 | ໂຄສະນາວັດທະນະທຳ, ທ່ອງທ່ຽວ ຮ່າໂນ້ຍ ເຖິງເພື່ອນມິດສາກົນທີ່ Festival ຊາວໜຸ່ມສາກົນ ຄັ້ງທີ III ປີ 2024 |
| ຍ້ອງຍໍສັນລະເສີນ 200 “ນັກຮົບນ້ອຍ ດຽນບຽນ” ທົ່ວປະເທດ ຄັ້ງທີ V ປີ 2024 |
ກ່າວຄຳປາໃສທີ່ພິທີເປີດ, ທ່ານ ຫງວຽນຖືກຮ່ຽນ, ຮອງປະທານຄະນະກຳມະການປະຊາຊົນນະຄອນ ເກີນເທີ, ຫົວໜ້າຄະນະບໍລິຫານການປົກປ້ອງ ແລະ ດູແລເດັກ ຂອງນະຄອນ - ຮຽກຮ້ອງໃຫ້ທຸກຂັ້ນ, ຂະແໜງການ ແລະ ບັນດາທ້ອງຖິ່ນ ຕັ້ງໜ້າປັບປຸງບັນດາເນື້ອໃນ, ຄວາມຫຼາກຫຼາຍຂອງຮູບແບບ ແລະ ການເຄື່ອນໄຫວ ເພື່ອສ້າງເງື່ອນໄຂໃຫ້ເດັກນ້ອຍໃຊ້ສິດ ແລະ ໜ້າທີ່ຂອງຕົນ. ທ່ານ ຫງວຽນຖືກຮ່ຽນ ເນັ້ນໜັກວ່າ: “ເໜືອກວ່ານັ້ນ, ພວກເຮົາແຕ່ລະຄົນຄວນມອບສິ່ງທີ່ດີທີ່ສຸດໃຫ້ແກ່ເດັກ ແລະ ຍາມໃດກໍຮັບຟັງເດັກນ້ອຍດ້ວຍຫົວໃຈ ແລະ ປົກປ້ອງເດັກນ້ອຍດ້ວຍການກະທຳ”.
 |
| ບັນດາຜູ້ແທນໄດ້ເປັນສັກຂີພິຍານພິທີລົງນາມລະບຽບຂໍ້ກຳນົດກ່ຽວກັບການປ້ອງກັນ ແລະ ຫຼຸດຜ່ອນການໃຊ້ແຮງງານເດັກແບບຜິດກົດໝາຍໄລຍະ 2024 – 2025, ທິດທາງຮອດປີ 2030 ລະຫວ່າງພະແນກແຮງງານ, ທະຫານເສຍອົງຄະ ແລະ ສັງຄົມ ນະຄອນ ເກິເທີ ແລະ ບັນດາໜ່ວຍງານທີ່ກ່ຽວຂ້ອງ. |
ທ່ານ ຫງວຽນຖືກຮຽນ ກໍ່ຮຽກຮ້ອງໃຫ້ກວດກາ ແລະ ກຳແໜ້ນບັນດາຂໍ້ມູນກ່ຽວກັບເດັກນ້ອຍ ແລະ ກຸ່ມເດັກ; ເພີ່ມທະວີການເຊື່ອມຕໍ່ ແລະ ລະດົມແຫຼ່ງກຳລັງຈາກບັນດາອົງການຈັດຕັ້ງ ແລະ ບຸກຄົນ ເພື່ອຈັດຕັ້ງບັນດາການເຄື່ອນໄຫວລະຫຼິ້ນ, ບັນເທີງ, ເບິ່ງແຍງດູແລ ແລະ ຊ່ວຍເຫຼືອດ້ານວັດຖຸໃຫ້ແກ່ເດັກນ້ອຍ, ໂດຍສະເພາະແມ່ນເດັກນ້ອຍໃນສະພາບການພິເສດ ແລະ ມີຄວາມຫຍຸ້ງຍາກລຳບາກ, ເດັກນ້ອຍມີຄວາມສ່ຽງຕົກຢູ່ໃນສະພາບພິເສດ, ເດັກນ້ອຍຢູ່ບັນດາສະຖານທີ່ຊ່ວຍເຫຼືອສັງຄົມ.
ພ້ອມກັນນັ້ນ, ກໍ່ເອົາໃຈການໃສ່ລົງທຶນຍົກລະດັບ ແລະ ສ້ອມແປງບັນດາເຂດລະຫຼິ້ນ ແລະ ບັນເທິງໃຫ້ແກ່ເດັກນ້ອຍ, ພິເສດແມ່ນເດັກນ້ອຍຢູ່ເຂດປະສົບກັບສະພາບເສດຖະກິດ-ສັງຄົມທີ່ຫຍຸ້ງຍາກ; ສຸມໃສ່ບັນດາແຫຼ່ງກຳລັງໃຫ້ຫຼາຍສຸດ ເພື່ອຮັບປະກັນໃຫ້ 100% ເດັກນ້ອຍໄດ້ຮັບການປະຕິບັດນະໂຍບາຍປະກັນສັງຄົມຕາມລະບຽບການ.
