 | ເກຼັກ ຍາມໃດກໍ່ຖືຫວຽດນາມເປັນຄູ່ຮ່ວມມືບຸລິມະສິດຢູ່ພາກພື້ນອາຊີຕາເວັນ ອອກສ່ຽງໃຕ້ |
| ຫວຽດນາມ ແລະ ເກຼັກ ເພີ່ມທະວີການຮ່ວມມືດ້ານເສດຖະກິດ, ການຄ້າ |
ຕາມ VUFO ແລ້ວ, ທ່ານເອກອັກຄະລັດຖະທູດ Georgios Stilianopoulos ໄດ້ສົມທົບກັບບັນດາອົງການຂອງຫວຽດນາມ ຈັດຕັ້ງບັນດາການຢ້ຽມຢາມ, ແລກປ່ຽນບັນດາຂັ້ນ, ບັນດາຂະແໜງການ ລະຫວ່າງ 2 ປະເທດເປັນຢ່າງສຳເລັດຜົນ. ໃນນັ້ນ, ພົ້ນເດັ່ນແມ່ນການຢ້ຽມຢາມມາຫວຽດນາມ ຢ່າງເປັນທາງການຂອງທ່ານປະທານາທິບໍດີ ເກຼັກ Katerina Sakellaropoulou (ພຶດສະພາ 2022), ການຢ້ຽມຢາມຂອງທ່ານລັດຖະມົນຕີການຕ່າງປະເທດ ເກຼັກ Nikos Dendias (ສິງຫາ 2022), ການຢ້ຽມຢາມ ເກຣັກ ຢ່າງເປັນທາງການຂອງທ່ານຮອງປະທານປະເທດ ຫວຽດນາມ ນາງ ຫວໍທິແອ໋ງຊວນ (ພະຈິກ 2021).
ກ່ຽວກັບດ້ານເສດຖະກິດ, ທ່ານເອກອັກຄະລັດຖະທູດຕັ້ງໜ້າສົ່ງເສີມການສົ່ງອອກຜະລິດຕະພັນກະເສດຂອງເກຼັກ ທີ່ມີຄຸນນະພາບສູງໄປຍັງຫວຽດນາມ ເຊັ່ນ: ຫຍ້າຝະລັ່ນ (Safran) ແລະ ໝາກໄມ້. ເກຼັກ ແມ່ນໜຶ່ງໃນບັນດາປະເທດທີ່ໃຫ້ສັດຕະຍາບັນສັນຍາຄູ່ຮ່ວມມື ແລະ ການຮ່ວມມືຮອບດ້ານ ຫວຽດນາມ - EU (PCA) ແລະ ສັນຍາອາລັກຂາການລົງທຶນ ຫວຽດນາມ - EU (EVIPA), ພ້ອມທັງສະໜັບສະໜູນການຮັບຮອງສັນຍາການຄ້າເສລີຫວຽດນາມ - ອີຢູ (EVFTA) ໂດຍໄວ.
ໃນຂົງເຂດກິລາ, ສະຖານທູດ ເກຼັກ ໄດ້ມອບເງິນ 50.000 ເອີໂຣ ໃຫ້ຄະນະກຳມະການໂອລິມປິກ ແຫ່ງຊາດ ຫວຽດນາມ ເພື່ອແນໃສ່ປະກອບສ່ວນເຂົ້າໃນການພັດທະນາຂະແໜງກິລາ ຫວຽດນາມ. ກ່ຽວກັບດ້ານການແພດ, ໃນໄລຍະ ໂຄວິດ-19, ທ່ານເອກອັກຄະລັດຖະທູດ Georgios Stilianopoulos ໄດ້ມອບວັກຊີນ AstraZeneca ເກຼັກ 250.000 ໂດດໃຫ້ປະຊາຊົນ ຫວຽດນາມ (ພະຈິກ 2021).
