ເຂົ້າຮ່ວມກອງປະຊຸມມີເອກອັກຄະລັດຖະທູດ ແລະ ຄະນະຜູ້ແທນຈາກບັນດາປະເທດຄື ແຟງລັງ, ຝລັ່ງ, ເຢລະມັນ, ອີຣັກ, ອີຕາລີ, ຍີ່ປຸ່ນ...; ບັນດາອົງການຈັດຕັ້ງສາກົນຢູ່ Geneva ເຊິ່ງເປັນສະມາຊິກຂອງ GICHD ເຊັ່ນ: ຫ້ອງວ່າການສະຫະປະຊາຊາດກ່ຽວກັບການປົດອາວຸດ (UNODA); ໜ່ວຍບໍລິການການກະທຳລູກລະເບີດໝາກມິນຂອງສະຫະປະຊາຊາດ (UNMAS); ສະຫະພາບ ເອີລົບ (EU)…
ທີ່ກອງປະຊຸມ, ບັນດາສະມາຊິກ GICHD ໄດ້ສຸມໃສ່ແລກປ່ຽນ ແລະ ກວດກາຄືນບັນດາການເຄື່ອນໄຫວວຽກງານໃນໄລຍະຜ່ານມາ, ໂດຍຜ່ານບົດລາຍງານກ່ຽວກັບສະພາບການເງິນ, ການປະກອບສ່ວນຂອງບັນດາຜູ້ອຸປະຖຳ ແລະ ວາງທິດທາງໃຫ້ບັນດາການເຄື່ອນໄຫວໃຫຍ່ຂອງ GICHD ໃນໄລຍະຈະມາເຖິງ.
ສະພາໄດ້ເຫັນດີເປັນເອກະພາບເລືອກຕັ້ງ ທ່ານເອກອັກຄະລັດຖະທູດ ມາຍຟານຢຸ໊ງ, ຫົວໜ້າຄະນະ ຫວຽດນາມ ປະຈຳ ສະຫະປະຊາຊາດ, ອົງການການຄ້າໂລກ ແລະ ອົງການຈັດຕັ້ງສາກົນຕ່າງໆຢູ່ Geneva ເຂົ້າເປັນສະມາຊິກສະພາ.
ກ່າວຄຳປາໄສທີ່ກອງປະຊຸມ, ທ່ານເອກອັກຄະລັດຖະທູດ ຫວຽດນາມ ມາຍຟານຢຸ໊ງ ໃຫ້ຮູ້ວ່າ: ການເຂົ້າເປັນສະມາຊິກສະພາໄດ້ພິສູດໃຫ້ເຫັນຄວາມໄວ້ເນື້ອເຊື່ອໃຈຂອງປະທານສະພາ ແລະ ບັນດາສະມາຊິກກ່ຽວກັບບັນດາການເຄື່ອນໄຫວເພື່ອຫຼຸດຜ່ອນຄວາມສ່ຽງຈາກລູກລະເບີດໝາກມິນຂອງ ຫວຽດນາມ.
 |
| ໜ່ວຍເກັບກູ້ລູກລະເບີດໝາກມິນໄດ້ເກັບກູ້ລູກລະເບີດທີ່ມີນ້ຳໜັກປະມານ 227 ກິໂລ, ເສັ້ນຜ່າກາງ 274 ມມ, ລວງຍາວ 1,54 ແມັດ ຢ່າງປອດໄພ ເຊິ່ງໄດ້ຄົ້ນພົບຢູ່ແຂວງ ກວາງຈີ້ . |
ທ່ານເອກອັກຄະລັດຖະທູດ ຫວຽດນາມ ຢືນຢັນວ່່າ ຈະມານະພະຍາຍາມປະກອບສ່ວນຢ່າງຕັ້ງໜ້າເຂົ້າໃນວຽກງານຮ່ວມຂອງສະພາ GICHD ແລະ ຊຸກຍູ້ການຮ່ວມມືຢ່າງແໜ້ນແຟ້ນ ແລະ ມີປະສິດທິຜົນລະຫວ່າງ GICHD ກັບບັນດາອົງການທີ່ມີໜ້າທີ່ຂອງ ຫວຽດນາມ ໃນໄລຍະຈະມາເຖິງ, ພິເສດແມ່ນກ່ຽວກັບບັນດາໂຄງການທີ່ພວມໄດ້ຮັບການຜັນຂະຫຍາຍ ແລະ ພ້ອມກັນນັ້ນ ກໍ່ຊອກຫາບັນດາກາລະໂອກາດການຮ່ວມມືໃນຂົງເຂດແກ້ໄຂ ແລະ ເກັບກູ້ລູກລະເບີດໝາກມິນທີ່ຍັງເຫຼືອຈາກສົງຄາມຢູ່ ຫວຽດນາມ.
