ທ່ານ ບຸ່ຍແທັງເຊີນ ຮອງນາຍົກລັດຖະມົນຕີ, ລັດຖະມົນຕີການຕ່າງປະເທດ ຕອບສໍາພາດກ່ຽວກັບການປະຕິບັດງານ ຈີເລ ແລະເປຣູ ຂອງປະທານປະເທດ ເລືອງເກື່ອງ

	ປະທານປະເທດ ເລືອງເກື່ອງ ສົນທະນາທາງໄກກັບທ່ານເລຂາທິການໃຫຍ່, ປະທານປະເທດລາວ
	ບັນດາອົງການຈັດຕັ້ງປະຊາຊົນອວຍພອນສະຫາຍປະທານປະເທດ ແຫ່ງ ສສ ຫວຽດນາມ ເລືອງເກື່ອງ

ຂໍຮຽນທ່ານຮອງນາຍົກລັດຖະມົນຕີ, ລັດຖະມົນຕີ, ຂໍທ່ານໃຫ້ຮູ້ກ່ຽວກັບຄວາມໝາຍຂອງການປະຕິບັດງານຢູ່ ຈີເລ ແລະ ເປຣູ ຂອງທ່ານປະທານປະເທດ ເລືອງເກື່ອງ ແລະຄະນະຜູ້ແທນຂັ້ນສູງຫວຽດນາມ?

ການຢ້ຽມຢາມປະເທດ ຈີເລ ແລະ ເປຣູ ຢ່າງເປັນທາງການຂອງທ່ານປະທານປະເທດ ໄດ້ສົ່ງສານສໍາຄັນເຖິງເພື່ອນມິດສາກົນ, ພິເສດແມ່ນເຖິງບັນດາປະເທດໃນພາກພື້ນອາເມລິກາລາຕິນ ແລະCaribe ກ່ຽວກັບນະໂຍບາຍການພົວພັນຕ່າງປະເທດສະເໝີຕົ້ນສະເໝີປາຍ, ການຖືບັນດາປະເທດມີການພົວພັນມິດຕະພາບທີ່ເປັນມູນເຊື້ອເປັນສໍາຄັນ, ໃນນັ້ນມີ ຈີເລ ແລະ ເປຣູ. ໃນສະພາບທີ່ໂລກພວມຜ່ານຜ່າການຫັນປ່ຽນທີ່ສັບສົນ, ຍາກທີ່ຈະຄາດຄະເນລ່ວງໜ້າໄດ້ ແລະ APEC ກໍ່ປະເຊີນໜ້າກັບສິ່ງທ້າທາຍ ແລະກາລະໂອກາດໃໝ່ຫຼາຍຢ່າງພາຍຫຼັງ 35 ປີແຫ່ງການສ້າງສາ ແລະພັດທະນາຂອງຕົນ, ການເຂົ້າຮ່ວມ ແລະການປະກອບສ່ວນອັນຕັ້ງໜ້າ, ຄວາມຮັບຜິດຊອບ, ການກໍ່ສ້າງຂອງຫວຽດນາມ ຢູ່ເວທີປາໄສ APEC ຍິ່ງມີຄວາມໝາຍສໍາຄັນ.

ທ່ານ ບຸ່ຍແທັງເຊີນ ຮອງນາຍົກລັດຖະມົນຕີ, ລັດຖະມົນຕີການຕ່າງປະເທດຫວຽດນາມ. ພາບ: ແອັງຕວ໊ນ

ການເຂົ້າຮ່ວມຂອງທ່ານປະທານປະເທດ ແລະຄະນະຜູ້ແທນຫວຽດນາມ ທີ່ສັບປະດາສຸດຍອດ APEC ສືບຕໍ່ຢືນຢັນຄຳໝັ້ນສັນຍາຂອງຫວຽດນາມ ໃນການຮ່ວມມື APEC, ພ້ອມແລ້ວທີ່ຈະປະກອບສ່ວນຫຼາຍກວ່າອີກເພື່ອສັນຕິພາບ, ການຮ່ວມມື ແລະພັດທະນາຂອງອາຊີ-ປາຊີຟິກ ແລະໃນໂລກ, ໃນນັ້ນເລື່ອງຫວຽດນາມ ເປັນເຈົ້າພາບ APEC 2027 ແມ່ນຫຼັກຖານທີ່ຈະແຈ້ງ. ການແບ່ງປັນຂອງທ່ານປະທານປະເທດທີ່ສັບປະດາສຸດຍອດ APEC ອີກເທື່ອໜຶ່ງສົ່ງສານຢ່າງແຂງກ່ຽວກັບຫວຽດນາມ ພວມກ້າວເຂົ້າສູ່ສັງກາດໃໝ່, ສັງກາດບືນຕົວຂອງຊົນຊາດ, ຫວຽດນາມ ຂະຫຍັນຂັນເຄື່ອນ, ປ່ຽນແປງໃໝ່ປະດິດສ້າງ ແລະເປັນສະຖານທີ່ແຖວໜ້າໃຫ້ນັກລົງທຶນສາກົນ.

