ຍົກລະດັບການພົວພັນ ຫວຽດນາມ-ມາເລເຊຍ ຂື້ສູ່ລະດັບສູງໃໝ່

	[ຮູບພາບ] ທ່ານປະທານສະພາຕ່ຳ ມາເລເຊຍ ແລະພັນລະຍາໄດ້ໄປຢ້ຽມຢາມຮ່ອງຮອຍແຫ່ງຊາດພິເສດ ວັນໝຽວ - ກວກຕຶ້ຢ໋າມ
	ງານລາຕີພົບປະແລກປ່ຽນວັດທະນະທຳເອກະລັກພິເສດເຊື່ອມຕໍ່ນ້ຳໃຈມິດຕະພາບ ຫວຽດນາມ - ມາເລເຊຍ

ການຢ້ຽມຢາມມາເລເຊຍ ຢ່າງເປັນທາງການ ແຕ່ວັນທີ 21-23 ພະຈິກ 2024 ຂອງທ່ານເລຂາທິການໃຫຍ່ ໂຕເລິມ ແລະພັນລະຍາ ຕາມຄຳເຊື້ອເຊີນຂອງທ່ານ Anwar Ibrahim ນາຍົກລັດຖະມົນຕີມາເລເຊຍ ແລະພັນລະຍາ ຈະປະກອບສ່ວນນຳການພົວພັນລະຫວ່າງສອງປະເທດພັດທະນາຂຶ້ນສູ່ລະດັບສູງໃໝ່.

ສະຫາຍ ເລຮວ່າຍຈູງ, ເລຂາທິການສູນກາງພັກ, ຫົວໜ້າຄະນະພົວພັນຕ່າງປະເທດສູນກາງ ເນັ້ນໜັກຄືດັ່ງກ່າວໃນການຕອບສຳພາດຕໍ່ສື່ມວນຊົນກ່ອນການຢ້ຽມຢາມ.

ສະຫາຍ ເລຮວ່າຍຈູງ ໃຫ້ຮູ້ວ່າ ການຢ້ຽມຢາມມາເລເຊຍ ຢ່າງເປັນທາງການຂອງທ່ານເລຂາທິການໃຫຍ່ ໂຕເລິມ ພ້ອມດ້ວຍພັນລະຍາ ແມ່ນມີຄວາມໝາຍສຳຄັນທີ່ສຸດ, ເພື່ອແນໃສ່ສືບຕໍ່ຜັນຂະຫຍາຍແນວທາງການພົວພັນຕ່າງປະເທດຂອງກອງປະຊຸມໃຫຍ່ ຄັ້ງທີ 13 ຂອງພັກ, ໃນນັ້ນໃຫ້ບຸລິມະສິດພັດທະນາການພົວພັນກັບບັນດາປະເທດບ້ານໃກ້ເຮືອນຄຽງ ແລະອາຊຽນ. ໃນຂະນະນັ້ນ, ມາເລເຊຍ ກໍ່ເປັນປະເທດທີ່ມີຖານະບົດບາດສຳຄັນໃນອາຊີຕາເວັນອອກສ່ຽງໃຕ້, ມີອິດທິພົນຊື່ສຽງໃນອາຊຽນ ແລະຈະດຳລົງຕຳແໜ່ງເປັນປະທານອາຊຽນ ໃນປີ 2025. ມາເລເຊຍ ກໍ່ໄດ້ຮັບການຕີລາຄາວ່າ ເປັນແບບຢ່າງທີ່ປະສົບຜົນສຳເລັດໃນການພັດທະນາ.

ສະຫາຍ ເລຮວ່າຍຈູງ ຕອບສຳພາດຕໍ່ສື່ມວນຊົນກ່ອນການຢ້ຽມຢາມມາເລເຊຍ ຢ່າງເປັນທາງການຂອງທ່ານເລຂາທິການໃຫຍ່ ໂຕເລິມ ພ້ອມດ້ວຍພັນລະຍາ. ພາບ: dangcongsan.vn

