 | ຫວຽດນາມ ສະເໜີໃຫ້ UNCTAD ສືບຕໍ່ໜູນຊ່ວຍບັນດາປະເທດພວມພັດທະນາ |
| ສະຫະພັນບັນດາອົງການມິດຕະພາບ ຫວຽດນາມ, ແຂວງ ລາວກາຍ ແລກປ່ຽນບັນດາເນື້ອໃນການຮ່ວມມືດ້ານການທູດປະຊາຊົນ |
ລາຍງານກ່ຽວກັບການກະກຽມທຸກດ້ານຢ່າງຮອບດ້ານຂອງວຽກງານປັບປຸງລັດຖະທຳມະນູນປີ 2015 ທີ່ການປະຊຸມຄັ້ງທີ 7 ສະພາແຫ່ງຊາດລາວ ຊຸດທີ 9 ພວມດຳເນີນຢູ່ນະຄອນຫຼວງວຽງຈັນ, ທ່ານ ຈະເລີນ ເຢຍປາວເຮີ, ຮອງປະທານສະພາແຫ່ງຊາດລາວ ຕາງໜ້າໃຫ້ຄະນະກຳມະການປັບປຸງລັດຖະທຳມະນູນແຫ່ງຊາດ ໃຫ້ຮູ້ວ່າ ລັດຖະທຳມະນູນ ແຫ່ງ ສາທາລະນະລັດ ປະຊາທິປະໄຕ ປະຊາຊົນລາວ ສະບັບທຳອິດ ໄດ້ປະກາດໃຊ້ໃນວັນທີ 15 ສິງຫາ 1991; ໃນໄລຍະມໍ່ໆມານີ້, ໄດ້ດຳເນີນປັບປຸງ2 ຄັ້ງ, ສະບັບປັບປຸງຄັ້ງທຳອິດປີ 2003 ແລະ ສະບັບປັບປຸງຄັ້ງທີ 2 ໃນປີ 2015.
 |
| ທ່ານຮອງປະທານສະພາແຫ່ງຊາດລາວ ຈະເລີນ ເຢຍປາວເຮີ - ພາບ: ຫາຍຕ໋ຽນ. |
ໃນຕະຫຼອດໄລຍະນີ້, ລັດລາວ ໄດ້ຜັນຂະຫຍາຍສ້າງເປັນບັນດາກົດໝາຍທີ່ນຳໃຊ້ໃນຫຼາຍຂົງເຂດ ໂດຍມີກົດໝາຍທັງໝົດ 167 ສະບັບ, ໃນນັ້ນ ມີກົດໝາຍໃນຂົງເຂດເສດຖະກິດ 75 ສະບັບ, ໃນຂົງເຂດວັດທະນະທຳ - ສັງຄົມ 42 ສະບັບ, ກົດໝາຍບໍລິຫານ ແລະ ນິຕິກຳ 32 ສະບັບ, ໃນຂົງເຂດປ້ອງກັນຊາດ - ຄວາມປອດໄພ 13 ສະບັບ, ໃນຂົງເຂດການຕ່າງປະເທດ 5 ສະບັບ.
ລັດຖະທຳມະນູນ ແລະ ບັນດາກົດດຳລັດນັ້ນ ໄດ້ກາຍເປັນເຄື່ອງມືທີ່ແຫຼມຄົມ ເພື່ອດັດປັບບັນດາການພົວພັນສັງຄົມໄປຕາມແນວທາງປ່ຽນໃໝ່ແບບຮອບດ້ານ ເຊິ່ງມີຫຼັກການຂອງພັກປະຊາຊົນປະຕິວັດລາວ, ຊ່ວຍໃຫ້ວຽກງານຄຸ້ມຄອງລັດ, ເສດຖະກິດ, ສັງຄົມດ້ວຍກົດໝາຍ ນັບມື້ນັບທີ່ແໜ້ນແຟ້ນ, ເຂັ້ມງວດກ່ວາ. ຄວາມເຄົາລົບ ແລະ ປະຕິບັດຕາມລັດຖະທຳມະນູນ, ກົດໝາຍໃນທົ່ວສັງຄົມ ໄດ້ຮັບການຍົກສູງ, ສ້າງເງື່ອນໄຂພື້ນຖານໃຫ້ແກ່ການສ້າງຕັ້ງປະເທດສາທາລະນະລັດ ປະຊາທິປະໄຕ ປະຊາຊົນລາວ ໃຫ້ຄ່ອຍໆກາຍເປັນລັດອຳນາດກົດໝາຍ.
ຕາມທ່ານ ຈະເລີນ ເຢຍປາວເຮີ ແລ້ວ, ເປົ້າໝາຍຂອງການປັບປຸງລັດຖະທຳມະນູນຄັ້ງທີ 3 ແມ່ນເພື່ອສືບຕໍ່ປະຕິບັດແນວທາງປ່ຽນໃໝ່ຮອບດ້ານ, ມີຫຼັກການຂອງພັກປະຊາຊົນປະຕິວັດລາວ, ກາຍເປັນມາດຕາອັນໜຶ່ງຂອງລັດຖະທຳມະນູນສະບັບໃໝ່, ຕົວຢ່າງຄື ມະຕິຂອງຄະນະບໍລິຫານງານສູນກາງພັກປະຊາຊົນປະຕິວັດລາວ ກ່ຽວກັບການສືບຕໍ່ຍູ້ແຮງການຜັນຂະຫຍາຍເເນວທາງໃໝ່ຢ່າງເລີກເຊິ່ງກວ້າງ, ສ້າງການປ່ຽນແປງໃໝ່ຢ່າງເຂັ້ມແຂງ, ເລິກເຊິ່ງ, ຮອບດ້ານ ໃນບົດບາດການນຳຂອງພັກ ແລະ ມະຕິຂອງກະຊວງການເມືອງຂອງພັກປະຊາຊົນປະຕິວັດລາວ ກ່ຽວກັບການກໍ່ສ້າງພື້ນຖານເສດຖະກິດເອກະລາ, ເປັນເຈົ້າຕົນເອງໃນຍຸກສະໄໝໃໝ່.
