 | ຊ່ວຍເຫຼືອປະຊາຊົນແຂວງຫຼວງນ້ຳທາ (ລາວ) ທີ່ໄດ້ຮັບຜົນກະທົບຈາກພາຍຸ Yagi |
| ຍູ້ແຮງການຮ່ວມມືມິດຕະພາບ ຫວຽດນາມ - ໄທ ຜ່ານບັນດາການເຄື່ອນໄຫວທາງການທູດປະຊາຊົນ |
ທີ່ການພົບປະ, ທ່ານ Amar Nayak ໄດ້ສະແດງຄວາມເຫັນໃຈຕໍ່ຄວາມເສຍຫາຍທີ່ ຫວຽດນາມ ຕ້ອງແບກຫາບພາຍຫຼັງພະຍຸເລກທີ 3 (Yagi). ທ່ານໃຫ້ຮູ້ວ່າ ພາຍຫຼັງໄດ້ຮັບບົດລາຍງານ ແລະ ຂໍ້ສະເໜີຈາກ ຫ້ອງວ່າການຜູ້ຕາງໜ້າ ActionAid ສາກົນ ປະຈຳ ຫວຽດນາມ (AAV), AAI ໄດ້ຕັດສິນໃຈຈັດສັນງົບປະມານຢ່າງວ່ອງໄວ ແລະ ສົ່ງຜູ້ຊ່ຽວຊານໄປຍັງ ຫວຽດນາມ ເພື່ອສະໜັບສະໜູນໂດຍກົງ. ນີ້ສະແດງໃຫ້ເຫັນເຖິງຄຳໝັ້ນສັນຍາທີ່ເຂັ້ມແຂງຂອງ ActionAid ໃນການຫນູນຊ່ວຍການຟື້ນຟູ ແລະ ການກໍ່ສ້າງຄືນໃຫມ່ຫຼັງຈາກພາຍຸ.
 |
| ທ່ານຮອງປະທານສະຫະພັນບັນດາອົງການມິດຕະພາບ ຫວຽດນາມ ຫງວຽນຫງອກຮຸ່ງ ໄດ້ຕ້ອນຮັບທ່ານ Amar Nayak, ທີ່ປຶກສາທົ່ວໂລກກ່ຽວກັບການຊ່ວຍເຫຼືອດ້ານມະນຸດສະທໍາຂອງ ສະຫະພັນ ActionAid ສາກົນ. (ພາບ: AAV) |
ທ່ານ Amar Nayak ກໍ່ໄດ້ຕີລາຄາສູງຄວາມມານະພະຍາຍາມຂອງລັດຖະບານ, ບັນດາອົງການທີ່ມີໜ້າທີ່ ແລະ ປະຊາຊົນ ຫວຽດນາມ ໃນວຽກງານຮັບມື ແລະ ແກ້ໄຂຜົນຫຼັງຈາກພະຍຸເລກທີ 3. ໂດຍອີງໃສ່ປະສົບການໃນວຽກງານກູ້ໄພດ້ານມະນຸດສະທຳທົ່ວໂລກ, ທ່ານໄດ້ແບ່ງປັນຫຼາຍຂໍ້ສະເໜີໃຫ້ການນຳສະຫະພັນບັນດາອົງການມິດຕະພາບຫວຽດນາມ, ລວມມີ ກົນໄກຮຽກຮ້ອງ ແລະ ຮັບການຊ່ວຍເຫຼືອ, ສ້າງກອບກົດໝາຍທີ່ກຽວຂ້ອງກັບການແກ້ໄຂແຫຼ່ງກຳລັງໜູນຊ່ວຍ ແລະ ຄວາມສຳຄັນຂອງການກະກຽມ, ການຝຶກຊ້ອມໃນຊຸມຊົນເພື່ອການຮັບມືກັບໄພພິບັດທໍາມະຊາດ.