ການຢ້ຽມຢາມ ມາເລເຊຍ ຢ່າງເປັນທາງການຂອງທ່ານເລຂາທິການໃຫຍ່ ໂຕເລິມ ແລະພັນລະຍາ ໄດ້ດຳເນີນໄປໃນສະພາບທີ່ການພົວພັນສອງຝ່າຍພັດທະນາຢ່າງແຂງແຮງ ແລະຮອບດ້ານ, ພິເສດແມ່ນນັບແຕ່ເມື່ອສອງປະເທດຍົກລະດັບການພົວພັນຂຶ້ນເປັນຄູ່ຮ່ວມມືຍຸດທະສາດໃນປີ 2015. ສະຫາຍ ເລຮວ່າຍຈູງ ຢືນຢັນວ່າ “ຫວຽດນາມ ເປັນປະເທດອາຊຽນ ໜຶ່ງດຽວທີ່ ມາເລເຊຍ ໄດ້ສ້າງຕັ້ງການພົວພັນຄູ່ຮ່ວມມືຍຸດທະສາດ”.

ໃນໄລຍະຜ່ານມາ, ຄວາມໄວ້ເນື້ອເຊື່ອໃຈດ້ານການເມືອງລະຫວ່າງ ຫວຽດນາມ ແລະມາເລເຊຍ ນັບມື້ນັບໄດ້ຮັບການເພີ່ມທະວີ. ສອງປະເທດໄດ້ສົມທົບຫຼັກໝັ້ນນຳກັນຢ່າງແໜ້ນແຟ້ນຢູ່ເວທີປາໄສຫຼາຍຝ່າຍໃນພາກພື້ນ ແລະສາກົນເປັນປະຈຳ, ພິເສດແມ່ນອາຊຽນ. ຫວຽດນາມ ແລະມາເລເຊຍ ລ້ວນແຕ່ແມ່ນຄູ່ຮ່ວມມືດ້ານເສດຖະກິດ, ການຄ້າ ແລະການລົງທຶນທີ່ສຳຄັນຂອງກັນ. ສອງຝ່າຍສືບຕໍ່ເປີດກວ້າງການຮ່ວມມືດ້ານປ້ອງກັນຊາດ-ປ້ອງກັນຄວາມສະຫງົບ ແລະຫຼາຍຂົງເຂດຕ່າງໆ.

ຍ້ອນເຫດນັ້ນ, ສະຫາຍ ເລຮວ່າຍຈູງ ຖືວ່າ ການຢ້ຽມຢາມມາເລເຊຍ ຢ່າງເປັນທາງການແມ່ນໂອກາດ ເພື່ອໃຫ້ການນຳສອງປະເທດໄດ້ປຶກສາຫາລືບັນດາບັນຫາສາກົນ ແລະພາກພື້ນທີ່ຕ່າງຝ່າຍຕ່າງມີຄວາມສົນໃຈ, ແຈ້ງໃຫ້ກັນຊາບກ່ຽວກັບສະພາບການຂອງແຕ່ລະປະເທດ, ປັບປຸງຄວາມໄວ້ເນື້ອເຊື່ອໃຈເຊິ່ງກັນແລະກັນ, ຜ່ານນັ້ນບັນລຸໄດ້ບັນດາຂໍ້ຕົກລົງ ເພື່ອຍົກລະດັບການພົວພັນລະຫວ່າງ ຫວຽດນາມ-ມາເລເຊຍ ຢ່າງຮອບດ້ານ. ສະຫາຍ ເລຮວ່າຍຈູງ ເນັ້ນໜັກວ່າ: “ມາເລເຊຍ ພວມພັດທະນາຢ່າງແຂງແຮງໃນດ້ານເຕັກໂນໂລຊີດີຈີຕອນ ແລະເຕັກໂນໂລຢີສີຂຽວ ແມ່ນເສົາຄ້ຳຂອງຍຸດທະສາດ “Malaysia Madani” ໂດຍທ່ານ Anwar Ibrahim ນາຍົກລັດຖະມົນຕີ ເປັນຜູ້ລິ້ເລີ່ມເພື່ອນໍາເລເຊຍ ກາຍເປັນປະເທດທີ່ມີລາຍຮັບສູງ ແລະພັດທະນາແບບຍືນຍົງ. ຫວຽດນາມ ພວມກ້າວເຂົ້າສູ່ສັງກາດໃໝ່, ສັງກາດບືນຕົວຂຶ້ນຂອງປະເທດຊາດ ດ້ວຍການກໍານົດທິດອັນໃຫຍ່ຫຼວງ, ໃນນັ້ນກ່ຽວກັບດ້ານເສດຖະກິດແມ່ນການຂຸດຄົ້ນ ແລະເສີມຂະຫຍາຍບັນດາກຳລັງການຜະລິດໃໝ່ທີ່ກ່ຽວຂ້ອງເຖິງເຕັກໂນໂລຊີດີຈີຕອນ, ເຕັກໂນໂລຊີສີຂຽວ ທີ່ມາເລເຊຍ ຍາມໃດກໍ່ຖືເປັນສໍາຄັນໃນການພັດທະນາ ແລະແມ່ນທ່າແຮງຂອງມາເລເຊຍ. ນີ້ຈະແມ່ນການສົມທົບທີ່ດີທີ່ສຸດ, ຜ່ານນັ້ນຫວຽດນາມ ແລະມາເລເຊຍ ສາມາດເພີ່ມເຕີມ, ສ້າງກໍາລັງແຮງໃຫ້ກັນເພື່ອກ້າວເຂົ້າສູ່ໄລຍະພັດທະນາໃໝ່ຂອງແຕ່ລະປະເທດ, ປະກອບສ່ວນໃຫ້ແກ່ສັນຕິພາບ, ສະຖຽນລະພາບ, ການຮ່ວມມື ແລະການພັດທະນາວັດທະນາຖາວອນຢູ່ພາກພື້ນ”.