GICHD ແມ່ນອົງການບໍ່ຫວັງຜົນກໍາໄລທີ່ສ້າງຕັ້ງຂຶ້ນໃນ ປີ 1998, ມີສໍານັກງານຢູ່ Geneva. ສູນການເຄື່ອນໄຫວແມ່ນອີງໃສ່ການປະກອບສ່ວນອຸປະຖຳໂຄງການ ແລະ ການອຸດໜູນວັດຖຸສິ່ງຂອງຈາກລັດຖະບານ ແລະ ອົງການຈັດຕັ້ງຕ່າງໆ. ເປົ້າໝາຍຂອງ GICHD ແມ່ນເພື່ອເປັນສູນກາງສໍາລັບການຄົ້ນຄວ້າ, ການບຳລຸງສ້າງ, ສະຫນັບສະຫນູນຄວາມພະຍາຍາມຂອງຊຸມຊົນສາກົນໃນການຫຼຸດຜ່ອນຄວາມສ່ຽງຂອງລູກລະເບີດໝາກມິນ ແລະ ວັດຖຸລະເບີດທີ່ຍັງຕົກຄ້າງຈາກສົງຄາມໂດຍຜ່ານການປະສານສົບທົບກັບອົງການສະຫະປະຊາຊາດ ແລະ ບັນດາປະເທດ, ອົງການຈັດຕັ້ງລະຫວ່າງລັດຖະບານ ແລະ ອົງການຈັດຕັ້ງທີ່ບໍ່ຂຶ້ນກັບລັດຖະບານ, ສະຖາບັນຄົ້ນຄວ້າ...
ສະພາບໍລິຫານງານຂອງ GICHD ມີໜ້າທີ່ໃນການເລືອກຕັ້ງຕໍາແຫນ່ງຜູ້ນໍາຂອງ GICHD, ໂດຍຜ່ານບັນດາການກຳນົດກ່ຽວກັບງົບປະມານ, ການເງິນ ແລະ ການກໍານົດທິດທາງການເຄື່ອນໄຫວຂອງ GICHD. ປະຈຸບັນ, ສະພາມີສະມາຊິກ 23 ທ່ານ, ໃນນັ້ນມີ ຫວຽດນາມ, ເຊິ່ງເປັນບັນດາເອກອັກຄະລັດຖະທູດ, ຫົວໜ້າຄະນະປະຈຳ Geneva ຂອງບັນດາປະເທດ ແລະ ການນຳຂອງອົງການຈັດຕັ້ງສາກົນຈຳນວນໜຶ່ງ.
 | ເຮືອນລວມຂອງແມ່ຍິງ ຫວຽດນາມ ຢູ່ ຮົງກາລີ ຍສໝ - ພາຍຫຼັງ 20 ປີແຫ່ງການພັດທະນາ, ສະມາຄົມແມ່ຍິງ ຫວຽດນາມ ຢູ່ ຮຸງກາຣີ (ສະມາຄົມ) ໄດ້ກາຍເປັນເຮືອນລວມ ເພື່ອຕິດພັນແມ່ຍິງ ຫວຽດນາມ ຢູ່ ຮຸງກາຣີ. |
 | ໂຄສະນາ, ສົ່ງເສີມ, ດຶງດູດນັກທ່ອງທ່ຽວ ສ.ເກົາຫຼີ ມາຍັງ ຫວຽດນາມ ຍສໝ - ກົມທ່ອງທ່ຽວແຫ່ງຊາດ ຫວຽດນາມ (ກະຊວງວັດທະນະທຳ, ກິລາ ແລະ ທ່ອງທ່ຽວ ຫວຽດນາມ) ແຈ້ງວ່າ ງານບຸນສົ່ງເສີມການທ່ອງທ່ຽວ - ວັດທະນະທຳ ຫວຽດນາມ ຢູ່ ສ.ເກົາຫຼີ ປີ 2024 ຈະດຳເນີນແຕ່ວັນທີ 29 ມີຖຸນາ ຫາ ວັນທີ 3 ກໍລະກົດ. |
ມິງດຶກ
