| ເທື່ອທຽນເຫວ້ ໄດ້ປະກອບສ່ວນເຂົ້າໃນການປັບປຸງ, ເພີ່ມທະວີ ແລະ ຜັນຂະຫຍາຍສາຍພົວພັນລະຫວ່າງ ຫວຽດນາມ ແລະ ຍີ່ປຸ່ນ | |
| ຫວຽດນາມ - ກຣົວຊີ ຊຸກຍູ້ການຮ່ວມມືໃນຂົງເຂດແຮງງານ ແລະ ບຳລຸງສ້າງວິຊາຊີບ |
ທີ່ການພົບປະເຈລະຈາ, ສອງຝ່າຍໄດ້ແຈ້ງໃຫ້ກັນກ່ຽວກັບໝາກຜົນຂອງວຽກງານພາຍໃນຂອງແຕ່ລະປະເທດໃນປີ 2023, ພິເສດ ແມ່ນໃນວຽກງານສ້າງສຳເລັດກົດບັນຍັດ (ລະບອບລະບຽບການ); ວຽກງານຊັບຊ້ອນອົງການກົງຈັກ, ຫຼຸດຜ່ອນພະນັກງານ ແລະ ການປະຕິຮູບລະບົບວຽກຫຼວງ.
ໂດຍຕີລາຄາໝາກຜົນການຮ່ວມມືດ້ານວຽກງານພາຍໃນລະຫວ່າງສອງປະເທດພາຍຫຼັງສອງກະຊວງພາຍໃນ ໄດ້ລົງນາມໃນບົດບັນທຶກຊ່ວຍຈຳກ່ຽວກັບການຮ່ວມມືໄລຍະ 2023-2026, 2 ຝ່າຍຍິນທີ່ດີເຫັນວ່າ ໃນໄລຍະມໍ່ໆມານີ້, ການຮ່ວມມືລະຫວ່າງສອງກະຊວງນັບມື້ນັບແທດຈິງ ແລະ ມີປະສິດທິຜົນ. ບໍ່ພຽງແຕ່ຈະສືບຕໍ່ຮັກສາການຢ້ຽມຢາມພົບປະຂັ້ນສູງ ແລະ ທຸກຂັ້ນຕາມຮູບແບບທີ່ໄຫວພິບເທົ່ານັ້ນ, ແຕ່ສອງຝ່າຍຍັງຈະສືບຕໍ່ເພີ່ມທະວີການຮ່ວມມືໃນຂົງເຂດບຳລຸງສ້າງ, ບຳລຸງພະນັກງານ, ລັດຖະກອນໃນການຄຸ້ມຄອງລັດໃນຂົງເຂດວຽກງານພາຍໃນຂອງ ລາວ, ບຳລຸງສ້າງນັກສຶກສາລາວ ລະດັບປະລິນຍາຕີ ແລະ ຫຼັງມະຫາລົງເລິກຂະແໜງການບໍລິຫານລັດ, ການຄຸ້ມຄອງລັດ, ວຽກງານຫ້ອງການ, ສຳເນົາເອກະສານ...
 |
| ຄະນະຜູ້ແທນ ຫວຽດນາມ ທີ່ການພົບພະເຈລະຈາ. ພາບ: ຟ້າມກຽນ/TTXVN |
ສອງຝ່າຍເຫັນດີເປັນເອກະພາບວ່າ ມີຜົນສຳເລັດ ແລະ ປະສິດທິຜົນຂອງການຮ່ວມມືຄືຂ້າງເທິງນີ້ ແມ່ນຍ້ອນການສົມທົບກັນຢ່າງແໜ້ນແຟ້ນ ແລະ ຕັ້ງໜ້າຂອງສອງຝ່າຍ, ການເອົາໃຈໃສ່, ຊີ້ນຳຢ່າງໃກ້ຊິດ ແລະ ທັນການຂອງການນຳຂອງສອງກະຊວງ ແລະ ຄວາມສຸດຈິດສຸດໃຈຂອງບັນດານັກວິຊາການະຕິບັດໜ້າທີ່... ທັງສອງຝ່າຍຢືນຢັນວ່າ ນີ້ບໍ່ພຽງແຕ່ສ້າງຜົນສຳເລັດ ແລະ ປະສິດທິຜົນໃນການເຄື່ອນໄຫວຮ່ວມມືເທົ່ານັ້ນ, ຫາກຍັງປະກອບສ່ວນເພີ່ມທະວີ ແລະ ປັບປຸງສາຍພົວພັນອັນດີງາມທີ່ມີຢູ່ແລ້ວລະຫວ່າງກະຊວງພາຍໃນຂອງສອງປະເທດ ຫວຽດນາມ ແລະ ລາວ ອ້າຍນ້ອງ.
