ຫວຽດນາມ ແລະການາດາ ເພີ່ມທະວີເຊື່ອມຕໍ່ໃນດ້ານການຄ້າ, ການລົງທຶນ

	ຍູ້ແຮງການເຊື່ອມໂຍງ ແລະ ການຄ້າລະຫວ່າງວິສາຫະກິດ, ນັກທຸລະກິດ ຫວຽດນາມ ແລະ ການາດາ
	ລາວ - ສະຫະພັນລັດເຊຍ ເຫັນດີເປັນເອກະພາບເພີ່ມທະວີການຮ່ວມມືສອງຝ່າຍກ່ຽວກັບດ້ານການຄ້າ ແລະ ການລົງທຶນ

ການ​ຈັດ​ສິນຄ້າ​ນຳ​ເຂົ້າ ​ແລະ ສົ່ງ​ອອກ​ຢູ່​ທ່າ​ກຳ​ປັ່ນ ດິງຫວູ, ຫາຍຟອງ

ດ້ວຍ​ຄວາມ​ປາດ​ຖະໜາ​ຢາກ​ເພີ່ມ​ທະວີ​ການ​ເຊື່ອມ​ຕໍ່ຮ່ວມ​ມື​ດ້ານ​ການ​ຄ້າ ​ແລະ ການ​ລົງທຶນ​ລະຫວ່າງ ຫວຽດນາມ ​ແລະ ກາ​ນາ​ດາ, ຫ້ອງການການຄ້າ ຫວຽດນາມ ປະຈຳ ກາ​ນາ​ດາ ​ໄດ້​ເຂົ້າ​ຮ່ວມ​ງານ​ວາງສະ​ແດງ​ສົ່ງ​ເສີມ​ການ​ລົງທຶນ​ສາກົນ MIBIExpo 2024 ຢູ່ Montreal.

MIBIExpo ໄດ້ຮັບການຖື​ເປັນ​ເວທີ​​ເພື່ອ​ຊຸກຍູ້​ກາລະ​ໂອກາດ​ດ້ານ​ທຸລະ​ກິດ ​ແລະ ການ​ຄ້າ, ​ເຊື່ອມ​ຕໍ່​ ກາ​ນາ​ດາ ​ກັບ​ໂລກ ​ແລະ ນຳ​ມາ​ເຊິ່ງຜົນ​ປະ​ໂຫຍ​ດ​ໃຫ້​ແກ່​ທຸກ​ຝ່າຍ​ຜ່ານ​​ກົນ​ໄກ​ຮ່ວມ​ມື​ທີ່ຕ່າງຝ່າຍຕ່າງມີຜົນປະໂຫຍດ. ປີນີ້, ເຫດການນີ້ສຸມເຂົ້າ 5 ຈຸດສຸມຕົ້ນຕໍແມ່ນການລົງທຶນທຸລະກິດ, ອະສັງຫາລິມະຊັບ, ການເຄື່ອນຍ້າຍໄປອາໄສຢູ່ບ່ອນອື່ນ, ການສຶກສາ ແລະ ການທ່ອງທ່ຽວ.

ຫວຽດນາມ ​ເຂົ້າ​ຮ່ວມ MIBIExpo ດ້ວຍ​ຄວາມ​ປາດ​ຖະໜາ​ຢາກ​ຊຸກຍູ້ການເຊື່ອມ​ຕໍ່ ​ແລະ ສ້າງ​ລະບົບ​ນິ​ເວດ​ໃນ​ລະບົບ​ບັນດາ​ສັນຍາ​ການ​ຄ້າ​ເສລີ​ລະຫວ່າງ 2 ປະ​ເທດທີ່​ມີ​ຢູ່​ແລ້ວ ກໍ່ຄືສັນຍາ​ການ​ຄ້າ​ເສລີສະມາຄົມ​ປະຊາຊາດອາຊີ​ຕາເວັນອອກສຽງໃຕ້ (ອາ​ຊຽນ) - ກາ​ນາ​ດາ.

