 | ບັນດານະໂຍບາຍໃຫມ່ຂອງກາຊັກສະຖານ ມຸ່ງໄປເຖິງການພັດທະນາແບບຍືນຍົງ |
| ຫວຽດນາມ ແລະ UNESCO ສົມທົບກັນເຮັດໃຫ້ວັດທະນະທຳກາຍເປັນເປົ້າໝາຍພັດທະນາແບບຍືນຍົງຂອງສະຫະປະຊາຊາດ |
ເຂົ້າຮ່ວມເຫດການ ມີທ່ານ ຫວູຫວຽດງວານ, ອະດີດຫົວໜ້າກຸ່ມທີ່ປຶກສາດ້ານເສດຖະກິດຂອງນາຍົກລັດຖະມົນຕີ, ປະທານສະມາຄົມມິດຕະພາບ ຫວຽດນາມ - ສິງກະໂປ; ທ່ານເອກອັກຄະລັດຖະທູດສິງກະໂປ ປະຈໍາ ຫວຽດນາມ Jaya Ratnam; ທ່ານ ປອ ຟ້າມຮົ່ງກວັກ, ຫົວໜ້າກົມພັດທະນາຕະຫຼາດ ແລະ ວິສາຫະກິດວິທະຍາສາດ - ເຕັກໂນໂລຊີ (ກະຊວງວິທະຍາສາດ ແລະ ເຕັກໂນໂລຊີ); ທ່ານ ເລຮ່ວາງຕຸ່ງ, ຮອງຫົວໜ້າທະນາຄານ Vietcombank ພ້ອມກັບບັນດາຜູ້ຊ່ຽວຊານ, ຜູ້ໃຫ້ຄຳປຶກສາ ແລະ ຜູ້ຕາງໜ້າວິສາຫະກິດສັງຄົມຫຼາຍທ່ານ.
 |
| ຈາກຊ້າຍໄປຫາຂວາ: ທ່ານຫົວໜ້າກົມພັດທະນາຕະຫຼາດ ແລະ ວິສາຫະກິດວິທະຍາສາດ - ເຕັກໂນໂລຊີ ຟ້າມຮົ່ງກວັກ, ປະທານສະມາຄົມມິດຕະພາບ ຫວຽດນາມ - ສິງກະໂປ ຫວູຫວຽດງວານ ແລະ ທ່ານເອກອັກຄະລັດຖະທູດ Jaya Ratnam ໄດ້ຕັດແຖບຜ້າປະກາດລາຍການໜູນຊ່ວຍວິສາຫະກິດສັງຄົມນະວັດຕະກຳ. (ພາບ: ດິງຮວ່າ) |
SEIP 2024: ໂຄງການຊຸກຍູ້ວິສາຫະກິດສັງຄົມໄດ້ພັດທະນາກວມລວມ
ໂຄງການນີ້ ແນໃສ່ໜູນຊ່ວຍວິສາຫະກິດສັງຄົມນະວັດຕະກຳ, ສ້າງອອກລະບົບນິເວດ ເພື່ອໜູນຊ່ວຍການເພີ່ມປະສິດທິພາບໃນການດຳເນີນທຸລະກິດ ແລະ ຍົກສູງກຳລັງຄວາມສາມາດນຳໃຊ້ເຕັກໂນໂລຊີ.
SEIP 2024 ໄດ້ຄັດເລືອກເອົາ 17 ວິສາຫະກິດເຂົ້າຮ່ວມການບຳລຸງສ້າງລົງເລິກໃນເດືອນຕຸລາ 2024, ລວມມີ 6 ຕອນບຳລຸງສ້າງແບບສຸມໃສ່ ແລະ ອອນໄລ, ດ້ວຍການສິດສອນຈາກບັນດາຜູ້ຊ່ຽວຊານ ແລະ ນັກທຸລະກິດ. ລາຍການດັ່ງກ່າວ ຍັງສ້າງໂອກາດສໍາລັບບັນດາວິສາຫະກິດ ເພື່ອເຊື່ອມຕໍ່ ແລະ ຮຽນຮູ້ເຊິ່ງກັນ ແລະ ກັນ ໂດຍຜ່ານບັນດາກອງປະຊຸມພົບປະ ແລະ ປະຊາຄົມອອນໄລ.