ຂໍຮຽນທ່ານຮອງນາຍົກລັດຖະມົນຕີ, ລັດຖະມົນຕີ, ທ່ານຈົ່ງໃຫ້ຮູ້ກ່ຽວກັບບັນດາໝາກຜົນພົ້ນເດັ່ນຂອງການຢ້ຽມຢາມ ຈີເລ ແລະ ເປຣູ ຢ່າງເປັນທາງການຂອງທ່ານປະທານປະເທດ ເລືອງເກື່ອງ ແລະຄະນະຜູ້ແທນຂັ້ນສູງຫວຽດນາມ?

ອາດເວົ້າໄດ້ວ່າ ການຢ້ຽມຢາມບັນລຸໄດ້ບັນດາເປົ້າໝາຍທີ່ໄດ້ວາງອອກດ້ວຍບັນດາໝາກຜົນອັນພົ້ນເດັ່ນ, ຄື:

ທີໜຶ່ງ, ໃນການຢ້ຽມຢາມ, ມີເອກະສານສຳຄັນຫຼາຍສະບັບໄດ້ຮັບການລົງນາມ, ໃນນັ້ນມີຖະແຫຼງການຮ່ວມ ຫວຽດນາມ-ຈີເລ, ຖະແຫຼງການຮ່ວມກ່ຽວກັບການເພີ່ມທະວີການພົວພັນສອງຝ່າຍ ຫວຽດນາມ-ເປຣູ ແລະເອກະສານຮ່ວມມືເກືອບ 10 ສະບັບໃນຂົງເຂດປ້ອງກັນຊາດ, ກະສິກຳ, ວັດທະນະທຳ ແລະສົ່ງເສີມການຄ້າ... ສ້າງພື້ນຖານເຮັດໃຫ້ການພົວພັນຄູ່ຮ່ວມມືຮອບດ້ານ ຫວຽດນາມ-ຈີເລ ແລະການພົວພັນຮ່ວມມືຫຼາຍດ້ານ ຫວຽດນາມ-ເປຣູ ເລິກເຊິ່ງກວ່າອີກ.

ທີສອງ, ການຢ້ຽມຢາມໄດ້ປະກອບສ່ວນເຮັດໃຫ້ຄວາມໄວ້ເນື້ອເຊື່ອໃຈດ້ານການເມືອງເລິກເຊິ່ງກວ່າ, ປັບປຸງການພົວພັນອັນດີງາມລະຫວ່າງການນຳຂັ້ນສູງຫວຽດນາມ ກັບການນຳຂັ້ນສູງ ຈີເລ ແລະເປຣູ. ທີ່ການພົບປະເຈລະຈາ, ການພົບປະຕ່າງໆ, ກ່າວຄໍາເຫັນກ່ຽວກັບນະໂຍບາຍ, ການນຳ ແລະປະຊາຊົນຈີເລ ແລະເປຣູ ລ້ວນແຕ່ສະແດງຄວາມນິຍົມນັບຖືຕໍ່ຫວຽດນາມ ໃນການຕໍ່ສູ້ຍາດເອົາເອກະລາດ ແລະທ້ອນໂຮມປະເທດຊາດເປັນເອກະພາບໃນເມື່ອກ່ອນ ແລະບັນດາຜົນງານອັນໃຫຍ່ຫຼວງ, ມີຄວາມໝາຍປະຫວັດສາດໃນການກໍ່ສ້າງ ແລະປົກປັກຮັກສາປະເທດຊາດໃນປະຈຸບັນ ກໍ່ຄືບົດບາດ, ທີ່ຕັ້ງນັບມື້ນັບສູງຂອງຫວຽດນາມ ໃນເວທີສາກົນ.

