| ຫວຽດນາມ - ກຣົວຊີ ຊຸກຍູ້ການຮ່ວມມືໃນຂົງເຂດແຮງງານ ແລະ ບຳລຸງສ້າງວິຊາຊີບ | |
| ຫວຽດນາມ ເນັ້ນໜັກເຖິງບັນດາຄຸນຄ່າ ແລະ ຫຼັກການຂອງກົດບັດ ສປຊ ແມ່ນພື້ນຖານຂອງກົດໝາຍສາກົນ |
 |
| ທ່ານເລຂາທິການໃຫຍ່ ຫງວຽນຟູ໋ຈ້ອງ ແລະທ່ານເລຂາທິການໃຫຍ່, ປະທານປະເທດລາວ ທອງລຸນ ສີສຸລິດ ທີ່ກອງປະຊຸມຂັ້ນສູງລະຫວ່າງພັກກອມມູນິດ ຫວຽດນາມ ແລະ ພັກປະຊາຊົນປະຕິວັດ ລາວ ໃນວັນທີ 26 ກຸມພາ 2024, ຢູ່ຮ່າໂນ້ຍ. (ພາບ: TTXVN) |
ເນື້ອໃນມີໃນວັກຂຽນວ່າ:
“ໃນໄລຍະຕະຫຼອດເສັ້ນທາງປະຫວັດສາດ 69 ປີທີ່ຜ່ານມາ, ໂດຍສະເພາະແມ່ນພາຍຫຼັງ 37 ປີແຫ່ງການປະຕິບັດນະໂຍບາຍແນວທາງປ່ຽນແປງໃໝ່ຮອບດ້ານ, ໂດຍການນຳພາອັນສະຫຼາດສ່ອງໃສຂອງພັກປະຊາຊົນປະຕິວັດ ລາວ, ປະເທດ ແລະ ປະຊາຊົນ ລາວ ອ້າຍນ້ອງ ໄດ້ເສີມຂະຫຍາຍມູນເຊື້ອວິລະຊົນປະຕິວັດ, ເອົາຊະນະທຸກຄວາມຫຍຸ້ງຍາກ, ສິ່ງທ້າທາຍ, ບັນລຸໄດ້ບັນດາຜົນງານອັນໃຫຍ່ຫຼວງ, ມີຄວາມໝາຍທາງປະຫວັດສາດໃນການຕໍ່ສູ້ປົດປ່ອຍຊາດໃນໄລຍະຜ່ານມາ, ກໍຄືໃນພາລະກິດແຫ່ງການປ່ຽນແປງໃໝ່, ປົກປັກຮັກສາ ແລະ ສ້າງສາປະເທດຊາດໃນປະຈຸບັນ, ປະກອບສ່ວນຍົກສູງກຽດສັກສີ ແລະ ທີ່ຕັ້ງຂອງພັກ ແລະ ລັດ ລາວ ບົນເວທີສາກົນ. ບັນດາຜົນງານທີ່ບັນລຸໄດ້ນັ້ນແມ່ນຄວາມຜາສຸກລວມຂອງສອງພັກ, ສອງລັດ, ປະຊາຊົນສອງປະເທດ.
ພັກ, ລັດ ແລະ ປະຊາຊົນ ຫວຽດນາມ ສະໜັບສະໜູນພາລະກິດແຫ່ງການປ່ຽນແປງໃໝ່ຂອງ ລາວ ຢ່າງແຮງ ແລະ ຮອບດ້ານ ແລະ ເຊື່ອໝັ້ນວ່າ ຈະສືບຕໍ່ມູນເຊື້ອອັນສະຫງ່າລາສີຂອງຊາດ ແລະ ຜັນຂະຫຍາຍບັນດາຜົນງານທີ່ບັນລຸໄດ້ໃນຊຸມປີຜ່ານມາ, ໂດຍການນຳພາຂອງພັກປະຊາຊົນ ປະຕິວັດ ລາວ, ປະເທດຊາດ ແລະ ປະຊາຊົນ ລາວ ອ້າຍນ້ອງ ຈະສືບຕໍ່ບັນລຸໄດ້ຫຼາຍຜົນງານອັນໃໝ່, ໃຫຍ່ຫຼວງກວ່າເກົ່າໃນພາລະກິດແຫ່ງການປ່ຽນແປງໃໝ່, ປະຕິບັດມະຕິກອງປະຊຸມໃຫຍ່ຄັ້ງທີ XI ຂອງພັກປະຊາຊົນປະຕິວັດ ລາວ ຢ່າງມີໄຊ, ໄດ້ຈັດຕັ້ງກອງປະຊຸມໃຫຍ່ຂອງພັກທຸກຂັ້ນກ້າວໄປສູ່ກອງປະຊຸມໃຫຍ່ຄັ້ງທີ XII ຂອງພັກຢ່າງສຳເລັດຜົນ; ສ້າງສາປະເທດ ລາວ ໃຫ້ມີສັນຕິພາບ, ເອກະລາດ, ປະຊາທິປະໄຕ, ເອກະພາບ ແລະ ວັດທະນາຖາວອນຕາມເປົ້າໝາຍສັງຄົມນິຍົມ.
