 | ນຳສະເໜີ ໃຫ້ ລາວ ສ້າງເງື່ອນໄຂສະດວກເພື່ອຮັບເອົາຄົນງານ ຫວຽດນາມ ໄປເຮັດວຽກ |
| ເພີ່ມພູນຄູນສ້າງການພົວພັນມິດຕະພາບ ຫວຽດນາມ ແລະ ລາວ ໃຫ້ຂຽວສົດງົດງາມ ໝັ້ນຄົງທະນົງແກ່ນຈົນຊົ່ວກະລະນານ |
ນີ້ແມ່ນກິດຈະການນຳໃຊ້ທຶນຊ່ວຍເຫຼືອລ້າຂອງລັດຖະບານ ຫວຽດນາມ ໃຫ້ແກ່ລັດຖະບານ ລາວ, ໂດຍຄະນະກຳມະການປະຊາຊົນແຂວງ ຮວ່າບິ່ງ ແລະ ອຳນາດການປົກຄອງແຂວງ ຫົວພັນ ສົມທົບກັນປະຕິບັດ.
 |
| ບັນດາຜູ້ແທນໄດ້ຖ່າຍຮູບລວມຢູ່ກະດານຊື່ໂຮງຮຽນ. ພາບ: ນັກຂ່າວ TTXVN ປະຈຳລາວ |
ເຂົ້າຮ່ວມພິທີມີທ່ານ ຫງວຽນຟີລອງ, ກໍາມະການສຳຮອງຄະນະບໍລິຫານງານສູນກາງພັກ, ເລຂາຄະນະພັກແຂວງ ຮ່ວາບິ່ງ; ທ່ານ ວຽງສະຫວັນ ວິໄລພອນ, ຮອງປະທານຜູ້ປະຈຳການຄະນະກໍາມະການຮ່ວມມື ລາວ-ຫວຽດນາມ; ທ່ານ ຄຳແພງ ໄຊສົມແພງ, ເລຂາພັກ, ເຈົ້າແຂວງໆຫົວພັນ; ທ່ານນາງ ກຽວທິຮັ່ງຟຸກ, ກົງສຸນໃຫຍ່ ຫວຽດນາມ ປະຈຳ ຫຼວງພະບາງ ພ້ອມກັນກັບພະນັກງານພະແນກ, ຂະແໜງການທີ່ກ່ຽວຂ້ອງສອງສອງປະເທດ ຫວຽດນາມ - ລາວ ເປັນຈຳນວນຫຼວງຫຼາຍ.
ໂຄງການມີຍອດຈຳນວນເງິນລົງທຶນແມ່ນ 156.228 ຕື້ດົ່ງ, ໃນນັ້ນທຶນຊ່ວຍເຫຼືອຈາກລັດຖະບານ ຫວຽດນາມ ແມ່ນ 126,6 ຕື້ດົ່ງ, ທຶນສົມທົບຈາກລັດຖະບານ ລາວ ແມ່ນ 29.596 ຕື້ດົ່ງ. ບັນດາລລາຍການທີ່ໄດ້ຮັບການລົງທຶນດ້ວຍທຶນຊ່ວຍເຫຼືອຈາກລັດຖະບານ ຫວຽດນາມ ລວມມີອາຄານຫ້ອງຮຽນສອງຊັ້ນ 1 ຫຼັງ, 8 ຫ້ອງຮຽນ/ຊັ້ນ, ເນື້ອທີ່ທັງໝົດ 1.390 ຕາແມັດ; ອຸປະກອນໂຕະ, ຕັ່ງ, ກະດານ; ອາຄານອະເນກປະສົງໜຶ່ງຊັ້ນ 1 ຫຼັງ, ເນື້ອທີ່ທັງໝົດ 989 ຕາແມັດ; ອາຄານບໍລິຫານ, ຫ້ອງການສອງຊັ້ນ 1 ຫຼັງ, ດ້ວຍຫ້ອງເຮັດວຽກ 8 ຫ້ອງ, ເນື້ອທີ່ທັງໝົດ 500 ຕາແມັດ; ອຸປະກອນພາຍໃນ; ອາຄານວິທະຍາສາດປະມວນວິຊາ, ຫໍສະໝຸດສອງຊັ້ນ 1 ຫຼັງ; ເນື້ອທີ່ທັງໝົດ 1,204 ຕາແມັດ; ອຸປະກອນທົດລອງ, ການສອນ ແລະ ປະຕິບັດຕົວຈິງ, ໂຕະ ແລະ ຕັ່ງ; ຫໍພັກສອງຊັ້ນ 1 ຫຼັງ, ເນື້ອທີ່ທັງໝົດ 689 ຕາແມັດ, ອຸປະກອນຕຽງ ແລະ ຕູ້ ແລະ ອຸປະກອນຊ່ວຍອື່ນໆອີກຫຼາຍຢ່າງ.
