 | ຫວຽດນາມ - ລາວ ເພີ່ມທະວີການແລກປ່ຽນຂໍ້ມູນຂ່າວສານ, ຄົ້ນຄວ້າທິດສະດີ, ພຶດຕິກໍາຕົວຈິງ |
| ປະກອບສ່ວນເພີ່ມພູນຄູນສ້າງການພົວພັນມິດຕະພາບ, ຄວາມສາມັກຄີແບບພິເສດຫວຽດນາມ - ລາວ |
ທີ່ການເຮັດວຽກ, ກົມຄຸ້ມຄອງຊັບສິນສາທາລະນະທັງສອງຝ່າຍໄດ້ແບ່ງປັນປະສົບການກ່ຽວຂ້ອງການຄຸ້ມຄອງຊັບສິນແຫ່ງລັດ ເຊັ່ນ: ແລກປ່ຽນຮ່າງອະນຸສັນຍາວ່າດ້ວຍການປັບໄໝການລະເມີດໃນການນຳໃຊ້ຊັບສິນຂອງລັດ; ປະສົບການໃນການຝຶກອົບຮົມການຄຸ້ມຄອງຊັບສິນແຫ່ງລັດ; ແຜນຍຸດທະສາດການຄຸ້ມຄອງຊັບສິນແຫ່ງລັດຂອງຫວຽດນາມ ໃນໄລຍະຜ່ານມາ; ແບ່ງປັນບົດຮຽນກ່ຽວກັບການປະຕິບັດການຄຸ້ມຄອງ ແລະ ນຳໃຊ້ຊັບສິນແຫ່ງລັດຢູ່ແຂວງ ອຸດົມໄຊ; ຄຸ້ມຄອງຊັບສິນແຫ່ງລັດ ເຊັ່ນ: ລົດລາງພາຫະນະ ແລະ ອຸປະກອນຫ້ອງການ; ການຄຸ້ມຄອງແຫ່ງລັດກ່ຽວກັບທີ່ດິນໃນບໍລິເວນແຂວງ ອຸດົມໄຊ; ຄຸ້ມຄອງ, ສ້າງຕັ້ງສັນຍາການເຊົ່າ - ມອບສິດ ແລະ ຕິດຕາມຄຸ້ມຄອງບັນດາລາຍຮັບຈາກປະເພດເຫຼົ່ານີ້. ສອງຝ່າຍກໍ່ຍັງໄດ້ປຶກສາຫາລືກ່ຽວກັບແຜນການຮ່ວມມືສອງຝ່າຍຮອດປີ 2025.
 |
| ກົມຄຸ້ມຄອງຊັບສິນສາທາລະນະສອງປະເທດ ຫວຽດນາມ - ລາວ ໄດ້ລົງນາມໃນບົດບັນທຶກຊ່ວຍຈຳວ່າດ້ວຍການຮ່ວມມືໃນຂົງເຂດຊັບສິນແຫ່ງລັດ. ພາບ: ກົມຄຸ້ມຄອງຊັບສິນແຫ່ງລັດ |
ກົມຄຸ້ມຄອງຊັບສິນສາທາລະນະຂອງທັງສອງຝ່າຍກໍ່ຍັງໄດ້ລົງນາມໃນບົດບັນທຶກຊ່ວຍຈຳກ່ຽວກັບຜົນການເຮັດວຽກ. ຕາມນັ້ນແລ້ວ, ກົມຄຸ້ມຄອງຊັບສິນແຫ່ງລັດ (ກະຊວງການເງິນ ຫວຽດນາມ) ແລະ ກົມຄຸ້ມຄອງຊັບສິນແຫ່ງລັດ (ກະຊວງການເງິນ ລາວ) ໄດ້ເປັນເອກະພາບຕີລາຄາສູງໝາກຜົນຂອງການເຄື່ອນໄຫວຮ່ວມມືຄັ້ງນີ້. ຄຽງຂ້າງການໜູນຊ່ວຍປະສົບການໃນວຽກງານການຄົ້ນຄວ້າ ແລະ ສ້າງເອກະສານຂໍ້ກຳນົດກົດໝາຍແລ້ວ, ສອງຝ່າຍຍັງໄດ້ແລກປ່ຽນປະສົບການກ່ຽວກັບຕົວຈິງການຄຸ້ມຄອງຊັບສິນແຫ່ງລັດຂອງແຕ່ລະປະເທດ.
ພາຍຫຼັງການເຮັດວຽກ, ບົນພື້ນຖານບົດຮຽນປະສົບການຂອງຄະນະ ຫວຽດນາມ, ກົມຄຸ້ມຄອງຊັບສິນສາທາລະນະຂອງລາວ ໄດ້ຮັບຮູ້ ແລະ ຮັບເອົາເພື່ອລາຍງານຕໍ່ລັດຖະມົນຕີກະຊວງການເງິນ ລາວ ແລະ ລັດຖະບານແຫ່ງ ສປປ ລາວ ໃນວິວັດການສ້າງຮ່າງອະນຸສັນຍາວ່າດ້ວຍການປັບໄໝການລະເມີດໃນການນຳໃຊ້ຊັບສິນແຫ່ງລັດ ແລະ ບັນດາບັນຫາອື່ນໆ.
