 |
| ທ່ານ ຫງວຽນຫງອກຮຸ່ງ ແລະ ທ່ານນາງ Hellen Grace Akwii-Wangusa. |
ທ່ານນາງ Hellen Grace Akwii-Wangusa, ປະທານສະພາຄຸ້ມຄອງບໍລິຫານສາກົນ ຂອງອົງການ ActionAid ໃຫ້ຮູ້ວ່າ: ຫວຽດນາມ ແມ່ນໜຶ່ງໃນບັນດາປະເທດທີ່ໄດ້ຮັບໝາກຜົນທີ່ໜ້າປະທັບໃຈໃນຂົງເຂດການພັດທະນາ, ຫຼຸດຜ່ອນຄວາມທຸກຍາກ, ປັບປຸງຊີວິດການເປັນຢູ່ຂອງປະຊາຊົນ. ຈຸດປະສົງຂອງທ່ານນາງໃນການເດີນທາງປະຕິບັດງານຄັ້ງນີ້ ແມ່ນເພື່ອຊອກຮູ້ຂໍ້ມູນ ແລະ ສະພາບການທົ່ວໄປຂອງ ຫວຽດນາມ, ກ່ຽວກັບສະພາບຕົວຈິງຂອງບາງທ້ອງຖິ່ນທີ່ພວມຜັນຂະຫຍາຍໂຄງການຂອງ ActionAid ເຊັ່ນ ເກີນເທີ, ບາກລຽວ, ນະຄອນ ໂຮ່ຈິີມິນ. ໂດຍຜ່ານນັ້ນ, ActionAid ກໍ່ກຳແໜ້ນສະພາບຕົວຈິງ ແລະ ຄວາມຮຽກຮ້ອງຕ້ອງການຂອງ ຫວຽດນາມ ໃນປະຈຸບັນ; ຊອກຮູ້ບັນດາບົດຮຽນປະສົບການຈາກ ຫວຽດນາມ ທີ່ສາມາດແບ່ງປັນ ແລະ ທະວີຄູນຢູ່ປະເທດອື່ນໆ.
ທ່ານ ຫງວຽນຫງອກຮຸ່ງ, ຮອງປະທານສະຫະພັນບັນດາອົງການມິດຕະພາບ ຫວຽດນາມ ໃຫ້ຮູ້ວ່າ: ການພັດທະນາຂອງ ຫວຽດນາມ ໃນປະຈຸບັນແມ່ນຍ້ອນການໜູນຊ່ວຍ ແລະ ສະໜັບສະໜູນອັນສຳຄັນຂອງບັນດາອົງການບໍ່ຂຶ້ນກັບລັດຖະບານຕ່າງປະເທດ, ໃນນັ້ນມີ ActionAid. ຄຽງຂ້າງບັນດາໝາກຜົນທີ່ບັນລຸໄດ້, ຫວຽດນາມ ຍັງຄົງຕ້ອງແກ້ໄຂບັນດາບັນຫາຄື: ຜົນສະທ້ອນຈາກການປ່ຽນແປງຂອງດິນຟ້າອາກາດ; ຈໍານວນຄົນພິການສູງ; ແກ້ໄຂຜົນຮ້າຍຢ້ອນຫຼັງຈາກສົງຄາມ... ເພື່ອສືບຕໍ່ພັດທະນາແບບຍືນຍົງ, ປົກປັກຮັກສາໝາກຜົນແຫ່ງການຫຼຸດຜ່ອນຄວາມທຸກຍາກ, ຫວຽດນາມ ຕ້ອງການການສະໜັບສະໜູນ ແລະ ໜູນຊ່ວຍດ້ານແຫຼ່ງກຳລັງ, ວິຊາສະເພາະ ແລະ ປະສົບການຈາກບັນດາອົງການບໍ່ຂຶ້ນກັບລັດຖະບານຕ່າງປະເທດ.
ທ່ານ ຫງວຽນຫງອກຮຸ່ງ ກ່າວວ່າ: VUFO ແລະ ຄະນະກຳມະການປະສານງານການຊ່ວຍເຫຼືອປະຊາຊົນ PACCOM (ເປັນຫົວໜ່ວຍຂຶ້ນກັບ VUFO) ພ້ອມແລ້ວທີ່ຈະສົມທົບ ແລະ ໜູນຊ່ວຍ ActionAid ສືບຕໍ່ປະຕິບັດບັນດາການເຄື່ອນໄຫວ ແລະ ບັນດາໂຄງການຢູ່ ຫວຽດນາມ. ທ່ານຮອງປະທານ VUFO ຫວັງວ່າ ActionAid ແລະ ທ່ານນາງ Hellen Grace Akwii-Wangusa ຈະສືບຕໍ່ຮ່ວມເດີນທາງກັບ VUFO ໃນບັນດາໂຄງການທີ່ຈະມາເຖິງ; ແນະນຳບັນດາຄູ່ຮ່ວມມືໃຫ້ແກ່ VUFO, ໂດຍຜ່ານນັ້ນ ກໍ່ເພີ່ມທະວີການແລກປ່ຽນຂໍ້ມູນຂ່າວສານ, ແລກປ່ຽນປະສົບການ, ຊຸກຍູ້ການຮ່ວມມືເພື່ອສັນຕິພາບ ແລະ ການພັດທະນາ.
 | ຍສໝ - ວັນທີ 13 ກໍລະກົດ, ສະຫະພັນບັນດາອົງການມິດຕະພາບ ຫວຽດນາມ ໄດ້ຈັດຕັ້ງພິທີມອບຂອງຂວັນໃຫ້ບັນດາທະຫານເສຍອົງຄະ, ຄອບຄົວນັກຮົບເສຍສະຫຼະຊີວິດເພື່ອຊາດຢູ່ແຂວງ ກວາງບິ່ງ ແລະ ເງ້ອານ ເນື່ອງໃນໂອກາດ 77 ປີແຫ່ງວັນທະຫານເສຍອົງຄະ ແລະ ນັກຮົບເສຍສະຫຼະຊີວິດເພື່ອຊາດ. |
 | ສະຫະພັນບັນດາອົງການມິດຕະພາບຫວຽດນາມ ແລະ ສະພາສັນຕິພາບໂລກ ສືບຕໍ່ຮ່ວມມືເພື່ອສັນຕິພາບ ຍສໝ - ຕອນບ່າຍວັນທີ 8 ພຶດສະພາ ຢູ່ຮ່າໂນ້ຍ, ທ່ານ ຫງວຽນງອກຮຸ່ງ, ຮອງປະທານສະຫະພັນບັນດາອົງການມິດຕະພາບຫວຽດນາມ ໄດ້ໃຫ້ການຕ້ອນຮັບທ່ານ Pallab Sengupta ປະທານສະພາສັນຕິພາບໂລກ, ປະທານສະພາສັນຕິພາບໂລກ, ເລຂາທິການອົງການສາມັກຄີທົ່ວປວງຊົນ ອິນເດຍ (AIPSP). |
ມິງດຶກ