ນອກຈາກນັ້ນ, ທ່ານເອກອັກຄະລັດຖະທູດ Georgios Stilianopoulos ກໍ່ໄດ້ຊຸກຍູ້ຂັ້ນຕອນການລົງນາມໃນບັນດາບົດບັນທຶກຊ່ວຍຈຳໃນຫຼາຍຂົງເຂດ ແຮງງານ, ການສຶກສາ - ບຳລຸງສ້າງ, ການເດີນທະເລ, ຄື: ບົດບັນທຶກຊ່ວຍຈຳການຮ່ວມມື ກ່ຽວກັບດ້ານການອົບພະຍົບ ແລະ ການເຄື່ອນຍ້າຍແຮງງານ ລະຫວ່າງກະຊວງການອົບພະຍົບ ແລະ ລີ້ໄພ ສາທາລະນະລັດ ເກຼັກ ແລະ ກະຊວງການແຮງງານ, ທະຫານເສຍອົງຄະ ແລະ ສັງຄົມ ຫວຽດນາມ; ບົດບັນທຶກຊ່ວຍຈຳການຮ່ວມມືລະຫວ່າງມະຫາວິທະຍາໄລພາຍໃນ ຮ່າໂນ້ຍ (HUHA) ກັບ 2 ພື້ນຖານການສຶກສາມະຫາວິທະຍາໄລຂອງເກຼັກ ແມ່ນມະຫາວິທະຍາໄລການເສດຖະກິດ ແລະ ການທຸລະກິດ Athens (AUEB) ແລະ ມະຫາວິທະຍາໄລການທຸລະກິດ Athens (BCA)… ບັນດາເອກະສານດັ່ງກ່າວແມ່ນພື້ນຖານເພື່ອຊຸກຍູ້ການຮ່ວມມື ແລະ ເພີ່ມທະວີການແລກປ່ຽນປະຊາຊົນລະຫວ່າງສອງປະເທດ.
 |
| ທ່ານ ຟານແອງເຊີນ, ປະທານ VUFO (ຂວາ) ໄດ້ປະດັບຫຼຽນກາທີ່ລະນຶກ “ເພື່ອສັນຕິພາບ, ມິດຕະພາບ ລະຫວ່າງບັນດາຊາດ” ໃຫ້ທ່ານເອກອັກຄະລັດຖະທູດເກຼັກ Georgios Stilianopoulos, ວັນທີ 15 ຕຸລາ ຢູ່ຮ່າໂນ້ຍ. (ພາບ: ດິງຮ່ວາ) |
ທີ່ພິທີປະດັບຫຼຽນໄຊ “ເພື່ອສັນຕິພາບ, ມິດຕະພາບ ລະຫວ່າງບັນດາຊາດ” ໃຫ້ແກ່ທ່ານເອກອັກຄະລັດຖະທູດ Georgios Stilianopoulos, ທ່ານ ຟານແອງເຊີນ, ປະທານ VUFO ໄດ້ຮອງຮູ້ ແລະ ຕີລາຄາສູງບັນດາການປະກອບສ່ວນຂອງທ່ານເອກອັກຄະລັດຖະທູດໃຫ້ແກ່ການພົວພັນ ລະຫວ່າງ 2 ປະເທດ. ໃນອາຍຸການ, ທ່ານເອກອັກຄະລັດຖະທູດ ໄດ້ແບ່ງຄວາມເອົາໃຈໃສ່ ແລະ ໜູນຊ່ວຍຫຼາຍຢ່າງໃຫ້ບັນດາການເຄື່ອນໄຫວຮ່ວມມືໃນຫຼາຍຂົງເຂດຄື: ການເມືອງ, ການສຶກສາ, ການຄ້າ, ການພົບປະແລກປ່ຽນປະຊາຊົນ ລະຫວ່າງຫວຽດນາມ ກັບ ເກຼັກ ເວົ້າສະເພາະ ແລະ ຫວຽດນາມ ກັບ ສະຫະພາບ ເອີລົບ ເວົ້າລວມ. ທ່ານປະທານ ຟານແອງເຊີນ ປາດຖະໜາວ່າ ບໍ່ວ່າຈະດຳລົງຕຳແໜ່ງໃດກໍ່ຕາມ, ທ່ານເອກອັກຄະລັດຖະທູດ Georgios Stilianopoulos ຈະສືບຕໍ່ປະກອບສ່ວນຊຸກຍູ້ ເພື່ອແນໃສ່ການພັດທະນາສາຍພົວພັນມິດຕະພາບ ແລະ ການຮ່ວມມື ຫວຽດນາມ - ເກຼັກ ອີກດ້ວຍ.