ໂດຍແບ່ງປັນກັບນັກຂ່າວ ຫວຽດນາມ, ທ່ານນາງ ເຈີ່ນທູກວິ່ງ ທີ່ປຶກສາຝ່າຍການຄ້າຂອງສະຖານທູດ ຫວຽດນາມ ໃຫ້ຮູ້ວ່າ ນີ້ແມ່ນຄັ້ງທຳອິດທີ່ອົງການການຄ້າເຂົ້າຮ່ວມງານວາງສະແດງສົ່ງເສີມການລົງທຶນອຸດສາຫະກໍາ ແລະ ພະລັງງານຢູ່ຕ່າງປະເທດ.

ທ່ານນາງ​ກ່າວ​ວ່າ ໃນ​ສະພາບ​ທີ່​ບັນດາ​ວິ​ສາ​ຫະກິດ​ ກາ​ນາ​ດາ ​ພວມ​ໄດ້​ຮັບ​ຜົນ​ກະທົບ​ຈາກ​ການ​ກັບ​ຄືນ​ສູ່​ການ​ຜະລິດ​ພາຍ​ໃນ​ປະ​ເທດ ຫຼື ກັບ​ຄືນ​ສູ່​ການ​ຜະລິດ​ກັບ​ບັນດາ​ຄູ່​ຮ່ວມ​ມື​ທີ່​ມີ​ຜົນ​ປະ​ໂຫຍ​ດ​ຮ່ວມກັນ, ສານ​ຂອງ ຫວຽດນາມ ທີ່​ເຫດການ​ນີ້​ແມ່ນ​ປາດ​ຖະໜາ​ຢາກ​ດຶງ​ດູດ​ບັນດາ​ຄູ່​ຮ່ວມ​ມື​ທີ່​ມີ​ທ່າ​ໄດ້​ປຽບ​ຄື​ກັນ​ໃນບັນດາ​ສັນຍາ​ການ​ຄ້າ​ເສລີ ກໍ່​ຄືມີບັນດາຜົນ​ປະ​ໂຫຍ​ດປຽບທຽບ​ຊ່ວຍຊູກັນ.

ຫວຽດນາມ ​ແລະ ກາ​ນາ​ດາ ​ພິເສດ​ແມ່ນ​ເໝາະສົມກັນ​​ໃນ​ບັນຫາ​ນີ້ ​ແລະ ສາມາດ​ຊ່ວຍຊູກັນ ກໍ່ຄື​ການເພີ່ມປະສິດທິພາບຂັ້ນຕອນການ​ຜະລິດ ແລະ ຕ່ອງ​ໂສ້​ການ​ສະໜອງ​ຂອງ​ສອງ​ພື້ນຖານ​ເສດຖະກິດ. ຫວຽດນາມ ປາດ​ຖະໜາ​ວ່າ ຜ່ານ​ງານວາງສະແດງ MIBIExpo 2024, ບັນດາ​ວິ​ສາ​ຫະກິດ​ລົງທຶນ​ຢູ່​ພາກ​ພື້ນທີ່​ເວົ້າ​ພາສາ​ຝຣັ່ງ ຈະຮູ້ຈັກຫວຽດນາມ ​ເພື່ອ​ສາມາດ​ເລີ່​ມສົ່ງເສີມການດຳ​ເນີນ​ທຸລະ​ກິດ​ຢູ່ ຫວຽດນາມ. ນອກ​ນີ້, ຫວຽດນາມ ​ຍັງ​ສາມາດ​ເຊື່ອມ​ຕໍ່​ກັບ​ເຂດ​ນີ້​ໃນ​ຂົງ​ເຂດພາລາ ​ແລະ ການຂົນ​ສົ່ງ​ທາງ​ທະ​ເລ.

ກໍາມະການສະພານະຄອນ Montreal ເຂດ Saint Laurent Aref Salem ຖື​ວ່າ ນີ້​ແມ່ນ​ເວທີ​ທີ່​ສາມາດ​ເຊື່ອມ​ຕໍ່​ບັນດາ​ວິ​ສາ​ຫະກິດ Montreal ​ແລະ ບັນດາ​ວິ​ສາ​ຫະກິດ ຫວຽດນາມ. Montreal ແມ່ນປະຕູເຂົ້າສູ່ຕະຫຼາດອາເມລິກາເຫນືອ, ໃນຂະນະທີ່ຫວຽດນາມ ແມ່ນປະຕູສູ່ເຂົ້າຕະຫຼາດອາຊີຕາເວັນອອກສຽງໃຕ້.

