ຫວຽດນາມ ເຂົ້າຮ່ວມກອງປະຊຸມ SOM ອາຊຽນ +3, ກອງປະຊຸມສຸດຍອດອາຊີຕາເວັນອອກ, ເວທີປາໄສພາກພື້ນອາຊຽນ

13:35 | 09/06/2024

ຍສໝ - ສືບຕໍ່ດຳເນີນກອງປະຊຸມເຈົ້າໜ້າທີ່ຂັ້ນສູງຂອງສະມາຄົມປະເທດອາຊີຕາເວັນອອກສຽງໃຕ້ (SOM ASEAN), ແຕ່ວັນທີ 7-8 ມິຖຸນານີ້ຢູ່ນະຄອນຫຼວງວຽງຈັນ (ລາວ), ທ່ານຮອງລັດຖະມົນຕີການຕ່າງປະເທດ ໂດ້ຮຸ່ງຫວຽດ, ຫົວໜ້າ SOM ASEAN ຫວຽດນາມ ໄດ້ເຂົ້າຮ່ວມ ASEAN+. 3 ກອງປະຊຸມ SOM, ກອງປະຊຸມສຸດຍອດອາຊີຕາເວັນອອກ (EAS) ແລະ ເວທີປາໄສພາກພື້ນອາຊຽນ (ARF).

	ຫວຽດນາມ ແມ່ນຄູ່ຮ່ວມມືສຳຄັນຂອງ ອີຣານ ຢູ່ ອາຊີຕາເວັນອອກສ່ຽງໃຕ້
	ຫວຽດນາມ ກະກຽມໃຫ້ງານມະຫາກຳກິລານັກຮຽນອາຊີຕາເວັນອອກສ່ຽງໃຕ້ ຄັ້ງທີ 13

ແຕ່ວັນທີ 06 – 07 ມິຖຸນາ, ຢູ່ນະຄອນຫຼວງ ວຽງຈັນ, ທ່ານຮອງລັດຖະມົນຕີການຕ່າງປະເທດ, ຫົວໜ້າ SOM ASEAN ຫວຽດນາມ, ໂດ້ຮຸ່ງຫວຽດ ໄດ້ເຂົ້າຮ່ວມກອງປະຊຸມເຈົ້າໜ້າທີ່ຂັ້ນສູງ SOM ASEAN, ກອງປະຊຸມຄະນະບໍລິຫານຄະນະກຳມະການສົນທິສັນຍາພາກພື້ນອາຊີຕາເວັນອອກສ່ຽງໃຕ້ ປອດອາວຸດນິວເຄຼຍ (SEANWFZ ExCom) ແລະ ກອງປະຊຸມຄັ້ງທີ 17 ກຸ່ມປະຕິບັດງານສະພາປະສານງານ ອາຊຽນ ກ່ຽວກັບ ຕີມໍເລສະເຕ (ACCWG-TL).

ຫວຽດນາມ ເຂົ້າຮ່ວມກອງປະຊຸມ SOM ອາຊຽນ +3, ກອງປະຊຸມສຸດຍອດອາຊີຕາເວັນອອກ, ເວທີປາໄສພາກພື້ນອາຊຽນ

ທ່ານຮອງລັດຖະມົນຕີການຕ່າງປະເທດ ຫວຽດນາມ ໂດ້ຮຸ່ງຫວຽດ

ທີ່ບັນດາກອງປະຊຸມ, ທ່ານຮອງລັດຖະມົນຕີ ໂດ້ຮຸ່ງຫວຽດ ໄດ້ເຂົ້າຮ່ວມ ແລະ ປະກອບສ່ວນຢ່າງມີປະສິດທິຜົນເຂົ້າໃນບັນດາເນື້ອໃນປຶກສາຫາລື, ພິເສດແມ່ນການຜັນຂະຫຍາຍບັນດາບຸລິມະສິດຂອງ ອາຊຽນ ປີ 2024, ກຳນົດທິດສ້າງຍຸດທະສາດຜັນຂະຫຍາຍປະຊາຄົມການເມືອງ - ຄວາມໝັ້ນຄົງ ອາຊຽນ 2045, ຍົກສູງວິທີສຳຜັດລວມຂອງ ອາຊຽນ ໃນການເຮັດໃຫ້ການພົວພັນກັບບັນດາຄູ່ຮ່ວມມືເລິກເຊິ່ງຂຶ້ນຕື່ມ, ຊຸກຍູ້ບັນດາປະເທດກຳມະສິດອາວຸດນິວເຄຼຍ (NSW) ເຊັນອະນຸສັນຍາສັນຍາ SEANWFZ, ເສີມຂະຫຍາຍບົດບາດ ແລະ ວິທີສຳຜັດຂອງ ອາຊຽນ ໜູນຊ່ວຍ ມຽນມາ, ໃນນັ້ນ, ມີການໜູນຊ່ວຍມະສຸດສະທຳໃຫ້ແກ່ປະຊາຊົນປະເທດນີ້…

ທ່ານຮອງລັດຖະມົນຕີຢືນຢັນວ່າ, ອາຊຽນ ຄວນຢືດໝັ້ນຫຼັກໝັ້ນລວມກ່ຽວກັບບັນຫາທະເລຕາເວັນອອກ ຄືດັ່ງໄດ້ຍົກອອກມາໃນຖະແຫຼງການຂອງບັນດາລັດຖະມົນຕີການຕ່າງປະເທດ ອາຊຽນ ກ່ຽວກັບການຮັກສາ ແລະ ຊຸກຍູ້ຄວາມສະຖຽນລະພາບເຂດທະເລອອກວັນທີ 30 ທັນວາ 2023.