ເພື່ອເສີມຂະຫຍາຍບັນດາໝາກຜົນທີ່ບັນລຸໄດ້ ແລະ ນຳການພົວພັນຮ່ວມມືລະຫວ່າງສອງກະຊວງໃຫ້ນັບມື້ນັບແທດຈິງ, ມີປະສິດທິຜົນ ແລະ ເລິກເຊິ່ງກ່ວາອີກນັ້ນ, ການນຳຂອງສອງກະຊວງ ໄດ້ເຫັນດີເປັນເອກະພາບກັນວ່າ ໃນໄລຍະ 2024-2026, ກະຊວງພາຍໃນ ຫວຽດນາມ ແລະ ລາວ ຈະສືບຕໍ່ສຸມໃສ່ເຂົ້າໃນບັນດາການເຄື່ອນໄຫວສຳຄັນຈຸດສຸມ ລວມມີ: ສືບຕໍ່ໜູນວຽນຈັດຕັ້ງການພົບປະແລກປ່ຽນຄະນະຜູ້ແທນຂັ້ນສູງຂອງກະຊວງ ແລະ ການນຳບັນດາຫົວໜ່ວຍ, ຂຶ້ນກັບສອງກະຊວງຕິດພັນກັບການຕີລາຄາໝາກຜົນການຮ່ວມມືປະຈຳປີ; ຈັດຕັ້ງຊຸດຝຶກອົບຮົມໄລຍະສັ້ນ 1-3 ເດືອນໃນຂົງເຂດວຽກງານພາຍໃນ ຢູ່ສະຖາບັນການປົກຄອງແຫ່ງຊາດ; ສືບຕໍ່ບຳລຸງສ້າງນັກສຶກສາ ລາວ ໃນຂົງເຂດວຽກງານພາຍໃນການບໍລິຫານລັດ, ການຄຸ້ມຄອງລັດ; ເພີ່ມທະວີການພົບປະແລກປ່ຽນ, ແບ່ງປັນປະສົບການ ແລະ ແບ່ງປັນການໜູນຊ່ວຍໂດຍກົງໃນແຕ່ລະຂົງເຂດເຊິ່ງສອງຝ່າຍມີທ່າແຮງໂດຍຜ່ານບັນດາຫົວໜ່ວຍທີ່ກ່ຽວຂ້ອງຄື ບຳລຸງສ້າງ, ບຳລຸງພະນັກງານ, ລັດຖະກອນກ່ຽວກັບງຽກງານການບໍລິຫານ, ສະໝຽນຫ້ອງການສຳເນົາເອກະສານ, ສາສະໜາ, ຄວາມເຊື່ອຖື, ການແຂ່ງຂັນ, ຍ້ອງຍໍ ແລະ ມອບລາງວັນ, ວິທະຍາສາດການຈັດຕັ້ງຂອງລັດ...
ສອງຝ່າຍ ກໍໄດ້ເຫັນດີເປັນເອກະພາບສົມທົບກັນຍື່ນຕໍ່ລັດຖະບານສອງປະເທດເພື່ອອະນຸມັດການຜັນຂະຫຍາຍໂຄງການຫັນເປັນດິຈິຕອນຂອງກະຊວງພາຍໃນລາວ ເພື່ອຊ່ວຍໃຫ້ກະຊວງພາຍໃນ ແລະ ຂະແໜງການວຽກງານພາຍໃນ ລາວ ຍົກສູງປະສິດທິຜົນການດຳເນີນງານ, ເພີ່ມທະວີລັກສະນະເປີດເຜີຍ, ກະຈ່າງແຈ້ງ, ປະຢັດຄ່າໃຊ້ຈ່າຍ ແລະ ເວລາ.
ມິງດຶກ