ທ່ານພິນິດໄສ​ວ່າ ຫວຽດນາມ ​ມີ​ການ​ເຕີບ​ໂຕ​ທີ່​ດີ, ຕະຫຼາດ​ກໍ່​ມີ​ຄວາມ​ປະ​ທັບ​ໃຈ​ທີ່​ສຸດ ​ແລະ ບັນດາ​ບໍລິສັດ Montreal ສາມາດ​ເປີດ​ຕະຫຼາດ​ໃໝ່​ຢູ່​ທີ່​ນັ້ນ. ປະຊາ​ຄົມ​ ອາ​ຊຽນ ​ມີຄວາມຊິນເຄີຍໃນການ​ສ້າງ​ຄວາມ​ໄວ້​ເນື້ອ​ເຊື່ອ​ໃຈ​ກ່ອນ​ດຳ​ເນີນ​ທຸລະ​ກິດ, ດັ່ງ​ນັ້ນ​ ທັງ​ສອງ​ຝ່າຍ​ຈຶ່ງ​ສາມາດ​ສ້າງ​ຄວາມ​ເຂົ້າ​ໃຈ ​ແລະ​ ຄວາມ​ໄວ້​ເນື້ອ​ເຊື່ອ​ໃຈ​ຈາກ​ເວທີ​​ຄັ້ງ​ນີ້.

ປະຈຸ​ບັນ ຫວຽດນາມ ​ແລະ Montreal ໄດ້ສາມາດ​ເຊື່ອມ​ຕໍ່​ໂດຍ​ກົງ​ຜ່ານ​ການ​ຂົນ​ສົ່ງ​ທາງ​ທະ​ເລ​ຈາກ​ທ່າ​ກຳ​ປັ່ນ ຫາຍຟອງ, ສ້າງ​ຄວາມ​ສະດວກ​ໃຫ້​ຂົງ​ເຂດພາລາ ​ແລະ ຕ່ອງ​ໂສ້​ສະໜອງ. Montreal ໄດ້ຮູ້ຈັກເປັນເມືອງທີ່ມີຄວາມຫຼາກຫຼາຍທາງດ້ານວັດທະນະທໍາ ພ້ອມກັນນັ້ນ ກໍ່ຍັງເປັນສະຖານທີ່ທີ່ສາມາດສວມບົດບາດພື້ນຖານເຊື່ອມຕໍ່ ລະຫວ່າງບັນດາຊຸມຊົນເຊັ່ນດຽວກັນກັບການສ້າງກາລະໂອກາດທາງທຸລະກິດ.

ທ່ານ Antoine Tayar ຜູ້ຮັກສາການນາຍົກເທດສະມົນຕີນະຄອນ Mount Royal ຂອງ Montreal ແບ່ງປັນວ່າ ເຫດການໃດຢູ່ໃນເຂດ Saint Laurent ແລະ Mount Royal ກໍ່ລ້ວນແຕ່ເຂົ້າຮ່ວມ ເພາະວ່າສອງຝ່າຍມີຫ້ອງການຄ້າຮ່ວມກັນ. ນອກຈາກນັ້ນ, Mount Royal ຍັງມີສວນສາທາລະນະອຸດສາຫະກຳ ທີ່ຢາກເຜີຍແພ່ ແລະ ດຶງດູດການລົງທຶນ.

Mount Royal ເປັນເຂດທີ່ໂດດເດັ່ນທີ່ຕັ້ງຢູ່ Montreal. ນີ້​ແມ່ນ​ຈຸດ​ຫມາຍ​ປາຍ​ທາງ​ທີ່​ນິ​ຍົມ​ສໍາ​ລັບ​ທັງ​ຊາວທ້ອງ​ຖິ່ນ​ ແລະ ​ນັກ​ທ່ອງ​ທ່ຽວ​ທີ່​ມັກບັນດາ​ກິດ​ຈະ​ກໍາ​ກາງແຈ້ງເຊັ່ນ ​ການ​ຍ່າງທາງຍາວ, ອອກນອກເມືອງ ແລະ ຖີບ​ຂີ່​ລົດ​ຖີບ​.