ໂດຍສືບຕໍ່ບັນດາກອງປະຊຸມຂັ້ນສູງ ອາຊຽນ (SOM ASEAN), ໃນວັນທີ 07 – 08 ມິຖຸນາ, ຢູ່ນະຄອນຫຼວງ ວຽງຈັນ, ທ່ານຮອງລັດຖະມົນຕີການຕ່າງປະເທດ ຫວຽດນາມ ໂດ້ຮຸ່ງຫວຽດ, ຫົວໜ້າ SOM ASEAN ຫວຽດນາມ, ໄດ້ເຂົ້າຮ່ວມບັນດາກອງປະຊຸມ SOM ASEAN +3, ກອງປະຊຸມຂັ້ນສູງອາຊີຕາເວັນອອກ (EAS) ແລະ ເວທີປາໄສພາກພື້ນ ອາຊຽນ (ARF). ບັນດາກອງປະຊຸມໄດ້ທົບທ້ວນຄືນສະພາບການຮ່ວມມື ແລະ ເປັນເອກະພາບກຳນົດທິດການພັດທະນາບັນດາຂອບເຂດທີ່ກ່ຽວຂ້ອງໃນໄລຍະຈະມາເຖິງ.

ກ່າວຄຳເຫັນທີ່ບັນດາກອງປະຊຸມ, ທ່ານຮອງລັດຖະມົນຕີ ໂດ້ຮຸ່ງຫວຽດ ສະເໜີໃຫ້ບັນດາປະເທດໃຫ້ບຸລິມະສິດໃນການປັບປຸງ ແລະ ເສີມຂະຫຍາຍບົດບາດຂອງບັນດາຂອບເຂດ ASEAN+3, EAS ແລະ ARF ກັບ ASEAN ສວມບົດບາດໃຈກາງ, ປະກອບສ່ວນຢ່າງຕັ້ງໜ້າໃຫ້ແກ່ການຮັບປະກັນສະພາບແວດລ້ອມແຫ່ງສັນຕິພາບ, ຄວາມໝັ້ນຄົງ ແລະ ສະຖຽນະລະພາບ, ສ້າງຄວາມສະດວກ ໃຫ້ແກ່ຄວາມມານະພະຍາຍາມ ເພື່ອຊຸກຍູ້ການຮ່ວມມືຢ່າງແທດຈິງ, ພັດທະນາເຂດອະນຸພາກພື້ນ, ລວມທັງເຂດອະນຸພາກພື້ນແມ່ນ້ຳຂອງ, ມຸ່ງໄປເຖິງການເຕີບໂຕກວມລວມ ແລະ ການພັດທະນາແບບຍືນຍົງ…ໃນບົດບາດເປັນປະທານຮ່ວມກອງປະຊຸມກຸ່ມກາງສະໄໝ ARF ກ່ຽວກັບການກູ້ໄພກູ້ຊີບທຳມະຊາດ (ISM-DR) ໄລຍະເດືອນ ກໍລະກົດ 2023 - ກໍລະກົດ 2026, ທ່ານຮອງລັດຖະມົນຕີ ໄດ້ແບ່ງປັນແຜນການບັນດາການເຄື່ອນໄຫວ ຈະໄດ້ຜັນຂະຫຍາຍໃນໄລຍະຈະມາເຖິງ; ພ້ອມທັງແຈ້ງໃຫ້ຊາບການເຄື່ອນໄຫວຈຳນວນໜຶ່ງເຊິ່ງ ຫວຽດນາມ ຈະເປັນປະທານຮ່ວມຈັດຕັ້ງໃນປີກາງສະໄໝ 2024 – 2025.

ຫວຽດນາມ - ຈຸດພົ້ນເດັ່ນການເຕີບໂຕຢູ່ອາຊີຕາເວັນອອກສ່ຽງໃຕ້

ຍສໝ - ໃນໄຕມາດທີ 3 ຂອງປີ 2023 ໂດຍບໍ່ຫົວຊາທ່າອ່ຽງຫຼຸດລົງໃນທົ່ວໂລກ, ແຕ່ບັນດາພື້ນຖານເສດຖະກິດອາຊີຕາເວັນອອກສ່ຽງໃຕ້ ຍັງມີລະດັບການເຕີບໂຕທີ່ແຕກຕ່າງກັນ. ມາເລເຊຍ, ຟີລິບປິນ, ສິງກະໂປ ແລະ ຫວຽດນາມ ເຕີບໂຕດີຂຶ້ນ, ໃນຂະນະທີ່ ອິນໂດເນເຊຍ ແລະ ໄທ ເຕີບໂຕຊ້າລົງ.

ກິລາແລ່ນແລະລານຫວຽດນາມ ຍາດໄດ້ຫຼຽນຄຳຢູ່ ອາຊີຕາເວັນອອກສ່ຽງໃຕ້

ຍສໝ - ຕອນຄ່ຳວັນທີ 16 ກໍລະກົດ, ຢູ່ໄທ, ບັນດານັກກິລາ: ຫງວຽນທິຮ່ວຽນ, ຫງວຽນທິຮັ່ງ, ຫງວຽນທິຫງອກ, ຮ່ວາງທິມິງແຮັ້ງ ໄດ້ສ້າງຜົນງານດີເດັ່ນໃຫ້ກິລາປະເພດແລ່ນ ແລະລານ ຫວຽດນາມ ເມື່ອຍາດໄດ້ຫຼຽນຄຳແລ່ນຕໍ່ກໍາລັງແຮງ 4x400 ແມັດຍິງໃນການແຂ່ງຂັນກິລາແລ່ນ ແລະລານຊີງແຊມອາຊີ 2023.

ຄຳຮຸ່ງ

Tags: ອາຊີຕາເວັນອອກ