 |
| ມອບໃບຢັ້ງຢືນໃຫ້ Top 10 ໂຄງການຂອງລາຍການ ປີ 2024 (ພາບ: ດິງຮວ່າ). |
ກ່າວຄຳປາໄສທີ່ພິທີເປີດ, ທ່ານປະທານສະມາຄົມມິດຕະພາບ ຫວຽດນາມ - ສິງກະໂປ ຫວູຫວຽດງວານ ໃຫ້ຮູ້ວ່າ ລາຍການບໍ່ພຽງແຕ່ໜູນຊ່ວຍວິສາຫະກິດສັງຄົມເທົ່ານັ້ນ ຫາກຍັງຊຸກຍູ້ນະວັດຕະກຳ, ມຸ່ງໄປເຖິງການພັດທະນາແບບຍືນຍົງ ອີກດ້ວຍ. ທ່ານເຊື່ອໝັ້ນວ່າ ລາຍການຈະກາຍເປັນພື້ນຖານອັນໜັກແໜ້ນໃຫ້ແກ່ການພັດທະນາແບບຍືນຍົງຂອງວິສາຫະກິດສັງຄົມ ຫວຽດນາມ.
ການຮ່ວມມືສາກົນສົ່ງເສີມນະວັດຕະກໍາ ແລະ ການພັດທະນາແບບຍືນຍົງ
ທ່ານ ປອ ຟ້າມຮົ່ງກວັກ ແບ່ງປັນປະສົບການຈາກບັນດາເຫດການສາກົນ, ໃຫ້ຮູ້ວ່າ ບັນດາວິສາຫະກິດເລີ່ມດຳເນີນທຸລະກິດຢູ່ ສິງກະໂປ ບໍ່ພຽງແຕ່ສຸມໃສ່ເຂົ້າໃນກຳໄລເທົ່ານັ້ນ, ຫາກຍັງແກ້ໄຂບັນຫາສິ່ງທ້າທາຍທົ່ວໂລກຄື ການປ່ຽນແປງຂອງດິນຟ້າອາກາດ ອີກດ້ວຍ. ທ່ານຮຽກຮ້ອງໃຫ້ ຫວຽດນາມ ຮຽນຮູ້ບັນດາຮູບແບບການພົວພັນຄູ່ຮ່ວມມືພາກລັດ - ເອກະຊົນ ແລະ ນະໂຍບາຍໜູນຊ່ວຍວິສາຫະກິດເລີ່ມດຳເນີນທຸລະກິດແບບຍືນຍົງ.
 |
| ທ່ານເອກອັກຄະລັດຖະທູດ ສິງກະໂປ ປະຈຳ ຫວຽດນາມ Jaya Ratnam ໄດ້ຮັບຟັງວິສາຫະກິດສັງຄົມແນະນຳບັນດາຜະລິດຕະພັນຂອງຕົນ. (ພາບ: : ດິງຮວ່າ) |
ທ່ານເອກອັກຄະລັດຖະທູດ ສິງກະໂປ ປະຈຳ ຫວຽດນາມ Jaya Ratnam ເນັ້ນໜັກເຖິງຄຳໝັ້ນສັນຍາຂອງທັງສອງປະເທດໃນການສ້າງພື້ນຖານເສດຖະກິດນະວັດຕະກຳ, ມີຄວາມສາມາດບົ່ມຊ້ອນຫຼວງຫຼາຍໃນການຮ່ວມມືດ້ານເຕັກໂນໂລຢີ. ບັນດາຂໍ້ຄິດປະດິດສ້າງການຮ່ວມມືເຊັ່ນ Block 71 ຢູ່ນະຄອນ ໂຮ່ຈີມິນ ແລະ ໂຄງການ AI ໃນດ້ານການແພດແມ່ນຕົວຢ່າງໜຶ່ງໃນການຊຸກຍູ້ວິສາຫະກິດເລີ່ມດຳເນີນທຸລະກິດ.
