫ້ - ເປັນປຶ້ມທີ່ພິມຈຳໜ່າຍຄັ້ງທຳອິດຂອງຊຸດປື້ມທີ່ເວົ້າວ່າ ຂອງ Madeleine Riffaud ມອບໃຫ້. ຂ້າພະເຈົ້າໄດ້ເປີດໜ້າທຳອິດ, ລາຍເຊັນຂອງ Madeleine ແລະ ຕົວໜັງສືຝຣັ່ງທີ່ຂຽນດ້ວຍມື “ເພື່ອໃຫ້ ຫວຽດນາມ” (Pour le Viet Nam).
ໃນປີ 2022, ຂ້າພະເຈົ້າ ໄດ້ຕິດຕໍ່ຫາທ່ານ Morvan ຫຼາຍຄັ້ງ, ຂໍໃຫ້ລາວຈັດການໃຫ້ທ່ານເອກອັກຄະລັດຖະທູດໄປຢ້ຽມຢາມ Madeleine Riffaud, ແຕ່ລ້ອນແຕ່ບໍ່ສໍາເລັດ. ຍ້ອນວ່າສ່ວນຫຼາຍແມ່ນສຸຂະພາບຂອງ Madeleine ບໍ່ໄດ້ຮັບປະກັນ, ຈົນກະທັ້ງ ລາວເຈັບປ່ວຍ ແລະ ຕ້ອງເຂົ້າໂຮງຫມໍເປັນເວລາດົນ.
ໃນຊຸມມື້ສຸດທ້າຍຂອງປີ 2022, ສະພາບການຂອງພະຍາດໂຄວິດ-19 ຢູ່ຝະຣັ່ງ ໄດ້ສະຫງົບລົງ, ການເຄື່ອນໄຫວ ແລະ ການພົວພັນ, ພົບປະໄດ້ຮັບການຟື້ນຟູ ແລະ ປັບປຸງຢ່າງຕັ້ງໜ້າ. ສະນັ້ນ, ຂ້າພະເຈົ້າກໍ່ຍັງຕັດສິນໃຈທີ່ຈະໄປຢ້ຽມຢາມລາວໂດຍບໍ່ມີການນັດຫມາຍ.
ດ້ວຍຫຼາຍເຫດຜົນທີ່ພຽງແຕ່ເອົາຂອງຂວັນປະໄວ້ນອກປະຕູໂດຍບໍ່ໄດ້ໃຫ້ເຂົ້າໄປ, ສຸດທ້າຍຂ້າພະເຈົ້າກໍ່ໄດ້ໃຫ້ຮູ້ວ່າ Madeleine ຢູ່ຊັ້ນທີ 3. ຍ່າງຂຶ້ນຂັ້ນໄດ, ຢູ່ໜ້າປະຕູເຮືອນຢູ່, ໄດ້ຍິນສຽງຄົນແລກປ່ຽນ, ຂ້າພະເຈົ້າກໍ່ເຄາະປະຕູຢ່າງທັນທີ. ນີ້ແມ່ນຄັ້ງທຳອິດທີ່ໄດ້ພົບລາວ, Madeleine ໄດ້ນັ່ງຢູ່ເທິງຕຽງ, ຕາມົວໆ, ແຕ່ຍັງໃຫ້ຂ້າພະເຈົ້າຄຳອວຍພອນອັນອົບອຸ່ນ, ໂດຍກ່າວວ່າ “ຫວຽດນາມ ແມ່ນປະເທດທີສອງຂອງຂ້າພະເຈົ້າ.”
ວັນທີ 7 ທັນວາ 2023, ຂ້າພະເຈົ້າໄດ້ມີໂອກາດໄປຢ້ຽມຢາມ Madeleine ອີກເທື່ອໜຶ່ງເນື່ອງໃນໂອກາດສະເຫຼີມສະຫຼອງ 50 ປີແຫ່ງວັນເຊັນສັນຍາ ປາຣີ ແລະ ວັນສ້າງຕັ້ງການພົວພັນທາງການທູດລະຫວ່າງ ຫວຽດນາມ ແລະ ຝຣັ່ງ. ພວກເຮົາໄດ້ໄປຢ້ຽມຢາມເຮືອນຂອງລາວ, ບ່ອນທີ່ມີບັນດາວັດຖຸທີ່ລະນຶກ ຫລາຍຢ່າງກ່ຽວກັບ ຫວຽດນາມ ຖືກເກັບຮັກສາໄວ້. ກ່ອນກັບຄືນປະເທດ ຫວຽດນາມ, ຂ້າພະເຈົ້າໄດ້ມາເປັນຄັ້ງທີ 3 ໃນຕົ້ນປີ 2024 ເພື່ອຮັບປຶ້ມຫົວຕໍ່ໄປໃນປື້ມປະມວນກ່ຽວກັບທ່ານນາງ. ທ່ານນາງອວຍພອນໃຫ້ຂ້າພະເຈົ້າກັບຄືນເມືອບ້ານ, ກັບເມືອ ຫວຽດນາມ, ບ້ານເກີດເມືອງນອນແຫ່ງທີສອງຂອງທ່ານນາງຢ່າງປອດໄພ ແລະ ສະດວກ, ແລະ ບອກຂ້າພະເຈົ້າວ່າ ຖ້າຫາກມີໂອກາດກັບຄືນມາປະເທດຝຣັ່ງ ກໍ່ຢ່າລືມໄປຢ້ຽມຢາມລາວ.
