| ຫາຍເຢືອງ ຜັນຂະຫຍາຍຫຼາຍການເຄື່ອນໄຫວສົ່ງເສີມການຄ້າຢູ່ ອາຟຣິກາ ໃຕ້ | |
| ຫຼາຍການເຄື່ອນໄຫວເພື່ອແນໃສ່ສະເຫຼີມສະຫຼອງ 25 ປີແຫ່ງວັນສ້າງຕັ້ງການພົວພັນຫວຽດນາມ - ອາຣັບບີ ຊາອຸດີດ |
ຕາມບົດລາຍງານທີ່ໄດ້ສະເໜີໃນກອງປະຊຸມໃຫຍ່, ໃນອາຍຸການ 2024 - 2029, ສະມາຄົມສືບຕໍ່ເສີມຂະຫຍາຍທິດນໍາທີ່ວ່າ “ເປັນເຈົ້າການ - ມີໄຫວພິບ - ມີຫົວຄິດປະດິດສ້າງ - ມີປະສິດທິຜົນ” ເພື່ອຍົກສູງຄຸນນະພາບ ແລະ ຄວາມແທດຈິງຂອງການເຄື່ອນໄຫວ. ສະມາຄົມຕັ້ງເປົ້າໝາຍຊຸກຍູ້ສາຍພົວພັນມິດຕະພາບ ລະຫວ່າງ ບິ່ງເຢືອງ - ອິນເດຍ ໃຫ້ນັບມື້ນັບພັດທະນາເຂັ້ມແຂງ.
ສະມາຄົມຈະເພີ່ມທະວີການໂຄສະນາ, ເຜີຍແຜ່ກ່ຽວກັບວັດທະນະທຳ ແລະ ປະເທດຫວຽດນາມ, ພິເສດ ແມ່ນແຂວງບິ່ງເຢືອງ; ຊຸກຍູ້ການແລກປ່ຽນວັດທະນະທຳ, ຮ່ວມມືເປັນມິດກັບອິນເດຍ, ພ້ອມກັນນັ້ນ ກໍ່ແນະນໍາຈຸດພິເສດຂອງວັດທະນະທຳ, ສິລະປະຂອງອິນເດຍ ໃຫ້ບັນດາຄູ່ຮ່ວມມືອິນເດຍ ແລະ ຊຸມຊົນພົນລະເມືອງທ້ອງຖິ່ນ. ສະມາຄົມຍັງຈະສືບຕໍ່ເຊື່ອມໂຍງ, ໜູນຊ່ວຍບັນດາວິສາຫະກິດອິນເດຍ ຊອກຫາໂອກາດການລົງທຶນໃນແຂວງບິ່ງເຢືອງ, ປະສານສົມທົບກັບບັນດາພະແນກ, ຂະແໜງການທີ່ກ່ຽວຂ້ອງ ເພື່ອຊອກຫາວິທີແກ້ໄຂຄວາມຫຍຸ້ງຍາກ, ຂໍ້ຄົງຄ້າງໃຫ້ແກ່ວິສາຫະກິດຕ່າງໆທີ່ໄດ້ລົງທຶນຢູ່ແຂວງບິ່ງເຢືອງ.
 |
| ຄະນະບໍລິຫານງານສະມາຄົມມິດຕະພາບ ຫວຽດນາມ - ອິນເດຍ ແຂວງບິ່ງເຢືອງ ອາຍຸການ 2024 - 2029 ໄດ້ສະເໜີຕົວທີ່ກອງປະຊຸມໃຫຍ່. (ພາບ: BUFO) |
ສະມາຄົມກໍ່ສຸມໃສ່ບັນດາການເຄື່ອນໄຫວຮ່ວມມືຂອງປະຊາຊົນ, ປະກອບມີການປະສານສົມທົບກັບຄະນະຊາວໜຸ່ມແຂວງບິ່ງເຢືອງ, ບັນດາມະຫາວິທະຍາໄລ, ວິທະຍາໄລ, ສະຫະພັນ Yoga ແຂວງບິ່ງເຢືອງ ແລະ ບັນດາອົງການທີ່ມີໜ້າທີ່ອື່ນໆ. ສະມາຄົມຈະຈັດບັນດາລາຍການພົບປະແລກປ່ຽນວັດທະນະທຳ, ກິລາ ແລະ ສິລະປະລະຫວ່າງ 2 ປະເທດ, ພ້ອມທັງຊຸກຍູ້ການພົບປະແລກປ່ຽນປະຊາຊົນ ແລະ ພົບປະແລກປ່ຽນກັບຊາວໜຸ່ມ, ເພື່ອແນໃສ່ສ້າງຂົວຕໍ່ທາງດ້ານວັດທະນະທຳ ແລະ ການພັດທະນາການນໍ້າໃຈມິດຕະພາບທີ່ມີມາແຕ່ດົນນານ ລະຫວ່າງ 2 ປະເທດ ຫວຽດນາມ - ອິນເດຍ.
