 | ຄົ້ນຫາຄວາມໃຫຍ່ໂຕມະໂຫຖານ, ທຸລະກັນດານຂອງພູ ດາຈົ່ງ (ກວາງນິງ) |
| ຮ່າໂນ້ຍ, ກວາງນິງ ກວດກາວຽກງານກະກຽມໃຫ້ແກ່ SEA Games 31 |
ວຽກງານການທູດປະຊາຊົນແມ່ນໜຶ່ງໃນສາມເສົາຄ້ຳຂອງການຕ່າງປະເທດ. ການທູດປະຊາຊົນພ້ອມກັບການຕ່າງປະເທດຂອງພັກ ແລະ ການທູດແຫ່ງລັດ ໄດ້ສ້າງລະບົບແນວໂຮມການຕ່າງປະເທດທີ່ເປັນເອກະພາບ, ສ້າງໂຄງປະກອບໃໝ່ຢ່າງຈະແຈ້ງ, ປະກອບສ່ວນພັດທະນາພື້ນຖານການທູດຫວຽດນາມ ໃຫ້ທັນສະໄໝ ແລະ ຮອບດ້ານ. ໃນຊຸມປີມໍ່ໆມານີ້ ກໍ່ຄືໃນໄລຍະປະຈຸບັນ, ກວາງນິງ ໄດ້ເອົາໃຈໃສ່ເຖິງວຽກງານການທູດປະຊາຊົນ ແລະ ໄດ້ປະກາດໃຊ້ເອກະສານສຳຄັນຫຼາຍສະບັບ ເພື່ອເພີ່ມທະວີວຽກງານດັ່ງກ່າວ, ແນໃສ່ເພີ່ມທະວີທີ່ຕັ້ງ ແລະ ພາບພົດຂອງແຂວງ ກວາງນິງ ກັບເພື່ອນມິດສາກົນ .
 |
| ການໂອ້ລົມສົນທະນາວຽກງານການທູດປະຊາຊົນ ປີ 2024 ຢູ່ ກວາງນິງ. |
ທີ່ກອງປະຊຸມການໂອ້ລົມສົນທະນາ, ບັນດາຜູ້ແທນໄດ້ຮັບຂໍ້ມູນກ່ຽວກັບສະພາບການໂລກ ແລະ ພາກພື້ນ; ນະໂຍບາຍການຕ່າງປະເທດຂອງພັກ, ບັນດາເອກະສານຊີ້ນຳຂອງສູນກາງພັກກ່ຽວກັບວຽກງານການທູດປະຊາຊົນ; ບັນດາຄວາມຮຽກຮ້ອງຕ້ອງການໄດ້ວາງອອກໃຫ້ວຽກງານການທູດປະຊາຊົນໃນໄລຍະປະຈຸບັນ. ພ້ອມກັນນັ້ນ, ກໍ່ພ້ອມກັນແລກປ່ຽນ, ປຶກສາຫາລື ແລະ ຊີ້ແຈ້ງບາງຈຸດທີ່ຕ້ອງເອົາໃຈໃສ່ໃນວຽກງານການທູດປະຊາຊົນຢູ່ເຂດຊາຍແດນ; ວິທີການແກ້ໄຂເພື່ອຮັກສາການເຄື່ອນໄຫວຢ່າງເປັນປົກກະຕິ, ມີປະສິດທິຜົນຂອງບັນດາອົງການສະມາຄົມມິດຕະພາບ; ການແກ້ໄຂໃນການຍົກສູງລັກສະນະເປັນເຈົ້າການ, ຄວາມຄິດປະດິດສ້າງ ແລະ ວິຊາຊີບສໍາລັບພະນັກງານທີ່ເຮັດວຽກງານການທູດປະຊາຊົນ ...
ແທັງຮັ່ງ
