 | ສະພາແຫ່ງຊາດ ຫວຽດນາມ ແລະລັດຖະສະພາ ມາເລເຊຍ ພ້ອມແລ້ວທີ່ຈະລົງນາມໃນສັນຍາຮ່ວມມື |
| ມາເລເຊຍ ຍູ້ແຮງການສົ່ງອອກ ໄປຍັງຕະຫຼາດຫວຽດນາມ |
 |
| ທ່ານນາງສາດສະດາຈານ, ປອ Yvonne Lim Ai Lian, ຮອງອະທິການບໍດີມະຫາວິທະຍາໄລ Malaya (ທີ່ສອງຈາກຂວາ) ແລະ ບັນດາຜູ້ແທນໄດ້ຖ່າຍຮູບທີ່ລະນຶກກັບບັນດາຜູ້ຊ່ຽວຊານດ້ານວັດທະນະທໍາ, ສິລະປະກອນ ແລະ ນັກທຸລະກິດ ຫວຽດນາມ. |
ກ່າວຄຳປາໄສເປີດກອງປະຊຸມ, ທ່ານນາງ ສາດສະດາຈານ, ປອ Yvonne Lim Ai Lian, ຮອງອະທິການບໍດີມະຫາວິທະຍາໄລ Malaya ຢືນຢັນກຳລັງແຮງຂອງການພົບປະແລກປ່ຽນວັດທະນະທຳໃນການຊຸກຍູ້ຄວາມເຂົ້າໃຈ ແລະ ຄວາມສາມັກຄີລະຫວ່າງ 2 ປະເທດ.
ທ່ານນາງໃຫ້ຮູ້ວ່າ ລາຍການນີ້ໄດ້ຮັບການສ້າງຢ່າງລະອຽດລະອໍ ແລະ ອຸດົມສົມບູນ, ປະກອບມີການແນະນຳອາຫານພື້ນເມືອງຫຼາຍເຍື່ອງ, ບັນດາການສະແດງສິລະປະທີ່ຟົດຟື້ນຂອງ ຫວຽດນາມ ແລະ ມາເລເຊຍ ກໍ່ຄືການພົບປະແລກປ່ຽນກັບບັນດານັກຊ່ຽວຊານດ້ານວັດທະນະທຳ. ບັນດາການເຄື່ອນໄຫວດັ່ງກ່າວບໍ່ພຽງແຕ່ຊ່ວຍໃຫ້ປະຊາຊົນສອງປະເທດໄດ້ແບ່ງປັນຈຸດຄ້າຍຄືກັນເທົ່ານັ້ນ, ຫາກຍັງຄົ້ນເຫັນບັນດາຈຸດທີ່ເປັນເອກະລັກສະເພາະໃນວັດທະນະທຳຂອງແຕ່ລະປະເທດອີກດ້ວຍ.
ຕາມທ່ານນາງສາດສະດາຈານ, ປອ Yvonne Lim Ai Lian ແລ້ວ, ເຫດການດັ່ງກ່າວແມ່ນໂອກາດສຳຄັນເພື່ອການຮ່ຳຮຽນ ແລະ ເຊື່ອມໂຍງ. ທ່ານນາງໄດ້ສະແດງຄວາມເຊື່ອໝັ້ນວ່າ ການສຶກສາບໍ່ພຽງແຕ່ຖືກຈຳກັດຢູ່ໃນປຶ້ມແບບຕຳລາຮຽນ ແລະ ໃນຫ້ອງຮຽນເທົ່ານັ້ນ, ຫາກຍັງລວມມີຄວາມນັບຖືຢ່າງສູງຕໍ່ຄວາມຫຼາກຫຼາຍທາງດ້ານວັດທະນະທຳ, ສິ່ງທີ່ໄດ້ສ້າງໂລກຂຶ້ນ ແລະ ໂດຍຜ່ານນັ້ນ, ມະນຸດກໍ່ສາມາດສ້າງບັນດາປະຊາຄົມທີ່ເຂັ້ມແຂງ ແລະ ມີຄວາມເມດຕາຫຼາຍຂຶ້ນ.