ທີສາມ, ການຢ້ຽມຢາມໄດ້ສ້າງພະລັງແຮງໃໝ່, ເປີດກາລະໂອກາດຮ່ວມມືລະຫວ່າງຫວຽດນາມ ກັບ ຈີເລ ແລະເປຣູ ໃນຫຼາຍຂົງເຂດ, ຄື: ການປ້ອງກັນຊາດ-ປ້ອງກັນຄວາມສະຫງົບ, ການສຶກສາ, ທ່ອງທ່ຽວ ແລະເປີດກວ້າງບັນດາຂົງເຂດໃໝ່ທີ່ມີຄວາມສາມາດບົ່ມຊ້ອນ, ຄື: ປ່ຽນແປງໃໝ່ປະດິດສ້າງ , ການຫັນເປັນສີຂຽວ, ການຫັນເປັນດີຈີຕອນ, ຮັບມືກັບການປ່ຽນແປງຂອງດິນຟ້າອາກາດ, ພະລັງງານ...

ຂໍຮຽນທ່ານຮອງນາຍົກລັດຖະມົນຕີ, ລັດຖະມົນຕີ, ທ່ານຈົ່ງໃຫ້ຮູ້ສອງຝ່າຍຈະເຮັດຫຍັງແດ່ເພື່ອຜັນຂະຫຍາຍໝາກຜົນຂອງການຢ້ຽມຢາມ?

ໃນໄລຍະຈະມາເຖິງ, ຫວຽດນາມ ພ້ອມກັບ ຈີເລ ແລະເປຣູ ຈະຊຸກຍູ້ການຜັນຂະຫຍາຍ, ຫັນເປັນລະອຽດບັນດາໝາກຜົນທີ່ບັນລຸໄດ້ໃນບັນດາຂົງເຂດຕົ້ນຕໍ, ດັ່ງຕໍ່ໄປນີ້:

ທີໜຶ່ງ, ສືບຕໍ່ເພີ່ມທະວີຄວາມໄວ້ເນື້ອເຊື່ອໃຈດ້ານການເມືອງຜ່ານການຮັກສາການແລກປ່ຽນຄະນະຜູ້ແທນທຸກຂັ້ນ, ພິເສດແມ່ນຂັ້ນສູງລະຫວ່າງພັກ, ລັດ, ລັດຖະບານ, ສະພາແຫ່ງຊາດ ແລະການພົບປະແລກປ່ຽນປະຊາຊົນ; ຮັກສາກົນໄກຮ່ວມມືທີ່ມີຢູ່ແລ້ວລະຫວ່າງ ຫວຽດນາມ ແລະແຕ່ລະປະເທດຢ່າງມີປະສິດທິຜົນ, ພ້ອມທັງສົ່ງເສີມ ແລະສ້າງເງື່ອນໄຂເພື່ອເຊື່ອມຕໍ່ວິສາຫະກິດ, ສົ່ງເສີມການຄ້າ ແລະການລົງທຶນ, ເຊື່ອມຕໍ່ການຄົມມະນາຄົມ, ພະລາທິການ... ສໍາລັບ ເປຣູ, ສອງຝ່າຍກໍ່ດຳເນີນການແລກປ່ຽນລະອຽດກ່ຽວກັບຄວາມສາມາດຫວຽດນາມ ເປີດອົງການຜູ້ຕາງໜ້າການທູດຢູ່່ນະຄອນຫຼວງ Lima ໃນໄລຍະຈະມາເຖິງ.

ທີສອງ, ສືບຕໍ່ຍູ້ແຮງການຜັນຂະຫຍາຍການປະຕິບັດບັນດາຂໍ້ຕົກລົງທີ່ບັນລຸໄດ້ກັບບັນດາປະເທດ. ສໍາລັບ ຈີເລ, ບົນພື້ນຖານຄວາມເຫັນດີເຫັນພ້ອມສູງລະຫວ່າງການນຳຂັ້ນສູງສອງປະເທດກ່ຽວກັບການສ້າງຕັ້ງການພົວພັນຄູ່ຮ່ວມມື ແລະເຊື່ອມຕໍ່ຍຸດທະສາດລະຫວ່າງສອງພື້ນຖານເສດຖະກິດ, ຫວຽດນາມ ແລະຈີເລ ຈະເພີ່ມທະວີການຮ່ວມມື ແລະແລກປ່ຽນບົດຮຽນໃນບັນດາຂົງເຂດທີ່ສາມາດຊ່ວຍຊູກັນໄດ້, ຄື: ການຮ່ວມມືດ້ານປ້ອງກັນຊາດ-ປ້ອງກັນຄວາມສະຫງົບ, ວັດທະນະທຳ, ການສຶກສາ... ສໍາລັບ ເປຣູ, ຫວຽດນາມ ແລະເປຣູ ຈະດຳເນີນການແລກປ່ຽນກ່ຽວກັບການຍົກລະດັບການພົວພັນຂຶ້ນສູ່ລະດັບສູງໃໝ່; ເພີ່ມທະວີການແລກປ່ຽນກ່ຽວກັບຄວາມສາມາດຍູ້ແຮງການຮ່ວມມືດ້ານເຕັກໂນໂລຢີສູງ, ຄື: ການຫັນເປັນດີຈີຕອນ, ການສະໜອງພື້ນຖານໂຄງລ່າງດີຈີຕອນ, ນະຄອນອັດສະລິຍະ...

