ທ່ານນາງ ຫງວຽນ ທິ້ ກິມ ເງິນ ແລະ ທ່ານ ນາງ Cecilia Malmstrom. (ພາບ: baochinhphu.vn)

ທີ່ການຕ້ອນຮັບ, ທ່ານນາງ ຫງວຽນທິ້ ກິມ ເງິນ ໄດ້ສະແດງຄວາມຍິນດີ ແລະ ຊົມເຊີຍເລື່ອງສອງຝ່າຍລົງນາມໃນສັນຍາການຄ້າເສລີ (EVFTA) ແລະ ສັນຍາອາລັກຂາການລົງທຶນ (IPA) ຢ່າງເປັນທາງການ ເມື່ອວັນທີ 30 ມິຖຸນາ 2019 ນີ້. ພ້ອມທັງໃຫ້ຮູ້ວ່າ: ສະພາແຫ່ງຊາດ ຫວຽດນາມ ຈະລາຍງານເລື່ອງໃຫ້ສັດຕະຍາບັນສັນຍາສອງສະບັບສຳຄັນນີ້ໃນວາລະກອງປະຊຸມສະໄໝສະມັນຈະມາເຖິງເພື່ອພິຈາລະນາຮັບຮອງເອົາ EVFTA ແລະ IPA, ສືບຕໍ່ເຮັດໃຫ້ລະບົບກົດໝາຍໃຫ້ສົມບູນແບບ, ເໝາະສົມ ກັບກົດໝາຍສາກົນ.

ທີ່ການຕ້ອນຮັບ, ທ່ານນາງ Cecilia Malmstrom ກໍ່ໄດ້ເນັ້ນໜັກວ່າ: ເລື່ອງລົງນາມໃນສັນຍາສອງສະບັບດັ່ງກ່າວເປັນເຫດການສຳຄັນທີ່ສະແດງໃຫ້ເຫັນຄວາມປາດຖະໜາ ແລະ ຄວາມມຸ່ງຫວັງຂອງທັງສອງຝ່າຍ, ປັບປຸງການພົວພັນຄູ່ຮ່ວມມື ແລະ ຮ່ວມມືຮອບດ້ານລະຫວ່າງ ສອງຝ່າຍໃຫ້ດີງາມ ກ່ວາອີກ. ດ້ວຍສັນຍາ EVFTA ແລະ IPA, ສອງຝ່າຍປາດຖະໜາຢາກໃຫ້ການພົວພັນຮ່ວມມືກ້າວໄປກ່ວາບົນພື້ນຖານປະຕິບັດບັນດາຄຳໝັ້ນສັນຍາລວມ ແລະ ສຸມໃສ່ເຂົ້າຂົງເຂດການຄ້າ, ການລົງທຶນໃຫ້ຫຼາຍກ່ວາອີກ.

（ໄຊພອນ）