ໂດຍຕາງໜ້າໃຫ້ສະຖານທູດ ຫວຽດນາມ ປະຈຳ ມາເລເຊຍ, ທ່ານນາງ ຫງວຽນທິຫງອກແອ່ງ ຮອງເອກອັກຄະລັດຖະທູດໃຫ້ຮູ້ວ່າ: ພາຍຫຼັງກວ່າເຄິ່ງສັດຕະວັດແຫ່ງການສ້າງຕັ້ງການພົວພັນທາງການທູດ, 2 ປະເທດໄດ້ ແລະ ພວມຮ່ວມກັນກໍ່ສ້າງນ້ຳໃຈມິດຕະພາບແບບພິເສດ ແລະ ແໜ້ນແຟ້ນບົນພື້ນຖານຄວາມໄວ້ເນື້ອເຊື່ອໃຈ ແລະ ເຂົ້າໃຈເຊິ່ງກັນ ແລະ ກັນ. ການພົວພັນຮ່ວມມືໄດ້ຮັບການພັດທະນາໃນຫຼາຍຂົງເຂດ, ໃນນັ້ນມີການແລກປ່ຽນວັດທະນະທຳ ແລະ ການພົບປະແລກປ່ຽນປະຊາຊົນ.
ທ່ານາງປາດຖະໜາວ່າ ໃນອະນາຄົດ, ຄະນະວິຊາພາສາ ແລະ ພາສາສາດ (FLL) ເວົ້າສະເພາະ ແລະ ມະຫາວິທະຍາໄລ Malaya ເວົ້າລວມ ຈະສືບຕໍ່ຮັກສາບັນດາການເຄື່ອນໄຫວພົບປະແລກປ່ຽນວັດທະນະທຳພື້ນເມືອງເພື່ອເຜີຍແຜ່ ແລະ ຮັກສາພາບພົດ, ວັດທະນະທຳ ແລະ ປະຊາຊົນຢູ່ແຕ່ລະປະເທດ, ສ້າງກາລະໂອກາດຮ່ວມມື ແລະ ສ້າງສາຍພົວພັນໃຫ້ແໜ້ນແຟ້ນກວ່າອີກ.
ຜູ້ຕາງໜ້າສະມາຄົມມິດຕະພາບ ມາເລເຊຍ - ຫວຽດນາມ, ທ່ານເລຂາທິການ ຫງວຽນຈິ໋ເກືອງ ໄດ້ສະແດງຄວາມເປັນກຽດໃນການປະຕິບັດພາລະກິດເປັນຂົວເຊື່ອມຕໍ່ຂອງປະຊາຄົມໃນການກໍ່ສ້າງ, ຕິດພັນນ້ຳໃຈມິດຕະພາບລະຫວ່າງ 2 ປະເທດ, ມຸ່ງໄປເຖິງການກໍ່ສ້າງຄູ່ຮ່ວມມືທີ່ໄວ້ເນື້ອເຊື່ອໃຈ ແລະ ແບ່ງປັນຜົນປະໂຫຍດຮ່ວມ, ໃຫ້ຄຳໝັ້ນສັນຍາ ຈະນຳມາເຊິ່ງອະນາຄົດທີ່ສົດໃສໃຫ້ແກ່ຄົນລຸ້ນໜຸ່ມ.
