| WVI ອຸປະຖຳ ເກືອບ 48 ຕື້ດົ່ງ ເພື່ອໜູນຊ່ວຍເດັກນ້ອຍທຸກຍາກຢູ່ເມືອງ ບ໋າເທຶອກ | |
| 76 ທີມບານເຕະເຂົ້າຮ່ວມກອງປະຊຸມໃຫຍ່ບານເຕະຊາວ ຫວຽດນາມ ຢູ່ເຂດ Kanto (ຍີ່ປຸ່ນ) |
ໂຄງການກໍ່ສ້າງຕົວແບບໂຮງຮຽນອະນຸບານ K-ing ແມ່ນໄດ້ຮັບການອຸປະຖຳດ້ວຍເປົ້າໝາຍ ເພື່ອສ້າງເງື່ອນໄຂໃຫ້ເດັກນ້ອຍທີ່ມີອາຍຸໃນເກນອະນຸບານຢູ່ບ້ານ K-ing, ຕາແສງຊາຍແດນ ຈ້ອງຮວາ (ເມືອງ ມິງຮວາ, ແຂວງ ກວາງບິ່ງ) ໄດ້ມີໂອກາດຮ່ຳຮຽນ ແລະ ສຶກສາໃນເງື່ອນໄຂດີກ່ວາ, ປອດໄພກວ່າ, ປະກອບສ່ວນປະຕິບັດໂຄງການຫັນການສຶກສາໃຫ້ມີລັກສະນະສັງຄົມ.
 |
| ຕົວແບບໂຮງຮຽນອະນຸບານບ້ານ A Quan (ຕາແສງ Lia, ເມືອງ ເຮຶ໋ອງຮວາ, ແຂວງ ກວາງຈີ້) ໂດຍອົງການ PeaceTrees ຫວຽດນາມ ອຸປະຖຳ. |
ດ້ວຍຍອດຈຳນວນທຶນປະຕິບັດກວ່າ 997 ລ້ານດົ່ງ, ໃນນັ້ນ ທຶນບ້ວງຊ່ວຍເຫຼືອລ້າແມ່ນ 600 ລ້ານດົ່ງ; ທຶນສົມທົບກວ່າ 397 ລ້ານດົ່ງ, ໂຄງການນີ້ ໄດ້ມອບໃຫ້ຄະນະຄຸ້ມຄອງໂຄງການລົງທຶນກໍ່ສ້າງ ແລະ ພັດທະນາກອງທຶນທີ່ດິນເມືອງ ມິງຮວາ ຄຸ້ມຄອງ ແລະ ປະຕິບັດໂດຍກົງ.
ຄາດວ່າໃນປີ 2024, ໂຄງການ ຈະກໍ່ສ້າງຕົວແບບໂຮງຮຽນອະນຸບານດ້ວຍຂອບຂະໜາດກິດຈະການ ລວມມີ 01 ຫ້ອງຮຽນ, ຫ້ອງເກັບເຄື່ອງ, ຫ້ອງນ້ຳ, ລະບຽງ; ອຸປະກອນໄຟຟ້າ, ນໍ້າ; ຫຼັງຄາເດີ່ນທາງໜ້າ, ເດີ່ນຊີມັງທີ່ຮັບປະກັນມາດຕະຖານການຮຽນການສອນ.
ໂດຍໄດ້ຮູ້ວ່າ PTVN ແມ່ນໜຶ່ງໃນບັນດາອົງການບໍ່ຂຶ້ນກັບລັດຖະບານຕ່າງປະເທດແຫ່ງທຳອິດທີ່ມາ ຫວຽດນາມ ເພື່ອໜູນຊ່ວຍການແກ້ໄຂຜົນຮ້າຍທີ່ຕາມມາຈາກສົງຄາມ. ປະຈຸບັນ, PTVN ເຄື່ອນໄຫວດ້ານໜູນຊ່ວຍການເກັບກູ້ ແລະ ສຶກສາຍົກສູງຄວາມຮູ້ກ່ຽວກັບລູກລະເບີດໜາກມິນ, ການພັດທະນາຊຸມຊົນ; ບໍລິເວນເຄື່ອນໄຫວແມ່ນຢູ່ 02 ແຂວງ ກວາງບິ່ງ ແລະ ກວາງຈີ້.
ຢູ່ກວາງບິ່ງ, PTVN ໄດ້ສົມທົບກັນກໍ່ສ້າງ, ຜັນຂະຫຍາຍບັນດາການເຄື່ອນໄຫວແກ້ໄຂຜົນຮ້າຍທີ່ຕາມມາຈາກລູກລະເບີດໝາກມິນ, ວັດຖຸລະເບີດທີ່ຕົກຄ້າງຈາກສົງຄາມ ດ້ວຍເປົ້າໝາຍຫຼຸດຜ່ອນຄວາມສ່ຽງຈາກອຸບັດຕິເຫດຈາກລູກລະເບີດໝາກມິນໃຫ້ແກ່ປະຊາຊົນ ກວາງບິ່ງ ໂດຍຜ່ານການໜູນຊ່ວຍເກັບກູ້, ເກັບໂຮມ, ຈັດການລູກລະເບີດໝາກມິນ, ວັດຖຸລະເບີດບໍ່ທັນແຕກໃນແຂວງ.
ນອກຈາກນັ້ນ, PTVN ຍັງໜູນຊ່ວຍການເຄື່ອນໄຫວພັດທະນາເສດຖະກິດ-ສັງຄົມຢູ່ເຂດຫ່າງໄກສອກຫຼີກ, ດ້ອຍໂອກາດ; ໜູນຊ່ວຍຊຸມຊົນ, ປະຊາຊົນໃນບໍລິເວນແຂວງ ກວາງບິ່ງ ທີ່ຖືກຜົນກະທົບຈາກຈາກລູກລະເບີດໝາກມິນ, ວັດຖຸລະເບີດຫຼັງສົງຄາມ ເພື່ອປະກອບສ່ວນຍົກສູງຄຸນນະພາບຊີວິດໂດຍຜ່ານຫຼາຍລາຍການ, ໂຄງການ.
ມິງດຶກ