ໂດຍສະແດງຄວາມເປັນກຽດທີ່ໄດ້ຮັບການປະດັບຫຼຽນກາທີ່ລະນຶກ “ເພື່ອສັນຕິພາບ, ມິດຕະພາບ ລະຫວ່າງບັນດາຊາດ” - ລາງວັນລ້ຳຄ່າທີ່ສຸດຂອງ VUFO, ທ່ານເອກອັກຄະລັດຖະທູດ ເກຼັກ ໃຫ້ຮູ້ວ່າ ຍາມໃດກໍ່ຮັກສາຄວາມຊົງຈຳກ່ຽວກັບຫວຽດນາມ ດ້ວຍທິວທັດທຳມະຊາດທີ່ຫຼາກຫຼາຍ; ມູນເຊື້ອປະຫວັດສາດ ແລະ ວັດທະນະທຳທີ່ເປັນເອກະລັກ; ປະຊາຊົນມີຄວາມເປັນມິດ ແລະ ຮັກແພງແຂກຄົນ. ຫວຽດນາມ - ເກຼັກ ຍັງມີຄວາມສາມາດບົ່ມຊ້ອນຫຼາຍຢ່າງໃນການຮ່ວມມືໃນຂົງເຂດທ່ອງທ່ຽວ, ກະສິກຳ, ການເດີນທະເລ, ແຮງງານ... ທ່ານເອກອັກຄະລັດຖະທູດ ປາດຖະໜາຢາກໃຫ້ ຫວຽດນາມ ເພີ່ມທະວີການພົວພັນກັບ EU ແລະ ຫວັງວ່າ ເກຼັກ ຈະແມ່ນປະຕູໃຫ້ບັນດາສິນຄ້າຫວຽດນາມ ເຂົ້າສູ່ພາກພື້ນ.
 | ປະທານາທິບໍດີ ເກຼັກ ສະເໜີການຮ່ວມມືກັບນະຄອນ ໂຮ່ຈິມີນ ໃນຂົງເຂດສຶກສາ ແລະ ວັດທະນະທຳ ຍສໝ - ທ່ານນາງປະທານາທິບໍດີ ເກຼັກ Katerina Sakellaropoulou ສະເໜີເພີ່ມທະວີການຮ່ວມມືກວ່າອີກ, ແລກປ່ຽນບົດຮຽນ, ແບ່ງປັນບັນດາການເຄື່ອນໄຫວທີ່ດີທີ່ສຸດໃນຂົງເຂດສຶກສາ ແລະ ພົບປະແລກປ່ຽນວັດທະນະທຳລະຫວ່າງ ເກຼັກ ແລະ ນະຄອນໂຮ່ຈິມິນ... |
 | 2 ຝ່າຍ ຫວຽດນາມ ແລະ ເກຼັກ ສົມທົບກັນເພື່ອແນໃສ່ເພີ່ມວົງເງິນການຄ້າລະຫວ່າງ ກ່າວຄຳເຫັນທີ່ການຕ້ອນຮັບ ທ່ານ Joannis E. Raptakis ເອກອັກຄະລັດຖະທູດວິສາມັນຜູ້ມີອຳນາດເຕັມແຫ່ງ ສ.ເກຼັກ ປະຈຳ ຫວຽດນາມ. |
ແທັງຮັ່ງ