 |
| ການສະແດງຟ້ອນພື້ນເມືອງຂອງຊົນເຜົ່າ ຫວຽດນາມ. |
ທີ່ເຫດການ, ບັນດາລາຍການສະແດງວັດທະນະທຳໄດ້ຖືກຈັດຕັ້ງສະຫຼັບກັນລະຫວ່າງບັນດາລາຍການຂອງ ຫວຽດນາມ ແລະ ມາເລເຊຍ. ການສະແດງຟ້ອນ-ຮ້ອງເພງ “ເຊີນນ້ຳ – ເຊີນພູ” ໂດຍຜ່ານບົດເພງພື້ນເມືອງ ກວານຮໍ່, ມໍລະດົກວັດທະນະທຳທີ່ບໍ່ເປັນວັດຖຸຂອງມວນມະນຸດ, ໄດ້ຮັບການເລືອກເຟັ້ນເພື່ອເປີດງານ ອັນໄດ້ສ້າງຄວາມປະທັບໃຈໃຫ້ແກ່ເພື່ອນມິດ ມາເລເຊຍ ແລະ ສາກົນ.
 |
| ລາຍການສະແດງຟ້ອນພື້ນເມືອງ Tarian Zapin ຂອງ ມາເລເຊຍ. |
ໃນຂະນະນັ້ນ, ມີຫຼາຍລາຍການສະແດງການເຕັ້ນລຳພື້ນເມືອງຂອງ ມາເລເຊຍ ເຊັ່ນ Tarian Zapin, Tarian Joget ໄດ້ຮັບການສະແດງດ້ວຍສຽງເພງທີ່ມີຊີວິດຊີວາ, ຂັ້ນຕອນການເຕັ້ນທີ່ອ່ອນໂຍນ ແລະ ຄ່ອງຕົວໄດ້ສະທ້ອນໃຫ້ເຫັນ, ສະແດງໃຫ້ເຫັນຄວາມສຸພາບລຽບລ້ອຍ ແລະ ຄວາມລະອຽດອ່ອນຂອງວັດທະນະທຳພື້ນເມືອງ ມາເລເຊຍ.
ມະຫາວິທະຍາໄລ Malaya ແມ່ນຢູ່ໃນກຸ່ມຂອງ 65 ມະຫາວິທະຍາໄລຊັ້ນນໍາຂອງໂລກ, ບ່ອນທີ່ບຳລຸງສ້າງນັກການເມືອງ ມາເລເຊຍ ຫຼາຍຄົນ. ປະຈຸບັນ ໂຮງຮຽນດັ່ງກ່າວເປັນບ່ອນສຶກສາຂອງນັກສຶກສາຕ່າງປະເທດ 3.500 ຄົນຈາກ 90 ກວ່າປະເທດ. ຫຼັກສູດທາງວິຊາການຂອງໂຮງຮຽນໄດ້ຮັບການຍອມຮັບ ແລະ ຢັ້ງຢືນໃນທົ່ວໂລກດ້ວຍຫຼາຍກວ່າ 200 ຂົງເຂດ. ໃນປີ 1972, ພະແນກ FLL ໄດ້ຖືກສ້າງຕັ້ງຂຶ້ນດ້ວຍອົງການລິເລີ່ມເປັນສູນພາສາ. ສະຖານທີ່ນີ້ແມ່ນບ່ອນຝຶກອົບຮົມພາສາໃຫ້ແກ່ ມາເລເຊຍ.
ວິຊາພາສາ ຫວຽດນາມ ແລະ ວັດທະນະທໍາ ຫວຽດນາມ ເປັນວິຊາເລືອກສໍາລັບນັກສຶກສາ. ພາກວິຊາດັ່ງກ່າວມີອາຈານໜຶ່ງຄົນ ແລະ ສາດສະດາຈານ ຊາວຫວຽດນາມ ໄດ້ຮ່ວມເດີນທາງກັບພາກວິຊານີ້ເປັນເວລາດົນນານມາເຖິງທ່ານນາງພັກບຳນານໃນປີ 2017 ແລະ ວິຊາພາສາ ຫວຽດນາມ ຖືກຢຸດການສອນ. ປີ 2023, ການສອນພາສາຫວຽດ ແລະ ວັດທະນະທຳ ຫວຽດນາມ ໄດ້ຟື້ນຟູຄືນໃໝ່ພາຍຫຼັງທີ່ໂຮງຮຽນຮັບສະໝັກໄດ້ປະລິນຍາໂທພາສາສາດ ຊາວຫວຽດນາມ ຄົນໜຶ່ງ, ອາຈານ ນາງ ຫງວຽນທູ້ຍທຽນເຮືອງ.