 |
| ທ່ານນາງ ເຈີນທູຮວ່ານ ໄດ້ພົບປະກັບທ່ານນາງ Madeleine Riffaud ໃນເດືອນມັງກອນ 2024. |
ວັນທີ 6 ພະຈິກ 2024, ທ່ານນາງ Madeleine ໄດ້ເຖິງແກ່ມໍລະນະກຳຫຼັງວັນເກີດຄົບຮອບ 100 ປີໃນເດືອນສິງຫາ. ຂ້າພະເຈົ້າຮູ້ສຶກເສຍໃຈ ແຕ່ກໍ່ເຊື່ອວ່າ ທ່ານນາງຍັງຕິດຕາມເບິ່ງ ແລະ ສະໜັບສະໜູນ ຫວຽດນາມ. ຊີວິດ ແລະ ຄວາມກ້າຫານຂອງທ່ານນາງ ຈະເປັນແຫຼ່ງແຮງບັນດານໃຈໃຫ້ຂ້າພະເຈົ້າ ແລະ ບັນດາລຸ້ນຫຼັງຕະຫຼອດໄປ, ເປັນຕົວແທນຂອງມິດຕະພາບ ແລະ ຈິດໃຈຢຶດໝັ້ນຂອງຜູ້ທີ່ຮັກແພງ ຫວຽດນາມ.
ຄວາມຊົງຈຳທີ່ສວຍງາມຂອງ Madeleine ໃນໃຈຂ້າພະເຈົ້າ ກໍ່ຄືເລື່ອງຊີວິດຂອງລາວ, ຜູ້ຕາງໜ້າທີ່ເປັນສັນຍະລັກໃຫ້ຄວາມກ້າຫານ, ຄວາມຕັດສິນໃຈຕໍ່ສູ້ເພື່ອຄວາມຍຸຕິທຳ, ຄວາມຊອບທຳ, ສັນຕິພາບ ແລະ ນ້ຳໃຈຮັກແພງທີ່ລຽບງ່າຍ ແລະ ຈິງໃຈຕໍ່ປະເທດ ຫວຽດນາມ, ຂ້າພະເຈົ້າເຊື່ອວ່າ ຍາມໃດກໍ່ເປັນປະຫວັດສາດແຮງບັນດານໃຈຂ້າພະເຈົ້າ ແລະ ຄົນລຸ້ນຕໍ່ໄປໃນເສັ້ນທາງທີ່ຈະມາເຖິງ.
 | ລົງນາມການຮ່ວມມືລະຫວ່າງບັນດາໂຮງຮຽນປະຖົມຂອງນະຄອນ ເກີນເທີ ແລະຝຣັ່ງ ຍສໝ - ວັນທີ 21 ຕຸລາ, ຢູ່ນະຄອນ ເກີນເທີ, ສະຫະພັນບັນດາອົງການມິດຕະພາບນະຄອນ ເກີນເທີ ໄດ້ສົມທົບກັບສະມາຄົມມິດຕະພາບ ຫວຽດນາມ - ຝຣັ່ງ ນະຄອນ ເກີນເທີ ຈັດຕັ້ງພິທີລົງນາມໃນບົດບັນທຶກຊ່ວຍຈຳວ່າດ້ວຍການຮ່ວມມືລະຫວ່າງບັນດາໂຮງຮຽນປະຖົມຢູ່ນະຄອນ ເກີນເທີ ແລະ ບັນດາໂຮງຮຽນປະຖົມຢູ່ ຝຣັ່ງ ເພື່ອແນໃສ່ຊຸກຍູ້ການສອນ ແລະ ການຮຽນພາສາ ຝຣັ່ງ ຢູ່ນະຄອນ ... |
 | ຫວຽດນາມ ແລະ ບັນດາການເຄື່ອນໄຫວຮັກສາສັນຕິພາບສະຫະປະຊາຊາດໃນສະພາບໃຊ້ພາສາ ຟຣັ່ງ ຍສໝ - ຫວ່າງແລ້ວນີ້, ທີ່ສຳນັກງງານກົມຮັກສາສັນຕິພາບ ຫວຽດນາມ, ຢູ່ຮ່າໂນ້ຍ ໄດ້ດຳເນີນກອງປະຊຸມສຳມະນາສາກົນດ້ວຍຫົວຂໍ້ວ່າ “ຫວຽດນາມ ແລະ ບັນດາການເຄື່ອນໄຫວຮັກສາສັນຕິພາບສະຫະປະຊາຊາດໃນສະພາບໃຊ້ພາສາ ຟຣັ່ງ”. |
ແທັງຮັ່ງ