ທ່ານ ຫງວຽນຊວນຫາຍ - ກຳມະການປະຈຳພັກນະຄອນ, ຮອງປະທານສະພາປະຊາຊົນນະຄອນ; ທ່ານ ຫງວຽນຖືກຮ່ຽນ - ຮອງປະທານຄະນະກຳມະການປະຊາຊົນນະຄອນ, ຫົວໜ້າຄະນະບໍລິຫານການປົກປ້ອງ ແລະ ເບິ່ງແຍງດູແລເດັກຂອງນະຄອນ ເກີນເທີ ໄດ້ມອບຂອງຂວັນ ແລະ ໃບຍ້ອງຍໍຂອງກອງທຶນອຸປະຖຳເພື່ອເດັກນ້ອຍ ຫວຽດນາມ ໃຫ້ແກ່ເດັກນ້ອຍ 5 ຄົນທີ່ປະສົບກັບສະພາບຄວາມຫຍຸ້ງຍາກພິເສດ ຢູ່ພິທີປຸກລະດົມ ເດືອນກະທຳເພື່ອເດັກນ້ອຍ ປີ 2024.
ຕາມທ່ານ ຫງວຽນຖືກຮ່ຽນ, ໃນໄລຍະທີ່ຜ່ານມາ, ບັນດາຄະນະພັກ, ອຳນາດການປົກຄອງ, ແນວໂຮມປະເທດຊາດ, ບັນດາອົງການຈັດຕັ້ງທາງການເມືອງ - ສັງຄົມຂອງນະຄອນ ແລະ ປະຊາຄົມ ໄດ້ສຸມໃສ່ບຸລິມະສິດບັນດາແຫຼ່ງກຳລັງ, ລະດົມ, ເບິ່ງແຍງດູແລທາງດ້ານວັດຖຸ, ຈິດໃຈ, ປັບປຸງຊີວິດການເປັນຢູ່ໃຫ້ແກ່ເດັກນ້ອຍ; ສ້າງໂອກາດໃຫ້ເດັກ ໄດ້ດຳລົງຊີວິດໃນສະພາບແວດລ້ອມທີ່ປອດໄພ, ປອດໃສ ແລະ ພັດທະນາຢ່າງຮອບດ້ານ. ແຕ່ວ່າ, ໃນສະພາບຕົວຈິງ, ການໂຄສະນາເຜີຍແຜ່ແນວທາງຂອງພັກ, ນະໂຍບາຍ ແລະ ກົດໝາຍຂອງລັດກ່ຽວກັບການເບິ່ງແຍງ, ສຶກສາ ແລະ ປົກປ້ອງເດັກຢູ່ທຸກເວລາ ແລະ ທຸກແຫ່ງ ແມ່ນຍັງບໍ່ເປັນປະຈຳ, ຂາດຄວາມເລິກເຊິ່ງ ແລະ ກຳລັງແຜ່ກະຈາຍ; ການລະດົມແຫຼ່ງກຳລັງສັງຄົມເພື່ອເບິ່ງແຍງດູແລເດັກນ້ອຍ ໂດຍສະເພາະແມ່ນເດັກນ້ອຍທີ່ປະສົບກັບຄວາມຫຍຸ້ງຍາກພິເສດ ແລະ ເດັກນ້ອຍທີ່ມີຄວາມສ່ຽງຕໍ່ການຕົກຢູ່ໃນສະພາບການພິເສດ ແມ່ນບາງຄັ້ງຍັງຖືກຈຳກັດ ແລະ ບໍ່ທັນການ; ຫຼາຍຕາແສງ, ຕົວເມືອງຍັງບໍ່ທັນມີບ່ອນລະຫຼິ້ນ, ບັນເທີງໃຫ້ແກ່ເດັກນ້ອຍ.
 |
| ທ່ານນາງ ເຈີ່ນທິຊວນມາຍ, ຫົວໜ້າພະແນກແຮງງານ, ທະຫານເສຍອົງຄະ ແລະ ສັງຄົມ ແລະ ຜູ້ອຸປະຖຳໄດ້ມອບລົດຖີບໃຫ້ບັນດານັກຮຽນທີ່ດ້ອຍໂອກາດໃນພິທີປຸກລະດົມ. |
ທີ່ພິທີ, ໄດ້ມີການດຳເນີນພິທີລົງນາມລະບຽບຂໍ້ກຳນົດກ່ຽວກັບການສະກັດກັ້ນ ແລະ ຫຼຸດຜ່ອນການໃຊ້ແຮງງານເດັກໜ້ອຍແບບຜິດກົດໝາຍ ໄລຍະ 2024 – 2025, ທິດທາງຮອດປີ 2030 ລະຫວ່າງພະແນກແຮງງານ, ທະຫານເສຍອົງຄະ ແລະ ສັງຄົມ ນະຄອນ ແລະ ໜ່ວຍງານທີ່ກ່ຽວຂ້ອງ; ໄດ້ລົງນາມໃນແຜນການສົມທົບກັນຈັດຕັ້ງການເຄື່ອນໄຫວຕອບສະໜອງ ເດືອນກະທຳເພື່ອເດັກນ້ອຍ ປີ 2024 ລະຫວ່າງພະແນກແຮງງານ, ທະຫານເສຍອົງຄະ ແລະ ສັງຄົມ ກັບ ຄະນະຊາວໜຸ່ມນະຄອນ ເກີນເທີ.