 |
| ບັນດາເຍື່ອງອາຫານ ຫວຽດນາມ ແລະ ມາເລເຊຍ ໄດ້ຮັບການນຳມາສະແດງໂດຍສະມາຊິກສະມາຄົມມິດຕະພາບ ມາເລເຊຍ - ຫວຽດນາມ ທີ່ງານພົບປະແລກປ່ຽນວັດທະນະທຳ. |
ເຂົ້າຮ່ວມເຫດການຍັງມີບັນດາຜູ້ຕາງໜ້າເອກອັກຄະລັດຖະທູດຈາກຫຼາຍປະເທດຄື: ແອັດສະປາຍ, ເປຣູ... ແລະ ທ່ານສາດສະດາຈານ, ປອ. Surinderpaul, ຫົວໜ້າຄະນະວິຊາ FLL, ທ່ານ ຟ້າມວັນທັງ - ຫົວໜ້າສະຖາບັນຄົ້ນຄວ້າ, ອະນຸລັກຮັກສາ ແລະ ພັດທະນາວັດທະນະທຳອາຊີຕາເວັນອອກສ່ຽງໃຕ້; ທ່ານນາງ ເລຮວ່າຍຈິ່ງ - ຫົວໜ້າຄະນະພົວພັນຕ່າງປະເທດຂອງສະຖາບັນວິທະຍາສາດພັດທະນາຊັບພະຍາກອນມະນຸດ ແລະ ການຮ່ວມມືສາກົນ, ພ້ອມກັບນັກທຸລະກິດ, ນັກສິລະປະກອນຈາກບັນດາແຂວງ, ນະຄອນຂອງ ຫວຽດນາມ.
 | ທ່ານເອກອັກຄະລັດຖະທູດ ມາເລເຊຍ: ຫວຽດນາມ ຂຸດຄົ້ນ “ຫົວຄິດປະດິດສ້າງ” ຢູ່ APEC ເພື່ອຍົກສູງຄວາມສາມາດ ຍສໝ - ຫວຽດນາມ ແມ່ນສະມາຊິກທີ່ຕັ້ງໜ້າຂອງຫຼາຍເວທີປາໄສຫຼາຍຝ່າຍ ແລະ ພາກພື້ນຄື ອາຊຽນ, APEC ແລະ WTO |
 | ບັນດາວິສາຫະກິດ ມາເລເຊຍ ແລະ ຫວຽດນາມ ມີຊ່ອງທາງເພື່ອເຊື່ອມຕໍ່ໂອກາດການຮ່ວມມື, ລົງທຶນຕື່ມອີກ ຍສໝ - ຜ່ານການລົງນາມໃນບົດບັນທຶກຊ່ວຍຈຳກັບຫົວໜ່ວຍຈັດຕັ້ງກອງປະຊຸມ ເເລະ ງານວາງສະແດງການຄ້າສົ່ງອອກ ມາເລເຊຍ ອາຊຽນ, ສະມາຄົມມິດຕະພາບ ມາເລເຊຍ - ຫວຽດນາມ ໄດ້ປະກອບສ່ວນຊຸກຍູ້ການຮ່ວມມືລະຫວ່າງ ຫວຽດນາມ ແລະ ມາເລເຊຍ ໃນຂົງເຂດວັດທະນະທຳ, ການທ່ອງທ່ຽວ ແລະ ແລກປ່ຽນການຄ້າ. |
ມິງດຶກ