ຕາມສະຫາຍຫົວໜ້າຄະນະພົວພັນຕ່າງປະເທດສູນກາງພັກ ແລ້ວ, ໃນຂອບເຂດການຢ້ຽມຢາມ, ທ່ານເລຂາທິການໃຫຍ່ ໂຕເລິມ ມີແຜນຈະພົບປະກັບບັນດາການນຳການເມືອງສູງສຸດຂອງມາເລເຊຍ, ໃນນັ້ນມີນາຍົກລັດຖະມົນຕີ, ປະທານສະພາສູງ, ປະທານສະພາຕ່ຳ, ປະທານພັກການເມືອງໃຫຍ່ສຸດຂອງມາເລເຊຍ. ພ້ອມກັນນັ້ນ, ທ່ານເລຂາທິການໃຫຍ່ ໂຕເລິມ ຈະມີບົດກ່າວປາໄສນະໂຍບາຍສຳຄັນຢູ່ມະຫາວິທະຍາໄລມາລາຢາ, ເຊິ່ງແມ່ນມະຫາວິທະຍາໄລແຖວໜ້າຂອງມາເລເຊຍ; ພົບປະກັບວິສາຫະກິດ, ຊາວຫວຽດນາມ ອາໄສຢູ່ມາເລເຊຍ...

ເວທີປາໄສຮ່ວມມືເສດຖະກິດ ຫວຽດນາມ - ອາຊຽນ ຢູ່ ມາເລເຊຍ ຍສໝ - ຕອນຄ່ຳວັນທີ 22 ເມສາ, ຢູ່ Kuala Lumpur, ສູນຄົ້ນຄວ້າພັດທະນາວິສາຫະກິດ ອາຊີ ສົມທົບກັບສະມາຄົມວິສາຫະກິດ ຫວຽດນາມ ປະຈຳ ມາເລເຊຍ (VNBIZ) ຈັດເວທີປາໄສຮ່ວມມືເສດຖະກິດ ຫວຽດນາມ - ອາຊຽນ ແລະ ພິທີປະກາດເຄື່ອງໝາຍການຄ້າດີ ອາຊຽນ ຄັ້ງທີ 7, ການນຳດີເດັ່ນ ...

ກໍາປັ່ນ 286-ເລກຸ໊ຍດົນ ອອກຈາກຍາຈາງ ເດີນທາງໄປຢ້ຽມຢາມ ມາເລເຊຍ ຫວ່າງແລ້ວນີ້, ກໍາປັ່ນ 286-ເລກຸ໊ຍດົນ (ວິທະຍາຄານທະຫານເຮືອ) ພ້ອມດ້ວຍຄະນະ ນໍາໂດຍທ່ານພັນເອກພິເສດ ຮວິ່ງຫວິງຕວ໊ຽນ ຮອງຜູ້ອໍານວຍການວິທະຍາຄານທະຫານເຮືອ ໄດ້ອອກຈາກຍາຈາງ (ແຄ໋ງຮວ່າ), ເດີນທາງໄປຢ້ຽມຢາມ, ພົບປະແລກປ່ຽນກັບທະຫານເຮືອ ມາເລເຊຍ, ສົມທົບກັບການຝຶກແອບເດີນທະເລທາງໄກ.