ໂດຍແມ່ນສະມາຊິກຂອງຄະນະປະຕິບັດງານຂອງປະເທດ ປະຊາທິປະໄຕ ສາທາລະນະລັດ ຫວຽດນາມ ຢູ່ກອງປະຊຸມ Paris, ທ່ານຟ້າມງາກ, ອະດີດຫົວໜ້າກົມຈັດຕັ້ງສາກົນ (ກະຊວງການຕ່າງປະເທດ), ອະດີດເອກອັກຄະລັດຖະທູດ ຫວຽດນາມ ປະຈຳ ຊູແອັດ, ທັງປະຈຳ ແຟງລັງ, ນອກແວ, ເດນມາ, ອຽກລັງ ເຖິງວ່າມີອາຍຸ 88 ປີແລ້ວກໍ່ຕາມ ແຕ່ຍັງຮູ້ສຶກກະຕື້ລືລົ້ນ, ມີຄວາມຕື້ນຕັນໃຈເມື່ອເລົ່າຄືນກ່ຽວກັບຊຸມວັນເຈລະຈາຢູ່ກອງປະຊຸມ Paris ຢ່າງເຄັ່ງຕຶງ.
 |
| ທ່ານ ຟ້າມງາກ, ອະດີດຫົວໜ້າກົມຈັດຕັ້ງສາກົນ (ກະຊວງການຕ່າງປະເທດ) (ພາບ: ຊວັນຈຸງ) |
ຊຸມວັນກາງເດືອນມັງກອນ 2023, ໃນບັນຍາກາດສະເຫຼີມສະຫຼອງ 50 ປີແຫ່ງວັນເຊັນສົນທິສັນຍາ Paris ກ່ຽວກັບການຢຸດຕິສົງຄາມ, ສ້າງສັນຕິພາບຢູ່ ຫວຽດນາມ (27/1/1973 – 29/1/2023), ໃນຫ້ອງຮັບແຂກທີ່ກ້ວາງກ່ວາ 20 ຕາແມັດ ຢູ່ຊັ້ນ 5 ຂອງເຮືອນພັກ ແທັງກົງ, ຮ່າໂນ້ຍ, ທ່ານ ຟ້າມ ເລົ່າສູ່ຟັງກ່ຽວກັບຄອບຄົວ, ວິວັດການຮຽນພາສາດ້ວຍຕົນເອງ ແລະ ບູນວາດສະໜາກັບຂະແໜງການຕ່າງປະເທດຂອງຕົນ.
ທ່ານເລົ່າສູ່ຟັງວ່າ ຕອນຫາກໍ່ຮັບໜ້າທີ່, ທ່ານຄິດວ່າການເຈລະຈາພຽງແຕ່ດຳເນີນໃນໄລຍະເວລາ 2 – 3 ເດືອນ, ບໍ່ຄິດວ່າຈະແກ່ຍາວເກືອບ 5 ປີ. ທ່ານໄດ້ເຂົ້າຮ່ວມບັນດາການເຄື່ອນໄຫວໃນວິວັດການເຈລະຈາ Paris ເກືອບທັງໝົດ, ຈາກກອງປະຊຸມຢ່າງເປັນທາງການ 4 ຝ່າຍຢູ່ສູນກອງປະຊຸມສາກົນ Paris ຕະຫຼອດຮອດບັນດາການເຈລະຈາລັບ ອາເມລິກາ - ຫວຽດນາມ ພິທີລົງນາມສັນຍາ, ພິທີເຊັນສົນທິສັນຍາສາກົນ ແລະ ຫຼັງຈາກນັ້ນແມ່ນການເຈລະຈາ ອາເມລິກາ - ຫວຽດນາມ ກ່ຽວກັບການຮຳບາດແຜຂອງສົງຄາມ (ເດືອນພຶດສະພາ, ມິຖຸນາ 1973).
ບຸນຄົງ