ຂໍຮຽນທ່ານຮອງນາຍົກລັດຖະມົນຕີ, ລັດຖະມົນຕີ, ທ່ານຈົ່ງໃຫ້ຮູ້ການປະກອບສ່ວນຂອງຫວຽດນາມ ທີ່ສັບປະດາສຸດຍອດປີນີ້ ແລະບຸລິມະສິດເຂົ້າຮ່ວມ APEC ໃນໄລຍະຈະມາເຖິງ?

ພວກເຮົາໄດ້ເຂົ້າຮ່ວມຢ່າງຕັ້ງໜ້າທີ່ສັບປະດາສຸດຍອດ APEC 2024 ແລະການປະກອບສ່ວນຂອງຫວຽດນາມ ໄດ້ຮັບການຕີລາຄາສູງຈາກບັນດາພື້ນຖານເສດຖະກິດ APEC. ສາມາດເວົ້າເຖິງບາງຈຸດພົ້ນເດັ່ນດັ່ງຕໍ່ໄປນີ້:

ທີໜຶ່ງ, ທ່ານປະທານປະເທດ ເລືອງເກື່ອງ ແລະບັນດາສະມາຊິກຄະນະຜູ້ແທນຫວຽດນາມ ໄດ້ເປັນເຈົ້າການ, ຕັ້ງໜ້າເຂົ້າຮ່ວມທຸກການເຄື່ອນໄຫວໃນຂອບເຂດສັບປະດາສຸດຍອດ. ທີສອງ, ທ່ານປະທານປະເທດ ໄດ້ແບ່ງປັນຂໍ້ສັງເກດ, ຕີລາຄາຢ່າງເລິກເຊິ່ງກ່ຽວກັບທ່າອ່ຽງ, ກາລະໂອກາດ, ສິ່ງທ້າທາຍຂອງພາກພື້ນ ແລະໂລກ ແລະສະເໜີບັນດາທິດທາງໃຫຍ່ເພື່ອໃຫ້ APEC ສືບຕໍ່ຮັກສາບົດບາດນຳພາ, ເປັນກຳລັງໜູນຂອງການເຕີບໂຕເສດຖະກິດທົ່ວໂລກ ແລະຮັບປະກັນໃຫ້ປະຊາຊົນເປັນໃຈກາງຂອງຂະບວນການພັດທະນາເສດຖະກິດ. ທີສາມ, ເລື່ອງທ່ານປະທານປະເທດ ກ່າວຄໍາເຫັນທີ່ກອງປະຊຸມສຸດຍອດວິສາຫະກິດ APEC 2024, ແລກປ່ຽນກັບສະພາທີ່ປຶກສາດຳເນີນທຸລະກິດ APEC, ຜູ້ຕາງໜ້າການນຳບັນດາວິສາຫະກິດທັງປະກອບສ່ວນຢ່າງຕັ້ງໜ້າເຂົ້າໃນຜົນສຳເລັດຂອງກອງປະຊຸມ ທັງສົ່ງເສີມການສະໜັບສະໜູນ, ຮ່ວມເດີນທາງຂອງປະຊາຄົມວິສາຫະກິດໃນວິວັດການຮ່ວມມື APEC, ເປັນປັດໄຈທີ່ຂາດບໍ່ໄດ້ໃຫ້ຜົນສຳເລັດຂອງເວທີປາໄສ.

ໃນໄລຍະຈະມາເຖິງ, ຫວຽດນາມ ຈະສືບຕໍ່ເປັນເຈົ້າການ, ຕັ້ງໜ້າເຂົ້າຮ່ວມການຮ່ວມມື APEC ດ້ວຍບັນດາເນື້ອໃນບຸລິມະສິດ, ຄື: ທີໜຶ່ງ, ຊຸກຍູ້ບັນດາຂົງເຂດທີ່ມີຄວາມໝາຍຍຸດທະສາດໃນການພັດທະນາເສດຖະກິດພາກພື້ນ ແລະໂລກໃນໄລຍະໃໝ່, ພິເສດແມ່ນການປ່ຽນແປງໃໝ່ປະດິດສ້າງ, ການຫັນເປັນດີຈີຕອນ, ການຫັນເປັນສີຂຽວ, ພະລັງງານທົດແທນ, ກະສິກໍາອັດສະລິຍະ, ຮັບມືກັບການປ່ຽນແປງຂອງດິນຟ້າອາກາດ, ພັດທະນາຊັບພະຍາກອນມະນຸດທີ່ມີຄຸນນະພາບສູງ.