ກ່ຽວກັບແຜນການປະຕິບັດປີ 2025, ກົມຄຸ້ມຄອງຊັບສິນແຫ່ງລັດ ທັງສອງຝ່າຍໄດ້ເປັນເອກະພາບສືບຕໍ່ຜັນຂະຫຍາຍວຽກງານລວມ ແລະ ການຮ່ວມມືສອງຝ່າຍ ເພື່ອແບ່ງປັນບົດຮຽນປະສົບການໃນວຽກງານການຄຸ້ມຄອງຊັບສິນແຫ່ງລັດຢູ່ສູນກາງ ແລະ ທ້ອງຖິ່ນ.
ພິເສດ, ກົມຄຸ້ມຄອງຊັບສິນສາທາລະນະ (ກະຊວງການເງິນ ລາວ) ສະເໜີໃຫ້ກົມຄຸ້ມຄອງຊັບສິນແຫ່ງລັດ (ກະຊວງການເງິນ ຫວຽດນາມ) ຈັດຕັ້ງຄະນະປະຕິບັດງານ ໄປເຮັດວຽກ ແລະ ຄົ້ນຄວ້າບັນດາປະສົບການໃນຂົງເຂດຄຸ້ມຄອງຊັບສິນແຫ່ງລັດທີ່ສອງຝ່າຍໄດ້ປະຕິບັດເປັນຢ່າງດີເຊັ່ນ: ການປະຕິບັດພາສີອາກອນ, ການມອບສິດຊັບສິນແຫ່ງລັດ; ແລກປ່ຽນບົດຮຽນກ່ຽວກັບການຄຸ້ມຄອງທີ່ດິນ, ເຮືອນລັດທີ່ໄດ້ຮັບອະນຸຍາດໃຫ້ພາສີອາກອນ, ມອບສິດ (ຢູ່ ຫວຽດນາມ) ແລະ ກຳນົດລາຄາຊັບສິນແຫ່ງລັດ; ຈັດຊື້ ແລະ ເຊົ່າຊັບສິນແຫ່ງລັດ (ໃນລາວ).
 | ພັດທະນາວັດທະນະທຳຢູ່ເຂດຊາຍແດນ ຫວຽດນາມ - ລາວ - ກຳປູເຈຍ ຍສໝ - ເຂດຊາຍແດນ ຫວຽດນາມ - ລາວ - ກຳປູເຈຍ ແມ່ນບ່ອນປະສົມປະສານຂອງຫຼາຍຊົນເຜົ່າດ້ວຍບັນດາສີສັນວັດທະນະທຳທີ່ຫຼາກຫຼາຍ ແລະ ອຸດົມສົມບູນ. ຄວາມໃກ້ຊິດທາງດ້ານພູມສາດ ພ້ອມກັບພື້ນຖານວັດທະນະທຳ ແລະ ປະຫວັດສາດອັນຍາວນານໄດ້ສ້າງເປັນການພົວພັນແບບພິເສດລະຫວ່າງ 3 ປະເທດ, ໃນນັ້ນ ວັດທະນະທຳມີບົດບາດເປັນເຊືອກເຊື່ອມຕໍ່ຢ່າງແໜ້ນແຟ້ນ. ການພັດທະນາວັດທະນະທໍາຢູ່ເຂດຊາຍແດນໄດ້ຮັບຄວາມເອົາໃຈໃສ່ຈາກບັນດາປະເທດ, ເພື່ອແນໃສ່ອະນຸລັກສີສັນຂອງຊາດ, ພ້ອມກັນນັ້ນ ກໍ່ຊຸກຍູ້ການແລກປ່ຽນວັດທະນະທໍາ, ເຊື່ອມໂຍງໃນສະພາບການທີ່ທັນສະໄຫມ. |
 | ເມື່ອສອງໝູ່ບ້ານ ຫວຽດນາມ - ລາວ ປະສານສົມທົບການດຳລົງຊີວິດຢ່າງກົມກຽວ ຍສໝ - ຮູບແບບເເຮກສ່ຽວໝູ່ບ້ານຢູ່ເຂດຊາຍແດນ ຫວຽດນາມ - ລາວ ພວມກາຍເປັນສັນຍາລັກແຫ່ງການພົວພັນມິດຕະພາບແບບຍືນຍົງລະຫວ່າງປະຊາຊົນສອງປະເທດ. ຢູ່ເຂດຊາຍແດນທີ່ຫ່າງໄກສອກຫຼີກນີ້, ປະຊາຊົນສອງປະເທດບໍ່ພຽງແຕ່ດຳລົງຊີວິດຮ່ວມກັນຢ່າງສັນຕິພາບເທົ່ານັ້ນ ຫາກຍັງສະໜັບສະໜູນເຊິ່ງກັນ ແລະ ກັນໃນທຸກສະພາບການ, ສ້າງຄວາມສາມັກຄີ, ຕິດພັນກັນຄືເປັນສາຍເລືອດດຽວກັນ. |
ແທັງຮັ່ງ