ທ່ານ Tayar ກ່າວ​ວ່າ ເມືອງ Mount Royal ມີພື້ນຖານວັດຖຸຫຼາຍ​ຢ່າງ​ທີ່​ເປັນໜ້າ​ສົນ​ໃຈ ​ແລະ ສາມາດ​ແລກປ່ຽນ​ກ່ຽວກັບ​ການ​ຄ້າ. ເຫດການນີ້ ຈະເປັນໂອກາດທີ່ດີ ເພື່ອກະທົບຊຶ່ງກັນ ແລະ ກັນກັບຊຸມຊົນທຸລະກິດຕ່າງໆໃນທົ່ວໂລກ.

​ຫວຽດນາມ ມີໜ້າໃນ​ງານ​ວາງສະ​ແດງ​ຄັ້ງ​ນີ້ ຈະ​ສ້າງ​ກາລະ​ໂອກາດ​ໃໝ່​ ເພື່ອ​ເປີດກວ້າງ​ການ​ພົວພັນ​ຮ່ວມ​ມື​ດ້ານ​ທຸລະ​ກິດ ​ແລະ ການ​ລົງທຶນ​ກັບ​ເຂດ Montreal ​ເວົ້າ​ສະ​ເພາະ, ​ພ້ອມກັນນັ້ນ ກໍ່ຍັງເຊື່ອມຕໍ່ດ້ານ​ການ​ຄ້າ​ຢ່າງແໜ້ນແຟ້ນລະຫວ່າງ ຫວຽດນາມ ​ແລະ ກາ​ນາ​ດາ ເວົ້າລວມ ​ແລະ ທົ່ວ​ພາກ​ພື້ນ​ ອາ​ເມ​ລິ​ກາ​ເໜືອ ອີກດ້ວຍ.

ຊຸກຍູ້ການພົວພັນທາງດ້ານການຄ້າ, ການລົງທຶນ ຫວຽດນາມ - Venezuela ທ່ານລັດຖະມົນຕີການຕ່າງປະເທດ ຫວຽດນາມ ບຸ່ຍແທັງເຊີນ ໄດ້ຢັ້ງຢືນການຖືເປັນສຳຄັນການພົວພັນມິດຕະພາບທີ່ເປັນມູນເຊື້ອ, ການຮ່ວມມືອັນດີງາມ...

ຫວຽດນາມ ແລະ ເມັກຊິໂກ ສົ່ງເສີມການຮ່ວມມືທາງດ້ານການຄ້າ, ເສດຖະກິດ ແລະ ການລົງທຶນ ຍສໝ-ວັນ​ທີ 4 ກໍລະກົດ, ຄະນະ​​ວິ​ສາ​ຫະກິດ ຫວຽດນາມ ລວມມີນັກທຸລະກິດ 23 ທ່ານ, ​ໂດຍ​ທ່ານ​ຮອງ​ລັດຖະມົນຕີ ​ກະຊວງ​ອຸດສາຫະກຳ ​ແລະ ການ​ຄ້າ ໂດ໊ທັ໋ງຫາຍ ນຳ​ໜ້າ ​ໄດ້​ເຂົ້າ​ຮ່ວມ​ເວທີ​ປາ​ໄສ​ວິ​ສາ​ຫະກິດ ຫວຽດນາມ - ​ເມັກ​ຊິໂກ ຢູ່​ນະຄອນຫຼວງ Mexico City, ​ເພື່ອແນໃສ່​ຊອກ​ຫາ​ກາລະ​ໂອກາດ​ຮ່ວມ​ມື​ດ້ານ​ການ​ຄ້າ, ​ເສດຖະກິດ ​ແລະ ການ​ລົງທຶນ​ກັບບັນດາຄູ່ຮ່ວມມືຢູ່ປະເທດປະຈໍາຖິ່ນ.