ພັກ ແລະ ລັດ ຫວຽດນາມ ໄດ້ສະແດງຄວາມຮູ້ສຶກດີໃຈ ແລະ ພາກພູມໃຈທີ່ສຸດ, ພ້ອມກັບບັນດາຜົນງານສຳຄັນທີ່ສອງພັກ, ສອງລັດ ແລະ ປະຊາຊົນ 2 ປະເທດທີ່ບັນລຸໄດ້ໃນໄລຍະມໍ່ໆມານີ້, ສາຍພົວພັນມິດຕະພາບອັນຍິ່ງໃຫຍ່, ຄວາມສາມັກຄີແບບພິເສດ ແລະ ການຮ່ວມມືຮອບດ້າລະຫວ່າງ ຫວຽດນາມ ແລະ ລາວ ໄດ້ສ້າງຕັ້ງ ແລະ ຫຼໍ່ຫຼອມໂດຍປະທານ ໂຮ່ຈີມິນ ແລະ ທ່ານ ປະທານ ໄກສອນ ພົມວິຫານ, ປະທານ ສຸພານຸວົງ, ເຊິ່ງບັນດາການນຳຂອງ 2 ພັກ, 2 ລັດ ແລະ ປະຊາຊົນຂອງສອງປະເທດ ໄດ້ອອກເຫື່ອເທແຮງເພີ່ມພູນຄູນ, ປັບປຸງ ແລະ ພັດທະນາຢ່າງບໍ່ຢ່າງບໍ່ຢຸດຢັ້ງ, ນັບມື້ນັບກ້າວເຂົ້າສູ່ລວງເລິກ, ແທດຈິງ ແລະ ມີປະສິດທິຜົນໃນທຸກຂົງເຂດ, ປະກອບສ່ວນຢ່າງຕັ້ງໜ້າເຂົ້າໃນການປ່ຽນແປງໃໝ່, ສ້າງສາ ແລະ ປົກປັກຮັກສາປະເທດຊາດໃນແຕ່ລະປະເທດ.
ພັກ, ລັດ ແລະ ປະຊາຊົນ ຫວຽດນາມ ຍາມໃດກໍ່ນັບຖືຢ່າງສູງ ແລະ ຈົດຈຳການສະໜັບສະໜູນອັນເຂັ້ມແຂງ, ການໜູນຊ່ວຍອັນໃຫຍ່ຫຼວງ, ລ້ຳຄ່າ, ສຸດອົກສຸດໃຈ, ມີຄວາມໝາຍ ແລະ ມີປະສິດທິຜົນທີ່ພັກ, ລັດ ແລະ ປະຊາຊົນ ລາວ ອ້າຍນ້ອງ ໄດ້ມອບໃຫ້ພັກ, ລັດ ແລະ ປະຊາຊົນ ຫວຽດນາມ ຕະຫຼອດໄລຍະຜ່ານມາ. ພວກຂ້າພະເຈົ້າຈະເຮັດຈົນສຸດຄວາມສາມາດຂອງຕົນພ້ອມກັບພັກ, ລັດ ແລະ ປະຊາຊົນ ລາວ ເພື່ອຮັກສາ, ປ້ອງກັນ ແລະ ເພີ່ມພູນຄູນໃຫ້ສາຍພົວພັນສາມັກຄີແບບພິເສດ ຫວຽດນາມ - ລາວ ໃຫ້ນັບມື້ນັບພັດທະນາ, ເພື່ອຜົນປະໂຫຍດຂອງປະຊາຊົນແຕ່ລະປະເທດ, ເພື່ອສັນຕິພາບ, ສະຖຽນລະພາບ, ການຮ່ວມມື ແລະ ພັດທະນາໃນພາກພື້ນ ແລະໃນໂລກ".
* ເນື່ອງໃນໂອກາດນີ້, ທ່ານເລຂາທິການໃຫຍ່ ຫງວຽນຟູ໋ຈ້ອງ ໄດ້ສົ່ງກະຕ່າດອກໄມ້ອວຍພອນທ່ານເລຂາທິການໃຫຍ່, ປະທານປະເທດ ລາວ ທອງລຸນ ສີສຸລິດ; ທ່ານຜູ້ປະຈຳການຄະນະເລຂາທິການ, ຫົວໜ້າຄະນະຈັດຕັ້ງສູນກາງ ນາງ ເຈີ່ນທິມາຍ ກໍໄດ້ສົ່ງກະຕ່າດອກໄມ້ອວຍພອນທ່ານຜູ້ປະຈຳການຄະນະເລຂາທິການ, ຮອງປະທານປະເທດ ລາວ ບຸນທອງ ຈິດມະນີ ແລະ ທ່ານຫົວໜ້າຄະນະຈັດຕັ້ງສູນກາງພັກ ປະຊາຊົນປະຕິວັດ ລາວ ສີໃສ ລືເດດມູນສອນ. ທ່ານຫົວໜ້າຄະນະພົວພັນການຕ່າງປະເທດສູນກາງພັກ ເລຮ່ວາຍຈູງ ໄດ້ສົ່ງຈົດໝາຍອວຍພອນເຖິງທ່ານ ທອງສະຫວັນ ພົມວິຫານ ຫົວໜ້າຄະນະພົວພັນຕ່າງປະເທດສູນກາງພັກປະຊາຊົນປະຕິວັດ ລາວ.
ມິງດຶກ