ເນື່ອງໃນໂອກາດນີ້, ກອງທຶນອຸປະຖຳເພື່ອເດັກນ້ອຍ ຫວຽດນາມ ໄດ້ມອບຂອງຂວັນ 5 ພູດ (ພູດລະ 3 ລ້ານດົ່ງ) ແລະ ໃບຍ້ອງຍໍໃຫ້ແກ່ເດັກນ້ອຍ 5 ຄົນທີ່ປະສົບກັບສະພາບຫຍຸ້ງຍາກພິເສດແຕ່ຮຽນເກັ່ງຢູ່ບັນດາເມືອງ: ນິງກຽວ, ບິ່ງຖູຍ, ໂອໂມນ, ທົດນົດ ແລະ ເມືອງ ຫວິງແທ້ງ; ບໍລິສັດ AIA ປະກັນຊີວິດ ຈຳກັດ ໄດ້ສະໜັບສະໜູນລົດຖີບ 20 ຄັນ ແລະ ຂອງຂວັນໃຫ້ແກ່ເດັກນ້ອຍທີ່ປະສົບກັບຄວາມຫຍຸ້ງຍາກພິເສດຢູ່ເມືອງ ເຖີຍລາຍ; ບໍລິສັດ ຫວຍ ເກີນເທີ ຈຳກັດຜູ້ດຽວ ໄດ້ສະໜັບສະໜູນປື້ມ 10.000 ຫົວ ແລະ ເສື້ອກັນຝົນ 200 ຜືນ ໃຫ້ແກ່ເດັກນ້ອຍທີ່ປະສົບກັບຄວາມຫຍຸ້ງຍາກພິເສດໃນບໍລິເວນນະຄອນ.
 | ພື້ນຖານເສດຖະກິດຫວຽດນາມ ປີ 2024 - ແງ່ຫວັງທີ່ໜ້າປະເອີບໃຈ ຍສໝ - ຫຼາຍອົງການຈັດຕັ້ງສາກົນທີ່ມີອິດທິພົນຊື່ສຽງໄດ້ຕີລາຄາສູງ ແລະຮັບຮູ້ການປັບປຸງຫຼາຍດັດຊະນີຈັດອັນດັບສາກົນຂອງຫວຽດນາມ, ພົ້ນເດັ່ນແມ່ນ: ດັດຊະນີຄວາມຜາສຸກທົ່ວໂລກ, ດັດຊະນີການປ່ຽນແປງໃໝ່ປະດິດສ້າງ, ມູນຄ່າເຄື່ອງໝາຍການຄ້າແຫ່ງຊາດຫວຽດນາມ ກໍ່ຄືການສື່ສານດີຈີຕອນ, ການຊຳລະດີຈີຕອນ, ເສດຖະກິດດີຈີຕອນ ແລະການຈັດອັນດັບຄວາມໄວ້ວາງໃຈສາກົນກ່ຽວກັບສິນເຊື່ອໄລຍະຍາວ, ການຄາດຄະເນສາກົນກໍ່ເຊື່ອໝັ້ນຕໍ່ແງ່ຫວັງຟື້ນຟູໂດຍໄວໃນໄລຍະຈະມາເຖິງຂອງພື້ນຖານເສດຖະກິດຫວຽດນາມ. |
 | ຄະນະຊາວໜຸ່ມຄອມມູນິດ ໂຮ່ຈີມິນ ແຂວງ ຮວ່າບິ່ງ ເລີ່ມດຳເນີນເດືອນຊາວໜຸ່ມປີ 2024 ຍສໝ - ຕອນບ່າຍວັນທີ 25 ກຸມພາ, ຢູ່ຕາແສງ ຟອງຝູ, ເມືອງ ເຕີນລາກ, ແຂວງ ຮ່ວາບິ່ງ, ຄະນະປະຈຳຄະນະຊາວໜຸ່ມແຂວງ ຮ່ວາບິ່ງ ສົມທົບກັບຄະນະບໍລິຫານງານສູນກາງຈັດຕັ້ງພິທີໄຂງານບຸນປູກຕົ້ນໄມ້ “ຮູ້ບຸນຄຸນລຸງໂຮ່ຕະຫຼອດໄປ” ແລະ ເດືອນຊາວໜຸ່ມປີ 2024, ປະຕິບັດບັນດາການເຄື່ອນໄຫວປະກັນສັງຄົມ, ເລີ່ມຕົ້ນ ແລະ ເປີດກວ້າງບັນດາໂຄງການ ແລະ ກິດຈະກຳຊາວໜຸ່ມ. |
ມິງດຶກ