ທ່ານຮອງປະທານສະຫະພັນບັນດາອົງການມິດຕະພາບ ຫວຽດນາມ ຫງວຽນຫງອກຮຸ່ງ ໄດ້ສະແດງຄວາມຂອບໃຈຢ່າງຈິງໃຈຕໍ່ AAI, AAV ແລະ ທ່ານ Amar Nayak ໂດຍສ່ວນບຸກຄົນ ຍ້ອນການໜູນຊ່ວຍຢ່າງທັນການໃນວຽກງານຟື້ນຟູພາຍຫຼັງພາຍຸເລກທີ 3. ທ່ານຫວັງວ່າ ດ້ວຍແຫຼ່ງຊັບພະຍາກອນ ແລະ ປະສົບການອັນອຸດົມສົມບູນໃນການແກ້ໄຂໄພພິບັດທໍາມະຊາດ, ActionAid ຈະສືບຕໍ່ຮ່ວມເດີນທາງໄປພ້ອມກັບຫວຽດນາມ, ພິເສດແມ່ນໃນໂຄງການຊ່ວຍເຫຼືອຊຸມຊົນຟື້ນຟູຫຼັງພາຍຸເລກທີ 3 (ໂຄງການ Y1).
ທ່ານ ຫງວຽນຫງອກຮຸ່ງ ເນັ້ນໜັກວ່າ ການປະກອບຄວາມຮູ້ ແລະ ທັກສະປ້ອງກັນໄພທຳມະຊາດໃຫ້ປະຊາຄົມ, ພິເສດໃຫ້ນັກຮຽນແມ່ນຈຳເປັນທີ່ສຸດ. ທ່ານຮຽກຮ້ອງໃຫ້ AAI, AAV ແລະ ບັນດາຄູ່ຮ່ວມມືອຸປະຖຳສືບຕໍ່ເອົາໃຈໃສ່ ແລະ ໜູນຊ່ວຍ ຫວຽດນາມ ໃນຂົງເຂດນີ້ ໂດຍຜ່ານສະຫະພັນບັນດາອົງການມິດຕະພາບ ຫວຽດນາມ, ຄະນະປະສານງານການຊ່ວຍເຫຼືອປະຊາຊົນ (PACCOM - ຫົວໜ່ວຍຂຶ້ນກັບສະຫະພັນບັນດາອົງການມິດຕະພາບ ຫວຽດນາມ) ແລະ ບັນດາກົນໄກທີ່ກ່ຽວຂ້ອງ.
 | ເດັກນ້ອຍອາຊີຕາເວັນອອກສ່ຽງໃຕ້ ເກືອບ 6 ລ້ານຄົນໄດ້ຮັບຜົນກະທົບຈາກພະຍຸ Yagi ຍສໝ - ໄພນ້ຳຖ້ວມ ແລະ ດິນເຈື່ອນທີ່ເກີດຈາກພະຍຸ Yagi ໄດ້ທຳລາຍປະເທດຫວຽດນາມ, ມຽນມາ, ລາວ ແລະ ໄທ, ສົ່ງຜົນກະທົບຕໍ່ເດັກນ້ອຍເກືອບ 6 ລ້ານຄົນ. ເດັກນ້ອຍມີຄວາມຫຍຸ້ງຍາກໃນການເຂົ້າເຖິງນ້ຳສະອາດ, ການສຶກສາ, ການດູແລສຸຂະພາບ, ອາຫານ ແລະ ທີ່ພັກອາໄສ. |
 | ຍສໝ - ໂດຍຕອບສະໜອງຄຳຮຽກຮ້ອງຂອງທ່ານເລຂາທິການໃຫຍ່, ປະທານປະເທດ ໂຕເລີມ ແລະ ຄະນະກຳມະການສູນກາງແນວໂຮມປະເທດຊາດ ຫວຽດນາມ, ໃນວັນທີ 18 ກັນຍາ, ສະຫະພັນບັນດາອົງການມິດຕະພາບ ຫວຽດນາມ ໄດ້ຈັດຕັ້ງລາຍການບໍລິຈາກເພື່ອໜູນຊ່ວຍປະຊາຊົນທີ່ໄດ້ຮັບຜົນເສຍຫາຍຈາກພາຍຸເລກທີ 3 (Yagi), ດ້ວຍການເຂົ້າຮ່ວມຂອງພະນັກງານທັງໝົດຂອງອົງການຜູ້ປະຈຳ ແລະ ບັນດາອົງການສະມາຊິກຢູ່ສູນກາງ ຢ່າງຕັ້ງໜ້າ. |
ມີງດຶກ
