| ສະເໜີໃຫ້ ອາເມລິກາ ຮັບຮອງກົດລະບຽບທາງດ້ານເສດຖະກິດທ້ອງຕະຫຼາດໃຫ້ ຫວຽດນາມ ໂດຍໄວ | |
| ມີໂອກາດຫຼາຍຢ່າງເພື່ອນຳຄົນງານຫວຽດນາມ ໄປເຮັດວຽກຢູ່ ອາເມລິກາ |
ຕອນບ່າຍວັນທີ 27 ມີນາ, ຢູ່ສຳນັກງານລັດຖະບານ, ທ່ານຮອງນາຍົກລັດຖະມົນຕີ ເຈີ່ນເລວກວາງ ໄດ້ໃຫ້ການຕ້ອນຮັບຄະນະຜູ້ແທນສະພາແຫ່ງຊາດ ອາເມລິກາ ໂດຍທ່ານນາງ Kristen Gillibrand, ປະທານອະນຸກຳມະການໄພຂົ່ມຂູ່ທີ່ເກີດໃໝ່ຂອງຄະນະກຳມະການບໍລິການປະກອບອາວຸດຂອງສະພາສູງ ອາເມລິກາ.
ທີ່ການຕ້ອນຮັບ, ທ່ານຮອງນາຍົກລັດຖະມົນຕີ ເຈີ່ນເລວກວາງ ເຊື່ອໝັ້ນວ່າ ການຢ້ຽມຢາມຂອງຄະນະຜູ້ແທນຈະປະກອບສ່ວນເພີ່ມທະວີຄວາມເຂົ້າໃຈ ແລະ ຄວາມໄວ້ເນື້ອເຊື່ອໃຈເຊິ່ງກັນ ແລະ ກັນ, ຊ່ວຍໃຫ້ສາຍພົວພັນລະຫວ່າງສອງສະພາແຫ່ງຊາດ ແລະ ການຮ່ວມມືລະຫວ່າງ 2 ປະເທດສືບຕໍ່ພັດທະນາ.
ທ່ານຮອງນາຍົກລັດຖະມົນຕີ ປາດຖະໜາວ່າ ໃນໄລຍະຈະມາເຖິງ, 2 ຝ່າຍຈະຮ່ວມມືຢ່າງແທດຈິງ ແລະ ເລິກເຊິ່ງ ແລະ ແທດເໝາະກັບລະດັບສູງຂອງຂອບການພົວພັນຄູ່ຮ່ວມມືຍຸດທະສາດຮອບດ້ານໃໝ່ລະຫວ່າງ 2 ປະເທດ, ປະກອບສ່ວນໜູນຊ່ວຍ ຫວຽດນາມ ພັດທະນາຢ່າງວ່ອງໄວ, ຮັດແຄບຊ່ອງຫວ່າງກັບບັນດາປະເທດ.
 |
ທ່ານຮອງນາຍົກລັດຖະມົນຕີ ເຈີ່ນເລວກວາງ ແລະ ສະມາຊິກສະພາສູງ Kristen Gillibrand |
ນອກຈາກນັ້ນ, ທ່ານຮອງນາຍົກລັດຖະມົນຕີ ເຈີ່ນເລວກວາງ ຮຽກຮ້ອງບັນດາສະມາຊິກລັດຖະສະພາ ອາເມລິກາ ມີສຽງເວົ້າຢ່າງແຮງ ເພື່ອໃຫ້ລັດຖະບານ ອາເມລິກາ ຮັບຮູ້ສະພາບເສດຖະກິດຕະຫຼາດຂອງ ຫວຽດນາມ ໂດຍໄວ ແລະ ປົດຫວຽດນາມ ອອກຈາກບັນຊີບັນດາກົນໄກສົ່ງອອກເຕັກໂນໂລຢີສູງ.
2 ຝ່າຍເນັ້ນໜັກເຖິງຄວາມສຳຄັນຂອງການຮັກສາສັນຕິພາບ, ສະຖຽນລະພາບ, ຄວາມໝັ້ນຄົງ, ຄວາມປອດໄພທາງທະເລ ແລະ ການບິນຢູ່ທະເລຕາເວັນອອກ; ແກ້ໄຂການພິພາດໂດຍສັນຕິວິທີບົນພື້ນຖານກົດໝາຍສາກົນ, ພິເສດແມ່ນສົນທິສັນຍາຂອງສະຫະປະຊາຊາດກ່ຽວກັບກົດໝາຍທະເລປີ 1982, ຝ່າຍ ອາເມລິກາ ຕີລາຄາສູງຫຼັກໝັ້ນຂອງຫວຽດນາມ ກ່ຽວກັບບັນຫາທະເລຕາເວັນອອກ.
ສະມາຊິກສະພາສູງ Kristen Gillibrand ແລະ ບັນດາສະມາຊິກໃນຄະນະລ້ວນແຕ່ສະແດງຄວາມປະທັບໃຈທີ່ດີເມື່ອມາຢ້ຽມຢາມຫວຽດນາມ, ຮູ້ສຶກເຖິງຄວາມປອດໄພ ແລະ ການພັດທະນາທີ່ດີເດັ່ນຂອງຫວຽດນາມ; ຂອບໃຈຫວຽດນາມ ທີ່ໄດ້ໜູນຊ່ວຍອຸປະກອນການແພດໃຫ້ບັນດາກຳລັງແຖວໜ້າຂອງ ອາເມລິກາ ໃນການປ້ອງກັນ ແລະ ຕ້ານໂລກລະບາດ Covid-19.
ສະມາຊິກສະພາສູງໄດ້ຕີລາຄາສູງຄວາມຕັດສິນໃຈຂອງຫວຽດນາມ - ອາເມລິກາ ຍົກລະດັບການພົວພັນລະຫວ່າງສອງປະເທດຂຶ້ນເປັນຄູ່ຮ່ວມມືຍຸດທະສາດຮອບດ້ານໃນໂອກາດທີ່ທ່ານປະທານາທິບໍດີ Joe Biden ຢ້ຽມຢາມ ຫວຽດນາມ ໃນເດືອນ 9/2023, ແລະ ຖືວ່າ ການຍົກລະດັບການພົວພັນລະຫວ່າງສອງປະເທດໄດ້ຮັບຜົນດີຢູ່ ອາເມລິກາ, ສ້າງພື້ນຖານອັນດີງາມ. ເພື່ອອະນາຄົດຂອງການພົວພັນລະຫວ່າງສອງປະເທດ.
ສະມາຊິກສະພາສູງ Kristen Gillibrand ຢືນຢັນວ່າ: ອາເມລິກາປາດຖະໜາຢາກເປີດກວ້າງການຮ່ວມມືໃນຫຼາຍຂົງເຂດ, ຈາກບັນດາຂົງເຂດສຳຄັນຄື: ເສດຖະກິດ, ເຕັກໂນໂລຢີ, ພະລັງງານ, ກະສິກຳ... ເຖິງບັນດາຂົງເຂດໃໝ່ຄືປັນຍາປະດິດ.
ຄຳຮຸ່ງ