ສ່ວນໜຶ່ງທີ່ສຳຄັນໃນພາລະກິດຂອງສະມາຄົມແມ່ນ ການປັບປຸງການຈັດຕັ້ງ, ຫັນຄະນະບໍລິຫານງານເປັນກຳລັງໜຸ່ມ, ເພີ່ມທະວີການດຶງດູດຜູ້ຄົນທີ່ມີຄວາມກະຕືລືລົ້ນເຂົ້າຮ່ວມການເຄື່ອນໄຫວຂອງສະມາຄົມ. ນອກຈາກນັ້ນ, ສະມາຄົມຍັງຈະຈັດລາຍການທ່ອງທ່ຽວວັດທະນະທໍາຂອງອິນເດຍ, ພິເສດແມ່ນໄປນະມັດສະການກ່ຽວກັບດິນແດນພະພຸດທະເຈົ້າ ແລະ ລະດົມບັນດາສະມາຄົມນັກທຸລະກິດອິນເດຍ ທີ່ຢູ່ຫວຽດນາມ ປະກອບສ່ວນກອງທຶນ ທຶນການສຶກສາ ໜູນຊ່ວຍນັກຮຽນທີ່ທຸກຍາກຢູ່ ບິ່ງເຢືອງ. ບັນດາການເຄື່ອນໄຫວທາງດ້ານສັງຄົມ, ຈິດອາສາຍັງຈະໄດ້ຮັບການສືບຕໍ່ຊຸກຍູ້, ດ້ວຍການເຂົ້າຮ່ວມ, ການປະກອບສ່ວນຈາກບັນດາຜູ້ອຸປະຖໍາ ແລະ ຫົວໜ່ວຍທຸລະກິດ.
ກອງປະຊຸມໄດ້ເລືອກຕັ້ງຄະນະບໍລິຫານງານສະມາຄົມ ອາຍຸການ 2024-2029 ລວມມີສະມາຊິກ 15 ຄົນ. ທ່ານ ນາງ ຫວູຖິເວີນເຮືອງ ສືບຕໍ່ໄດ້ຮັບການເລືອກຕັ້ງເປັນ ປະທານສະມາຄົມມິດຕະພາບ ຫວຽດນາມ - ອິນເດຍ ແຂວງບິ່ງເຢືອງ ໃນອາຍຸການໃໝ່.
 |
| ຄະນະສະມາຄົມມິດຕະພາບ ຫວຽດນາມ - ອິນເດຍ ແຂວງບິ່ງເຢືອງ ແລະ ບຸກຄົນ 3 ທ່ານ ໄດ້ຮັບໃບຍ້ອງຍໍຈາກສະຫະພັນບັນດາອົງການມິດຕະພາບຫວຽດນາມ. (ພາບ: BUFO) |
ກ່າວຄຳປາໄສທີ່ກອງປະຊຸມໃຫຍ່, ທ່ານ ມາຍຮຸ່ງຢຸງ ຮອງປະທານຜູ້ປະຈໍາການຄະນະກຳມະການປະຊາຊົນ ແຂວງບິ່ງເຢືອງ ໄດ້ສະເໜີໃຫ້ສະມາຄົມສືບຕໍ່ປ່ຽນແປງເນື້ອໃນ ແລະ ວິທີການເຄື່ອນໄຫວ, ເປີດກວ້າງເຄືອຂ່າຍສະມາຊິກສະມາຄົມ ແລະ ຊຸກຍູ້ວຽກງານໂຄສະນາຢ່າງບໍ່ຢຸດຢັ້ງ. ໂດຍຜ່ານນັ້ນ ກໍ່ປະກອບສ່ວນຍົກສູງຄວາມຮັບຮູ້ຂອງປະຊາຊົນ ກ່ຽວກັບນະໂຍບາຍການຕ່າງປະເທດຂອງພັກ ແລະ ນະໂຍບາຍການທູດຂອງລັດ ຕໍ່ກັບອິນເດຍ; ຍາດແຍ່ງເອົາການປະກອບສ່ວນຂອງປະຊາຄົມຊາວ ຫວຽດນາມ ທີ່ກໍາລັງຮ່ຳຮຽນ, ເຮັດວຽກ ແລະ ດຳລົງຊີວິດຢູ່ອິນເດຍ...