ການຄາດຄະເນປັບປຸງບາງມາດຕາກ່ຽວກັບລະບົບອຳນາດການປົກຄອງຂອງລັດທຸກຂັ້ນ, ຄືຂັ້ນທ້ອງຖິ່ນ ເພື່ອໃຫ້ເໝາະສົມກ່ວາກັບໜ້າທີ່ການເມືອງຂອງພັກ, ລັດລາວໃນໄລຍະໃໝ່, ສາມາດຕອບສະໜອງຄວາມຮຽກຮ້ອງຕ້ອງການໃນການຄຸ້ມຄອງລັດ, ຄຸ້ມຄອງເສດຖະກິດ-ສັງຄົມ ດ້ວຍກົດໝາຍໃຫ້ມີປະສິດທິຜັນ, ຄຸນນະພາບກ່ວາອີກ, ຮັບປະກັນການປະຕິບັດຢ່າງເໝາະສົມກັບໜ້າທີ່ຍຸດທະສາດ ລວມມີ ການປົກປັກຮັກສາ ແລະ ສ້າງສາພັດທະນາທີ່ດິນຕາມເປົ້າໝາຍທີ່ພັກປະຊາຊົນປະຕິວັດລາວ ວາງອອກ.
ເນື້ອໃນປັບປຸງລັດຖະທຳມະນູນສະບັບນີ້ ໄດ້ສຸມໃສ່ຄົ້ນຄວ້າ, ສຳເລັດບາງຂໍ້, ມາດຕາທີ່ຈຳເປັນ ເຊັ່ນ ຂໍ້ກ່ຽວກັບການຄຸ້ມຄອງທ້ອງຖິ່ນ ແລະ ຈະຄົ້ນຄວ້າ ແລະ ສະເໜີເພີ່ມເຕີມມາດຕາ, ລະບຽບການຈຳນວນໜຶ່ງ ໄດ້ຖືວ່າມີຄວາມສຳຄັນ ແລະ ມີຄວາມຈຳເປັນ, ມີທິດທາງຊີ້ນຳໃນການປັບປຸງ ເພື່ອຕ້ອງຮັບປະກັນການຍົກສູງບົດບາດນຳພາຂອງພັກປະຊາຊົນປະຕິວັດລາວ, ບົດບາດບໍລິຫານປະເທດແຫ່ງປະຊາທິປະໄຕປະຊາຊົນ ແລະ ປະຕິບັດບັນດາສິດເປັນເຈົ້າຂອງປະເທດຂອງປະຊາຊົນບັນດາຊົນເຜົ່າລາວ, ຮັບປະກັນການປະຕິບັດຫຼັກການສຸມໃສ່ປະຊາທິປະໄຕ ຫຼື ຫຼັກການອຳນາດລັດເອກະພາບພາຍໃຕ້ການນຳພາຂອງພັກປະຊາຊົນປະຕິວັດລາວ.
 | ບັນດາອົງການປະຊາຊົນ ຫວຽດນາມ ກະກຽມເຂົ້າຮ່ວມເວທີປາໄສປະຊາຊົນ ອາຊຽນ 2024 ຍສໝ - ອາທິດຜ່ານມານີ້, ຢູ່ຮ່າໂນ້ຍ ໄດ້ດຳເນີນກອງປະຊຸມບັນດາອົງການປະຊາຊົນຫວຽດນາມ ກະກຽມໃຫ້ແກ່ເວທີປາໄສປະຊາຊົນ ອາຊຽນ (APF) 2024 ຄາດວ່າທີ່ຈະຈັດຕັ້ງຢູ່ Timor Leste. |
 | ສ້າງຄວາມໄວ້ເນື້ອເຊື່ອໃຈ ແລະ ປັບປຸງການພົວພັນກັບເພື່ອນມິດສາກົນ ຍສໝ - ການທູດປະຊາຊົນແມ່ນໜຶ່ງໃນສາມເສົາຄ້ຳຂອງພື້ນຖານການທູດທີ່ທັນສະໄໝ, ຮອບດ້ານ. ໃນໄລຍະ 20 ປີແຫ່ງການກໍ່ສ້າງ ແລະ ພັດທະນານະຄອນ ເກີນເທີ, ການທູດປະຊາຊົນຂອງນະຄອນ ບັນລຸໄດ້ບັນດາຜົນງານທີ່ພາກພູມໃຈ, ປະກອບສ່ວນໂຄສະນາພາບພົດະນຄອນຕິດພັນກັບການປົກປັກຮັກສາພື້ນຖານແນວຄິດຂອງພັກ ໂດຍຜ່ານການເຄື່ອນໄຫວທີ່ອຸດົມສົມບູນ ແລະ ຫຼາກຫຼາຍແບບ. |
ມິງດຶກ