ສິ່ງທ້າທາຍ ແລະ ໂອກາດໃຫ້ແກ່ວິສາຫະກິດສັງຄົມຢູ່ ຫວຽດນາມ
ໃນຂອບເຂດຂອງເຫດການ, ການໂອ້ລົມສົນທະນາກ່ຽວກັບລະບົບນິເວດໜູນຊ່ວຍວິສາຫະກິດສັງຄົມ ໄດ້ດຶງດູດຄວາມສົນໃຈຂອງນັກຊ່ຽວຊານ ແລະ ວິສາຫະກິດຫຼາຍທ່ານ. ບັນດາຜູ້ຊ່ຽວຊານຖືວ່າ ລະບົບນິເວດໜູນຊ່ວຍວິສາຫະກິດສັງຄົມຢູ່ ຫວຽດນາມ ຍັງຂາດບັນດາກົນໄກໜູນຊ່ວຍຢ່າງເປັນທາງການ ແລະ ບັນດານະໂຍບາຍຮ່ວມເດີນທາງ. ວິສາຫະກິດສັງຄົມປະສົບກັບຄວາມຫຍຸ້ງຍາກກ່ຽວກັບແຫຼ່ງການເງິນ, ທັກສະໃນການຄຸ້ມຄອງ ແລະ ການເຂົ້າເຖິງຕະຫຼາດ.
 |
| ຄະນະຈັດຕັ້ງ ໄດ້ມອບໃບຢັ້ງຢືນໂຄງການດີທີ່ສຸດໃຫ້ບໍລິສັດຫຸ້ນສ່ວນລົງທຶນ DDA ຫວຽດນາມ. |
ມີວິທີການແກ້ໄຂອັນໜຶ່ງທີ່ໄດ້ສະເໜີແມ່ນ ເພີ່ມທະວີການຮ່ວມມືລະຫວ່າງວິສາຫະກິດສັງຄົມກັບວິສາຫະກິດຂະໜາດໃຫຍ່, ຊ່ວຍເປີດກວ້າງຂອບຂະໜາດ ແລະ ນຳວິສາຫະກິດສັງຄົມເຂົ້າສູ່ຕ່ອງໂສ້ລະບົບມູນຄ່າແບບຍືນຍົງ. ໃນການນຳສະເໜີຂອງ Top 10 ໂຄງການວິສາຫະກິດສັງຄົມ, ບໍລິສັດຫຸ້ນສ່ວນລົງທຶນ DDA ຫວຽດນາມ ໄດ້ຮັບກຽດກັບໂຄງການປຸງແຕ່ງ canxi ອົງຄະທາດຈາກເປືອກໄຂ່ໄກ່, ພ້ອມກັບບັນດາຜະລິດຕະພັນໜູນຊ່ວຍປິ່ນປົວພະຍາດມະເຮັງ.
ລາຍການ SEIP 2024 ໃຫ້ຄຳໝັ້ນສັນຍາຈະແມ່ນບາດລ້ຽວສຳຄັນໃນການຊຸກຍູ້ວິສາຫະກິດສັງຄົມຢູ່ ຫວຽດນາມ ໃຫ້ພັດທະນາແບບຍືນຍົງ ແລະ ມີປະສິດທິຜົນ.
 | ນັກສຶກສາ ອາເມລິກາ ຮຽນຮູ້ປະຫວັດສາດ, ນະວັດຕະກຳ ແລະ ຂະບວນການພັດທະນາຂອງຫວຽດນາມ ຍສໝ - ໃນໄລຍະຢ້ຽມຢາມ ແລະ ສຶກສາຢູ່ ຫວຽດນາມ ແຕ່ວັນທີ 21 ພຶດສະພາ – 12 ມິຖຸນາ 2024, ຄະນະຜູ້ແທນອາຈານ ແລະ ນັກສຶກສາຂອງໂຮງຮຽນ O'neil ກ່ຽວກັບວຽກງານສາທາລະນະ ແລະ ສິ່ງແວດລ້ອມ, ມະຫາວິທະຍາໄລ Indiana (ອາເມລິກາ) ໄດ້ເຂົ້າຮ່ວມການແລກປ່ຽນຂໍ້ມູນກ່ຽວກັບ “ປະຫວັດສາດ, ... |
 | ຫວຽດນາມ - ລາວ ຊຸກຍູ້ການຮ່ວມມືດ້ານເຕັກໂນໂລຊີ ແລະ ນະວັດຕະກຳ ຍສໝ - ຕາມສຳນັກຂ່າວສານຫວຽດນາມປະຈຳລາວ, ຕອນບ່າຍວັນທີ 28 ພຶດສະພານີ້, ຢູ່ນະຄອນຫຼວງວຽງຈັນ, ກອງປະຊຸມຄັ້ງທີ 1 ຄະນະກຳມະການຮ່ວມມືດ້ານເຕັກໂນໂລຊີ ແລະ ນະວັດຕະກຳ ຫວຽດນາມ - ລາວ. |
ແທັງຮັ່ງ
