| ຂີດໝາຍຂອງ ຫວຽດນາມ ໃນປີທຳອິດທີ່ຮັບດຳລົງຖານະເປັນສະມາຊິກສະພາສິດທິມະນຸດ ສະຫະປະຊາຊາດ | |
| ຄະນະຜູ້ແທນຫວຽດນາມ ປະຈຳ ສະຫະປະຊາຊາດ ໄດ້ສະເຫຼີມສະຫຼອງວັນສ້າງຕັ້ງກອງທັບປະຊາຊົນຫວຽດນາມ |
ມະຕິຮຽກຮ້ອງໃຫ້ບັນດາປະເທດ ແລະ ອົງການສາກົນທີ່ກ່ຽວຂ້ອງ ຜັນຂະຫຍາຍບັນດາການເຄື່ອນໄຫວປະຕິບັດຕົວຈິງໃນປີ 2026 ເພື່ອຍົກສູງຄວາມຮັບຮູ້ຂອງສັງຄົມກ່ຽວກັບບັນດາຮົ້ວກີດຂວາງ, ສິ່ງທ້າທາຍທີ່ແມ່ຍິງເຮັດວຽກງານກະສິກຳຕ້ອງປະເຊີນໜ້າ. ພ້ອມກັນນັ້ນ, ກໍຊຸກຍູ້ໃຫ້ລັດຖະບານວາງອອກບັນດານະໂຍບາຍ, ວິທີແກ້ໄຂເພື່ອຍົກສູງຄວາມສະເໝີພາບລະຫວ່າງຍິງ-ຊາຍ ແລະ ມອບສິດໃຫ້ແກ່ແມ່ຍິງໃນຂົງເຂດກະສິກຳ.
 |
| ສະມັດຊາໃຫຍ່ສະຫະປະຊາຊາດ ໄດ້ເຫັນດີເປັນເອກະພາບຜ່ານມະຕິເລືອກເອົາປີ 2026 ເປັນປີສາກົນແມ່ຍິງເຮັດວຽກງານກະສິກຳ. (ຮູບປະກອບ) |
ນອກຈາກນັ້ນ, ບັນດາການເຄື່ອນໄຫວ ຍັງເພື່ອເປັນການເຊີດຊູບັນດາຂໍ້ລິເລີ່ມ, ນະໂຍບາຍ ແລະ ການກະທຳທີ່ມຸງໄປເຖິງ ກໍຄືພວມໄດ້ປະຕິບັດເພື່ອແກ້ໄຂບັນດາບັນຫານີ້, ໂດຍຜ່ານນັ້ນ ກໍບັນລຸໄດ້ເປົ້າໝາຍຄວາມສະເໝີພາບລະຫວ່າງຍິງ-ຊາຍ ແລະ ມອບສິດໃຫ້ແກ່ແມ່ຍິງໃນຂົງເຂດກະສິກຳ.
ອົງການອາຫານ ແລະ ການກະເສດ (FAO) ຈະປະສານສົມທົບກັບບັນດາອົງການອື່ນໆຂອງສະຫະປະຊາຊາດ ທີ່ຕັ້ງຢູ່ Rome, ອີຕາລີ, ເພື່ອໜຸນຊ່ວຍປະຕິບັດມະຕິ ແລະ ຈັດຕັ້ງບັນດາການເຄື່ອນໄຫວໃຫ້ປີສາກົນແມ່ຍິງເຮັດວຽກງານກະສິກຳ.
ຢູ່ຫວຽດນາມ, ແມ່ຍິງກວມເອົາ 50% ຈຳນວນຄົນງານທີ່ເຮັດວຽກໃນຂະແໜງກະສິກຳ ແລະ ເກືອບ 80% ໃນບັນດາສະຫະກອນ, ເຊິ່ງໄດ້ປະກອບສ່ວນສຳຄັນທີ່ສຸດເຂົ້າໃນການພັດທະນາຂອງຂະແໜງເສດຖະກິດປາຍແຫຼມໜຶ່ງຂອງປະເທດຊາດ. ໃນຊຸມປີມໍ່ໆມານີ້, ຫວຽດນາມ ໄດ້ມີຫຼາຍນະໂຍບາຍປະຕິບັດຕົວຈິງເພື່ອໜູນຊ່ວຍ, ປົກປັກຮັກສາສິດ ແລະ ຍົກສູງບົດບາດຂອງແມ່ຍິງໃນຂົງເຂດກະສິກຳ.
ໂດຍຜ່ານການເຂົ້າຮ່ວມກຸ່ມຫຼັກແຫຼ່ງທີ່ສ້າງ ແລະ ແນະນຳມະຕິ, ຫວຽດນາມ ໄດ້ປະກອບສ່ວນຢ່າງຕັ້ງໜ້າເຂົ້າໃນຂະບວນການເຈລະຈາ ແລະ ຊຸກຍູ້ບັນດາຂໍ້ລິເລີ່ມທີ່ມີຄວາມໝາຍນີ້ ໃຫ້ໄດ້ຮັບການຮັບຮອງເອົາຈາກສະມັດຊາໃຫຍ່ສະຫະປະຊາຊາດ.
ມິງດຶກ