ທີສອງ, ຍູ້ແຮງບັນດາເນື້ອໃນຮ່ວມມືທີ່ເປັນທ່າແຮງ ແລະມີຢູ່ແລ້ວຂອງ APEC, ແມ່ນການຫັນການຄ້າ ແລະການລົງທຶນເປັນເສລີ ແລະສະດວກສະບາຍ. ຕາມນັ້ນແລ້ວ, ຫວຽດນາມ ຈະພ້ອມກັບບັນດາພື້ນຖານເສດຖະກິດສະມາຊິກຫັນຂໍ້ລິເລີ່ມໃຫຍ່ຂອງ APEC ໃຫ້ປະກົດຜັນເປັນຈິງເທື່ອລະກ້າວແມ່ນການກໍ່ສ້າງເຂດການຄ້າເສລີອາຊີ-ປາຊີຟິກ (FTAAP).

ທີສາມ, ກະກຽມຢ່າງຮອບຄອບຖີ່ຖ້ວນ, ມີແບບມີແຜນເພື່ອຈັດຕັ້ງປີ APEC 2027 ໃຫ້ສຳເລັດຜົນ, ປະກອບສ່ວນປະຕິບັດວິໄສທັດ APEC 2040 ໃຫ້ສຳເລັດຜົນ ກໍ່ຄືຍົກສູງຖານະບົດບາດສາກົນຂອງປະເທດ.

ຂໍຂອບໃຈທ່ານຮອງນາຍົກລັດຖະມົນຕີ, ລັດຖະມົນຕີການຕ່າງປະເທດ!

ຈົດໝາຍອວຍພອນສະຫາຍ ເລືອງເກື່ອງ ໄດ້ຮັບເລືອກຕັ້ງເປັນປະທານປະເທດຫວຽດນາມ ຍສໝ - ເລຂາທິການໃຫຍ່, ປະທານປະເທດລາວ ທອງລຸນ ສີສຸລິດ ຢືນຢັນວ່າ: ເລື່ອງສະຫາຍ ເລືອງເກື່ອງ ໄດ້ຮັບເລືອກຕັ້ງຮັບໃຫ້ດໍາລົງຕໍາແໜ່ງເປັນປະທານປະເທດສະແດງໃຫ້ເຫັນຄວາມໄວ້ເນື້ອເຊື່ອໃຈ, ການຕີລາຄາສູງຂອງພັກ, ລັດ ແລະປະຊາຊົນຫວຽດນາມ...

ທ່ານ​ລັດຖະມົນຕີ​ການ​ຕ່າງປະ​ເທດ ບຸ່ຍແທັງເຊີນ ​ໄດ້​ມີ​ການ​ພົບ​ປະ​ກັບ​ບັນດາ​ການ​ນຳ​ຂອງ ສປຊ ​ຢູ່ Geneva ຍສໝ - ຕາມ​ສຳນັກ​ຂ່າວສານ​ຫວຽດນາມ​ທີ່​ນະຄອນ​ເຈນີວາ​ແລ້ວ, ​ໃນ​ຂອບ​ເຂດ​ໂຄງການ​ເຂົ້າ​ຮ່ວມ​ກອງ​ປະຊຸມ​ລະດັບ​ສູງ​ຄັ້ງ​ທີ 55 ຂອງ​ສະພາ​ສິດທິ​ມະນຸດ​ສະຫະ​ປະຊາ​ຊາດ (ສປຊ) ​ໃນ​ວັນ​ທີ 26 ກຸມພາ​ນີ້, ທ່ານ​ລັດຖະມົນຕີ​ການ​ຕ່າງປະ​ເທດ ບຸ່ຍແທັງເຊີນ ​ໄດ້​ມີ​ການ​ພົບ​ປະ​ກັບ​ບັນດາ​ການ​ນຳ ສປຊ ​ແລະ ຫົວໜ້າ​ຄະນະ​ຜູ້​ແທນ​ຈາກ​ບັນດາ​ປະ​ເທດ.