| ເລຂາທິການໃຫຍ່, ປະທານປະເທດຫວຽດນາມ ໂຕເລີມ ພົບປະເຈລະຈາກັບທ່ານເລຂາທິການໃຫຍ່, ປະທານປະເທດລາວ ທອງລຸນ ສີສຸລິດ. | |
| ລັດຖະບານ ຫວຽດນາມ ຊ່ວຍແຂວງ ໄຊສົມບູນ (ລາວ) ສ້າງລະບົບຊົນລະປະທານ |
ທ່ານ Jonathan Saw ຕາງໜ້າຄະນະກຳມະການການຄ້າ ແລະ ການລົງທຶນ ອົດສະຕາລີ ໄດ້ຕີລາຄາສູງໃນພິທີ ກ່ຽວກັບຄວາມສາມາດບົ່ມຊ້ອນໃນພັດທະນາການທ່ອງທ່ຽວ 2 ສົ້ນ ລະຫວ່າງ 2 ປະເທດ. ທ່ານ Jonathan Saw ໄດ້ກ່າວວ່າ: ໃນ 2 ປີຜ່ານມາ, ຈຳນວນຖ້ຽວບິນໂດຍກົງລະຫວ່າງ ອົດສະຕາລີ ແລະ ຫວຽດນາມ ໄດ້ເພີ່ມຂຶ້ນສອງເທົ່າ, ຈາກ 42 ຖ້ຽວ/ອາທິດ ເປັນ 84 ຖ້ຽວ/ອາທິດ. ດັ່ງນັ້ນ, ມີຄົນຫວຽດນາມ ປະມານ 150.000 ເທື່ອຄົນ ໄປຢ້ຽມຢາມ ອົດສະຕາລີ ໃນປີກາຍນີ້, ໃນຂະນະທີ່ຈຳນວນນັກທ່ອງທ່ຽວປະເທດນີ້ໄປ ຫວຽດນາມ ມີເຖິງ 390.000ເທື່ອຄົນ.
 |
| ຕາງໜ້າສະຖານກົງສູນໃຫຍ່ ອົດສະຕາລີ ປະຈຳນະຄອນ ໂຮ່ຈີມິນ ຕອບຄຳຖາມຂ້ອງໃຈຂອງວິສາຫະກິດທ່ອງທ່ຽວ ຫວຽດນາມ. ພາບ: ຕິຮວິ່ງ/VOV. |
ຫວຽດນາມ ແມ່ນຕະຫຼາດແຂກທ່ອງທ່ຽວທີ່ເຕີບໂຕໄວທີ່ສຸດ ແລະ ນອນຢູ່ໃນທ໊ອບ 3 ກ່ຽວກັບຈຳນວນການຍື່ນສໍາເນົາຄໍາຮ້ອງຂໍວີຊາທ່ອງທ່ຽວຂອງ “ດິນແດນຈິງໂຈ້”.
ໃນຊຸມປີມໍ່ໆມານີ້, ການຮ່ວມມືດ້ານການທ່ອງທ່ຽວລະຫວ່າງ ຫວຽດນາມ ແລະ ອົດສະຕາລີ ໄດ້ຮັບຄວາມເອົາໃຈໃສ່ພໍສົມຄວນຈາກການນຳຂັ້ນສູງຂອງ 2 ປະເທດ. ໃນໄລຍະການຢ້ຽມຢາມ ອົດສະຕາລີ ເປັນທາງການ ຄັ້ງທຳອິດຂອງ ທ່ານ ນາຍົກລັດຖະມົນຕີ Pham Minh Chinh ໃນເດືອນ ມີນາ 2024, ຫວຽດນາມ ແລະ ອົດສະຕາລີ ບັນລຸໄດ້ບາດກ້າວບຸກທະລຸໃໝ່ໃນການພົວພັນ 2 ຝ່າຍເມື່ອຍົກລະດັບເປັນຄູ່ຮ່ວມມືຍຸດທະສາດຮອບດ້ານ.
 |
| ວິສາຫະກິດ ຫວຽດນາມ ແລະ ອົດສະຕາລີ ໃນກອງປະຊຸມພົບປະ B2B. ພາບ: ໜັງສືພິມວັດທະນະທຳ. |
ໃນປີ 2023, ຫວຽດນາມ ຕ້ອນຮັບນັກທ່ອງທ່ຽວ ອົດສະຕາລີ 390.000 ເທື່ອຄົນ, ລື່ນກາຍລະດັບກ່ອນເກີດໂລກລະບາດ ປີ 2019 ແລະ ເຮັດໃຫ້ ອົດສະຕາລີ ຕິດທ໊ອບ 10 ຕະຫຼາດທີ່ສົ່ງນັກທ່ອງທ່ຽວມາ ຫວຽດນາມ ຫຼາຍທີ່ສຸດ. ນັກທ່ອງທ່ຽວອົດສະຕາລີ ມາ ຫວຽດນາມ ເຕີບໂຕຢ່າງຕໍ່ເນື່ອງ. ໃນ 5 ເດືອນຕົ້ນປີ 2024, ມີນັກທ່ອງທ່ຽວ ອົດສະຕາລີ 213.000 ເທື່ອຄົນ ມາຢ້ຽມຢາມ ຫວຽດນາມ, ເພີ່ມຂຶ້ນ 35% ເມື່ອທຽບໃສ່ໄລຍະດຽວກັນຂອງປີກາຍ, ເຮັດໃຫ້ ອົດສະຕາລີ ເປັນແຫຼ່ງທ່ອງທ່ຽວໃຫຍ່ອັນດັບ 7 ຂອງຕະຫລາດ ຫວຽດນາມ. ໃນປີ 2024, ຫວຽດນາມ ຕັ້ງເປົ້າໝາຍທີ່ຈະຕ້ອນຮັບນັກທ່ອງທ່ຽວສາກົນ 17 – 18 ລ້ານເທື່ອຄົນ, ຟື້ນຟູລະດັບກ່ອນການແຜ່ລະບາດຂອງພະຍາດ ແລະ ການຕະຫຼາດ ອົດສະຕາລີ ຈະມີບົດບາດສຳຄັນໃນການບັນລຸເປົ້າໝາຍນີ້.
ທອງມີ ສີຫາວົງ
