ຕອນບ່າຍວັນທີ 19 ພຶດສະພາ, ຢູ່ໂຮງລະຄອນ Greenwood, ມະຫາວິທະຍາໄລ King's College London, ອັງກິດ, ລາຍການສະແດງ Vietnam Cultural Show London 2024 ໄດ້ໄຂຂຶ້ນດ້ວຍຫົວຂໍ້ທົ່ວຫວຽດນາມ ຈາກເໜືອເຖິງໃຕ້ “ນີ້ແມ່ນຫວຽດນາມ”.
ນີ້ແມ່ນການເຄື່ອນໄຫວສະເຫຼີມສະຫຼອງວັນບຸນໃຫຍ່ຂອງຫວຽດນາມ ເຊັ່ນ: ວັນສະເຫຼີມສະຫຼອງ 70 ປີແຫ່ງວັນໄຊຊະນະ ດ້ຽນບຽນຝູ (7 ພຶດສະພາ 1954 – 7 ພຶດສະພາ 2024) ແລະ ວັນຄ້າຍວັນເກີດ 134 ປີແຫ່ງວັນເກີດປະທານໂຮ່ຈິມິນ (19 ພຶດສະພາ 1890 – 19 ພຶດສະພາ 2024). ໂຄງການໄດ້ດຶງດູດການເຂົ້າຮ່ວມຂອງນາງງາມເກືອບ 100 ຄົນ, ມີພອນສະຫວັນ, ນາງແບບສາກົນ, ນັກຮ້ອງຫວຽດນາມ, ເດັກນ້ອຍໃນຊຸມຊົນ ແລະ ນັກສຶກສາຫວຽດນາມ ທີ່ດຳລົງຊີວິດ ແລະ ຮໍ່າຮຽນຢູ່ອັງກິດ.
 |
Vietnam Cultural Show London 2024: ໂຄສະນາວັດທະນະທຳ ຫວຽດນາມ ສູ່ເພື່ອນມິດສາກົນ |
ບັນດາລາຍການສະແດງດົນຕີ ແລະ ແຟຊັນທີ່ອຸດົມສົມບູນ ແລະ ຫຼາຍຮູບຫຼາຍແບບ, ແນະນຳບັນດາປະເພດສິລະປະ ແລະ ວັດທະນະທຳທີ່ເປັນເອກະລັກ, ພົ້ນເດັ່ນຂອງທັງ 3 ພາກເໜືອ - ກາງ - ໃຕ້ ຂອງ ຫວຽດນາມ ໃນລາຍການ ອັນໄດ້ຮັບການຄວາມສົນໃຈ ແລະ ກຳລັງໃຈຢ່າງລົ້ນເຫຼືອຈາກຜູ້ຊົມກວ່າ 300 ຄົນ, ເຊິ່ງເປັນຊາວ ຫວຽດນາມ ດຳລົງຊີວິດຢູ່ ອັງກິດ ແລະ ເພື່ອນມິດສາກົນທີ່ຮັກສິລະປະ ແລະ ວັດທະນະທຳ ຫວຽດນາມ.
ລາຍການດັ່ງກ່າວ ແມ່ນຂໍ້ລິເລີ່ມຂອງສະຫະພັນແມ່ຍິງສາກົນ ຫວຽດນາມ ປະຈຳ ລາຊະອານາຈັກ ອັງກິດ, ບໍລິສັດ Park Pharmacy ແລະ ເຄື່ອງໝາຍການຄ້າ ຊຸດເສື້ອຍາວ Love Collection ເຊິ່ງໄດ້ຈັດຂຶ້ນປະຈຳປີ ເພື່ອແນໃສ່ເຊີດຊູ ແລະ ແຜ່ຂະຫຍາຍຄວາມງາມຂອງວັດທະນະທຳ ຫວຽດນາມ ເຖິງເພື່ອນມິດສາກົນ ພ້ອມທັງຍົກສູງພາບພົດປະຊາຄົມຊາວ ຫວຽດນາມ ອາໄສຢູ່ປະເທດປະຈຳຖິ່ນ.
ຄຳຮຸ່ງ
