ໂຄງການໂດຍອົງການ Hue Help (ອັງກິດ) ແນໃສ່ໜູນຊ່ວຍດ້ານການສຶກສາ, ຍົກສູງຄຸນນະພາບການສຶກສາ ແລະ ຄວາມມ່ວນຊື່ນບັນເທີງໃຫ້ເດັກນ້ອຍທີ່ໄດ້ຮັບການລ້ຽງດູຢູ່ສູນວຽກງານສັງຄົມ ແລະ ກອງທຶນປົກປ້ອງເດັກນ້ອຍ (ເຮືອນເລກທີ 65 ດັ້ງເຕີດ, ຕາແສງ ອ່ານຮວ່າ, ນະຄອນ ເຫວ້), ຜ່ານນັ້ນ ກໍໄດ້ຊ່ວຍໃຫ້ເດັກນ້ອຍມີຄວາມອາດສາມາດທີ່ຈະເປັນເຈົ້າຕົນເອງ, ເຊື່ອມໂຍງເຂົ້າກັບຊຸມຊົນ ແລະ ກາຍເປັນຜູ້ທີ່ເປັນປະໂຫຍດຂອງສັງຄົມ.
 |
| ໂຄງການໂດຍອົງການ Hue Help (ອັງກິດ) ອຸປະຖຳເພື່ອຊ່ວຍໃຫ້ເດັກນ້ອຍມີຄວາມອາດສາມາດທີ່ຈະເປັນເຈົ້າຕົນເອງ, ເຊື່ອມໂຍງເຂົ້າກັບຊຸມຊົນ ແລະ ກາຍເປັນຜູ້ທີ່ເປັນປະໂຫຍດຂອງສັງຄົມ - (ພາບ: Fanpage Hue Help). |
ນອກນີ້, ອົງການ Hue Help (ອັງກິດ) ກໍຈະໜູນຊ່ວຍຄ່າໃຊ້ຈ່າຍຮ່ຳຮຽນ ແລະ ຄວາມມ່ວນຊື່ນບັນເທິງໃຫ້ແກ່ເດັກນ້ອຍ 19 ຄົນ ທີ່ໄດ້ຮັບການລ້ຽງດູຢູ່ສູນວຽກງານສັງຄົມ ແລະ ກອງທຶນປົກປ້ອງເດັກນ້ອຍ ລວມມີ: ຄ່າຮຽນຢູ່ມະຫາວິທະຍາໄລ, ຊັ້ນສູງ; ຄ່າໃຊ້ຈ່າຍໃນການຈ້າງຄູສອນ, ຮຽນເພີ່ມ; ຄ່າໃຊ້ຈ່າຍໃນການຈ້າງຄູສອນພິເສດ; ຄ່າໃຊ້ຈ່າຍເພື່ອການບັນເທີງ.
ໂດຍສ້າງຕັ້ງຂຶ້ນໃນປີ 2006, Hue Help ເປັນອົງການທີ່ບໍ່ຫວັງຜົນກຳໄລ ເຄື່ອນໄຫວກັບເປົ້າໝາຍແກ້ໄຂບັນດາສິ່ງທ້າທາຍດ້ານສຸຂະພາບ, ການສຶກສາ ແລະ ຄວາມປອດໄພໃຫ້ແກ່ເດັກນ້ອຍຢູ່ແຂວງ ເທື່ອທຽນເຫວ້ ແລະ ປັບປຸງສຸຂະພາບ, ການສຶກສາ ແລະ ອະນາຄົດໃຫ້ແກ່ເດັກດ້ອຍທີ່ປະສົມກັບຄວາມຫຍຸ້ງຍາກຢູ່ ຫວຽດນາມ.
ນັບແຕ່ໄດ້ຮັບການສ້າງຕັ້ງເປັນຕົ້ນມາ, Hue Help ໄດ້ພັດທະນາທັງກ່ຽວກັບຂະໜາດ ແລະ ກຳລັງຄວາມສາມາດ, ປະຈຸບັນ ພວມປະຕິບັດບັນດາໂຄງການຢູ່ຫຼາຍແຂວງ/ນະຄອນ ໃນ ຫວຽດນາມ, ຮ່ວມມືກັບອຳນາດການປົກຄອງ ກໍຄືບັນດາອົງການຢູ່ທ້ອງຖິ່ນ ແລະ ແຫ່ງຊາດ.
ມິງດຶກ