ໃນໂອກາດນີ້, ສະມາຄົມມິດຕະພາບ ຫວຽດນາມ - ອິນເດຍ ແຂວງບິ່ງເຢືອງ ແລະ ບຸກຄົນທີ່ດີເດັ່ນ 3 ທ່ານ ໄດ້ຮັບໃບຍ້ອງຍໍຈາກ ສະຫະພັນບັນດາອົງການມິດຕະພາບຫວຽດນາມ ດ້ວຍການປະກອບສ່ວນທີ່ພົ້ນເດັ່ນເຂົ້າໃນວຽກງານການທູດປະຊາຊົນ.
ອີງຕາມບົດລາຍງານຂອງກອງປະຊຸມໃຫຍ່ໃນອາຍຸການຜ່ານມາ, ສະມາຄົມມິດຕະພາບ ຫວຽດນາມ - ອິນເດຍ ແຂວງບິ່ງເຢືອງ ໄດ້ດຳເນີນກິດຈະກຳຫຼາຍຢ່າງທີ່ແທດຈິງ, ປະກອບສ່ວນປັບປຸງ ແລະ ຊຸກຍູ້ການພົວພັນມິດຕະພາບ ລະຫວ່າງ 2 ປະເທດ. ພົ້ນເດັ່ນແມ່ນເຫດການ: ການສະແດງ Yoga ລວມໝູ່ໃນວັນບຸນ Yoga ສາກົນ; ຈັດຕັ້ງຊຸດຮຽນ “ອ່ານປື້ມໄວເພື່ອຍົກສູງຄວາມຮູ້ຫວຽດນາມ” ໃນວັນທີ 31 ຕຸລາ; ການເຂົ້າຮ່ວມບັນດາການເຄື່ອນໄຫວທາງການທູດ ແລະ ການຈັດຕັ້ງກອງປະຊຸມສຳມະນາສົ່ງເສີມການລົງທຶນແບບເຊິ່ງໜ້າ ແລະ ອອນລາຍຮ່ວມກັບອິນເດຍ. ສະມາຄົມກໍ່ເຂົ້າຮ່ວມບັນດາໂຄງການສົ່ງເສີມການຄ້າ ແລະ ການລົງທຶນຢູ່ອິນເດຍ, ອັນໄດ້ນໍາມາເຊິ່ງໂອກາດຮ່ວມມືໃໝ່ ລະຫວ່າງວິສາຫະກິດ ຫວຽດນາມ ແລະ ອິນເດຍ.
ສະມາຄົມຖືເປັນສໍາຄັນບັນດາການເຄື່ອນໄຫວການກຸສົນ, ໄດ້ລະດົມການໜູນຊ່ວຍບັນດາເຂດເຮືອນເຊົ່າ ແລະ ກຳລັງທີ່ປະຕິບັດໜ້າທີ່ຢູ່ບັນດາຈຸດປິດກັນໃນຊ່ວງໄລຍະໂລກລະບາດ Covid – 19 ດ້ວຍມູນຄ່າກວ່າ 130 ລ້ານດົ່ງ. ນອກຈາກນັ້ນ, ສະມາຄົມຍັງໄດ້ປະສານສົມທົບກັບ ຄະນະຊາວໜຸ່ມແຂວງ ຈັດຕັ້ງການມອບຂອງຂວັນ 300 ພູດໃຫ້ແກ່ນັກຮຽນບັນດາຫ້ອງຮຽນແຫ່ງຄວາມຮັກທີ່ຢູ່ໃນບໍລິເວນແຂວງ ແລະ ສົມທົບກັບໂຮງໝໍຫຼາຍພະແນກ Medic ຈັດການກວດພະຍາດໂດຍບໍ່ເສຍຄ່າ, ມອບນົມ ຈໍານວນ 500 ກ່ອງໃຫ້ແກ່ບັນດາພະສົງສາມະເນນ ແລະ ພຸດທະສາສະນິກະຊົນ.
