| ຄວາມງາມດັ່ງໃນພາບແຕ້ມຂອງສວນດອກຕາເວັນປ່າ ທ່າມກາງໃຈກາງນະຄອນຮ່າໂນ້ຍ | |
| ນາຍົກລັດຖະມົນຕີ ລາວ ຕີລາຄາສູງການຮ່ວມມືລະຫວ່າງນະຄອນຫຼວງ ວຽງຈັນ ແລະ ຮ່າໂນ້ຍ |
 |
| ພາບປະກອບ: ທູຮ່າ |
ກ່ອນນີ້ 26 ປີ, ກອງປະຊຸມສະຫະປະຊາຊາດຄັ້ງທີ 2 ກ່ຽວກັບການຕັ້ງຖິ່ນຖານໄດ້ຈັດຂຶ້ນຢູ່ Istanbul (ຕວກກີ) ແຕ່ວັນທີ 3-14 ມິຖຸນາ 1996. ກອງປະຊຸມໄດ້ເອີ້ນວ່າ "ກອງປະຊຸມໃຫຍ່ນະຄອນ". ກອງປະຊຸມດັ່ງກ່າວໄດ້ຈັດຕັ້ງຂຶ້ນເພື່ອແນໃສ່ມຸ່ງໄປເຖິງເປົ້າໝາຍລວມນໃນການຮັບປະກັນທີ່ຢູ່ອາໄສທີ່ມີເໝາະສົມໃຫ້ແກ່ທຸກຄົນ ແລະ ບັນດາຕົວເມືອງປອດໄພ, ກ່ວາໂປງໄສ ແລະ ເປັນໜ້າດຳລົງຊີວິດກ່ວາ. ກອງປະຊຸມມີແຫຼ່ງບັນດານໃຈຈາກກົດບັດຂອງອົງການສະຫະປະຊາຊາດ, ໃນເວລານັ້ນ, ທ່ານ Federico Mayor ຜູ້ອຳນວຍການໃຫຍ່ UNESCO ໄດ້ສະເໜີໃຫ້ສ້າງລາງວັນເມືອງເພື່ອສັນຕິພາບ.
ນັບແຕ່ນັ້ນຮອດທ້າຍປີ 1997, ສະມັດຊາໃຫຍ່ UNESCO ຄັ້ງທີ 29 ໄດ້ຮັບຮອງເອົາລາງວັນນີ້ດ້ວຍອັດຕາ 2 ປີ/ຄັ້ງ ໝູນໃຊ້ໃຫ້ແກ່ 5 ນະຄອນດີເດັ່ນຕາງໜ້າ 5 ພາກພື້ນ: ອາຊີ - ປາຊີຟິກ, ອາບຟຼິກກາ, ຕາເວັນອອກກາງ - ອາຣັບ, ອາເມລິກາລາຕິນ - Caribbean ແລະ ເອີຣົບ. ພາຍຫຼັງການຕັດສິນຂອງສະມັດຊາໃຫຍ່ UNESCO ຄັ້ງທີ 29 ມາເປັນເວລາ 2 ປີ, ວັນທີ 16 ກໍລະກົດ 1999, UNESCO ໄດ້ປະກາດບັນຊີລາຍຊື່ 5 ນະຄອນດີເດັ່ນທຳອິດຂອງບັນດາພາກພື້ນ ໄດ້ຮັບລາງວັນ, ໃນນັ້ນມີນະຄອນຫຼວງຮ່າໂນ້ຍ ຂອງ ຫວຽດນາມ - ນະຄອນທຳອິດຂອງພາກພືື້ນ ອາຊີ ເປັນກຽດຮັບລາງວັນນີ້. ນັ້ນແມ່ນການຢັ້ງຢືນຂອງສາກົນກ່ຽວກັບມູນເຊື້ອວິລະຊົນ ກ່ຽວກັບການຍາດເອກະລາດ ຊົນຊາດ ແລະ ຄວາມມຸ່ງມາດປາດຖະໜາສັນຕິພາບຂອງຊາດ ຫວຽດນາມ. ເຫດການນີ້ ໄດ້ປະກອບສ່ວນເຂົ້າໃນທີ່ຕັ້ງ, ອິດທິພົນຊື່ສຽງຂອງນະຄອນຫຼວງຮ່າໂນ້ຍເວົ້າສະເພາະ, ຫວຽດນາມ ເວົ້າລວມ ບົນເວທີສາກົນ ແລະ ພາກພື້ນ, ປະກອບສ່ວນໂຄສະນາ, ແນະນຳກັບໂລກ ກ່ຽວກັບຮ່າໂນ້ຍ, ຜ່ານນັ້ນເພີ່ມທະວີການພົວພັນມິດຕະພາບ, ຮ່ວມມືສາກົນ ລະຫວ່າງ ຮ່າໂນ້ຍ ກັບບັນດາປະເທດກ່ຽວກັບເສດຖະກິດ, ເສດຖະກິດ, ການລົງທຶນ, ວັດທະນະທຳ, ການບໍລິການ… ມັນແມ່ນການລະດົມກຳລັງໃຈ ແລະ ກໍ່ແມ່ນຄວາມຮັບຜິດຊອບຂອງປະຊາຊົນ ຮ່າໂນ້ຍສູ້ຊົນປະກອບສ່ວນເຂົ້າໃນການສ້າງນະຄອນນັບມື້ນັບຮັ່ງມີ, ທັນສະໄໝ, ສີວິໄລ.
ພາຍຫຼັງ 20 ປີນັບແຕ່ເວລາໄດ້ຮັບນາມມະຍົດນະຄອນເພື່ອສັນຕິພາບ, ຮ່າໂນ້ຍ ໄດ້ຮັບການຜັນຂະຫຍາຍວາງຜັນກຳນົດລວມ ດ້ວຍເປົ້າໝາຍກໍ່ສ້າງນະຄອນທັນສະໄໝ ເຊິ່ງຍັງຮັກສາໄດ້ສີສັນຂອງມູນເຊື້ອອະລິຍະທຳນັບພັນປີ.
ບຸນຄົງ