ກ່າວຄຳປາໄສທີ່ພິທີ, ທ່ານ ຫງວຽນຟີລອງ ໃຫ້ຮູ້ວ່າ ໂຄງການທີ່ໄດ້ຮັບການລົງທຶນ ເພື່ອຍົກສູງຄຸນນະພາບການສຶກສາ, ຊ່ວຍໃຫ້ນັກຮຽນທີ່ຮ່ຳຮຽນຕາມບັນດາຂັ້ນມັດທະຍົມແບບລວມສູນ, ອຳນວຍຄວາມສະດວກໃນການສິດສອນຂອງຄູອາຈານ ແລະ ການຄຸ້ມຄອງໂຮງຮຽນຈາກຂັ້ນມັດທະຍົມຕອນຕົ້ນຮອດມັດທະຍົມຕອນປາຍ ໃນບໍລິເວນເມືອງ ຫົວເມືອງ, ແຂວງ ຫົວພັນ; ພ້ອມກັນນັ້ນ, ໂຄງການຍັງຈະຊ່ວຍຝຶກອົບຮົມແຫຼ່ງພະນັກງານຢູ່ທ້ອງຖິ່ນ, ເປີດກວ້າງທິດທາງໃໝ່ທີ່ເຕັມໄປດ້ວຍຄວາມຫວັງໃຫ້ການພັດທະນາການສຶກສາ ແລະ ຍົກສູງລະດັບຄວາມຮູ້ຂອງປະຊາຊົນໃຫ້ເມືອງ ຫົວເມືອງ.
ໂດຍຕາງໜ້າໃຫ້ລັດຖະບານ ແລະ ປະຊາຊົນ ລາວ, ທ່ານ ວຽງສະຫວັນ ວິໄລພອນ, ຮອງປະທານຄະນະກຳມະການຮ່ວມມື ລາວ - ຫວຽດນາມ ໄດ້ສະແດງຄວາມຂອບອົກຂອບໃຈຢ່າງເລິກເຊິ່ງ ແລະ ຂອບໃຈຢ່າງຈິງໃຈຕໍ່ພັກ, ລັດ ແລະ ປະຊາຊົນ ຫວຽດນາມ ອ້າຍນ້ອງ ທີ່ໄດ້ໜຸນຊ່ວຍ, ຊ່ວຍເຫຼືອຢ່າງຮອບດ້ານໃຫ້ ລາວ ເວົ້າລວມ ແລະ ທ້ອງຖິ່ນທີ່ຍັງປະສົບກັບຄວາມຫຍຸ້ງຍາກຫຼາຍຂອງ ລາວ ເວົ້າສະເພາະ ໃນຕະຫຼອດໄລຍະຜ່ານມາ, ຄືກໍ່ສ້າງພື້ນຖານໂຄງລ່າງເພື່ອຮັບໃຊ້ວຽກງານການສຶກສາ ເພື່ອພັດທະນາແຫຼ່ງຊັບພະຍາກອນມະນຸດ, ສ້າງເງື່ອນໄຂສະດວກທຸກຢ່າງ ເພື່ອຮັບໃຊ້ວຽກງານການສອນໃຫ້ແກ່ຄູ-ອາຈານ ແລະ ນັກຮຽນໃນບໍລິເວນເມືອງ ຫົວເມືອງ ກໍຄືບັນດາເຂດໃກ້ຄຽງໃຫ້ໄດ້ນຳໃຊ້ໂຮງຮຽນທີ່ມີຄຸນນະພາບ ແລະ ສວຍງາມ ທີ່ຖືກຕາມມາດຕະຖານຂອງກະຊວງສຶກສາ ແລະ ກິລາຂອງ ລາວ ແລະ ແມ່ນເພື່ອໃຫ້ຊາວໜຸ່ມລາວ ລຸ້ນຫຼັງສາມາດສືບທອດການສຶກສາທີ່ມີຄຸນນະພາບອັນດີ ແລະ ປະກອບສ່ວນສ້າງສາປະເທດລາວໃຫ້ນັບມື້ນັບພັດທະນາ ແລະ ຈະເລີນຮຸ່ງເຮືອງໃນອະນາຄົດ.
 | ກະຊວງແຜນການ ແລະ ການລົງທຶນ ຫວຽດນາມ ໄດ້ມອບອຸປະກອນການແພດ ໃຫ້ ສປປ.ລາວ ປ້ອງກັນພະຍາດ COVID-19 ຍສໝ - ເມື່ອບໍ່ດົນມານີ້, ທີ່ສະຖານທູດ ສປປ.ລາວ ປະຈຳຫວຽດນາມ, ທ່ານ ຫງວຽນຈີ່ຢູ້ງ, ລັດຖະມົນຕີກະຊວງແຜນການ ແລະ ການລົງທຶນ ຫວຽດນາມ, ປະທານຄະນະກຳມາທິການຮ່ວມມື ຫວຽດນາມ-ລາວ ໄດ້ມອບອຸປະກອນການແພດມີມູນຄ່າ 10,000 ໂດລາສະຫະລັດ ໃຫ້ສະຖານທູດລາວ ປ້ອງກັນພະຍາດ COVID-19 |
 | ຫວຽດນາມ ຊ່ວຍສ້າງສະຖາບັນ ເສດຖະກິດ-ການເງິນ ໃຫ້ ສປປ ລາວ ຍສໝ - ສຳນັກຂ່າວຫວຽດນາມ ປະຈຳ ສປປ ລາວ ລາຍງານວ່າ: ໃນຕອນເຊົ້າຂອງວັນທີ 19 ກໍລະກົດ ທີ່ນະຄອນຫຼວງ ວຽງຈັນ, ກະຊວງການເງິນ ຫວຽດນາມ ຮ່ວມກັບ ກະຊວງການເງິນ ແຫ່ງ ສປປ ລາວ ໄດ້ຈັດພິທີສະຫຼອງການກໍ່ສ້າງໂຄງການ ກໍ່ສ້າງອາຄາສະຖາບັນ ເສດຖະກິດການເງິນ ດົງຄຳຊ້າງ ໄລຍະ 3. |
ມິງດຶກ
